影片
今日途經尖沙咀，見到呢間麵店新推出佛跳牆餃子🥟，覺得幾新奇於是入去試下。店鋪環境都算乾淨舒適，餃子雖然得兩個，不過料都算足，可惜偏鹹。我選擇左配米粉，米粉以及湯底不失不過。
繼續閱讀
整體：冇特別甚至可以稱之為難食炸醬：鞋濕濕嘅豬肉條好似冇醃過咁，用啲鹹鹹地蕃茄醬撈咗就上碟咁嘅感覺麵底：成餐飯唯一稱之為水平以上，我個人口味比較喜歡唔好咁熟，生生地嘅幼麵，個廚師出乎意料咁迎合左我嘅口味，但係如果牙啦梳啲，都幾麻煩伴麵嘅條菜心：唔熟，由於我鍾意食生嘅菜，對我來講冇問題，其他人鍾唔鍾意就見仁見智啦上湯蘿蔔：難食，有四舊，一啲味都冇之餘仲非常之厚皮，咬落成口渣，我嘗試加啲辣椒油去救下佢，咬左其中兩舊，一啲味都冇之餘仲非常之厚皮，咬落成口渣，分量上其實都好大舊，唔知點解就孤寒啲皮到？好心就唔好咁孤寒㓟皮批厚啲啦無糖可樂：一如既往咁keep到水準
繼續閱讀
呢間真係估你唔到！由食評讚多🤔服務箅有禮、餐具飲品亦有自己風格🤔但係食物真係唔得：牛腩鞋到一個點，羅白切到咁大件：尖沙嘴女性點食，同事點豬潤：醃過龍🤢只有鯪魚球正常叫做能夠食落肚，炸醬都合格，面底全部都好韌🤢豬手見到毛都唔想食😵整體難食
繼續閱讀
尖沙咀經常工作收得夜關係，周圍都無乜野好食，所以經常黎呢度填肚，店舖裝修設計上有花過花思，雖然唔係高級裝修，但係都係非一般嘅麵館裝修格局，店舖仲用上即棄竹筷子，非常衛生，呢度提供套餐選擇，可以選單拼$55或雙拼+$6，價錢合理，套餐有麵有菜仲包埋飲品，呢個價錢尖沙咀非常合理，每次嚟都食牛腩河，有時肚餓得滯會加多個雙拼，牛腩炆得夠㵉，水餃都好大隻，最重要係乾淨衛生，完全擺脫左以往香港廣東麵館簡陋嘅形象，每次去親店員都非常有禮，只係間唔中聽到佢哋談話中夾雜着粗口，從而帶出香港文化
繼續閱讀
行開尖沙咀一頭，見到新開嘅雲吞麵舖，幾光鮮裝修新淨，感覺幾好坐。分別叫咗淨雲吞、牛腩牛筋麵、炸醬冬菇撈面。雲吞一客6隻大小適中，水準不錯湯頭鮮甜，配多兩條菜芯，都算飲食平衡小小。牛腩牛筋麵既份量十足，比地區名店多成倍，最起碼一定食飽飽。而牛腩牛筋都炆得入味又夠冧，真係好鍾意完全唔使咬就sir 入喉嚨嘅牛筋。另外叫左廣東炸醬冬菇麵，炸醬麵都算係經典撈麵，喺其他地方真係好難。外表紅紅的，並配上甜辣的濃汁同埋混合肉絲，鋪係彈牙既幼麵上。食起泥又有口感，味道又濃郁，好味！
繼續閱讀