影片
近來這間附近多開了間同類的魚店, 是更高級裝潢的那種. 可是我一向不重裝潢, 看過網友食評後便放棄那間.三人共晋, 選了大半邊的魚, 也不曉得是什麼魚, 因沒寫明. 再另外點了碗米線share. 後者餸菜和米線質地不算差也不算出色, 反而魚的汁調得味道不錯. 初時不覺太辣, 可一會便覺了, 當然我是不想太辣的, 但第一次來不知辣的程度如何. 可是這已是小辣了, 不知有否微辣? 魚肉算滑, 但魚味不夠突出. 配菜味道和份量還可以, 以為三人分享未必飽, 結果又夠了.
繼續閱讀
這是在紅磡一間火鍋店,中午有米線提供.價錢不貴,算係抵食.湯底選擇了麻辣肉碎,味道不像一般的四川火鍋湯底般濃,而係比較清一點.配上不太煙韌既紅薯粉,味道只屬一般.但其配料就十分出色,鮮牛肉肉嫩牛味重,份量十足,魚片亦是好足料,肉質仲有少少彈牙.可能火鍋店拎到既食材比較新鮮掛如果可以將湯底調較得濃點,相信是個不錯既中午飯選擇
繼續閱讀
嚟到紅磡搵食，多數都喺嗰個原因，出席白事。收工匆匆趕過嚟出席完以前一位導師媽咪嘅安息禮拜後，同老婆行到過嚟湖光街一帶，因為知道佞度附近都幾多食肆，西式、港式、星馬菜、台菜、茶記、粥麵、快餐店……都有，最後，幫襯咗近街尾賣烤魚、雞煲、小菜及米線嘅「川王府」。鋪內地方細細，但放咗唔少位，所以，感覺有啲壓迫感，就算我哋兩公婆坐晌入口門左邊嘅卡位，其實都有少少窄，不過，一室鮮紅梳化櫈，個人就覺得跟牆身唔太襯，但就顯得環境光鮮企理，為食川菜作火辣辣熱身嘅感覺！除咗牆身貼有唔少店家嘅招牌菜色外，估唔到一家小店，個餐牌都做得有板有眼，一啲都唔馬虎。餐牌內主要羅列近年大熱嘅雞煲、唔同做法嘅烤全魚、川菜特色嘅小菜，全部圖文並茂。不過，個排版就有啲「娘」，甚似內地一啲偏遠縣市嘅餐牌風格！而點餐除直接跟店員落單，亦可以自己慢慢剔落單紙，減少言詞間嘅出錯。食烤魚、雞煲，飲多幾支凍飲解解辣、解解渴都喺慣常，而飲品定價亦唔算貴。好幾款喺鴻福堂產品，解辣解渴以外，仲可以清熱滋潤吓添。至於米線，就只有一張落單紙一版睇晒，由湯底、麵底、配料（$4 / $8 / $12），到飲品（+$6 / $8），一樣一清二楚。望見隔離枱碗米線咁大碗，我哋兩個，點兩客小菜，加碗米線，相信都已經好夠！題外話，店內大部份枱都用嵌入式電磁爐，亦有一、兩枱要用明火，如果食雞煲、烤魚，再加多少少火鍋料，擺晒晌枱面嚟就真喺勉強啲！重慶口水雞 $68雖然跟餐牌張相有啲出入，少咗好多辣油，相反多咗好多花生碎，不過，少辣多香就仲啱我。雖然小弟工作關係經常走訪重慶山區，不過，都喺食唔慣當地嘢，又辣、又麻，又油，而眼前嘅口水雞，或許對某啲人而言未夠正宗，但少辣、少麻，既香又帶點刺激，加上皮爽而雞肉細滑，個人覺得好好食。涼拌豬肚絲 $58睇相睇佢唔出，嚟到先見又喺另一道麻辣冷盤，豬肚絲入口冰涼爽口，亦喺少辣少麻，下底又有唔少西芹絲，口感超爽脆。咪以為兩道屬於小菜形式就「睇少」佢，份量著實不少喔！三鮮湯米線 $47自選米線$23起步價，6款湯底，7款麵底，辣度、麻度都有得揀。因為點咗兩個小菜都喺辣麻嘢，所以，個米線要三鮮湯，基本配料有雞蛋1隻、蕃茄及香菇，而額外配料加咗金菇（+$4）、順德魚腐（+$8）及牛三寶（+$12），所以，成碗米線盛惠$47。米線較幼身，口感亦較腍，勝在夠多夠份量啫；三鮮湯比較清，加埋我哋又走辣走麻，唔會食得太「辛」苦，而且，真喺有成隻蛋晌度，無欺場；金菇處理有少少俹簁，一炷過就算；魚腐唔知點解嚟咗魚片頭，都見喺同價，我哋又無所謂，照食都費事搞咁多嘢，而牛三寶聽個名好似好勁，但牛肚得一片，牛腩兩小粒，牛筋多啲，有成4舊仔，其實味道都OK嘅，只喺被人感覺碎濕濕啲啫！店家設有宵夜時段，9:30pm-11:30pm有85折優惠，我哋參加完白事過嚟，啱啱好用得著，加埋又唔收加一，折實食咗都喺$148，幾抵吓！服務方面都算可以啦，店員嘅招呼唔算好主動，不過就快手快腳，唯一喺個米線唔知點解等得較耐，由落單計等咗成20分鐘左右。整體而言，今晚所試嘅兩個小菜認真有水準，相反，個米線就覺得麻麻哋！
繼續閱讀