平記茶餐廳

營業中

休息中

入梅窩去到下午茶時間，首選之一係平記既炸雞髀餐，梅窩出晒名，外脆肉嫩多汁！仲要平，$4字頭有炸雞髀+沙嗲牛肉麵+凍飲，冇得輸👍。除左雞髀餐仲有好多配答，好多都係舊香港經典茶記小食😋，有西多士，滷水雞髀，滷水雞翼，炸春卷，炸菜肉絲面。不過因為係舊式茶記，所以地方係香港舊式打冷嗰種，要有心理準備⋯⋯不過都有呢啲地方少有既，冷氣😍。其實去得效區有冇理由介意個環境既，而且其實唔差，同級黎講環境衛生係好好了。

收工同朋友去咗梅窩呢一邊打籃球，打波之前求其喺附近熟食中心諗住食啲嘢先打，朋友就話食過呢一間抵食嘅茶餐廳，佢餐廳的位置其實都幾方便喺梅窩碼頭旁邊，行過去大概5至7分鐘就到，絕對唔會話有好難搵嘅情況出現我哋今日去食下午茶佢每一個餐可以揀兩款唔同嘅嘢食，我再揀一首我的牛肉麵同埋炸雞比，沙嗲牛肉麵嘅份量嘅牛肉都非常多，絕對唔會因為下午茶餐好平，所以比好少，而且沙嗲味都非常香濃，配埋公仔麵食味道都非常夾，炸雞髀即叫即炸熱辣辣非常好食，啖啖肉嘅感覺真係非常好，而且調味亦都適中，最後加埋杯凍檸茶，正！

同朋友由愉景灣行山行到來梅窩，行咗4個鐘後，嗰個都變成餓鬼誤打誤撞入左嚟熟食街市，見到呢間寧舍多人食就搵位坐低一見到餐牌嗰個都話「哇，咁抵食」三十幾蚊有麵有小食仲有野飲！我叫左沙嗲牛肉麵加雞髀加凍檸茶少甜沙嗲味夠濃、公仔麵硬度適中、雖則雞髀炸得偏乾身左少少但咁既價錢夫復可求！我朋友叫左西多士作小食，我以為會得半件西多士但佢居然真係比足一份西多士，仲要夠脆口夠熱辣辣，真係好好味下次如果有朋友喺梅窩行山我一定會推介佢嚟呢度食下午茶

行完個山落到梅窩緊係即刻搵食，去到熟食中心眼花撩亂，勁多唔同選擇。本身想望住個海景嘆個茶，但經過呢間茶記見到佢做緊1+1呢個set就俾佢吸引左。🐒1+1下午茶💰$40👉🏻五香肉丁通粉+鹵水雞髀+熱央走👉🏻沙嗲牛肉公仔麵+西多士+熱茶走味道黎講其實就同普通茶記差唔多，唔係話好驚喜，但就係所有野都份量多又實在，行完山有間咁既茶餐廳係附近真係夠哂滿足😇

今日郊遊嚟到大嶼山嘅梅窩，見到有個熟食中心所以入去睇一睇。個環境都幾好有好多間茶餐廳，有啲仲可以望住個海景食嘢。去完個廁所見到有間平民茶記，食啲嘢都幾地道。所以就入去試試。嗌左個套餐，1+1，一個主食加一個小食，仲包埋野飲，都係$40。主食叫咗個沙嗲牛肉公仔麵，小食叫咗個西多士。沙嗲牛公仔麵係好普通但係好正宗嘅沙嗲牛麵，個湯底唔係話好咸，個牛又唔係好鞋，個面又唔係話好林個啲，總括黎講好普通但係好好味。另外個西多士都係正嘅，首先佢係熱辣辣，同埋佢啲花生醬都好多，啲邊邊位仲係脆卜卜，總括嚟講好好味，唯一改善嘅地方就係佢落咗好多糖漿所以有啲甜，如果可以自己落糖漿嘅就會完美。大家不妨去開梅窩不妨都俾個機會佢。

入到黎百物騰貴既梅窩 想平平地食一餐都幾艱難 然後住呢度既朋友就推介左我地食平記無裝修 無海景 匿埋左係碼頭旁既熟食市場 見到咁既環境 啱喇 呢度一定有平野食!!!炸髀 西多士 沙嗲牛米粉五香肉丁麵- 簡直係十大邪惡下午茶之選既頭幾位 逐樣講下啦西多士- 金黃既顏色搭配半融既牛油 即刻令我按捺不住 直接切一格 然後開動 配埋糖漿及入面既花生醬 有可能唔好味咩炸髀- 皮脆肉嫩 仲保存到肉汁 不過調味可以再重啲 或者點茄汁食都可以沙嗲牛米粉 五香肉丁麵- 高於正常水平 估唔到呢啲小島都有又平又正既茶餐食

