巴依餐廳

營業中

休息中

成間舖七成客都係講普通話😂 你唔信米芝芝外國口味都要信吓啲港飄，嚟巴依食羊無死錯人今次新試咗手抓羊肉，咪睇佢白雪雪好似無乜味咁。係類似清湯腩咁概念。羊肉食落又肥又香，有皮有骨位口感豐富。大推薦另外，羊肉串同手抓飯都係必食之選，全部係羊但唔同位又有唔同嘅食味。老虎菜沙律又辣又澀但基於唔可以無菜落肚，需要強烈譴責咁少青綠色嘅選項。大盤雞份量大，雞肉嫩。唔食羊嘅朋友都有得食反而期待已久嘅羊肉蒸餃就好麻麻。啲皮係薄但全部痴埋曬一齊隻隻夾親都爛都漏汁，而且啲肉質都幾鞋吓。雖然調味幾好都無得救啦服務態度依舊係零，今次遮遮仲同一個客鬧咗勁耐交🙈🙉 之後已經無人手到一個點，自已拎杯拎嘢飲基本嘢啦。啲客開始 self serve 到問隔離枱借開瓶器🤣🤣🤣 都好新嘅體驗嚟嘅溫提，都係記得一定要訂咗位先好去。

其實唔想做咪汁咗佢，以前真係好好食。你而家間簡直係得罪人D羊又唔係用返，新疆羊，又冇咗羊餃，仲同我講不嬲都冇，我20年前已經幫襯你地，以前午餐有个羊排粉好出色。而家入到黎咩都冇。連以前好有heart 个个肥經理都唔見咗。

Come here if you are hungry ... for abusive customer service.We had a booking for 3 people. I was the first to arrive. I went in and gave them my friend's name. The lady said, what's his phone number? I said I don't know. Then, she screamed, you go back outside and wait. Everyone arrived. She said our booking is for 7:30, not 6:00. We said no. She screamed, again: you guys go back outside and wait if you want.Honestly, the staff were more like beasts than human beings. Please, don't patronize th

尋晚8:00去到，訂咗枱三位，去到嘅時候全場坐滿得一張二人枱，佢居然叫我迫少少坐埋去，我即刻同佢講‘’我哋三位喎”，佢就好晦氣咁同我講咁等一陣啦，我心諗，咁我訂位嚟做咩？主菜當然係食羊腿啦，羊腿嚟到嘅時候，並唔係我喺OpenRice見到嘅樣，OpenRice上面嘅圖片係佈滿孜然粉，見到都流口水，我嘅羊腿送到我嘅面前嘅時候，都唔係嗰個樣嘅，白雪雪好似冇味咁，只有少量嘅孜然粉喺碟入邊嘅角落頭，咁我就叫店員幫我加啦，佢居然只係加咗少少去返個角落頭度，我話‘’想多少少‘’，佢話“你用匙羹自己整上去啦”，我叫佢擺低樽孜然粉，佢唔應我就走咗🫠OK！咁我就食啦，食到一半多啲啲孜然粉已經食晒，我再問另一個員工想要多啲孜然粉，佢終於放低比我自己加。係呢個時候，頭先好串又唔肯俾多啲孜然粉我嗰個員工見到我自己加既時候，佢居然同佢另一個同事講叫佢過嚟收返，然後另一個同事就行過黎同我哋講“用完啦係咪啊？用完我拎返走”🙃以上情形係我親眼望住。講番啲嘢食先，個酸奶名副其實非常酸，升嘅程度就好似飲緊檸檬汁，不推薦。羊肉餃子$180 15粒除咗佢大粒之外，完全冇優勝之處，入邊啲羊肉勁老，另外叫咗個炒土豆絲，普通水準，唔

幾年前黎過一次，覺得食物幾特別。今次再黎，嘩，唔使旨意再會黎，唔明點解仲係受歡迎，因為平呱🤣首先，服務超差，食一餐飯，我準時7:30還枱，但中間由6:45開始每十分鐘黎催一次，又話我地叫咁多食咁慢會交唔切枱，食快啲。我見佢枱枱都催，仲俾埋食物盒叫個客打包，話佢食得太慢，打包拎走。到左7:20，下張枱個客到左（其實當時餐廳仲有三份一位置係吉既）。明明係佢早左，我地都已清緊啲餸尾，個服務員大大聲指住我哋，「佢哋囉，都未走，走咗你先有位啊。」仲有成十分鐘，比我飲埋個乳酪都得呱。食物好普遍，個羊肉完全冇羊味，土豆絲譚仔都好味過佢，盤大盤雞我都唔知點解佢一盤雞可以有六條頸，嚿嚿都係頸，得幾嚿肉🤣你服務態度咁差，食物出品又差，叫人重點來啊？

