影片
以上資料只供參考, 請與餐廳確認詳情
招牌菜
近排油塘開左呢間新店，舖位細小，但食物種類算多，有小菜、雞飯🐔系列、滑蛋🥚系列、滷水系列、冰火系列，仲有便當、小食。較喜歡雞便當系列，因為雞肉🐔鮮嫩，唔會太肥。又可以轉烏冬。辛酸雞🐔和沙薑雞🐔2種唔同味道，一個酸味味，一個少少辣味。各有各滋味。各有滷水蛋🥚、少許菜。烏冬有一片蘿蔔🥕。不過，經常較少汁，order時通知職員加多些汁就可以。咁樣較好味道😚這間餐廳價錢尚算平民🤣，但地方淺窄，建議堂食。外賣較適合。🙂
繼續閱讀
作為油塘街坊嘅我，經常都覺得呢個地方係美食沙漠😣，所以經常寧願喺出面買埋外賣先返屋企。不過最近收到宣傳單張，知道油塘中心嗰邊開咗間新舖「平民基地」，所以就一於同屋企人試吓。餐廳只有室外座位，如果唔係天氣咁熱，其實都OK㗎☀️。不過夏天就買返屋企慢慢嘆好過啦。店舖四周圍都貼滿餐牌同食物圖片，令人花多眼亂，樣樣都好吸引，好難揀啊🙈。我哋三個人嗌咗兩個主食，再加小食，份量都幾多，一餐食唔晒。主食會跟配白飯，另外亦可加$5改配乾拌麵🍜。屋企日日都食飯，有得揀緊係食麵啦。我要咗米線同掛麵，兩樣都幾好，麵質彈牙，並無煮得過淋。後者呈扁身，類似上海麵。每碗均搭配少量蔥同蘿蔔，無咁單調。人氣麻辣雞($78)，佢係無用火㷫住嘅迷你雞煲，但依然風味十足。🐔呢度嘅麻辣味道好出色，小辣過癮得嚟唔會太搶，麻味突出，而且用上大量蔥頭、洋蔥同辣椒等爆香🌶，份外惹味。佢個底有好多汁，我呀媽仲留返嚟第二晚再炒餸，你就知有幾正。雞件比較零碎同多骨，鍾意大啖肉嘅就會覺得麻麻，但重點所在都係個汁吧。胡椒豬肚雞湯($58)，呢碗啲雞同雞煲相反，湯內有多件雞胸肉，正啊🐓。豬肚都唔錯，口感煙韌，但同時又夠軟身。湯底幾好味，冇落味精，絕對可以成碗飲晒。胡椒味唔顯著，飲完無好滾嘅感覺，但雞湯本身好濃郁，亦難得唔油膩。鹽酥炸雞扒($20)，今餐食咗幾款唔同嘅雞，每款各有特色。個人最鍾意炸雞扒🍗，首先佢成塊都係肉，肉質嫩滑，而炸皮就好酥脆，調味上則非常接近台灣鹽酥風情。佢好食過晒所謂過江龍炸雞店，無萬年油嘅味道。冰火魷魚($39)，涼拌魷魚就相比起以上幾款菜式平庸🦑，佢份量係幾多，可惜魷魚質感太韌，兩位長老咬唔到。秘製醬汁幾特別嘅，無顏色睇起嚟咁重口味，食落都幾香口，辣辣哋。飲品方面🥤，我哋加$10將汽水轉做平民樽仔系列，分別要咗奶茶同檸檬冬瓜露。兩款都好好飲，出品比茶飲店更為出色。奶茶細滑、茶底唔澀；而冬瓜茶唔會過甜，比例得宜，好解渴。總括嚟講，油塘街坊終於有平民好嘢食喇😆🥡，雖然價錢唔係真係話好平，但店家用心製作，味道不俗。基地食物款式繁多，有飯有麵有小食，菜式偏向係台灣菜吧🇹🇼，呢區冇乜同類型食物～。
繼續閱讀
去油塘朋友屋企玩，屋主要我買埋野食先好上去🫠咁就聽指示去咗依間叫平民基地嘅餐廳買外賣，位置都幾易去，係大本型地下巴士站一出就係，隔離仲有超市可以買零食飲品😝我買左一個主食香酥炸豬扒乾拌掛麵$58另外配左支冬瓜露$10自私飲再加大量小食酥炸花枝丸$18、炸櫻花蝦餅$32、滷水豬大腸$14、紫菜狂熱雞軟骨$32食物全部即叫整，買完仲行左陣超市上到朋友屋企仲好熱辣辣👍乾拌麵麵身淡味左少少，但配埋炸豬扒同配菜，味道岩岩好仲要大大份誠意足，其他小食都好惹味，花枝丸同蝦餅都相當彈牙😋支冬瓜露清甜帶小小檸檬味，整體來講值得一食😆😆
繼續閱讀
今日收工經過見到油塘有間新開既平民基地有雞煲食，就買左個2人雞煲同埋小食返屋企試試。通常返到屋企沖完涼啲外賣都凍哂，要整返熱。呢間野都幾落本，仲送埋個爐比我地滾住黎食，值得一讚。叫左個2人麻辣雞煲，配料多夠哂香，又唔會太重味，送飯黎食啱啱好。另外小食叫左甜不辣（唔錯），泡椒鳳爪（男朋友話好辣，我覺得普通辣，送酒唔錯），炸雲吞（可能凍左，食落普通）。整體唔錯，岩鍾意食重味的我，下次再黎呢邊做野又多一間選擇
繼續閱讀
在油塘發現咗間隱世(新)店→ 平民基地。 OT開到夜晚十一點，加班收工仲可以有飯食， 仲想點呀 ？!留意到餐牌d名好特別，食落水準唔錯 ，份量好足料，地盤佬都食得飽!有下次!有下次!
繼續閱讀