幸圓 (已結業)

偶然間喺鰂魚涌見到呢間餐廳，我就忍唔住要入去試下！❣️幸圓海膽五色丼❣️呢道丼飯真係無得彈，海膽嘅滑溜鮮甜，配埋三文魚籽嘅爆珠口感，仲有三款由廚師發辦嘅豪華食材，真係無得頂！味道回味無窮，絕對值得一試❣️柚子瀆蕃茄❣️冇錯，用新鮮蕃茄同柚子瀆製成嘅，味道清新又有層次，真係幾唔錯！每一口都帶出蕃茄嘅鮮甜，加埋柚子嘅清新味道，令人食完又想再食🥳。❣️赤蝦他他·魚子醬·蝦汁意大利粉❣️。赤蝦嘅鮮甜配上魚子醬嘅鹹香，再混合蝦汁煮嘅意大利粉，簡直係口感嘅享受！每一啖都勁鮮，令你食完一口又想食多一啖😊！❣️魚蝦蟹好多士❣️呢款多士真係好juicy，夾住咗豐富嘅魚、蝦、同蟹肉，再烤到金黃酥脆，入口即化。呢款多士除咗新鮮外，食到好上癮嘅味道🔥，真係性價比極高！幸圓西式咖啡店嘅每一款食物都好有水準，一定唔會令你失望！！💖

朋友介紹話 呢度有間餐廳好好食，於是就過咗嚟呢度試吓!呢度嘅晚餐真係超高質，西式咖啡店嘅氛圍好有格調，食物亦非常精緻，每一道菜都好值得推介🍴首先，我哋點咗個A4和牛沙律配松露油酢汁。個和牛真係啖啖肉嫩，入口即化，配上松露油醋汁，香氣逼人，真係好滋味🥩🥗🍣接住我哋試咗個大葉醬魚生他他。新鮮嘅魚生同埋大葉醬完美結合，口感滑溜溜，味道鮮甜，又唔會太重，真係好似喺日本廚房即刻整出嚟咁。🍚最後嘅重頭戲就係幸圓海膽五色丼。海膽鮮甜，配上三文魚籽，爆漿又脆口。其餘三款由廚師發辦，每一款都好有驚喜，味道層次豐富，令人大飽口福。呢度嘅環境好舒服，啱晒一家人嚟慶祝特別嘅日子，而且嘅菜色亦都係水準之作，每一啖都有唔同嘅驚喜同滿足感，媽媽都非常開心😄🎂🍤🍣

大葉醬魚生他他 上面擺咗刺身仲有海膽好吸引，下面係烤到金黃酥脆嘅多士，軟嫩新鮮嘅刺身同酥脆嘅多士口感 好特別!油甘魚薄切米紙卷 油甘魚嘅肉質鮮嫩，店家用咗米紙嚟包裹住壽司，入面仲有爽脆嘅蔬菜，入口好清新。烤香茅椰青西班牙五花肉 西班牙五花肉肥瘦相間，經過燒烤之後外皮變得微焦，肉味飄香。肉入面仲帶有香茅同椰青嘅香 味，好好咁平衡咗肉肉嘅油膩感，好開胃呀!唔係寶雲酥伊比利亞羊肋排伊比利亞羊肋排經過燒烤之後口感焦香，羊肉味好濃郁，外皮仲有非常脆嘅外殼，口感好豐富! 餐廳好好就係佢哋已經切好畀我哋，只需要直接擺入口咬就得🤤🤤

放lunch 稔住係公司附近搵個地方食飯天氣熱想搵間食日本野既見公司附近有間主打西式同日式嘅咖啡店而之前聽同事講呢度嘅食物非常好食所以今次黎試下先🙌🏻 呢度有多款西式同日式菜餚睇落都好吸引環境裝潢系清新木系用餐感覺舒適而且仲好寬敞仲可以睇到街景 可以好好relax 🌟日本鮮藍旗吞拿魚一番丼配埋湯同小菜 而且藍旗吞拿魚有各個部位分別有大拖、中拖、赤身所以一碗丼飯就可以食到各種部位嘅不同口味同口感 性價比不錯👍🏻而且份量好大每個部位都會有三片藍旗吞拿魚刺身 仲要係厚切個人最中意大拖 油脂豐腴食到好香好濃嘅魚油味然後赤身嘅肉質細膩帶鮮香嘅吞拿魚肉香氣重點係夠新鮮 唔會有腥味💯呢餐吃得好滿意👍🏻下次嚟會再嘗試其他野！