巴依餐廳提供新疆菜，喺香港好少有，加上而家冇得返內地，就特別少有得食。可能因為咁，餐廳好多人幫襯，當中唔少係內地人。餐廳食物有特色，但係只可以話係質素平均，唔算好食。[🤬憤怒模式啟動🤬] 我哋當日訂位訂咗7:30pm，我自己早到咗，大概6:45pm問職員可唔可以俾我早啲入座，佢完全無視我。唔緊要，反正我啲朋友都未到齊，我默默地喺舖頭出面一路等一路餵蚊。大概7:00pm，大家到齊，再問佢可唔可以早啲入座，一開始再被無視，後來餵多左陣蚊再追問下，職員表示我哋book嗰張枱已經有人入左座，當我哋白撞。我哋講極佢都唔信，最後逼佢睇住我哋打電話去留位嗰個電話號碼，見住個電話響，佢先信我哋係預約咗。職員之後死死地氣安排我哋坐一張近門口人來人往、黐住隔離枱嘅大枱(而白撞個班人就坐咗比較舒服嘅卡位)… 一聲唔好意思都冇。坐低冇幾耐，我哋見到卡位嗰邊有枱人走咗，就建議掉去嗰邊，讓返張大枱出嚟，但係遭到拒絕… 好啦我哋繼續食嘢啦，食食吓有個職員無啦啦走嚟同我哋講，要求如果有其他客人問我地係幾多位(我哋其實係三位)，我哋就幫佢講大話話我哋五位，有朋友嚟緊。我地完全唔知發生緊乜嘢事🤷🏼‍♂️明明係佢哋做錯嘢我哋

Came for a late lunch. The interior is pleasant and well-kept. There’s a strong smell of lamb when you enter, but that’s expected given that the main meat served is lamb. The food was pretty authentic. Best to come in a group so you can try more dishes. The dumplings were hot and yummy but came in a dish of 15 pieces. Overall pretty good.

訂位18:00-19:30用餐過程👇18:00 - 入座18:30 - 第1次提醒， 19:30要走18:35 - 店內只開一部冷氣， 問員工可唔可以開埋另一部（即時開左）19:10 - “突然收凳” 員工突然攞走比我地放物品張凳， 即刻攞起個人物品，問發生咩事？員工話19:30有客人要用（當時店內有50%吉凳）19:15 - 擺張單係枱面19:20 - 要求埋單，19:30要走19:20 - 我地會準時走， 而家未夠鐘， 由入座到而家已經講左3次19:30要走19:21 - 熄冷氣（18:35我地查詢要開果部）店內環境👇- 全程好多蚊滋🦟- 幾個員工同一位攞外賣客人鬧交（持續5分鐘， 好大聲）

香港的新疆菜館極少，稍有風情的只有這間，在香港的天山之山坡上 ，險峻如激流的水街高處。近夜店林立的高街，同樣有異域豪情的感覺。有木屋的包裝，老店模樣。新疆人粗聲粗氣的服務。烤羊腿只在晚餐供應。如6時你不能來，只能在7時半第2輪入席。烤羊腿不算大，3人分享剛好。食後不會燥熱，辛辣粉亦不火熱。嬌嫩得很，羊肉體味不會令人生厭。宜多加辛辣粉，才夠大漠風情。大盤雞似川菜，對習慣川菜的香港人來說，不算太辛辣。薯粒多得很，供米飯般食。附送新疆式刀削麵，比山西的闊而薄，，應該是放在大盤中蘸辛辣汁吃。這種新式新疆火鍋，蠻有趣。甜品雙驕是酸奶和杏仁奶凍。酸奶稍多水，不及北方中國的濃郁。杏仁奶凍很涼涼而杏仁味濃，可潤喉降火。三個人花800元，換來天山旅行的探險感。

