幸福城茶餐廳 (已結業)

今日同朋友行到攰是但入左幸福城茶餐廳食飯，入先見到唔少舊負評。不過試完之後，覺得佢其實唔差，無啲人講到咁誇張，都幾好食，特別係嗰種平時諗唔到食咩、想隨便搵間店醫肚嘅時候，呢度真係一個唔錯嘅選擇。而家好少見餐廳餐牌有咁多嘢揀，叫咗乾炒牛河，茄汁焗豬扒飯，沙嗲粉絲煲，食物中規中矩，都算係穩陣之選，啱晒臨時醫肚，可以再食。佢個場都幾大，坐位都算闊落舒服。侍應態度同速度正常，問佢啲嘢都有回應，食物算快到。好多人圍住個兩部電視喺度睇跑馬，個畫面都幾搞笑。

呢間所謂既幸福城，衛生又有問題食食下有老鼠在你身邊行過，食物質素牛腩唔係好軟、又煮得唔熟、牛扒又血淋淋、雞扒豬扒又硬又難食，水吧同樓面有啲員工冇戴好口罩，又講粗言穢語，有位女員工仲離譜到唔戴口罩之餘仲要對鞋連同佢自己着嚟着去都係全部黑色，成個黑衣人咁款，佢冇衣服換呀，返工出街都係黑色，食物又貴，之前未加價就去幫襯下，食左咁多年，真係唔想再去呢間餐廳食下午茶，顧客未坐低就問食乜嘢，又話怕冇人招呼，，希望呢間餐廳服務態度有待改善

搬來幾年, 經常路過, 雖然感覺環境與衛生一般, 好奇心驅使下終於嘗試幫襯. 一客簡單的星洲炒米+齋啡午餐外賣, 水準立見真章.  侍應拿來一袋, 立即心裡一涼! 還以為是拿錯了下午茶套餐. 盛載炒米的是小型膠盒, 份量少, 師傅可能吝嗇咖厘粉, 一客沒有星洲炒米獨特味道的星洲炒米 ! 自動投身做老襯, 咎由自取, 活該! 自咎應多上一層, 光顧水準穩定的佳慶大酒樓. 一盒屋苑茶記外賣小型午餐盛惠50元, 買來了經驗, 幸福城不幸福, 繼續路過罷了 !  

(之前未開openrice帳號，因為呢排忙，宜家終於可以寫食評)呢間茶餐廳，可以話係我食過嘅咁多間茶餐廳之中最……差嘅(沒有之一)！首先，第一個問題：貴。呢間茶餐廳，價錢接近係大型連鎖茶餐廳嘅價錢！第二個問題：難食。你價錢貴都算喇，或者可以從食物質素同服務方面做好啲，但係……啲食物好難食！連我點咗嘅嘢飲飲飲下有黑色不明物體，跟住成杯倒曬！而且難食唔緊要，最大問題係食完第二朝就肚屙！最後一個問題：衛生差。除咗上述嘅食完第二朝就肚屙之外，我買外賣嗰陣見到有啲地方無清潔到，好唔掂！水吧位啲伙記又冇戴好口罩！依家疫情仲好嚴峻㗎！

好味午餐十二種選擇超值 有湯有嘢飲 早晨 早晨餐有午餐有特餐一餐叉燒意超好味 早有糯米雞 大隻多料好味 平民價錢高級餐廳享受 有鑊氣推介 凍檸茶好飲 在區內極少有咁大間茶餐廳 全區最正

如果幸福城敢認全港難食第二，絕對無其他餐廳敢認第一。其實唔洗講有乜特別雷，樣樣都雷，連餐蛋麵都可以係凍既，奶茶可以次次都打瀉一半。跟住牛腩麵真係難食至極，牛腩一係全肥一係全瘦，麵有濃烈鹼水味。乾炒牛河根本係油浸牛河，跟住海南雞飯簡直係笑話來，海南雞飯係咪雞油浸飯來啊？跟住唔講味道啦，講下衛生問題，唔該幸福城換下個冷氣啦好嗎？食食下噴灰。同埋D伙計成日將拇指浸入D食物裡面。最後就係我認識唔少人食幸福城之後都屙，仲唔係有衛生問題？？？？？？

史上最求其的早餐 午餐， 因工作關係早餐 同下午餐醫肚 ，間野 真的可以用垃x圾來形容 ，價錢 貴 吾重要 比普通茶記貴3成（1）早餐 火退生 ， 蛋 一早整定 蛋黃熟哂， 面湯 完全吾熱 ，飲品 凍奶茶 有明顯苦味（2）午餐干炒牛河 超多油 ，而且是暖 ，好x求其 我諗這餐廳唯一生存到 是近些街坊 。真的好x垃圾 。 如果香港最垃圾餐廳 一定10位之內

服務態度及食物質素惡劣，衛生又唔好員工唔戴口罩今日起身去食個早餐 “幸福城茶餐廳” 再返工，跟住食到一肚氣，有個冇著衫又唔戴口罩嘅大肥佬，可能係老闆。如下：- 寫錯兩次單，嚟錯嘢價錢又貴咗少咗，仲要大聲夾惡話你講錯依家益咗你；- 個 大肥佬 同佢 水吧員工全部唔戴口罩(*只有少量侍應戴口罩，唔係對食物啲水巴員工*)，不停大聲傾計口水花四濺衛生極差；- 到第三次食物嚟得啱喇，點知個 “沙爹牛肉通粉” 浸湯太耐，啲通粉浸到溶晒好似漿糊。我真係想講粗口，態度差做嘢差都其次，最重要係帶返個 “口罩” 呀。如果唔戴口罩就唔好講嘢嘛，但又要對住啲食物 大聲同啲 水巴員工吹水，口水花四濺一啲衛生都無😡到我申個頭望下啲水巴員工，原來啲水巴員工全部都唔戴口罩，依家 “新冠肺炎” 咁流行係咪想嚇死人

Yummy! 腐乳味道好好，炸鱿魚穌好好食，金黃鮮脆，咕噜雞球好好食，有青椒，黃椒和紅椒炒，簡直絕配！仲有好多送等著大家，不妨來試試吧！………………………………………………………………………………

因為讀既學校接近呢間餐廳，食飯時間又唔多，所以成日都要食幸福城。講真，去得愈多愈覺得呢間餐廳有好多缺點，首先，同其他同類型茶餐廳的價錢相比之下，幸福城收得太貴，例如單叫一碟薯條就已經$20。而且整間茶餐廳的地面滿佈垃圾，皆因茶餐廳的員工 隨地拋廢紙。另外設備上， 枱櫈都用了相當長的時間，枱面上有水漬，令人無咩食慾…員工的態度亦一般，而且大多數落單都要講幾次先聽到。

早餐糯米雞正，凍寧茶，叉燒腸，沙嗲牛肉麵，粥，很全面早餐茶餐廳，凍天煲仔菜超正，價錢合理，大眾化，經濟，街坊生意，午餐麻麻，晚市小菜，歷史很久，以前有BB乳鴿，炸雞比，薯條很好味。

今日跟男朋友去了食tea, 只是隨意的叫了兩樣：炸雞脾拼薯條及奶醬脆豬包～ 因為是附近地方的獨市，所以價錢比較貴少少，但資素也不錯，所以奶醬脆豬包：花生醬及鍊奶落得好多，而且嗰包都幾脆，不錯～ 我另外點了熱檸蜜，加了＄3，都幾大杯，ok 既～炸雞脾拼薯條：雞脾則炸到有點兒過火了，所以皮很硬，肉很乾，但薯條則不錯，很香很好吃～ 我跟男朋友見到伙記拿這碟食物來時手亦拿著幾碟炸的食物，所以我男朋友說可能因為要一次過炸這麼多，導致火侯太過了～

叫左瑞士雞翼公仔麵。衛生環境很不好。奶茶最先到，味道正常，之後上的雞翼是白焯的，上碟已經溶溶爛爛，色水好明顯是後加的，味道有雪藏味，麵有陣膠味，各咬左一啖即走，仲收36蚊，價錢是其次，煮法求其，簡直侮辱左食物，仲侮辱埋自己個胃！

我的媽媽在兩星期前一個周末下午，因她年紀大，不方便行太遠，便光顧了附近的幸福城。她叫了一份海南雞飯，海南雞的賣相一“pat pat”,啲飯比油浸住 (油浸飯)，無哂謂口，成個飯都没有吃，我媽媽便埋單結賬走了，然後一肚氣回家……我非不得已都不會幫襯這間茶餐廳，因食物真的很求其，價錢又貴……又唔改善……上年我在報紙上看到地產商不與它續約，天有眼，心裡歡喜若狂，終於有新食店進來, 有選擇了，期待(真正)的幸福……

今天下午, 我求其找一間茶餐室吃飯, 到了這間幸福城茶餐廰, 坐落叫嘢食後, 就覺得一點兒也不幸福呢.首先地方環境, 真的嚇人一跳, 地下周圍滿佈都是落單後的廢票及用過的紙巾.(照片所影的, 只是其中一角)叫了個常餐, 內含有1. 火腿+煎蛋,  2. 雪菜肉絲米, 3.凍奶茶價錢比其他餐廳貴唔再講, 食物方面真的差勁, 煎蛋一件, 是凍冰冰的, 好彩;他們還肯換回一件熱的給我.雪菜米方面, 我發現一點不應在這碗雪菜米現的東西在這米粉現， 我把它tick 了出來算了, 因我怕投訴多, 他們會.....凍奶茶 - 哈哈, 奶多過茶囉, 一杯好飲的奶茶, 應該是茶奶適中先至好飲呢, 雖然各人口味唔同, 但奶茶都應該是以茶為先的呢, 雖然奶茶是奶字先行!