噚日朋友話帶我去幸圓食晚餐，話系擺盤精緻，啲嘢食仲系會令你豎起拇指👍我就帶住期待嘅心情同佢一齊去探險！我哋嗌咗脆皮半熟鴨胸配忌廉胡椒汁、燒酒糟鮑魚、燒八爪魚配蒜味味噌蛋黃醬同埋三杯醋廣島蠔。鴨胸肉帶住微焦嘅外皮，香脆可口，仲有鴨肉熟得剛剛好，非常彈牙，配埋忌廉嘅香味同埋微辣嘅胡椒汁，滿嘴都係幸福嘅味道！兩粒超大嘅鮑魚，非常新鮮，同燒酒有住完美嘅搭配！鮮甜嘅鮑魚完全融入咗酒香度，冇一絲腥味，令人食得津津有味！我最愛嘅三個大蠔🦪！未入口就已經見到蠔肉非常多汁，仲加咗三文魚籽，每一啖都可以品嘗到蠔肉淡淡嘅海洋味，系必食嘅美食！燒八爪魚配蒜味味噌蛋黃醬嘅擺盤特別靚！外脆嘅八爪魚🐙彈牙可口，仲帶住蒜味同埋蛋黃醬嘅香味，微辣嘅口感，令人特別開胃！幸圓嘅每一道菜都係人間美味，我哋都食得特別滿足！大家千萬唔好錯過！！！

嗰日收工同同事試咗幸圓嘅嘢食，發現自己已經愛上咗嗰間餐廳。日式嘅裝修設計，舒服嘅環境，好味嘅食物。👉🏼三杯酢廣島蠔廣島蠔肥美多汁，加上調味同其他食材嘅配搭，味道好新鮮，鍾意食海鮮嘅朋友應該會對呢碟餸讚不絕口👍🏼👉🏼油甘魚薄切米紙卷米紙卷飯粒粒粒分明，加上配料同油甘魚，每一啖都充滿咗魚肉嘅原汁原味，我哋食得津津有味😋👉🏼魚蝦蟹好多士魚肉、蝦肉、蟹肉再加埋硬度啱啱好嘅多士，酥脆可口，鮮味十足，意外好食😋👉🏼燒八爪魚配蒜味味增蛋黃醬八爪魚彈性十足，好有咬口，唔會太韌，廚師拿捏得啱啱好，再加埋濃郁嘅蒜味，食咗仲想再食🥰👉🏼一本A4和牛沙律配松露油醋汁大大一片A4和牛，熟度啱啱好，咬勁十足，配埋沙律，先至唔會咁滯。係一道頂級嘅日式料理👍🏼

好耐冇同老公食日本餐，今日啱啱嚟到鰂魚涌呢度食午餐，就去社交媒體搵吓有咩好食，見到好多人推介呢間幸圓，我同老公就決定食呢一間喇。 餐廳提供咗一個好舒適嘅環境，裝修簡潔，主打日式風格，每個角度影相都好好睇。 首先我哋叫咗【日本鮮藍旗吞拿魚一番丼】午餐套餐。呢度啲食物擺盤好有藝術感，賣相睇到流晒口水🤤。赤身、中拖羅、大拖羅，肉質鮮美，一次過可以食晒三款口味，真係回味無窮！ 我哋仲叫咗【幸圓Poke Bowl】午餐套餐。八款新鮮刺身隨意搭配，配有玉子、青瓜、牛油果、紅腰豆、蟹籽。自選醬汁我哋揀咗日本大葉醋油汁。另外免費兩款揀咗松葉蟹肉同吞拿魚。另外仲加錢加咗大拖羅、北海道海膽，成碟色彩繽紛，非常豐富。梗係要俾手機食咗先。每款食材都好新鮮，各有特色，會食到停唔到口。食完呢餐美妙嘅午餐之後我哋得出嘅結論係，鍾意食日式西式料理嘅大家，快啲嚟試吓啦！

嚟到『幸圓』喺鰂魚涌，首推嘅就系佢哋嘅A4—本和牛丼🥩。正宗丼飯㖭，醬汁香甜，和牛肉質嫩滑，每一啖都係極致享受！-A4—本和牛丼，牛肉片薄而軟，口感超彈牙，再加上特製醬汁煮得甘香甜美，真係一啖接一啖停唔落🤤。每一口都帶住濃郁而香滑嘅味道，絕對滿足到你。-再嚟就係佢哋嘅幸圓Poke Bowl🍣，係由雜錦魚生丼、松葉蟹肉、吞拿魚、玉子、青瓜、牛油果、紅腰豆、蟹籽及日本大葉油醋汁組成。呢個Poke Bowl真係豐富又健康，每樣配料都新鮮又美味，魚生鮮甜滑溜，而松葉蟹肉更係爽口鮮美，配埋其他新鮮蔬菜同醬汁，真心好食多多。-喺幸圓，唔單止可以飽肚，更重要係感受到呢種用心製作嘅幸福感😋！-無論你係第一次嚟定係常客，都一定要試吓佢哋嘅A4—本和牛丼同幸圓Poke Bowl！總之一試就知，『幸圓』係鰂魚涌最佳嘅選擇🥳。