新疆抓飯垃圾，完全都唔係新疆抓飯，只係普通珍珠米煮。羊肉跟飯分開，上抓飯的時候才把一塊羊肉放在飯面上，欺騙沒有吃過抓飯的人，不是新疆人做出來的抓飯，實在是太可怕了，而且服務態度極差，和他們說了一句羊肉不太夠肥，馬上就翻臉，只此一次，永遠不會再幫襯了。

1. 已經訂位,但是將我們的桌子錯誤給了其他客人之後,拒絕承認我們有訂位,在有空桌的情況下,要我們在外面等, 比蚊咬到一腳都係. 我們要多次據理力爭甚至打電話證明自己是訂檯人,才勉強安排位置較差的大桌2. 中間原本訂的座位的人離開, 我們提議可以轉過去, 將大桌讓回, 遭到拒絕.但是食到中途, 店內阿嬸突然指控我們坐了大桌, 要求如果其他坐得擁擠的食客詢問, 要謊稱本桌其實有5人(我們只有三人), 我們是客人, 是因為餐廳的失誤才獲安排坐這桌, 不明白為甚麼他們期望我們幫忙做馬騮戲3. 中間不斷上錯菜4. 吃了大約1小時已不斷過來監視吃飯進度. 坐下接近75分鐘的時候,謊稱我們已經坐了1.5小時, 要求我們馬上離開(但是訂檯和入座前從未講過有時限). 向阿嬸提出訂檯和入座前從未講過有時限的時候, 阿嬸指出雖然沒有明說,但他們餐廳一直都這麼做,是他們自己的規矩.用餐體驗極差, 簡直是匪夷所思的經歷

6:00 入座6:40 上齊食物6:50 第一次提醒7:30前還枱7:00 第二次提醒7:30前還枱，姐姐企係側邊望住你食咗幾多，叫你哋要食快D7:10 第三次再提醒7:30前還枱，話拎盒俾你地打包！（回覆姐姐：你已經講第三次我哋知道啦！）7:15 第四次再講，拎埋張單過黎，示意要離開7:30的客人可以準時入座，但完全冇理會過6點入座客人的感受🤨如果想食餐安樂飯，可以有更好的選擇。

想食羊腿訂枱一定要訂埋，今次食唔到不過其他嘢食都唔錯—————————————————————•手抓肉🐑$238 啖啖肉👍🏻有啲羊脂肥膏，冇乜羊騷味😋配少少洋蔥🧅都可以解到膩⭐️大盤雞🐔🥔$280 嗌咗微辣，雞有醃過好夠味，薯仔🥔煮到好淋入晒味😋•杏仁羊奶🐑🥛必吃甜品，好滑！ 淡淡嘅杏仁味， 解油膩感一流👍🏻——————————————————————————整體來講，味道唔錯，份量好多兩個人嗌兩樣食唔晒，下次一定要試吓羊腿😁

千期唔好去，服務員態度極差，打電話訂左台留左餸服務員都會走你數，仲會係你面前銷毀張訂枱記錄。一早打電話成功訂2點鍾2位並留了烤羊腿。誰知1點4去到時店員跟我說沒有烤羊腿，並說公司規舉3點前不能預留烤羊腿。又叫我等到3點會有，等到2點8又話要3點半4點先叫。好了諗住點都好入座先邊食邊等，2點8入座發現好多遲過我地黎的食客都已經食緊烤羊腿。於是同店員理論，個店員直頭話我冇訂枱想銷毀記錄！真心係前所未見咁差的餐廳。

成世人未試過去餐廳會嬲到著🔥🔥🔥！！bk咗位，留咗羊腿，講明有先去~點知去到話午市不設預訂！！咁你唔好係電話度實牙實齒話有啊！黎到先話冇得訂！話宜家冇羊腿啦，叫我地係門口等陣，等到三點就有，咁我地就由午市等到下午！等咗足足兩個鐘！入座又屈我地冇bk位，冇留腿，宜家冇曬啦！真係🔥都黎！明明睇住有張細紙仔寫住我地電話號碼的預約，個短頭髮前台大媽仲反口話冇，用國語閙返我地轉頭！！！知你米芝蓮巴閉啦，唔憂冇生意，服務態度惡劣到極致！！永不幫襯！！！