康瑞涼茶 (已結業)

這家聞名以久的台式糖水店，因為它下午四時才開門營業，我一直都沒機會來吃。原來真的好受歡迎啊~ 我們甫坐下不久，外面就排滿人，有等內用也有很多買外帶。各種糖水的用料的確充足，但又未至於勁好食，$25碗還算划算。門口有一幅彩色瓷磚牆，好花俏。(左起) 特式仙草百配、椰奶紅豆沙配、桂棗雪耳湯底配。三款都有芋圓、地瓜圓和小丸子，我覺得不算很彈牙，而且有點淡口。粒紅棗就幾大粒。

話說之前去開長沙灣食晚飯，諗起想試好耐嘅糖水舖就喺無幾遠嘅深水埗，於是飯後同朋友去咗食個飯後甜品。之前網上有好多人推介呢間嘅台式芋圓地瓜圓，話好多人排隊試食,好好彩當晚咁啱有人走，唔使等位即入。呢度主要喺中式糖水配芋圓地瓜圓，如果唔鍾意，可以改配湯圓都得。天氣咁熱，所以我點咗特式仙草百配，配料好豐富。芋圓，地瓜圓嘅份量好多，都幾煙韌，但芋頭或蕃薯味比較淡。仙草好滑溜，紅豆夠腍，唔會好甜。混合各種配料一齊食， 口感好豐富。難得大大碗足料糖水，都只係25蚊，抵食

一向愛食台灣芋圓，香港賣芋圓既甜品台不多，今次聽友人推介依間係深水埗既芋圓，決定黎試一試！星期三晚飯過後便與友人由太子步行過黎深水埗，散步消化一下，食甜品先無咁大罪疚感哈哈！平日晚上人流不多，即刻有位，我點了薑汁丸子，友人則點了酒釀桂花丸子。薑汁味濃而不甜，岩哂寒底既人士！芋圓、地瓜圓同白丸子份量十足，加埋蛋花，好有台灣味道！

呢間前排好hit嘅芋圓近排唔洗排隊都有得食喇，芋圓材料好足，地瓜圓小丸子仙草全部有齊，但係個人覺得呢間芋圓冇芋頭味，地瓜圓亦冇蕃薯味😂兩者食落差唔多，唔睇顏色真係分唔到。仙草唔夠甜，整體食落有啲太淡🤔有點兒令人失望。

同朋友喺太子食完飯，慢慢行消化下，行左10分鐘左右嚟到深水埗食糖水。喺呢間糖水舖未開之前，已經喺醫局街間中醫涼茶舖食過一次，嗰陣時開始出名，出名大大碗，仲有好多粒芋圓，雖然要坐摺櫈喺舖頭出面食，但都吸引好多人慕名而來。講返今次碗糖水先，首先，個蛋花已經非常吸睛，冇得頂我叫左酒釀桂花，芋圓地瓜圓都煙煙韌韌，糖水偏甜，好香桂花味，我好鍾意，不過冇咩酒味。友人叫咗碗薑汁，薑味很重，甜甜地又唔太辣，好適合女仔飲推介

之前同朋友去過醫局街舊店食過一次，後來聽聞新店搬到荔枝角道，再有機會品嚐一下，我選了「椰奶紅豆沙配芋圓、地瓜圓、小丸子，價錢合理$25一碗，而且有其他糖水底可選，例如：椰汁西米露、桂棗雪耳湯底、綠豆沙、酒釀桂花等，按照自己口味選擇。糖水不是很大碗，配料十足，但略嫌太甜，紅豆沙味道蓋過芋圓、地瓜圓，同普通麵粉檲差不多，不見得特色之處。店鋪位置不太方便，所以平時未必特意到訪再食，但整體而言，新店比舊店座位寬敞好多，可以容納到更多客人。

其實已經紅左一排既康瑞涼茶終於有機會試到了😋😋😋成日睇人地d相都會覺得好大碗好大碗 會一個人會食唔晒😂😂😂今日終於有機會去試喇🙈🙈🙈 門口唔算多人等一去到就可以去食喇😋😋😋叫左menu上既1號糖水 黎到原來都唔係好大碗係一個人都可以食得晒架😂😂😂😂😂（但係睇相真係好大碗呀😭😭😭）佢入面啲配料都好多 好足料👍🏻👍🏻👍🏻分別有芋圓、珍珠、薏米、西米、紅豆同涼粉仲有唔小得既花奶😝😝味道同普通糖水鋪都差唔多冇乜特別太大嘅唔同但係唔會特登去排隊等入去食😂😂😂😂😂

依間糖水店以前只係賣涼茶 但係依排轉賣左糖水之後突然間出名左好多 聽聞招牌係食芋圓 一場黎到 就試下佢個特色仙草芋圓 $25都幾多料有地瓜圓 紅豆 小丸子 仙草 芋圓 西米食落口煙煙unun 用料充足 一啖咁多料食落口口感好豐富呀

細妹介紹話SSP 有間跌打舖夜晚會轉賣甜品, 仲要平靚正, 一直都好想去試, 終於有機會啦😋😋😋去到發覺間舖已經變躖專賣甜品, 應該係因為d 甜品太受歡迎? 😆 呢個1號仙草甜品大大碗都只係$25, 仲有好多芋圓, 紅豆, 珍珠同西米等配料, 芋圓食物好煙韌😋 d 仙草食落好似啫喱咁不過唔甜, 清清地好透心涼😍😍😍其實而家出街食甜品真係貴咗好多, 難得呢間好味又抵食, 坐得又算舒服~ 雖然選擇唔多, 不過淨係食1號都夠啦😛😛😛

