帝皇庭宴會廳 (已結業)

早上早了點起床,於是在返工前獨個兒在始創飲早茶.試過同一商場的煌府和彩福皇宴,這次就試試別家茶樓.1蚊茶錢,無花無假.叫了兩碟點心,早茶時段有十來款點心是9.5的.鳳爪排骨飯不俗,大碟得來也夠熱,不是很細小的那段煲仔.而且材料都幾多.叫了上素腸,但來了煎蝦米腸,沒有追究,費時又要等一大輪至有野食.(後來隔鄰的檯叫了蝦米腸卻送上了白腸粉.應該係有人記錯number入錯幾款腸粉的號碼吧)不過不能不提的是,侍應基本上都是故意看不到人的.本來都以為係咁橋,但係不論我叫茶,叫點心,叫人加水,叫人埋單,我無一不是揮了好多次手,而那些侍應的樣子又是側側頭的,猜想是大家都唔係好想做野卦...但以早茶來說好抵食了.埋單$22

昨晚一行七人去咗始創中心5樓新装修嘅帝皇庭食飯,順便去睇吓菜單,環境感覺幾好,水晶吊燈幾好feel.不過啲擺設有啲娘. 之後坐底食飯,菜式水準唔錯.点了砵酒焗生,雞煲鮑翅(好味,湯好濃,翅好多好淋),蜜豆百合帶子,特價蒸青班(超值,78元約2斤重),醬油雞(又係特價),排骨煮春菜,連媽咪都話幾好食,埋單差唔多$1100元,幾扺!呢道應該係我嘅擺酒首選喇！

琴日去完，６點左右，門口知客招呼都幾好，夥計就懶懶散散，都OK既＾＾

呢度o的八人套餐($1,380)非常唔抵食, 菜式如下:白灼蝦- 斤三兩左右, 係游水蝦但並不大隻,肉質爽口紅燒乳鴿- 兩隻, 中等size, 味道一般西蘭花帶子- 又係一般的小菜, 鑊氣不足蒜子上湯娃娃菜- 娃娃菜本身唔靚, 炸蒜子浸得唔夠時間,半爽不腍, 差!雞絲翅- 排翅不少,可算落足成本, 可惜湯膽未能配合,味道失望蒸海班- 斤半至兩斤左右, 略鞋, 可能過火少少,不過鮮味十足餐後包甜品及果盤, 其他酒水茶芥一律另計, 埋單接近二百蚊一位.........好貴!

除左特價o既o野抵食之外, 其他餸唔算好味之餘又唔平. 最衰o既重o係d伙計!!話說尋日我o地叫o左條$78 o既魚, 到佢送條魚o黎重放多碟牛柳粒, 我o地即時同佢講我o地冇叫過喎, 叫佢羅番走. 過o左大半個鐘, 當我o地食到條魚見骨o個時, 有個女人先走埋o黎同我o地講:"唔好意思喎,你o地叫o個條係x斑, 頭先o個條係y斑, 係隔離檯叫o架, 佢o地等o左好耐架啦, 咁你而家俾番錢啦...."我o地即時同佢講唔會俾番o個個價錢($158), 因為係佢o地伙計有錯在先, 我就咁睇條魚鬼知佢x斑定y斑咩!到呢個伙計走開, 轉頭又走個經理o黎話同我o地"協商"下, 叫我o地俾番o個條魚o既價錢. 佢所謂o既"協商"係迫我o地俾番錢, 但係連九折, 茶芥, 花生乜野都冇話過會免我o地. 我o地再同佢講唔會俾!再過唔夠半個鐘, 另一個部長走過o黎話送生果, 轉個頭又叫我o地幫幫手俾番條魚o既價錢!!!到我o地話唔俾, 叫佢連生果都唔駛送, 佢轉頭又攞碟生果o黎, 話"是但啦, 送埋生果俾你啦, 我o地都唔係咁小氣."!!!老實講, 我覺得佢o地o既態度似乎從來唔覺得佢o地有錯囉, o個幾

出0野速度慢，侍應生同門口帶位個d態度極差(特別係d大陸“女”外勞，粗聲粗氣、黑口黑面) 不知所謂。D 0野幾好食都冇用。乜0野都慢、速度最快係叫你俾$個0野!又公然俾煙剷食煙，冇人理會。成日用忙做藉口，唔理會顧客。以後都唔想再幫襯。

無話可說，食完預定兩公升水o 黎飲都得o 架啦