幸福單品咖啡

營業中

休息中

幸福單品咖啡室麻雀雖小但五臟俱全，店舖面積很細小，但座落在屋苑的平台，十分開揚，尤其在秋天時間吃一份三文治，喝一口咖啡，享受週末的慢活特別舒適。咖啡室不是外國人主理的那種西式感覺，而是港人走西式的那種融合感覺，店主很熱情好客，而早餐餐單大多可以按個人喜好自由配搭，本次我就與友人試了鹹牛肉炒蛋三文治及牛油果炒蛋三文治。價錢與食物質生活素是成正比的，而我認為這兩份三明治的價值是遠高於價錢。三文治當然即叫即製，拿起三文治時有燙手的感覺，配料十分充足，麵包是厚切的，整個三文治的口感很豐盛。就餐時店舖全院滿座，在等候的過程也感受到樓面及廚房的忙碌，但無損食物的質素及就餐體驗。本次特意到西營盤走走吃吃，只在幸福單品咖啡填飽肚子，下次到西營盤必會試試他的咖啡！老闆跟我說介紹多些朋友前來光顧，有熱誠的小店當然支持！

1️⃣「超。幸福三文治🥪 ($55)」多士香脆 厚身 有三層咁厚 一啖食唔哂😳有餐肉炒蛋海苔芝士青瓜火腿爆多餡 即叫即整 冇唔好食嘅理由💞「Signature Sandwiches🥪 ($65)」is scrumptious! It is super thick and stuffed with pam, scrambled egg 🍳, dried seaweed, cucumbers 🥒, cheese🧀and ham. Why don’t you have big bite of it? It is freshly made! Love it💞-2️⃣「牛油果炒蛋芝士三文治🥑($50)」呢個配搭超好食 又健康😚牛油果超級熟 蛋滑lulu 正💞「Avocado scrambled egg cheese Sandwiches ($50)」is fantastic ! All ingredients are nutritious and perfectly matched! It is must-try💞-3️⃣「抹茶卷蛋💚($25)」有抹茶香味 但回甘味唔夠 都幾濕潤 做飯後甜品唔錯😝「The

/幸福單品咖啡🇭🇰/#sa西營盤篇 #sa三文治篇 #sa良心小店篇➖➖➖其實以前唔係話特別鍾意食三文治但最近呢一兩年就係忽然愛上💛特別係蛋治😚😚一直仲慢慢清梗個list🤣🤣放學番到屋企附近決定食個tea之前都見有好多人推呢間又幾有驚喜😋😋因為好少揾到咁足料又好味嘅三文治之所以係良心店係8.5 同9.2曾經參與過罷市👍🏻➖➖➖1️⃣幸福三文治 $40有芝士、餐肉同炒蛋黎到嗰刻係呆左🤣🤣因為平時食嘅大部分都係得兩件而呢度係有4️⃣件！相等於兩人份量 不過太肚餓 所以都食得晒😏雖然呢幾樣都只係普通食材但都可以簡單而豐富 莫名其妙有種滿足感🥰而且食完都唔會好膩～真係覺得好幸福hehe🤤💛包體可以揀麥包/白包 包烘底😚我就揀左麥包～夠新鮮香口而且無因為入面餡而腍左💛炒蛋呢個係最鍾意嘅餡💛😛份量幾足料 都佔左一部分蛋炒得夠嫩滑 係有蛋汁嘅🥳而且頗有蛋香 加埋芝麻粒幾香口！增添左另一種口感～💛午餐肉呢個配搭不嬲都係match😋加左落三文治到更惹味！💛芝士半溶狀態不過食嗰陣就唔太覺🤭俾蛋同餐肉搶左風頭可以再多啲就好！➖➖➖分數: 8.8/10➖➖➖2️⃣玫瑰奶茶 $30(H)/$32(C)仲有焦糖/榛子/士多啤

