巴沙新加坡小品 (已結業)

今日天氣都幾凍，一個人食晏得一個鐘，想食得飽肚D又想食海南雞飯又要快，此食店見日日放工都經過都有唔少人，咪走入去試試，入到去，職員很快安排位置給你，問你食什麼，心想食品很快來到，可以慢慢細味。誰知等了十分多鐘的時間，還未有東西吃，有點不耐煩了，於是便問職員還要等多久呢？他們的回應是正在準備中，再等了幾鐘，食物仲未來到，再次問同一位職員要到何時才有食物呢？回應是等一等，過多三分鐘後，海南雞飯終於到了，賣相無咩特別，整碟雞全是胸肉，一食之下，雞無雞味，如食柴皮一樣。至於油飯方面，雖然唔油，但帶點乾，等咁耐又唔好食，無下次。

同同事來呢度食lunch..見佢門口咁多報紙咪入黎囉...一睇..每個set都至少四十八蚊．．．我叫左個新加坡喇沙．．都ｏｋ既．．．湯底幾有椰汁味但又唔係太辣．．但料唔多．．得ｄ雞肉同豆仆，亦唔係本人食過既同類食品中最好食的，唔值呢個價錢囉

29 November 2006 (Wed) - 晚飯做完運動同友人黎呢度一試，我第一次食叻沙，覺得好正，個湯好正，啲麵亦好特別，唯一唔好係坐得唔舒服同埋價錢真係好貴，只係一碗唔太大既叻沙就要成四十幾蚊，一啲都唔抵，馬來西亞啲嘢食咁平，佢就要咁貴，唔太值，但係點都要試下，因為唔係香港嘢，幾特別，如果價錢平啲，我一定會時時黎幫襯！今次連嘢飲都唔敢叫，因為太貴．．．～～

晏晝諗住來這裏食個下午茶，一個食客也沒有，心諗是有點詫異的，看看餐廳就明白箇中原因─價錢，三十幾四十幾元的下午茶的確係幾貴，說到底講格局，這裏只能算是食店，餐廳的級數也未夠，不過也要試一試乾坤。一心就是來食叻沙的，就點了個雞肉叻沙，四十八元又幾貴。賣相其實也不俗，成碗叻沙都幾大分量，又加上了香葉碎，又再次濫用了香葉碎。雞肉起全骨，一粒小小的碎骨也沒有，刀章幾勁。肉質都好滑，似乎用來做海南雞飯的級數，只欠雞味。酹粉好散碎，但既然不是主角，不多加留難。湯底其實做得好不錯，椰汁幾重，味道又夠香濃，交足了功課，暫時是筆者在同區吃過的叻沙中，湯底做得最認真的一間。另外一點驚喜的是豆卜，吃起來竟有重重的如豆漿的鮮豆味，相信不是十分十分新鮮也是不會有的。從未試過吃豆卜也吃得這般快樂的！

我黎個両次, 両次都好失望。之前睇香港某本大heat既飲食magazine話呢間星洲caf擳錯。有一日平日放假, 麻老遠由大埔坐車到灣仔, 一心想嘆件咖央多士。挨!簡直不知所謂。件多士細到暈, 入面D咖央醬好似無査咁様, 淡而無味。呢個仲係下午茶餐添, 連杯咖啡, 咁就廿五銀。好啦! 諗住食lunch好D啦, 結果仲衰。個日係星期六, 両個朋友都係住香港島,我地約左去巴沙。去到好似話無set lunch。無辦法, 麻散叫囉。我同朋友一共三條友, 叫左三様野。星洲炒蘿白榚、肉骨茶、煎魔鬼魚。嘩!好似入左美女厨房咁。星洲炒蘿白榚黒到墨汁咁, 味道好怪, 有D燶燶地。肉骨茶湯多肉少, 我地三個人一人一細塊。煎魔鬼魚煎到一pat野咁, 仲有好勁“雪”味, 同我以前係Malaysia食個D簡直無得比。埋單仲驚人, TOTAL HKD 230, 我地無叫飲野, 食lunch要成70-80幾蚊一個人, 仲要好難食, 被D friend鬧到我暈。

上次食過叻沙, 今次再試雞飯. 一時多來到, 人客開始散, 但等了近20分鐘才有得食.原味雞飯套餐+ 油菜($58): 4分, 油飯本身幾香, 但極硬, 食多兩啖開始胃痛. 點算? 唯有鼓其餘勇試試碟雞, 雞基本上無雞味, 冷冰冰的, 點上一大碟醬油(無錯, 只得一碟, 係二合一醬油, 黑豉油同辣椒油自動結合), 味道依然麻麻. 食一碟無乜味的雞+ 硬油飯, 真係一個挑戰.勉強食完才醒起, 這裡賣的不是海南雞飯, 而係原味雞飯.下次食番叻沙算數.