好一陣子沒吃舒芙蕾鬆餅，就給我找到這間在家附近的西日fusion餐廳舒芙蕾鬆餅有好幾款，最後選了黑松露起司奶蓋口味除了是因為本身喜歡黑松露之外，帶鹹味的鬆餅好像比較特別下單的時候侍應提醒製作需時30分鐘，我也不趕時間所以就等一下吧🥞黑松露芝士奶蓋梳乎厘班戟 $128兩層厚鬆餅上鋪滿奶蓋，奶蓋醬裡面有一點點的黑松露顆粒再上一層細碎的白巧克力作裝飾，最上面有一堆起司蛋糕塊奶蓋鹹鹹甜甜的，沒有太大的黑松露味，但也是令人開胃的味道相比起黑松露，我覺得最出色的反而是起司蛋糕塊：🧀起司蛋糕原來是冰凍的，咬下去就像冰淇淋一樣，配上熱烘烘的鬆餅正好主角鬆餅是鬆軟的，帶空氣感，但略嫌蛋香不夠雖然說不上是吃過最好吃的厚鬆餅，但也足以一解舒芙蕾鬆餅的癮

今日OT，老闆就話想請食一餐犒勞我哋😆叫咗我哋隨意揀餐廳！我哋就喺OpenRice望咗陣，發現咗呢間西日式咖啡廳，睇咗啲評價，覺得唔錯，就諗住去試吓👏.我哋揀咗赤蝦他他.魚子醬.蝦汁意大利粉，D酱好濃郁香甜，配埋彈牙嘅意大利粉，每一啖都有淡淡嘅魚子醬味，特別入味好食😋.仲有烤香茅椰青西班牙五花腩，脆脆嘅外皮配埋五花腩豐富嘅油脂香，仲帶有微微嘅焦香，個嘴入面即刻散發出濃郁嘅肉香味，令人回味無窮😍.再嚟就係呢個大葉醬魚生他他，睇落好簡單嘅一道菜，但係俾個味道吸引咗🤩魚生帶有淡淡嘅甜味，同大葉醬獨特嘅味道好夾，令人食到停唔到口😚.最後我哋仲叫咗份三杯酢廣島蠔，蠔肉肥美多汁，帶出咗滑溜嘅口感，用海鹽做調味，更加食到濃郁嘅海鮮味，再配埋好似珍珠咁嘅三文魚籽，口感即刻豐富咗😋大家一定要試吓！！！.老闆對呢間餐廳讚不絕口，仲話下次聚會一定要再去👏我哋都好期待下次嘅聚餐🥳

餐廳嘅裝修以休閑咖啡店為主，環境舒適，食物種類都算多燒銀鱈魚乾銀鱈魚片非常脆口，點上沙律醬食就更滋味魚蝦蟹好多士呢個真係必試👍🏻面層有三文魚籽，裡面有蟹肉絲及蝦肉，多士外層鬆脆，食落非常美味時令刺身丼飯望落去都幾豐富，🈶海膽、蟹籽、三文魚、北寄貝、油甘魚、吞拿魚蓉、赤身、帶子、魷魚➕赤蝦，樣樣都鮮甜可口士多啤梨梳乎厘班戟梳乎厘班戟賣相好靚😍入口香甜得黎有空氣感，士多啤梨🍓唔會太酸Belgian Chocolate叫咗杯熱朱古力，飲落朱古力🍫味香濃，香甜而不膩Bleu Bliss顏色好靚，係我鍾意嘅粉藍色，飲落好香雲呢拿味，底層係沙冰

好耐冇同老公一齊食日料啦，特登嚟鰂魚涌呢間西日式料理嘅餐廳試吓新口味。餐廳裝潢好靚， 好有日式嘅感覺。人潮都唔算多，我哋等咗一陣終於入到去啦。餐牌上面嘅選擇都好豐富，有傳 統日式料理啦、西餐，仲有啲創新嘅fusion菜式。幸圓海膽五色丼 丼飯睇落去賣相好澎湃，海膽嘅味道好甜，仲有甜蝦好鮮甜，撈埋個生蛋黃一齊食，啲刺身喺口 裏面爆發嘅感覺真係好難忘!刺身盛八點 因為丼飯實在太好食，我哋又叫咗刺身，一次過滿足晒鍾意食刺身嘅願望。呢碟有三文魚、油甘 魚、帆立貝、赤蝦等等，每款都切得好厚同好肥美，大滿足!魚蝦蟹好多士 成塊多士好厚，份量都好足，入面夾住咗好多蟹肉，上面仲鋪咗魚塊同蝦子，仲有啲三文魚籽輕輕 一咬就會「啵」一聲喺口裏面爆開，成個配搭都幾有創意!燒八爪魚配蒜味味增蛋黃醬 八爪魚俾燒到外皮好香脆，但入面仲好嫩口!撈埋間餐廳自己整嘅蒜味味增蛋黃醬，令成個口感 更加豐富!