梅窩食肆不多，但中菜而言，非平記莫屬，老街坊會知道是舊羅馬餐廳🍴原班人馬，質素有保證。咖喱吉列豬扒飯： 咖喱🍛汁偏傾向甜味個款， 似葡汁多於咖哩，易入口， 不嗜辣也啱口味。 吉列豬扒精粹是炸粉不能厚，薄薄一層炸粉， 不多不少，恰到好處，新鮮熱辣炸至金黃，豬扒好似做完運動咁，彈牙不帶肉騷味， 肉汁飽滿，佐飯一流。黑椒牛肉干炒意粉🍝：簡單傳統黑椒牛肉炒意粉，意粉煙韌不會太焾，收干曬水。黑椒濃到不需蘸任何辣醬，好惹味。牛肉打得好鬆軟，配料洋蔥🧅、交通燈🚥椒不少得，簡單有鑊氣😍總結：高手在民間簡單就是好味😋

生於50-70年代得閒真的要去回味一下這炸脾味道，用心製作的食物平民的價錢，良心小店經營所花的心機比大酒店，米之蓮還好。當然吃環境的不用想了。大杯凍飲行山後必飲。Tasting the taste of kid in a small shop is more more worth than going to a 5 star hotel. It is a place for you to feel what is a real chief work from his heart. Low price and high quality food. Remember, they are close on every Monday even it’s public holidays.

行完山驚過嚟食個下午茶，門口大大隻字寫住冷氣開放👍🏻下午茶餐都幾抵食，有得揀兩款有面/米類再加小食加埋凍飲都係$40，抵食過出面好多茶餐廳👍🏻不過味道就普通，正正常常咁另外，店舖比較多烏蠅而且成日聽到蚊機電到蚊既聲我哋食食吓仲啱啱好跳fuse卜一聲🤣🤣停電停冷氣，真係俾佢嚇親不過店員都好快搞番掂

今日又黎到大嶼山渡假，租左晚酒店CHILL下。一落到船都已經14:00 多，決定食個下午茶☕️享受下先。聽到公廁姐姐介唔話旁邊落樓梯嘅平記茶餐廳🍴有性價比高既下午茶☕️，咁就試下啦。地方吾算大，以幾張方枱同圓枱係一個細小空間組成。勝左乾淨簡潔，光明嘅裝潢。下午茶☕️套餐：五香肉丁通粉+ 西多士 🍞+ 凍檸茶：通粉比較焾身，湯底充滿五香肉丁味，點點辣，熱辣辣咁上菜，好味😋。西多士🍞： 雖然好邪惡，但好足料，入面滿滿花生🥜醬，多士外層沾滿蛋漿，炸至金黃色，好吸引😍，一大堆牛油🧈，豪不吝嗇放係面層，另設糖漿比客人自行添加，多士雖厚都每啖都食到花生🥜醬糖漿同牛油既完美交戰，互相輝映既味道。另一個下午茶☕️：午餐肉三文治🥪+ 滷水雞翼+ 熱華田：午餐肉都係罐頭🥫野，但包既底面都塗抹牛油🧈，誠意之作。滷水雞翼好入味吾係死咸。總結：價錢合理 平均30 多至40 元人情味濃街坊店

今日中午時段12:30pm黎到餐廳8成滿坐佢地主要買中式既飯面類為主 2:00過後先有下午茶-炸雞脾is a must我就叫左個咖哩吉列魚柳飯吉列魚柳好大塊炸得好脆同埋吉列魚柳好厚身 唔多粉所以食起黎 唔會覺得好油 白飯方面起瑪有兩碗 好抵食包飽肚!蛋方面 食e 種飯 太陽蛋是需要的佢地就比左兩隻蛋我 兩隻都剛好做到流心效果 連埋蛋汁一齊撈飯 真係好味到反白眼跟手叫左杯 cot 紅茶茶低很可以 唔會話有澀味!總結:好味 可再黎~

梅窩食肆唔多，係朋友介紹下就試下見平記外賣。朋友介紹左要試吉例豬排飯果然一試就知好得!  咖哩汁好濃一D都唔SPICY，好下飯同埋吉例豬排好薄既粉唔會咁厚，同埋好脆呀媽!!!!

食下午茶當然要有炸雞脾啦，炸脾加牛丁都係ＨＫＤ３４元。牛肉丁好好味，丁面都唔洗加錢。炸雞脾仲係保存水準，好夠脆，而且大大隻！之後飲杯檸茶消濟。蛋治就一般。不過成個餐都係ＨＫＤ３８，想食Ｄ咩呀。