川婆婆麻辣燙 (已結業)

Lunch time 點了六份，全部餸都不夠齊！！！！！！！外賣肥仔只給了一個整數，後面零頭不給，微笑同你講，係哩個數字冇錯，當我哋全部都唔識計算？？？？點做生意都唔知！！！！！同埋淨餸6樣只有4樣菜？？？仲有兩樣係蒸發左仲係被食左？？？？米線5餸都少左1餸！！！！！6份餐冇一份係全部餸都齊嘅！！！！！！！咁錢還照收？咁樣做生意會唔會太冇道德？？？真係垃圾！！唔會再食！！中辣？？加左辣椒？？咩辣味都冇

天氣凍冰冰 梗係要去食下麻辣火鍋 行開尖沙嘴 見到個九宮格火鍋 好似既吸引雖然我唔係好食啊 但係真係好吸引 所以膽粗粗咁走左入去試下個麻辣味真係好香 但真係辣到飛起 d薯粉好煙un 好有口感鍾意食辣既朋友真係可以去試下！

細細個就聽過川婆婆既名，越大越中意食辣就去試下雖然話係外賣店但其實店內都要少少位比你食立食既，不過本身鋪頭就逼，所以如果情況許可建議都係買走食喇叫左午餐肉魚皮餃蘿蔔肥牛小辣4個送28蚊，其實等既人唔多但都有部分係叫外賣既，我呢碗野就等左成半粒鐘，一黎到見到碗面滿滿都係辣油，底既湯係清既。試啖湯先，夠麻夠辣但唔香，似係普通味精湯加啲火鍋湯底湯包，非常失望。肥牛同魚皮餃不過不失，午餐肉冇臭豬味，蘿蔔夠甜夠淋但冇乜味，作為普通一間小店呢個質素係可以既，但如果話係出名既麻辣燙再加呢個工作效率要我再幫襯唔好意思應該唔會。

今日朋友帶我去到尖沙咀嘅呢間小店，話呢間既牛丸好食 。本身睇落甘細又比較簡陋，諗住無乜特別以為得小食。原來仲有薯粉，米線。不過，係無座位的，我見到有人企係店內一旁既"枱"食緊薯粉我就叫左麻辣魚蛋($10/6粒)同牛丸($10/3粒)佢既魚蛋系正常size，唔係系細細粒個啲。難得既係魚蛋夠彈牙同埋夠味，牛丸都系，唔會似平時啲咖哩魚蛋咁只得咖哩味。而最特別就系d麻辣粉，夠辣又夠麻，同魚蛋牛丸極match。以後行開尖沙咀會再食過

麻辣燙，小第頭一次吃。上來找找，得出川婆婆排名較高。店面很細，百呎不足，路過也可能不察覺。開放式食物櫃一目了然，有點sushi bar的味道。食物選擇大概二十款，我點了豆卜（索湯）雞肉（嫩滑）、豬紅、餐肉（惹味）冬瓜（簿如五蚊銀，入味。用來呃自己，好似健康D）五味餸，再加汽水一罐才收$40圓。這類料理，食材並非首要（人人都買得到又不用處理的食物）靈魂是湯底。而味覺嘛好個人的，川婆婆的湯，中辣巳滿足到自己，麻香辣燙。有這水準，的確抵食。

鋪頭細細，有外賣，亦有企喺度嘅堂食，門口企滿人，即管入去買碗試吓，叫咗寬薯粉，肥牛，羊，大豆芽，BB辣，湯另上加$2，盛為＄39。等左大約8分鐘，15分鐘黎，拎到返屋企，仲暖暖地，味道唔會太重味精， BB辣啱平時冇識開辣野嘅人，湯粉唔算太多，不過餸非常足料，麻味唔多夠，咁嘅價錢，都算係價廉物美，性價比高，唔怪得咁多人排隊買啦。企喺度食只係得兩個位，建議外賣。

臨打呢篇文之前，我想講，我，真，係，好，中，意，食，川，婆，婆！大熱天時，身水身汗也要站著吃的麻辣燙！最愛湯底多蒜多醋！他們的蟹子丸是我必點的！另外木耳也十分脆口👌🏻看著這張照片，我又想你了

衣間川婆婆已經食過好幾次了，d麻辣味真係會上癮的，得閒響公司食晏都會叫返黎食，皆因衣間係冇堂食的。不過原來發覺唔同分店係唔同價錢，衣間3餸+麵$37,筲箕灣果間只係$32，可能係旺區。味道好麻好好味，不過間唔中食就可以，因為都幾油。本人認為一碗份量足夠的，有同事唔夠喉就叫左加底+$6，麻辣魚蛋就麻麻地喇，樣子黑麻麻，好似燶左咁，比其他店明顯細粒添。今日外面太大雨了叫左外賣送到公司，都唔算耐，只係等左30分鐘左右。

厚福街的川婆婆是主要做外賣所 有材料都看見其實是非常好玩而且可能比堂食仲合心理廚房透明令人放心些粉面由32元2餸起淨餸28元4款可愛好客指指點點人客過癮來一客4餸麻辣湯身為街坊也是為食家選擇雞腿肉肥牛雞肉 雲吞最好是雲吞有2只 有虾有豬肉但肥肉就幾乎無好吃充實想唔到這川婆婆竟連廣東雲吞也備份冬瓜令我覺得自己食得健康雲吞強勁川式麻辣湯冬瓜可解暑清熱她的肥牛不差多 應該上5塊半肥甘美 配四川麻辣就不太油膩這樣一餐也就好好了不貴多餸不用吃米飯也是飽足且很飽肚