又到友人家中作客,蟹宴之前肚子空空如也,劇餓難擋之下,早一個站下車方為上策.於是去巴沙,來一碗喇沙.早聽聞過此店的老闆,係個靚女主人.看其年約四旬,依然可人.只係面上,帶點點風霜味.一身全黑簡約如Jil Sander連身裙去招呼客人,顯得幾有個性,還很富貴.感覺上,這個女主人,背後係有點history.其後將會拆蟹,同元蹄搏鬥,所以輕量一點,要個正宗喇沙,材料有豆卜,墨魚丸,蝦,魚片,獅蛤等等.先嚐其湯,並不如前文賀拔兄所言.可能大家口味不盡同.椰味都幾濃,係有點苦,源頭是否在面上磨碎的葉?材料也能吸收湯底的味.幾粒細獅蛤,非常鮮甜.單講用料,此店比外間好多星馬店認真,諗起有些無良商店,連人做蟹柳也夠膽死用,真係講起都無名火起.見其還有些炒麵條,雞飯,下次再來試試.就算食物略有不足,統統也能包容.因為,靚女大晒.唔恨得咁多.

海南雞之旅的第一站，似Cafe多於餐\廳的小店，board上鬼畫符的寫著是日精選，海南雞長年掛頭牌。收工來到已是十點，差不多打佯，快快手點了海南雞飯，想吃叻沙，「順口搭單」叫阿姐拿碗叻沙湯底來試味，照辦。叻沙椰汁味極濃配上蝦米，濃而微鮮但膩，少了點香草味，不俗但可以更好。先來碗蘿蔔湯，幾清甜的，吃油飯覺得膩的話，喝幾口幾解滯的，這裡的油飯滲著微微的雞油香幾乾身，再油點再膩點更加好。見阿姐拿雞出來時下了醬油，甜而帶麻味，切雞去了骨，冰鮮雞但幾嫩，伴碟的的甜醬mix薑絲蘿蔔蓉醬，味道幾怪的，只得一碟兩味的醬，稍欠規格。全程邊吃邊同阿姐傾雞油、雞醬、雞飯，就是懶得談雞，說到底海南雞飯，油飯及配套先要來得好，做不好雞再靚都是假，要吃靚雞的話，乾脆返歸吃老媽做的白切雞好，又鮮又嫩美味極了。

早前食過加東, 今次再試埋巴沙.正宗叻沙: 7分, 材料包括有蝦, 鮮蛤, 魚片, 墨魚丸同豆卜. 湯底小辣, 椰汁味唔多夠, 但飲落啖湯都幾好. 兩粒蝦未算好細粒, 至少大過加東一開二的蝦片, 但口感麻麻. 據稱鮮蛤係來自日本的飛機貨, 但食落又唔覺好鮮甜. 魚片, 墨魚丸同豆卜都唔係點吸到湯底的味道.料麻麻. 剩計個湯底都有7分.班蘭雪紡蛋糕: 7分, 口感幾好, 軟棉棉的, 不太濃的味道.凍奶茶: 7分, 午餐同晚餐一樣價錢, 但有餐飲送. 凍奶茶茶味幾夠.整體比加東差小小, 但仍算不俗.隔離位女士邊說自己口嚨痛, 邊食叻沙. 食叻沙身體健康?