今日同好姐妹一齊嚟到呢間主打西日fusion料理嘅餐廳食飯，之前我哋已經食過佢哋嘅甜品喇，真係念念不忘！而家就嚟試吓主食同埋小食啦～🤩 赤蝦他他·魚子醬·蝦汁意大利粉成個意粉嘅蝦味好濃郁，仲有赤蝦好新鮮，鮮甜味嘅赤蝦仲有奢華嘅魚子醬撈埋一齊食，每一啖都係幸福！😋😋😋🤩 幸圓海膽五色丼 海膽同三文魚籽係標配嚟嘅，另外三款由廚師發辦，有啲似食omakase嘅感覺😹😹 每個食材都非常鮮甜，一次過滿足晒鍾意食刺身嘅朋友！🤩 燒酒糟鮑魚鮑魚個頭好大，而且好新鮮，咬落去好彈牙！再加埋酒糟酸酸甜甜嘅酒味一齊食，口感軟嫩多汁！好好味！🤩 三杯酢廣島蠔廣島蠔嘅肉質肥美，再配埋三杯酢嘅調味，酸、甜、鹹嘅味道完美平衡，突顯咗蠔肉嘅鮮味！ 呢間餐廳主食又好味，甜品都係，真係值得我哋再嚟第三次～🥰

今日同家姐一齊嚟到呢間裝修好日式嘅餐廳食嘢，之前就有同事介紹佢哋啲嘢食好精緻又好味，menu都好特別，係日式同西式料理嘅fusion菜。Menu好多特別嘅菜式，我哋揀到眼花繚亂。😹 最後我哋揀咗： 🌟一本A4和牛沙律配松露油酢汁🌟 前菜我哋揀咗呢碟沙律，薄切嘅A4和牛好嫩滑多汁仲配埋各種新鮮蔬菜，份量十足，我哋仲以為係主食嚟添！ 🌟燒酒糟鮑魚🌟 鮑魚好肥美多汁仲帶住淡淡嘅酒糟香味，微微嘅酸甜口感同鮑魚嘅鮮味一齊食落去真係好開胃！ 🌟唔係寶雲酥伊比利亞羊肋排🌟 賣相好吸引，伊比利亞羊肋排燒得啱啱好，外層香脆入面好juicy！羊肉味好香濃一啲都唔騷，一人一舊真係食唔夠！ 🌟赤蝦他他·魚子醬·蝦汁意大利粉🌟 意粉煮得軟硬適中，每條都吸收晒濃郁嘅蝦汁，再配埋魚子醬同鮮甜嘅赤蝦，家姐食到讚不絕口！一啖都唔想分畀我食😹😹

想同約會對象食晚餐約會又唔失禮人，推介呢間鰂魚涌嘅幸圓。佢哋主打西日式料理，餐廳裝潢日式悠閒風，保證你坐得舒服，食得開心。推介畀大家以下幾款熱門料理。赤蝦他他·魚子醬·蝦汁意大利粉意粉已經索晒啲蝦汁，仲有赤蝦鮮甜多肉，再配埋魚子醬微微嘅鹹味，簡直係奢華嘅配搭！缺點就係太細碟，我同女朋友都食唔夠。烤香茅椰青西班牙五花肉西班牙五花肉本身就有豐富嘅油花，再經過燒烤後油花溶化，令肉質更鮮嫩多汁！仲有香茅同椰青嘅味道令呢盤菜味道更加豐富。魚蝦蟹好多士魚、蝦、蟹三種海鮮夾喺烤得酥脆嘅多士入面，外表金黃酥脆但咬落去又十分柔軟！呢道菜可以一次滿足鍾意食海鮮嘅朋友。Americano Orange美式咖啡同橙嘅碰撞！美式咖啡本身嘅苦澀味因為橙嘅酸甜味沖淡咗唔少，味道十分清新！燒酒糟鮑魚鮑魚肉質肥美仲帶住淡淡嘅酒糟香味，咬落去仲好有韌性，口感一流！Matcha passion fruit 睇落就好清爽嘅一杯飲品！日本宇治抹茶嘅微苦配搭咗百香果甜甘嘅味道，甜而不膩，好飲。