麻辣一向都是我的至愛，親臨此店，已嗅到陣陣四川香辣，令人特別開胃！可惜同行朋友不能吃辣，幸好有得鴛鴦湯底，友人可吃清湯，我則繼續麻辣世界。火鍋不是任食，單看點菜紙就知道價錢適中，不偏不倚。而我則點了一個BB辣，味道不俗，微微香辣剛好，不會蓋過食物的味道。夠辣好好味，夠麻夠辣，但略微油過多了，不過這還是川辣的特色吧！順帶一提，餐廳的辣醬真的很辣，麻香味重得很，不喜辣的朋友要小心！

川婆婆 麻辣控至愛❤️每次經過尖沙咀 我一定會黎川婆婆無論餓定飽 我都實整番碗可揀有粉面底或淨餸我呢個為食貓實揀淨餸 因為想食多啲野嘛😆四餸淨餸 $28 小辣麻辣魚蛋 $10/6粒淨餸叫左: 響鈴，肥牛，金菇，午餐肉次次響鈴店員都一定最後放上面 確保唔會淋晒👍🏻牛肉有少少韌金菇同午餐肉索晒湯底的麻辣味 勁正！次次我都忍不住會飲好多啖湯因為隻麻辣味真係獨家 出面唔會調到呢隻味！魚蛋就好彈牙 $10有六粒好抵食啲麻辣料放上魚蛋上面小辣都幾辣架 但辣得超過癮😋😋唯一缺點係店舖好細堂食的話只係企位 而且好熱 辣上加熱 真係會食到火辣辣😆😆

小店隱藏起尖沙嘴厚福街, 不是IG 見到有人推介都未必發現到......今來來主要是想試呢度的麻辣魚蛋~麻辣魚蛋一般辣魚蛋味道來源離不開咖哩/ 沙嗲汁/,而呢度的除了有辣椒油之外還加了辣椒粉,HK$10/6粒, 不是一串串比你, 用個小膠兜裝住,食得好乾淨不狼狽, 但就好像不太環保....接過魚蛋還是粒粒漲卜卜, 夠熱夠燙口,談不上彈牙, 但起碼不是成口粉團~辣油再加辣椒粉都不算好麻辣, 對我來說只是香辣程度~被紅噹噹外表騙了~而且隱約吃到油脂的騷味, 店鋪有其他各樣車仔麵食配搭, 有可能混合羊肉一鍋煮了......不太喜歡這個騷味....

下班後有點餓，走到厚福街附近的川婆婆，點了六粒麻辣魚蛋（$10）和三粒麻辣牛丸（$10）果腹。店外等候食物的人眾多，我想川婆婆的食物應該不錯吧，才會有這麼多支持者。等了大約十分鐘，便從店員手中接到一碗紅通通，充滿辣油的魚蛋和牛丸，牛丸還剪了花，增加沾上辣油的面積，店員最後更灑上一匙辣椒粉，實行辣上加辣。川婆婆的辣油很香，辣味有層次，由最初只感到少辣，到後來慢慢感到麻辣，再到咀唇麻痺，辣得非常過癮。因為我不太能吃辣，吃到最後跑到便利店灌了一盒朱古力牛奶解辣，但仍無阻我把它吃完的決心。很自虐，但真的很好吃！

D fd知我無辣不歡 話我知係尖沙咀厚福街有間麻辣燙叫我去試 尋晚見天氣幾涼 要食辣過下癮！咁收工就同mr. monster走左去食去到見到鋪仔細細 唔洗排隊～買完係企係度食 或者外賣拎走咁就望下雪櫃有咩食同價錢啦！好開心竟然有大陸麻辣燙食開既玉子豆腐仲有海帶!!我必食呢2款～仲叫左2個今生必點～姐係娃娃菜同牛柏葉～加米線～4個餸$40由于唔洗排隊 等左大約5分中有得食首先碗米線份量都幾細 40蚊真心唔值但無計～麻辣燙係香港唔係好多地方有佢個辣味又真係幾似大陸麻辣燙 好香 算幾辣 我食中辣覺得下次可以試最勁既菊花辣～其次其實d料都係好普通 玉子豆腐本身好滑～加埋湯一齊食好正！！海帶唔算少 幾爽口唔會有草青味～海帶屬涼性 令到我食麻辣都覺得無咁熱氣～娃娃菜索左d湯又係好正！牛柏葉爽口不會硬身～黎呢度真係可以回味大陸麻辣燙！mr. monster食小辣淨餸4個餸加爽脆榨菜($30)佢都覺得個味唔錯 但份量少 小辣唔太夠辣～另外 一路食一路唸 碗野其實好熱 而且食辣～真係涼小小先可以企係度食～如果夏天一定食到成身汗！食完其實要再掃下街先夠飽。

7、 今日我都等咗好耐喇，系我地嘅一個好特別的紀念日咯，所以好耐之前就霖住要嚟川婆婆喇，當到來的時候覺得好興奮。因為系尖沙咀，所以好方便，環境都好好。好有食飯嘅氛圍。川婆婆的湯底聽說系好正宗的，味道非常純正，因為唔系好食得辣，所以就點咗個清淡小小的湯底，真係好肚餓，好在速度非常之快。首先煮咗嘅出前一丁麺嚟試下，填下肚先，本身出前一丁麺無咩好特別嘅，但係因為湯底嘅原因吧，熟咗之後居然令我覺得口感很好，味道好正，難道系因為我肚餓？有咗心情之後就食咗魚皮角，外表的魚皮角系好正規嘅，連餃皮都落足功夫，餃皮我都覺得好彈牙，裡面的餡料的話就更加唔系講啦，餡多皮薄。肥牛在這種時候當然是少不了的，尼度啲肥牛，分量比較多而且價錢好公道，厚度岩岩好，我們兩個人都夠曬分量喇，招呼也很好，我們一餐落嚟，我都覺得好開心，肥牛宜家仲好想食。