巷仔見麵館 (將軍澳廣場)

營業中

休息中

下午茶時間，西多士+奶茶一向係我嘅首選，入黎呢間餐廳試下新嘢😋✦ 漏奶西多士 $28西多士+流心煉奶+阿華田粉，簡直係極邪惡😈食得多傳統西多，轉下新口味都唔錯，下午茶黎講簡單好食+$8 升級特飲 仙草奶茶🧋港式奶茶茶底+粒粒仙草，茶底夠濃好飲👍🏻

香港嘅茶餐廳文化，令到香港越來越多茶餐廳/冰室等等！所以賣相越來越重要！這間好多將軍澳街坊都會幫襯過的茶餐廳，CP值很高！如果你喜歡手機食先可以一試！而食物質素都係正常發揮！唯獨餐廳侍應不夠人手，要等好耐才會有人理你！扣左小小分！

嚟到將軍澳廣場食茶餐廳，巷仔見麵館應該係新開，裝修幾有設計，不過啲嘢食麻麻哋😕炸霸王雞扒蛋餐 $48佢係炸雞扒加豉油煎蛋飯，個人認為煎雞扒搭豉油煎蛋正啲，炸雞扒有啲Heavy🥸 雞扒size係幾大塊，肉質都幾滑，個皮唔係好但係都唔係薄，幾脆口蔥油雞扒撈公仔麵 $45撈公仔麵味道偏甜，個人幾喜歡個味道，不過份量好少，上菜嗰陣嚇一嚇，食兩啖就見底😂 煎雞扒肉質麻麻哋，有啲嚡，整體一般😗味道: 6/10環境: 8/10服務: 7/10人均: $40-60#myfoodiefoodie #myfoodiefoodie將軍澳#hkfoodie #hkfoodieblogger #hkfoodierecommendation #香港美食指南 #香港美食日記 #香港美食分享 #香港美食推薦 ，不過價錢平，不過價錢平

完全唔掂呀呢間嘢，諗著經過試下，第一次嚟食。叫咗個常餐，塊雞扒就似豬扒，啲公仔麵就硬過咩，完全未煮熟。炒蛋就牛奶味超重，無蛋味，塊麵包就乾到食唔到，有牛油都唔掂。食完個茶餐，幫daddy 叫嘅星州炒米都仲未到，催咗N次，啲職員好似唔想理你，莫講話想攞隻碗，結果三催四請下，足足等咗半個鐘先出現碗麵。最後，嚟就嚟咗，但味道勁咸。 職員態度又要懶懶閒，好似乜都唔想理。你問佢嘢，佢又走去做第二樣，唔會想幫你咁。總之一定會blacklist, 永無下次。

第一次寫comment, 真係忍唔住要即刻上嚟寫低間嘢真係難食到爆。嗌兩碗鳳爪排骨煲仔飯, 一碗啲飯係燶嘅食住成碗都有浸燶味, 另一碗啲飯正常,同另一碗飯嘅味相差極大 但係啲排骨係酸嘅。仲有啲鳳爪, 以為食緊拖鞋, 有浸膠味 。以為杯特飲係最普通嘅, 普通一杯茶加啲罐頭蜜桃落去都成12蚊, 點知食完先知原來已經係最好味嘅…永久blacklist, 唔會再去。希望將軍澳街坊唔好再中伏 間舖頭個名冇改錯，個個食完都要去巷仔到嘔。🤢🤮🤮

傳統與創新溶和後多源化的餐單。仲有一款啱大家口味，冇加一，價格實報實銷＊＊＊＊暖love love 二人餐$159 ＊＊＊＊包兩碗糖水(忘了拍照)/任選兩款巷仔糖水---酥皮焗花膠雲吞雞---花膠可能巳煲到縮哂水，所以看不到影蹤，有半只雞，雞肉入口嫩滑，4粒雲吞，一大片魚肚，酥皮面也香脆熱辣辣，整體味道也不錯---巷仔頭抽煲仔飯---(未落豉油前拍)/任選一款煲仔飯雞滑，香菇份量也不小，一大條臘腸，滿滿的香港原味道，整煲飯連配料入口味道焦薰味極重，底部滿滿的飯焦， 用十足火力去烹焗 --冰鎮咕嚕肉--$88微酸甜的咕嚕肉，豬肉口感微彈，再配青椒，菠蘿，非常醒胃--豉椒炒蜆--$78廚師力度足，炒到大部份蜆肉和殼分離，豉汁味濃，有鑊氣，但份量再加多小小就更完美

已經係將軍澳店買過幾次5碗豆腐花，每次啲店員都好似唔想做生意咁，西口西面！請問係咪淨係買豆腐花外賣就等於唔係生意呢？仲有一次，有位店員睇到張單6碗豆腐花，然之後一句「認真呢？」，咁請問係咪唔可以一家人一齊食豆腐花？係咪咁岀奇呢？