🥪超•幸福三文治($55)🔻#兔_黃色小店推薦指數:🌕🌕🌕🌕🌑甜度:少鹹🌑🌑🌑🌑🌑質地:鬆軟🔺唉，好手殘地成篇稿del左😭因爲食左都有段時間，所以都唔係好記得🥺我淨係記得依份三文治，一共有4件，但係2件都已經係平時外面食一份三文治嘅份量，超厚~的說😋麵包係用上起厚片全麥方包，以牛油微微煎過但表面唔算煎到好香脆，連皮嘅方包大讚🤪口感up，我記得第一啖食係食到味道偏鹹香嘅紫菜，然後覺得有d鹹😂不過好彩包夠厚，上下一層，中間再夾多層，其實一啖真係食唔晒d餡。然後我揀左不敗組合炒蛋配香葱👍🏻💚還有炒蛋配薑汁都幾特別~炒得嫩滑有油香，配料還有午餐肉 芝士 青瓜 火腿😚爽脆可口，層次豐富。💚綠茶卷蛋($25)店主伯伯睇落好cool但內心非常友善，不停為我地加水，對住d客人前後 聽得最多就係不停講“多謝”😳見我咁大份食得咁狼狽，又遞紙巾比我❤️又會問下我地d咖啡得唔得😆好食的話叫我地下次再泥~😎小店不嬲都支持💪除左對天水圍人遠d之外🙊-相對三文治，卷蛋顯得真係有點失色，就是傳統餅店食到1pack個種忌廉卷蛋，幸好忌廉不是太厚，質地都鬆軟厚切，但就無乜特別，綠茶味係零😂會寧願食多份三文治🤪🥪

很久以前已經想去一些不是連鎖經營，平民貼地的cafe。今天體驗真的好幸福，心靈得到舒緩。首先一入店裡，老闆娘面帶笑容向我說: 早晨！歡迎你。接著老闆在廚房亦用溫柔聲缐「歡迎你」感覺很窩心。店內面積細細，但都有5張枱，可容納12-14人左右，而室外亦有2張枱，如果與狗狗一起來就最好。我自己選擇坐室內，佈置令人很放鬆，枱上亦用油畫作點綴，十分特別😍食物選擇亦多，有港人早餐必吃的公仔麵，三文治，而我就揀咗牛油果煙肉三文治，份量十足，足夠二人的份量，等如2份三文治，而且價錢$50，十分街坊價海鹽Latta很重鹽味，口感十分幼滑

喺social media睇到有人介紹好似幾好咁就拉埋朋友去港島行一轉順便搵下呢間小店。呢間真係隱世小店，都幾難搵，喺個平台度，好易走漏眼。小店並唔大，得14個位，但唔知係咪因爲冇外開到露天地方。野食嗌咗2份三文治，一個超•幸福三文治同榛子醬香蕉三文治。三文治嘅面包搽咗牛油再烘，內餡都好足料，上枱嘅時候絕對會俾佢吸引咗。唔單止外觀上吸引，味道都絕對唔輸得，又熱辣辣。飲品方面，自己嗌咗凍海鹽焦糖咖啡，外觀上一般，但內裡先係重點。平時凍飲都係加普通嘅冰，但佢有一舊咖啡冰，值得一讚，飲到最後都係濃濃嘅咖啡味。

最近的種種事件確實令人喘不過氣來，小店中的人情味更來得珍貴。這小小的咖啡店位於西營盤的小角落。縱使店內的座位不多，枱與枱的距離也較近，店內的顧客都很有禮的把聲音調至不會影響人的音量。店內主打不同的單品咖啡，我看著不同種類的咖啡，價錢由$35至$150， 頓感茫然，決定問問老闆娘。她介紹我喝「意大利」，是餐牌上沒有的，即管一試。這杯單品令我喜出望外！咖啡溫度剛好，就是可以直接入口的溫度。咖啡的層次豐富，嗅起來有果仁味，喝起來卻有朱古力的豐厚。在動蕩的環境下感到難得的滿足。老闆娘很窩心，離開時自信滿滿地問我喜歡此咖啡與否。相信她對自己的出品十分有信心。

