巨龍冰室 (已結業)

我一個人食午餐俾人調咗兩次位後重想再調第三次。感覺好差。消費午市非標準午餐碟頭飯連熱飲$58連湯都無。要消費比較平嘅精選全日餐$46(熱飲)先有，做法難以理解🤔都明白忙嘅時候你想用盡d位，但將客人當人球咁調幾次就好差。其實眼見仲有其它位可以選擇，點解一定要調客人位呢？你可以話平嘅全日餐低成本製作，個湯計埋入去個餐嘅價錢，我無得反駁。但單頭碟頭飯時菜牛腩飯$52 +$6熱飲都無湯 offer 你就不太 make sense 囉。

呢間開業約半年多嘅茶餐廳係我假日必去食早餐嘅地方，睇住佢生意越做越好，上一手嘅“老地方”、“巨人”都要撇's。以為呢個係死位，點知佢又做到客似雲來，除咗抵食之餘食物嘅質素也不錯。店員服務勤快，上菜也不需久等，值得一讚！小店裝修簡約，以綠、白色為主，乾淨整齊，座位唔算多。價錢合理，收費大眾化，以早餐為例，三十蚊左右已有一份完整嘅早餐，包括一大碗通粉，煎蛋、火腿（有煎）及多士，隨餐附上飲品。真心推介呢度嘅鮑絲火腿通粉，湯頭很獨特，並非一般茶餐廳淡而無味的湯水。鮑絲很有咬口，沒有“鯹”味。蛋煎得恰到好處，煎蛋很講厨子嘅功力，太熟像吃蛋乾般不是味兒，唔夠技術煎到漏哂、穿哂更加討厭（我憎死）。份量很足，碗通粉非常大碗，物超所值蛋煎得很好，食咁耐嚟講，都未試過失手，食物水準好穩定。讚！個餐都係講緊，三十大蚊咋，抵到爛啦！成條街都唔知去邊度揾？！杯奶茶係一般茶記之作，交出水準！早餐有十二款俾你揀，由A至L，豐儉由人，總有一款啱心水。每款都各有特色，任君選擇。

人生食過最難食既肉醬意粉D肉醬每一啖都好甜，用糖水煮？定其實師父係咪落錯糖？其他方面 環境正常員工正常野飲正常重申一次肉醬意粉好難食鐘意食甜野既朋友可以一試食完話我知

去試了新開的《巨龍冰室》，這間冰室應該是較適合健康風的女士因我留意到食物都沒其他茶餐廳般油膩的。食物選擇挺豐富的、有點想吃常餐但想了一會還是點了lunch set！例湯可以選中式或西式、兩個也是我喝的，西湯很多菜不油膩但很辣😂中式湯較油膩但很多湯料我點了照燒汁香煎比目魚飯、照燒汁不油膩很清爽有點甜甜酸酸的。比目魚煎的外邊脆脆的肉身超級嫩滑。配菜是炒過帶點咸咸的醬汁(對我有點過咸但配飯剛好) 同行者的咖哩牛舌我看的出沒有油的，他說咖哩太水然後牛舌是水煮的，整體就是很淡、太水了點。

今晚唔係好肚餓 ,嚟到呢間 巨龍冰室試下 ，因為在下比較注重食物質素同環境，所以並唔係間間茶餐廳都會幫襯 。呢間冰室 位置唔算多但係好似幾舒服，所以試一下。坐落去過得幾舒服 ，張凳似乎好似大過平時人哋茶記嘅size ，同紅磡冰室嗰啲差唔多。唔講咁多食物方面，我哋嗌咗個條魚，我哋叫咗條魚 ，首先個價錢咁平我地對佢冇乜期望 ，點知拎咗出嚟 ，原來都幾靚仔 ，食得出好新鮮，不過我哋食完最尾嘅時候有枱客入嚟想叫我哋嗰條魚 ，先發現原來佢哋好早就會賣曬。另外值得一讚嘅係個四季豆 ，事關我每日都魚肉肉太多，想食個菜 ，叫咗個四季豆發現原來都幾香口之餘又食到蔬菜。最後係 咖哩牛脷好好味 ，屋企人食完覺得唔夠飯想加個白飯先發現原來佢哋白飯係任添。