影片
招牌菜
晴天霹靂，居然食物咁美味既二店都執左，傳聞話加租幅度太利害，仲不繼上漲，做唔住 ﹗真係好失望同遺撼。好采依家仲有大埔墟總店係度 ~ 希望出品仍然保持高質數啦 ~薑絲黑醋，跟小籠包形影不離 ﹗隨可以提升鮮味、增加食慾外，仲可以替新鮮出爐、滾熱辣出晒煙既灌包降，只要浸係度約十秒，就可以成隻小籠包啪入口，香甜濃郁既湯汁肉汁一滴不漏係咀入面浪吓浪吓，超滿足 ﹗灌湯小籠包，每次都必食既主角，可以會肯定咁講，為左佢以黎 ﹗最緊要即叫即蒸，如果一早蒸定既就完全唔同味道同口感，一放落口就發現。新鮮出爐既小籠包，肥嘟嘟又豐滿，好可愛 ﹗身上仲會不繼冒煙，而且香噴噴 ﹗半透明既肌膚，白裡透紅。要用筷子跟匙羹溫柔地將佢夾地，皮要猜得夠彈力先唔會破損，輕輕放係黑醋上等幾秒，讓佢稍為降溫，就急不及待整粒飛入口 ﹗一咬之下，濃郁香甜既湯汁跟肉汁四踐，充滿整個口腔同齒縫，超美味 ﹗皮薄餡靚，豬肉軟棉又肉味濃，好好好味 ﹗一次過食半打都絕無問題，一啖一個，正呀 ﹗椒鹽排骨，上次試過後，間中都會係我腦海浮現，想一再回味，因為上次實在太飽，所以只能輕嘗一舊。今次唔同喇，尊登留肚，要食多幾舊 ﹗排骨醃得入味，肉質軟棉得黎又不失趙口，外層炸得金黃香脆，再加椒鹽兜混，夠晒鑊氣，真係好惹味香口 ﹗加一點黑醋同食，可減低煎炸、油膩感，有助提升食味。上湯火腿津白，賣相一流，仿如有層玻璃膜將所有食材牢牢包住。芡汁厚薄適中，真係剛剛鎖住係津白同火腿。食既時候，最好用津白卷住火腿同吃，因為火腿咸香非常濃郁，但不失風乾豬肉既香味。菜既鮮甜味配上肉既咸香，菜既軟腍嫰滑加上肉既嚥靭有趙口，非常夾又特別，亙相乎應，味道非常好。上海粗炒，非常普通簡單小炒。見有椰菜、甘筍絲、肉絲同草菇絲，加上豉油兜兩兜便成，即炒夠鑊氣，完全感受到絕對唔係煮定既。味道大路穩陣又唔會太油，恰似豉油皇炒粗麵，滿意。
繼續閱讀
林村玩了一整天，本想入大尾篤提早慶祝情人節，但我和他都有點累了，於是想起附近有超值的上海菜。以前讀書已經經常來吃午餐，價廉物美，而且有電視看，平日三五知己開壺茶，吃飯吹水的好地方。六點三左右入座，店裡還沒有太多人，阿姐仲好好人俾我地自己揀位子坐。有得揀，當然揀左四人卡位啦~ 本來點左1. 雪菜毛豆百頁，2. 小籠包，3. 沙鍋餛飩雞，4. 兩個白飯值得一讚，service好好落單後，我不想吃白飯，於是叫少一個白飯，老闆都好好人，笑笑口咁話冇問題。七點多，吃飽了開始聊天，老闆也沒有趕我們走，到七點半埋單後出去，才發現原來出面有好多人等位。食物依舊美味，小籠包是一個must-eat item，皮薄陷lang，仲有多汁，每隻小龍包都係一個mouth-size，一淡就可以吃完。雪菜毛豆百頁，呢個其實好難整得難食，將三樣炒埋一碟，所以雖然好味，但不評論。沙鍋餛飩雞有四隻大大嘅菜肉餛飩，好好味。雞用了雞腿以上的部分，難得D雞好「淋」，好入味。美中不足就是有點鹹，可能我食得淡，不過我的他說剛剛好。總括而言都好抵食，不過特登搭車入黎或者等好耐就可能會感覺麻麻。所以如果經過冇人又肚仔餓的話，就一定要入去試下啦。
繼續閱讀
今晚去左川滬小廚食上海野..佢呢度既小籠包, 煎鍋貼.. 真係好好味~由以前我唔食小籠包..到宜家, 次次黎親都主動話要食! 小籠包 -> 皮薄, 多肉汁, 真係好味! 推薦! 煎鍋貼 -> 都係皮薄, 又juicy.. -> 不過今次煎得冇咁香口, 但係都好好食~ 三鮮炒年糕 -> 我真係好鍾意食年糕架 -> 不過今次失色左d, 冇乜味..** 呢間川滬小廚d上海點心真係唔錯~ 值得大家一試喲~
繼續閱讀
食午飯.担担面冇花生醬味好淡酸辣面冇酸辣味,d雲耳有沙可能洗唔乾淨,同伙記講冇辣味,佢叫我自己加豆板醬都一樣](自己加我駛鬼要酸辣面,叫碗清湯面好過啦)服務唔掂(咁既服務重要加一服務費).其他野食一般,但咁既價錢及服務,唔會再幫襯.
繼續閱讀
昨晚 我和女友在大埔中心四圍遊唔知食咩好o 最後走入這間菜館 我們點左:1) 雞絲粉皮: 吃到雞絲有一陣"酸縮"味o 試了一下就沒再吃 ($40) o 2) 小籠包: 還ok (about $38)3) 賽螃蟹: 不知所謂, 沒有味道, 難吃 ( 那蛋白是烝熟了, 再切粒粒...完全沒蛋香) ($50)4) 上海粗炒: 非常一般... ($50)
繼續閱讀