上回提及係兩草食lunch份量少而且坐唔夠一個鐘見食完又多人等位就識趣離開難得嚟到西營盤 又未食飽就search間咖啡店坐下搵到幸福單品咖啡 睇相片幾吸引就去西營盤啲路真係好錯綜複雜睇住地圖都行錯路 原來高街上條電梯就到入到去老闆就熱情招呼我地坐低當時店內有一位客環顧店內坐位真係好少應該約坐到十人但樓底不矮 沒太大壓迫感店內裝修親切 好有小店風味好吸引餐牌有非常非常多咖啡選擇 放心 唔飲咖啡嘅都有不少非咖啡類飲品供選擇食品以沙拉,三文治,港式麵食為主最後小編同朋友點左三杯飲品兩份主食真·幸福三文治($60)麵包可揀白麵包或麥包炒蛋亦可選配不同材料炒小編就揀左黑芝麻嘩!真係不得了一上檯 超級下份量性價比之強實在嚇人 好抵食烘到脆一脆嘅多士夾住炒蛋·餐肉·芝士·生菜·吞拿魚無改錯 真係好幸福呀! 係愛嘅感覺呀多士切成四份餡料夾得好好 又俾得大方即使小編不顧儀態張大個口食都唔會散炒蛋滑 午餐肉煎得香脆 生菜新鮮份三文治真心係食得出誠意同人情味牛油果蕃茄沙拉($68)多士新鮮烘 不敗牛油果有一些不夠熟 不過問題不大配上芝麻醬及蕃茄非常清新中和一下三文治嘅heavy感芝麻醬順口 不會像日式的嗆口

如果說，去了會變幸福，會誇張了嗎？在充滿住社會煩惱既日子，搵到一個可以放低一切既地方，實在難得。呢間小店會係我既首選。名副其實既小店，位置大約十個。坐位不算寬敞，卻令人舒服。舒服在於老闆娘既親切態度。老闆娘每一句招呼、每一次招待，都令我覺得自己融入呢間小店。舒服在於客人既互相幫助。老闆娘在忙時，可能未必照顧到每一位客人，熟客便會幫忙遞餐、水等；有外國人來，客人又會幫忙翻譯。說這是一個小社區，亦不錯。小店主打單品咖啡，大約二三十款單品咖啡供應，餐牌上每款都有其味道介紹，最適合怕羞仔慢慢睇，睇完先落單。食物我點了幸福三文治。說實話，好好味。單純既味道、幸福既感覺。如果要形容到像拍電影既感覺，未免失實，但就是令我感到滿滿幸福。麵包咸脆、餡料豐富、新鮮熱辣，夫復何求？價錢黎講，單品咖啡黎講真係超平。最平35蚊一杯。三文治以份量計亦是超值之選。幸福，是主觀的。而這小店便是我心水。

住喺幸福附近，不時都會去食早餐。食物，咖啡確實不錯。不過真係要自己睇清楚自己食左乜，每樣食物又係幾錢，不止一次，老闆娘講左幾錢，但我因為要同朋友計番各自食幾錢，自己拎menu計數，跟著老闆娘就話自己攞錯第二張枱嘅單，次次錯都係收多我錢。。。你當我係小人之心度君子之腹。總之大家記住check清楚記低食左幾錢！

同朋友行開西環，諗住搵間舒舒服服嘅cafe坐下，咁啱見到呢間小店。店鋪雖然細細地，檯嘅數量唔多，但係都坐得舒舒，老闆又好好人可以叫佢推介當日有咩好飲嘅咖啡。絕對係良心店鋪，三文治好大份，好足料兩個女仔食一份都夠飽😋今次叫咗一份牛油果芝士炒蛋三文治同一杯非洲產地_極品摩卡，三文治大大份，好足料，牛油果好新鮮，炒蛋都好滑咖啡入口甘香，有少少堅果香味。朋友叫咗杯凍咖啡，連粒冰都係用咖啡整，唔驚啲冰溶會沖淡咗杯咖啡！