昨夜試了以下菜:1) 肉骨茶: 一般, 可以不試2) 正宗啦沙: ok good3) 海南雞: 應不太正宗, 但配上homemade sauce, ok, not bad4) 炒蘿蔔糕(black sauce) : ok, 可以試(下次會試white sauce即魚露)5) 仙草冰(類似涼粉): good6) chili crab : very good因很新鮮7) 燒魔鬼魚: ok, 可以試8) 斑蘭蛋糕: very good9) 綠豆茶果: good, 皮薄&軟

話係星架波人，老闆娘口邊經常掛住英文但我覺得似d竹升似些少。某星期六下午咁o岩行過突然想食星洲o野，就同太太入去，坐位稍迫。正如前面第三個既食評，黑板上既價錢好嚇人，可說係特色。結果叫海南雞飯同雞喇沙，冇午餐即係唔包飲品所以加o左兩支汽水。食物上檯，海南雞飯基本上似砌雞飯，冇真正星架波海南雞飯o既醬汁，雞唔滑，飯當然唔係正宗既雞油飯；雞喇沙即刻被太太投訴睇落都唔正宗(唔係果種粉)，結果食落係不過不失，但唔可以當係喇沙。埋單一百二十幾，平心而論，出品高唔過茶餐廳幾多但係收中高檔餐廳價錢，冇下次啦。

四個人, 食左:海南雞飯, 正宗喇沙, 蝦面, 鮮蝦貴刁...除左個喇沙有D顏色之外...其他D賣相都好核突.....碗蝦面好似赤小豆湯D湯渣咁....個鮮蝦貴刁一pat pat 啡色物體...D貴刁炒到爛哂...冇一條完整....仲要$58...過份...我自己係食喇沙....一D都唔辣....而且唔夠香...成碗似椰汁湯....好多料..但係貴($48)....非常唔抵食....原本想要炒蘿蔔糕.....八點鐘已經賣哂......D香飯原本都話賣相要我地轉白飯....走果陣仲聽到佢地話D雞都賣哂.....係咪咁好生意呀...自己既招牌菜八點幾已賣哂....咁佢仲可以賣咩呀????

見到佢個店名寫住星加坡小品, o拿o拿o林去食啦!! 出面又有晒雜誌介紹咁..諗住會好食..點知!! 勁唔掂!!我o地星期六中午去到, 我叫杯凍奶茶,正宗叻沙..我覺得杯奶茶勁甜勁多奶,算啦.. 個正宗叻沙,一隻小蝦仲要切開2塊小片當2件咁,1粒墨魚丸OK好食,另外仲有3塊超超細的墨魚片,3粒豆卜, 2粒黑鬼色既蜆粒.. 個料真係麻麻地,湯底好普通, 但係要成48蚊碗,算貴....我個friend 叫杯凍鴛鴦,肉骨茶(細), 個肉骨茶得2件豬腩,仲要唔包飯!!!!!!!但係成48蚊喎!! 肉骨茶點會唔包飯架!!叫人當湯飲咩...我響星加坡同馬來西亞食都唔洗另外叫個飯.. 問老細佢話星期一至五先有包飯,星期六唔包架,搞錯!! 另叫一個飯要加$8蚊,o黎到係超細碗...成個lunch 仲要連加一要$150.. 超唔值..覺得個老板想快回本，唔做熟客個隻．．．．．個個都係生客可以任佢．．>.<

叫左蝦麵，湯底幾好味喎，有蝦味，又甜甜地．不過ｄ配料我覺得麻麻地，ｄ蝦超細隻，其他配料如豆卜，魚片就普普通通～服務都唔錯．員工笑笑口，仲有老闆娘好靚架！

如果唔係鋪喇沙癮起，我係唔會謬謬然走入o黎。喇沙唔係度度識整，唔係話求其有個橙色湯底，加D味精就係喇沙，同樣碗大，未必代表料多。其實講到尾，喇沙就係新加坡車仔麵，成個麵o既靈魂就係個湯底，軀殼就係d麵。軀殼係用黎裝住靈魂o既容器，當d麵索o左個湯底，靈魂先至算同軀殼合二為一。呢到o既靈魂標榜有落螄蚶，但鮮味卻欠奉；軀殼則太細小，而且夠膽用瀨粉充當主角，成$48蚊碗大ga，係咪應該對d客有d交代呢？材料亦有小蝦(餐牌上寫大蝦)、魚片、豆卜、魚丸、墨魚丸&蛋，但係貨色遠比港式魚蛋粉遜色，魚片魚丸一d都唔彈牙，面且份量太少，除豆卜外，魚丸魚片只得一粒，蛋得半隻。。通常四十幾蚊已經可以食到捧住個3個月大o既肚好滿足咁走，今次肚皮仍然感到空虛無比。睇得出老闆想早日回本，店內所有食物價格偏高，同上篇食評一樣，有冇人入黎食又係下回分解。