川熙樓 (已結業)

出差離港一段時間，一返到香港急不及待約好姊妹食飯，辣妹當然要食川菜。Book枱時侍應溫馨提示原來已經搬咗去新地方，位於君怡酒店之内。初到新鋪，大家異常驚喜，店面算大，但枱數唔多，全店以金色紅色為主，有古樸風但有啲西式，感覺幾舒服。大家坐低後，侍應放低2碟小食，一碟係麻辣花生，另一碟口感好好，脆脆酸酸辣辣，好好味，大家估咗好耐都未知係咩，忍唔住問侍應，佢哋話係藕尖。搬咗新店，店大咗，連餐牌都變大了，而且花多眼亂，所謂3個女人一個墟，而家4個女人仲嘈，嘈完一輪，終於可以叫菜。我哋叫咗紅油野蕨菜，冰鎮秋葵，乾鍋肥腸，烤羊排，辣子生蠔，萵筍絲。先來嘅係紅油野蕨菜，菜口感唔錯，配少許紅油，帶點辣。之後係冰鎮秋葵，凍凍的點上wasabi, 清新爽口，足以清清口腔迎接主菜。首先係辣子生蠔，生蠔好大隻，而且夠辣夠香口，隻蠔雖然表面乾身，但內裡仲有汁，推介之後就係乾鍋肥腸，肥腸同青椒紅椒混埋一齊，好入味，只係太大舊，如果可以細舊啲就好啦接著係香烤羊排，一出嚟超香，而且肉質好juicy, 值得推介。最後係萵筍絲，清甜爽口，作為終結，非常好，大圓滿。我哋4個人竟然可以食哂所有嘢，今次真係豁出去。埋單每人25

四川菜館好自然咁一定會諗到全部都係食辣既野，偏偏呢次出乎意料，對於呢個椰香地三鮮，我都係第一次係川菜館食到，味道一般，但係如果係四川菜館黎講，呢個特色菜會值得 一試。本身一件好普通既豆腐，出乎意料地有種特别做法，食既時候如果淨係食豆腐既話，除左滑之外唔覺得有咩唔同，但如果連豆腐上面d配料一齊食既話就即時變得唔同曬。如果冇叫呢道餸既話絕對會後悔。

呢排口淡淡，天氣又熱又焗…最岩食咩？緊係去食番d刺激既嘢la!我fd知道我鐘意食d酸辣嘢就介紹左我去間食四川嘢既叫做川熙樓…心諗會5會辣死妹子我嫁(￣∇￣ 要左個口水雞，都oK就欠差雞味，泡椒娃娃菜，只係好普通1個素菜，食完呢個俾人有返屋企試下煮出食既衝動，不過其中酸菜鱼最正、酸中又带辣，鱼好入味、木耳，蓮藕都好爽。 下次黎一定要點番呢個

再次黎到川熙樓有個意外既驚喜，店面環境換然一新，門面都比以前更加有川菜感。再加上較以前寬闊左，為一吾好是張凳冇以前舒服，可以 俾人一個舒適既環境俾我地聚舊吹水講到野食⋯'一定'要叫我既最愛「蒜泥白肉」三椒雞，經過店員介紹叫左個不可不試食G香烤羔羊🐑排。見到羊排已經有即食G衝動，咬落去好juicy ，好難形容我對羊排的口感，總之一句講曬「正」！（≧∇≦）😭不過得我地兩個人食，見到隔離台食吾同菜式，見到好想食，下次聚會一定要來食。