星期六好想好想食個幸福滿滿的早餐，所以Fatbrown 千里迢迢黎到位於西營盤的幸運單品咖啡尋找幸福感西營盤地鐵站行出，揾左大概五分鍾，終於俾Fatbrown 揾到呢間出夠但唔顯眼的小店店內座位唔多，一眼望曬店內裝修，開放式廚房，可以望見親切的老闆娘為大家製作幸福的三文治<牛油果炒蛋芝士三文冶$50>女朋友好鍾意食牛油果，一見到呢個牛油果炒蛋芝士三文治就話要嗌果然，呢個牛油果三文治味道幾清新，炒蛋蛋味非常之濃郁然後仲有蛋汁濕濕潤潤，夾埋牛油果食幾好食芝士比麵包嘅熱到融化左，同炒蛋牛油果混為一體，味道到夾得來好自然<超。幸福三文冶$55>超幸福三文治食一舊都超幸福雖然$55個三文治睇落好似好貴，但係份量真係夠晒兩個人食，三文治材料有午餐肉、炒蛋、青瓜、海苔，聽見都覺得好幸福，食落真係超幸福特別要睇吓午餐肉同埋海苔呢個配搭，平時食午餐肉做早餐會覺得好肥膩，但佢個午餐肉唔係煎得好油，加埋青瓜海苔唔同種類嘅蔬菜又唔覺得好油喎海苔撈埋炒蛋到食有一陣清新嘅青草味，幸福感滿滿

我對咖啡一向沒甚麼研究 但就愛在咖啡店流連 很欣賞幸福單品咖啡店鋪內的貼心裝飾 擺放了不同的咖啡豆 供客人聞聞氣味 更有一幅 世界地圖 原來上面標示了咖啡豆的產地 幸福單品咖啡店的裝飾不單如此 還有很多貼心的位置但就不多記述了那天 我和朋友各點了一份吐司 和一杯咖啡 他點了幸福三文治和一杯冰咖啡（名字忘記了）我點了牛油果芝士蛋三文治和熱的雲南咖啡 我的三文治先到 頓時呆了 因為CP值也太高了吧 份量十分足 有4件三文治 我急不給待咬了幾口 蛋很滑！三文治烤得很香 我的咖啡也到了 嚐了口 我終於找到甚麼是適合自己 和好喝的咖啡 雲南咖啡味香 入口滑 微甘 相比其他咖啡來說 咖啡香大於苦或甘 帶有果仁香 幸福單品咖啡還有很多種咖啡豆 下次再去試試

今日第二次去食下午茶，入到去就寫紙落單叫野食，5分鐘後看見有另外2個人入嚟。我等左10分鐘，看見隔離枱嚟叫的三文治送到佢枱面😣我心諗我都係叫三文治，而且係我下單先，點解會咁呢？另一個我就出現，可能因為人地個份比較容易煮，所以老闆亞叔就煮左人地個份先啦。繼續等待...又等左10分鐘，隔離枱已經食完佢份三文治，我叫的三文治仍然在製作中嗎？又等左10分鐘，隔離枱叫既出前一丁面食又再次奉上，還要煮好埋另一張枱既出前一丁添，噫，我份三文治去左邊？最後我叫的三文治係無出現過因為係我等左30分鐘之後，我叫既另一份野送到。真係唔知佢想點？！

食物、飲品、服務全部都爆曬分，一定要試！！見到ig有人介紹呢間幸福單品咖啡，啲相影到超吸引，第二日就即刻嚟咗試！真係冇介紹錯，好正，食過翻尋味😍佢啲三文治，超厚超足料超有誠意，見到已經覺得好幸福🤤三文治有炒蛋嘅話，仲可以選擇炒蛋嘅配料（黑芝麻、香草、黑胡椒、薑汁、青蔥），任君選擇☺️除咗三文治之外，其他嘢食都好吸引，例如瑞士汁雞翼（隔離枱請咗我食一舊，好幸福，係自家製嘅瑞士汁 ಥ_ಥ）咖啡都必飲呀，呢度有嚟自世界各地嘅咖啡豆，包保有一款啱你口味♥️老闆超級friendly，同客人之間嘅關係都出奇地好，總之成間嘢都係會令到你好有幸福嘅感覺，一定唔可以錯過😢幸福三文治（$40）- 芝士、餐肉、炒蛋牛油果炒蛋芝士三文治（$50）烏干達（$35）- 濃厚香滑獨特風味menu: