度小月 (V Walk) (已結業)

大家知道台灣「度小月」的故事嗎？ 這要說回1895年的台南﹐洪氏一家本以捕魚維生，但每逢淡季 (即小月) 漁獲大幅減少，他們就會挑著擔仔到街上賣擔仔麵，賺錢養家，「度」過「小月」。度小月擔仔麵風味獨特，很快就賣到街知巷聞，現時已是第四代經營，不但在台灣的名字響噹噹，近年更發展海外分店，在南昌站V Walk最新開的，就是本地第三間分店。每逢月尾，如果我也要「度小月」，我覺得來這裡也是不錯的，因為價錢不貴，來吃一碗米粉＋一個小吃已十分滿足，試過他們的下午茶餐，更是抵吃到無朋友。這天來到南昌店，則是想一試他們的獨家菜式，如：台式生炒花枝、三杯中卷、豆豉鮮蚵等。烤紹興香腸 $28榮膺「我今天最喜愛小吃獎」的，是這款烤紹興香腸。香腸甜甜的帶酒香，肥肉不多，吃前鋪上生蒜片及菜絲，蒜香菜爽，令人回味無窮，吃完一片又一片，然後晚上一上車，「俾錢仔」就問我為何個口咁臭😅，唏，真沒禮貌😂😂😂！擔仔米粉 $28、擔仔雙拼 $35、祖傳肉燥飯 $28另一最愛就是擔仔米粉了，有純米粉或雙拼 (加粗麵)，我個人較喜歡前者，因為幼身的米粉可以掛更多湯，很適合我這湯怪。肉燥一定無得輸，味道濃郁，配合爽甜鮮蝦，正到無

假期又到終於有時間係屋企附近睇下有咩好食,係商場行黎行去諗諗下不如直接食個大家樂就算, 點知係大家樂見到一間新台式餐廳開左,裝修幾有feel之餘仲有樣野好吸引到我注意, 就係佢地不停係度炒製佢地嘅肉燥, 見住啲肉燥不停咁係度炒製,個感覺都真係好治愈架,係拎飛等位時仲發現原來可以有罐頭肉燥可以買走,心諗如果好食仲可以買啲番去撈飯食,所以都幾期待。之後一坐低就緊係要叫番碗肉燥飯食下先啦!跟住仲叫左個小食同花蛤, 肉燥真係唔錯不愧為招牌,入口唔會太油膩，如果多啲飯就更好，另外花蛤清甜，剛好去到肉燥嘅膩感聽啲店員介紹原來仲有好野食，下星期都會再黎食下

去過台灣既，應該唔會冇聽過「度小月」呢個名～早年佢終於開到嚟香港！但就一直都未有機會試到⋯今日同朋友仔去開深水埗行街，竟然見到佢喺呢度開左分店！緊係要入去試下啦！佢個menu入面可以搵到晒台灣必食既野！我地小小地叫左個祖傳肉燥飯（$28）同埋蚵仔酥（$68）。因為我好鍾意食肉燥飯，基本上係覺得去親台灣餐廳都係必食既，所以私心點左呢個。以佢咁出名既餐廳，咁既價錢絕對相宜，肉燥份量多，鋪滿晒成個飯，好味！蚵仔酥就朋友想食～佢炸得好香口，外面層粉好薄，蠔味十足👍唔係之前食左lunch唔會叫咁少，下次encore食正餐先～

今日經過見到度小月，滿心歡喜就諗住試吓呢個商場新開呢間度小月，所以我同朋友就入咗去。我哋叫咗炸花枝丸，炸雞同一碗麵。麵都ok，不過好細碗食兩啖就無咗。至於炸雞同花枝丸係非常難食，似翻炸，啲雞食落去好硬好硬，花枝丸外炸皮係好難食，我都未食過咁難食嘅炸嘢好彩我哋叫咗三樣嘢先，諗住食完再叫。點知難食到我哋食完就快快趣走。我哋仲要揾過第二度食過，加上新開已經有(蚊之)衛生度就一般般。我唔會再去佢哋店食，見到度小月都無曬食慾

我去台灣未試過度小月，都聽聞過佢既名氣，V walk有開，肯定要試下。擔仔米粉祖傳肉燥飯蚵仔酥炸花姿丸整體來講，各樣食物，味道都唔錯，都幾有台灣街頭風味既。至於有無台灣店既水準，就無得對比了。不過份量比較少，係掃街買到既份量😂性價比我覺得偏貴少少，因為一人平均一百，都好似無咩食到。不過都無再點了，無咩食正餐既感覺呢。

台灣野係香港都算係一個熱門菜, 我都成日食台灣野, 不過就好小會去啲台灣過江龍去食台灣野, 今日見屋企附近個新商場入邊有開左呢間度小月，好耐之前都有睇過啲網上廣告話度小月呢個品牌係台灣黎的, 係香港有好幾間分店, 不過香港話大唔大話細唔細咁, 我就好懶去搵一間餐廳開飯 , 但係今次佢開到埋黎身邊咁就當然要去食下啦, 一去到餐廳已經見到職員不停係度整傳說中嘅肉燥飯, 呢度嘅肉燥係罐頭都有得賣，真係利害利害,所以一坐低就要左個肉燥飯食，食落果然唔同啲，夠惹味之餘配飯一流！另外其他小食都即叫即整，真係果然過江龍係唔同啲

名震天下的百年美食品牌——度小月，落戶香港已經一段時間，今天終於有機會試試。說是台灣菜，餐牌上的食物當然是充滿台灣特色了。食物的款式和名字，均散發着濃濃的台灣味。食物的價錢相宜，偏向大眾化。是晚單人匹馬進餐，點了兩款食物，均為清淡而不油膩的選擇。和風秋葵底部放有一片片蕃茄，上面是一片片長短均一的秋葵。秋葵被譽為黃金植物，營養豐富，有助降脂和血糖，有超級食物的美譽。秋葵的獨特香味非常吸引我，這簡簡單單的一道小菜已經令我相當滿足。溫泉絲瓜蛤蜊以薑絲和絲瓜煮成的湯，清淡得來又帶鮮味。新鮮蛤蜊，味道鮮美。

今晚同話好少食台灣嘢小妹妹食飯，帶左佢深水埗新商場V Walk 度小月，原來個商場都幾方便，食完又有得行街街！我首先點個酥炸蚵仔，每件細細粒，唔覺唔覺就食多左，鍾意佢一啲都唔油同埋粉漿唔會太厚！蠔仔一啲都唔腥，小朋友都鍾意食！滷肉飯玩嘢點可以唔食鹵肉飯, 呢度係細細碗, 唔會太飽, 食到唔同款嘅小食, 唔會有好多肥肉, 而且味道恰到好處唔會太鹹, 好有台灣風味.台灣肉腸到一片片好似啲烏魚片咁, 以前食啲台灣腸會有好多肥膏, 呢個一啲都冇, 而且比較乾身, 易入口.妹妹話呢一餐好好味下次要去嚟食過.

今日同老婆放假見深水埗開左間新商場，緊係去朝聖下，但未行前，雖然食左早餐，但都要食少少野制下個五藏廟，上到去見到有間台灣過江龍"度小月",我同老婆2話不說衝入去揾下d台灣味，入到去環境好舒服，服務員好nice,餐牌選擇同我係台灣食既差不多我地2個人叫左2樣野，第一個係"蚵仔酥",黎到發覺分量唔細，幾多，食落口，外脆內軟，好多汁，好新鮮，d味粉好均勻第二味係"溫泉絲瓜蛤蜊",d絲瓜剛剛好，唔會太淋，口感一流，索晒d蛤蜊鮮味，湯好甜，蛤蜊好肥美。下次要同老婆唔食早餐黎，可以食多d

我與朋友都系台味粉絲，今次度小月開左分店響V walk,咁方便我地，點都要來試下。望左下餐牌，價錢合理，好多都想食。我地揀左祖傳肉燥飯，肉燥份量超滿足的，不會太肥，濃厚的肉汁味，系相當成功的肉燥飯。朋友點左份和風秋葵，質感清爽，很清鮮，脆嫩多汁，滑潤不膩，有少少酸醋提味，很開胃，秋葵好岩呢個季節食，秋葵為低能量食物，是很好的減肥食品之一。另外都好欣賞佢地既沙茶魷魚羹，口感好綿密，料也好豐富，令人回味無窮。

