川粵 (威利大廈)

營業中

休息中

係附近行完街，有啲想食海南雞，就見到呢一間舖頭🤣無骨海南雞油飯 送無味精靚湯 $66喺中環$66嚟講都算幾抵，仲有埋湯送😍個湯係豬骨煲紅蘿蔔湯，都幾足料，飲得出唔係味精湯，幾有家的味道👍🏻而海南雞飯都幾足料，一人絕對夠食，無骨海南雞真係完全冇骨，雞肉好嫩滑，一啲都唔嚡，蘸上秘製醬汁，真係好滋味！仲要一讚佢嘅油飯，粒粒分明，但又唔會食落好油膩，配埋海南雞一齊食真係一絕！如果我喺附近返工，呢間絕對係我嘅飯堂！餐廳環境都算光猛明亮，冷氣十足，坐得都舒服，仲可以睇電視！🤣

川粵😘😘😘時空穿越（川粵）中環威靈頓街、小店外觀、以為只供外賣、原來旁邊有樓梯、樓上雅座、提供堂食、座下嘆番個、川菜拼粵菜特色晚餐！✨秘製豬軟骨飯$64粵菜式、濃香黑醋、甜香軟腍豬軟骨、仲有一隻滷蛋、超值套餐、奉送例湯、窩心湯水、紅蘿蔔、南瓜、老黃瓜、色調艷麗、湯水密綿綿、yummy yummy 👍🏻✨蒜泥白肉$48經典川菜、採用五花肉、肥瘦相間的部位、肉質軟腍不油膩、切薄片、整齊的擺入盤中、中間放上袐製蒜泥酱汁、蘸汁享用、鲜香可口😃✨手撕雞$48袐製醃漬、嫩滑雞肉、蒸熟、人手整理撕成絲、配搭脆炸鷹嘴豆、花生粒、芹菜、芫荽🌿、成清爽美味涼拌！📣📣👍🏻飯後水果、今晚切邊橙🍊⋯⋯夠晒窩心❤️川粵中環威靈頓街97號威利大廈地下1號舖及閣樓港鐵香港站E1出口、步行約6分鐘

今次係中環呢間店到叫左個麻辣雞煲飯😋有啲意外仲有個橙嘅水果細盤，而且加埋一湯一餸一飯簡直好有住家飯嘅感覺🥰🥰個湯係蘿蔔薯仔湯，都好好飲，一啲都唔重味精！一路食就一路飲🤣🤣個雞都唔係好辣，適合一啲食唔到辣但又想感受小小辣人，都幾適合佢嘅鋪名川粵，川菜得黎又符合本地人嘅口味😋😋上面仲有一層供堂食～環境都幾企理！價錢黎講我覺得係中環幾合宜，加上又有住家餸嘅感覺，有湯有水果咁，食得好滿足同完滿🤣🤣口感一啲都唔單調😋個價錢物超所值‼️

下午和同事經過威靈頓街，在這裡吃了個下午茶😆-手撕雞 $48手撕雞非常嫩滑😍配上的醬汁少許辣，令整碟菜式非常開胃。下面還有些芽菜作為伴碟，是有營之選。-椒鹽粟米 $38外觀很吸引的一道菜🤩椒鹽味的粟米燒得很香😁😁-紅糖糍粑 $30在香港有紅糖糍粑吃的地方不多，所以見到馬上點了😆紅糖糍粑軟糯，不會過甜，表皮脆脆的，灑上紅糖漿十分滋味😋作為餐後甜品一流！-另外同事還點了麻婆豆腐飯，也說頗好吃，但因為我不餓，就只是跟他share以上三款小菜吃🤣下次打算試試這裡的口水雞飯😆

一直以為呢間小店只有外賣🥡原來有個樓上舖位可以堂食主打各款川式中菜 本身驚重口味 但原來味道都幾家庭式套餐本身會跟餐湯 不過咁岩賣晒 所以店家好好 咁送咗碟生果俾我哋 送足七個柑🍊😆實在慷慨🍚黃酒雞飯天氣凍 食呢啲養生小菜最啱啦食落唔會太重酒味 雞件幾滑入味 仲有啲紅棗木耳 食完暖笠笠-🍚鎮江豬軟骨同樣非常入味 酸酸甜甜 豬軟骨唔會炆得太淋肉嘅份量好多 價錢抵食-🌽椒鹽粟米唔會好似燒到乾爭爭 粟米依然爽脆 灑上椒鹽幾惹味

中環Lunch新選擇🌟 位置超方便！呢間餐廳就喺中環電梯旁邊，Soho區果頭，絕對係晏晝快閃嘅好選擇～📍辣子雞飯 🌶️🍗呢個辣子雞飯好香！雞件炸得脆卜卜，外皮帶微辣，內裡肉質嫩滑，啖啖香辣惹味。配埋白飯食，絕對係食辣人士嘅心頭好！.湖南辣椒炒肉 🥩🌶️呢道菜辣味十足，但辣得嚟好香，完全凸顯出湖南風味。炒肉片薄而嫩，配埋辣椒爽脆又惹味，每一口都充滿辣椒嘅香氣，食到停唔到口！.椒鹽粟米 🌽🧂呢個係驚喜之選！粟米炸得啱啱好，外層灑滿椒鹽，入口鹹香酥脆，內裡仲保留住粟米嘅甜味，真係又香又甜又脆，超級滿意！.即磨炭燒咖啡 ☕🔥.最後嚟杯即磨炭燒咖啡，呢杯真係令人一試難忘！咖啡味道濃郁，仲帶有少少炭燒香氣，口感順滑，回甘唔會太苦，岩岩好！.叫飯有湯跟😍😍😍 位置方便，味道又正，仲有多款辣味菜式值得一試～💯💥 下次一定會再嚟試其他菜式！

最近推薦的靚女及靚仔系列，都幾有特色可以試吓😁🫶🏻試過金湯酸菜魚飯同埋爆炒白切雞定飯都好好食仲有凍奶茶同埋咖啡味道唔錯樓上有位坐冷氣都幾充足每星期都來兩次三次

午市酸菜魚飯$68 竟然比魚碎！！有無搞錯呀 好過份。 我同朋友2個都叫左酸菜魚，一樣咁少！問職員職員話岩呀呢啲係魚！呢隻連一塊正常既魚塊仔都無呀！ 唔會再幫襯！真係好唔掂呀！好離譜呀！