一向走茶餐廳路線，無加一收費，有手機自助落單，亦可以叫侍應人手落單。最近變咗人手落單要另收加一，落張單要俾多10%，會唔會太過份？雖然鼓勵大家自助落單，但總有少數人唔識用智能電話或者唔記得帶電話，唔係有困難都唔想麻煩侍應人手落單喇，趁火打劫不可取！

店員服務超級差入座無安排，好似唔想做生意咁。店內要手機落單跟餐飲Order特飲，豆腐花奶茶店員回頭話無晒，但又唔幫手改飲品窩蛋牛肉飯無窩蛋又要轉餐牌話古法頭抽配煲仔飯，俾包李錦記我垃圾餐廳，希望大家唔好中伏

先說食物OK的一般茶餐廳水準問題在於服務1.隔籬枱老人家舉手點餐，短頭髮姨姨第一句就話：唔識用app咩？😒搞到兩位坐喺度嘅都好尷尬2.好多食物已經賣晒，冇即時通知，連續兩三張枱要因此改單。被告知時服務態度都不好。3.連續三次落錯枱，安排混亂。4.因為落錯枱而衍生嘅問問題，店員顯得10分不耐煩。不期望是這樣的服務質素。111111111111111111111111111111

諗唔到食咩，就梗係食茶餐廳，喺Star Cinema睇完戲，就近喺將軍澳廣場搵到間平平哋又乜都有得食嘅，又唔洗排隊，入去嗌兩份晚餐食吓😛| 鳯爪排骨煲仔飯 ($71) |一打開，煲仔飯裡面裝滿了濃郁的排骨豉汁，配上大塊的鳳爪和排骨，看起來令人非常有食慾☺️吃下去飯粒軟糯，煲邊的飯焦還有一種微微的焦香味，讓人十分開胃。排骨和鳳爪的肉質都非常鮮嫩，肉汁也豐富💦如果你喜歡吃排骨和鳳爪，我推薦你來試試(⁎⁍̴̛ᴗ⁍̴̛⁎)| 馬拉盞時菜牛肉煲 ($90) |一上枱的香氣已經好迷人，煲裡面的牛肉片看起來非常鮮嫩，而且煲汁裡面還加入了時菜和馬拉盞🍲🐄馬拉盞的辣味和牛肉的鮮味，而且時菜的脆爽，全部加起來也非常豐富。它的辣味不會過辣，很配白飯，喜歡小菜的，可以嚐嚐🥦

巷仔見麵館❤️‍🔥仙氣雪山六寶冰入邊有芋圓、湯圓、紅豆、仙草嘅材料，再配合埋棉花冰真係好夾🥰😆上邊仲有雪糕好正丫🎉🎉🎉而且價錢非常之抵！$38就有得食啦😘😘😘店員送過嚟嘅時候，外觀亦都好靚🥳🥳好似有啲仙氣飄飄下咁😆去咗個夢遊仙境咁🎉🎉影得開心、食得開心又睇得開心😆😆😆店舖仲有其他好多嘅甜品都想試下tim😋😋😋又抵又大碗就食到多款糖水！😙😙😙📍巷仔見麵館 (將軍澳廣場) (將軍澳)將軍澳唐德街1號將軍澳廣場1樓091-093號舖❤️‍🔥價錢：8/10❤️‍🔥味道：7/10❤️‍🔥服務：8/10

今次介紹的港味餐廳【巷仔見麵館】位於將軍澳廣場和朋友走完跨灣大橋口渴便隨意去找地方喝杯飲料看見茶餐廳乾乾淨淨便進去簡單喝杯奶茶歇會等候晚餐了QRcode點餐發現這裏的茶餐售價太親民！鳳尾蝦多士茶餐($34)、漏奶西多士連飲料 ($28)這裏是香港 這裏是商場！單價售賣也不算貴茶餐包括熱飲才不合理呢這飲料幾乎就是送的想不到星期六在將軍澳的商場的新餐廳居然有如此划算的交易飯後糖水的價錢也是超親民中式傳統糖水價格落在$15-$18 也有其他臺式甜品選擇至於味道，我點了漏奶西多士 量大品質高這個價錢我是超級滿意！

午餐簡單吃:雲吞米粉，ok基本嘢，有調味所以幾好味，不過份量可以再多少少😂寧願佢收多幾蚊，有條菜～而家三粒雲吞，少少米粉。冇加菜的選項。附近有食到淨雲吞。會有多菜同埋差唔多八粒大&fresh雲吞。有加10幾蚊一大碟靚菜的選項。所以對比之下，唔係話好抵食。不過冇乜辦法，選擇不多。有時轉下。至於檸茶，有啲苦澀。希望將來好啲🙏🏻

簡單收工晚餐2個餐158好抵食一個酥皮雞湯，煲仔飯，2個甜品或飲料甜品偏港式，椰奶喳咋，比較甜仲有豆腐花可以選擇煲仔飯好滋味櫻花蝦臘味煲仔飯，都算幾足料花生、芋頭都好香可惜就無乜飯焦睇落去隻碟細但係個份量就啱啱好仲加咗個湯都幾好飲價錢實惠推薦去試下