星期日諗住去新商場V Walk行下，見到度小月當然要試啦！我地兩個人叫咗3道菜，加兩個肉燥飯，食咗HKD 288，因為味道一般，CP值較低喔！首先，食台灣野當然要食肉燥飯但係食完有少少失望。整體肉偏瘦，且鹹而不香，口感唔夠好。而滷豆腐就不錯豆腐滑，醬汁都幾好味，上到台仲熱，加分！我地仲叫咗個炒花枝，份量比想像中少。配菜炒得幾好食，但花枝就完全唔入味，整體差評。最後嘅三杯雞就幾好！夠熱，夠份量！味道都唔錯配白飯係唔錯嘅選擇。整體cp值偏低，要論台灣菜應該唔會食第二次。

黎到深水埗買野行到街行夜左又唔係好肚餓，就去左度小月食個台灣野就岩架喇！呢度整體食物份量偏大，所以定價都唔算太貴。餐廳都幾寬敞，枱與枱之間唔會太逼，一坐低我就快手叫左擔仔麵,肉燥飯,鹽酥蠔仔,香腸、牛丸湯同埋奶茶。肉燥飯, 呢度肉燥飯係熱辣辣的，肉燥份量算係適中，拌一拌飯，個汁好夠好好食。然後擔仔麵份量ok，湯底唔算太油膩，味道都Ok。鹽酥蠔仔, 鹽酥蠔仔炸到外脆内軟，味道適中唔會太多味精，仲要有汁。牛丸湯算係最普通的一道小食，牛丸份量多小小就更好喇

台灣過江龍早已聽過佢既名氣，平時係銅鑼灣時代經過都會被佢食物既香味所吸引。每日黎行南昌新商場，見到有度小月，雖然要排一陣隊，但亦都證明到好多人都鐘意依間餐廳。入正題，今次叫左5道菜蕃茄秋葵Fresh，秋葵爽口，底層配蕃茄蓉，冇諗到咁夾，必推之選！肉燥飯肉碎同汁既味道都適中，很下飯。小小一碗，最能代表台灣！蚵仔酥鹽酥雞同蚵仔既混合體，平時都係食蚵仔煎或者鹽酥雞。依個混合體，蚵仔味幾鮮，但酥粉有啲位置較厚沙茶魷魚羹有菜有魷魚，味道好似飲緊沙茶醬入口，好特別，「希杰」程度適中。蛤蜊絲瓜好似港式酒樓咁，還可以。整體感覺，沒太失望，下次再試下其他菜式。

想試好耐好耐既度小月，終於都來了。之前去台南旅行的時候已經試過了。香港開分店，當然要去棒場一下。香港分店的橫潢比較華麗，台南就比較樸實一點。我的口胃比較小，所以點小食爲主，當然必點的是祖傳肉燥飯，份量小小的，是一人份的量。味道不算很濃，所以不會太油膩，整體算是不錯。而蚵仔酥，是另一個必點的，蚵仔煎在外面較常見，酥炸的蚵仔就很一次嚐到，配上胡椒粉就很搭了，不會有腥味。還有就是和風秋葵，下面的蕃茄才是重點。完全是可以解膩，而且很清甜，平常都不吃生蕃茄的我也覺得不錯。最後沙茶魷魚羹也很特別，外面應該吃不得，當作了湯也不錯。要吃正宗台南菜，度小月應該是首選。

Vwalk好近屋企，新開左個商場咁方便梗要去行下 順便晚餐叫左肉燥飯兩碗 同老公一人一碗飯就不過不失啦叫多個貢丸湯 都係普通最後叫多個灸烤胡椒肉估唔到灸烤胡椒肉好好食 個肉夠淋醬汁少少酸酸地 但又好清新好開胃 食到停唔到正啊 推薦灸烤胡椒肉