今日難得係深水埗早做完野就行去食我其中一間好鐘意食既糖水鋪 - 康瑞每個月，我都忍唔住一定食返1、2次點解？價錢合宜得黎，製作同品質都Keep得好好，特別搬左黎新鋪後，有位坐又有冷氣舒服好多我通常黎食兩樣: 特色仙草百配 & 桂棗雪耳甜湯清熱降火每次想食甜食近近地就過黎而我今日食仙草百配佢仙草整得好滑，冇雜質，配上其他不同種類既配料，非常夾，而我亦愛熱食，因為仙草會更滑最重要係份量大得黎價錢平，同埋味道一定係中上以上！所以我真心推介各位得閒食下！

係太子食完飯見仲早，就決定行去深水埗康瑞涼茶試下呢間之前係涼茶舖賣糖水既糖水小店。據聞佢既芋圓係好唔錯既，就等我地去試下真偽。新店座落於荔枝角道大馬路旁，距離地鐵大約8分鐘路程，比舊舖方便同易搵。我地去到大約係9點，門口已經有人等緊位。門面都幾靚，比起舊店新同靚。係門口已經痴左menu，仲有埋糖水既圖俾大家參考。康瑞既選擇唔多，大部分都係一d比較傳統既中式糖水。價錢都算相宜大眾化。店內枱既數量唔多，大概容納到20-30人，難怪去到都要等一等，尤其係6人以上既大枱。仙草百配好多料！有芋圓、珍珠、紅豆、仙草、西米等等。糖水既汁底味道配合得好好，唔會太甜又唔會好濟。配上甘多有咬口既料好好味，芋圓口感好好，唔會過硬或過林。值得推介！腐竹糖水內有蓮子。佢唔係褒到d腐竹融曬個種，而係冰花腐竹糖水，食落會較有口感。甜度對我冰岩岩好，不過如果唔中意甘甜既朋友應該會略嚴甜左少少。總括而言，去康瑞會比較推介大家試仙草百配，比較特別同埋真係好味，好似係台灣食咁👍🏻👍🏻👍🏻

自從搬鋪之後...第一次過黎食。依家乾淨左同坐得舒服多...唯一冇變都係咁好食😆今日專登迫朋友叫其他糖水...試下其他野😏特式千草百配呢個招牌...無可能唔叫。芋圓同地瓜圓真係好似去左台灣食咁...仙草 好似食緊啫哩咁。一次過幾種配料一齊放入口 好滿足。椰汁西米露有個朋友比較有性格，鍾意叫最普通野。呢個keep住普通味腐竹蓮子清清淡淡...同出面食既分別係有芋圓。椰奶紅豆沙唔似傳統紅豆沙...咁濃味同沒沙。鍾意食傳統野既朋友 都係唔好試啦

食完晚飯就當然要去食返個糖水啦，「康瑞涼茶」我記得喺上年冬天時食過一次，當時係醫局街果邊，仲係做緊醫館舖，要坐出門口，我只記得好多好多人等。今次感覺就好很多了，朋友回家帶了小毛孩出來，所以我哋就坐係門口張枱，老闆亦都好好，好歡迎🐶，即使🐶係門口尿尿咗都只係叫員工幫手清理佢沒有黑面👍🏻。（我哋都唔好意思😝）《椰奶紅豆沙》少少椰香味，偏甜但我喜歡《特式仙草百配》本身都想試呢款，但見到佢內容好豐富驚太飽所以冇點，朋友點了，貪食既我當然試少少，仙草好滑溜，地瓜丸細細粒唔只係一團粉仲有少許既地瓜粒好煙韌，口感豐富，食晒成碗應該好飽。《薑汁配芝麻湯圓》沒有試到只聞到好香既薑味

好掛住台灣九份既芋圓，為左止住又要出走既❤，就搵左間芋圓解癮。本身冇咩期待，每次係香港食芋圓都覺得差啲康瑞甜品其實我食過好多次，因為真心抵食。$25勁大碗，點食都食唔曬，唔似出面得三四粒芋圓。我食大多都會嗌佢既招牌，特色仙草百配，雖然佢其他款都好正，但呢個真心一定要嗌，超足料，真係綜合曬所有既野比你，滿足你所有要求，性比價勁高⬆好多人都話呢間野要排好耐隊，但我次次都好快入得，最慢都5分鐘，不過可能我通常8，9點就去，比較早去啦。環境正正常常，係一般中式糖水鋪格局。

呢排芋圓都好hit，所以今日就同fd去穩下一間又賣涼茶又有糖水食嘅舖頭，我第一下聽到都😲涼茶舖有糖水食，而我fd仲話好出名，於是我慕名而去，場內座無虛席，meun上差唔多都係芋圓配一d嘢，真係好多款。於是我揀咗紅棗雪耳（因為我唔食嘅關係走咗紅棗），而我fd叫咗8寶（無記錯的話）。其實碗嘢都唔算貴廿蚊，但d芋圓都幾Q口嘅，同多款式，但係我覺得無傳說中講得甘勁😂😂😂，因為我覺得佢d芋圓偏硬，食落有d頂胃，不過夏天食都幾清爽，係一個唔錯嘅選擇