川味雞烤魚大王 (隆亨商場) (已結業)

隆亨邨最近大翻身，街市及附近嘅商場都同以前唔同左，今次返嚟探舊朋友，特登過嚟行吓睇吓，兼食下早餐傾吓計。呢間食店本來晚上提供川味酸菜魚，但早餐時段都營業，提供地道港式早餐，價錢都抵食，所以就入去試吓。雪菜肉絲米線配煎蛋$34早餐好大份，米線份量好多，雪菜肉絲嘅味道都唔錯，配上煎蛋嘅感覺都好健康，飲杯熱奶茶嘅茶味都幾香滑，好有港式地道早餐應有嘅水準。香煎雞扒出前一丁伴煎蛋$40雞扒就要加錢， $40大大塊，剪得都幾香而且味道唔會太鹹，出前一丁就更加係早餐必食嘅選擇，凍奶茶嘅味道都唔錯，非常滿足嘅早餐。

今次同老公返大圍，順便去試試藥膳雞煲，之前經過幾次今次終於入去試の點了藥膳雞煲，嘩同圖一樣，好豐富，先飲湯底，見到都有唔少藥材係煲入面，但味道偏甜,,雞大大件同埋都好新鮮，比想像中滑，唔鞋身。老公仲叫左個餃子雙拼、黑毛豬肉片同埋出前一丁😂😂豬肉片勁正，唔會勁簿，同埋半肥瘦，唔會勁多肥膏🥰🥰個韮菜餃勁出色，皮超簿，入面勁多餡😋😋最後，我就同我老公一樣叫咗個大大杯（凍檸檬茶同凍嘅西洋菜蜜）🥳🥳

今日去大圍田心村吃米線套餐，好抵食。2份大王米線，好大份，米線超級多，米線煮得又軟硬適中，夠彈牙。我哋嗌左中辣，但冇想象中咁辣。配料有牛肉，牛肉味好重，好大塊，嫩嫩哋，成8塊。嗌左3份小食，有招牌口水雞，嗌左中辣，勁大份，雞肉嫩滑，辣度啱啱好，還有花生和黃瓜點綴，分量都多，抵食。涼拌海蜇，辣度都係中辣，海蜇爽口，檢查青瓜絲，都好味還開胃。茴味雞翼，雞翼外皮烤得金黃香脆，內裡嫩滑。香噴噴，不油膩，值得嘗試。

話說小編最近發現居住附近有間餐廳 本來只做晚市（唔知午市有冇開）居然連早市都有開 所以呢日就試一試😎港式早餐 ($34) （榨菜肉絲米粉配腸仔,午餐肉&厚多士）本來小編想試下佢既川味早餐 因為比較特別🤔但係甘早好似唔係甘好😂榨菜肉絲米既味道不過不失 腸仔同午餐肉正常發揮 但係塊午餐肉都幾厚下🤤最令小編驚喜既係塊厚多士🍞做到脆脆的 港式早餐 ($34) （沙嗲牛肉公仔麵配餐肉,炒蛋&厚多士）沙嗲牛肉公仔麵嘅沙嗲味都濃郁 但更多的是花生味道更出😂有成4-5件大塊既牛肉 餐肉都係正正常常 厚多士都係脆脆的🍞 而炒蛋就係炒滑蛋🥚 ‘鼠’一聲就滑左落個肚度lu~😂奶油多 ($22)雖然已經有厚多士 但當初小編以為得好細塊 所以就叫多個奶油多 點知就出事了🙈因為個奶油多係好大塊👉🏼👈🏼但係好好食🤤好有罪惡感🤐

明天番新工 約個朋友再次去食樓下既烤魚 唔係因為方便 係因為太好食😌今日第一次似大大杯菊花蜜。同埋芒果沙冰 解辣又解渴😘唔用多講 佢既烤魚好好食 好入味🤗叫埋蜂巢豆腐索哂d湯 好食！

隆亨街市呢間餐廳環境乾淨衛生，裝修入眼！係聚會好地方！仲熱鬧挺！餐牌好多選擇，有川味美食類、烤魚、雞煲、火鍋湯底等.我啲來就係想食雞煲於是點左重慶麻辣雞煲 ：有晤同辣度選擇，揀左入BB辣試下先，雞煲好大份很有足份！香味濃郁！點只半隻雞牙，又有大量洋蔥，焗幾分鐘後，可以開動，啲雞滑，又晤鞋，一個字 '靚！！我地加佐田園菜四種搭配！真係鍾意，健康！加埋牛百葉價錢不貴仲好食挺！搭配完美組合！👍正！ 上湯金華浸時蔬：我啲揀娃娃菜，鍾意清淡朋友第一選擇！ 飲品我地點佐一杯大大檸檬茶同玻璃樽啤酒都係大容量一次飲到夠！有大氣風範！入口清涼，很爽！

除左酸菜魚外~另一樣鐘意食的就係烤魚😎大圍的<<川味雞>>的酸菜烤魚都好好食🤭我地叫左爐魚**小辣**🌶️都幾大條。。骨唔算多~啖啖肉😁當然唔少得就係配吸味響鈴啦🥳炸魚皮都係打邊爐必備的😊<<萵荀>><<美國安格斯手切牛肉>><<竹笙>>全部都係絕配，不過只係限時食2 小時。適合人少的gathering, 最好先book台~因為鋪內位置唔算多。。。。。。如果唔係就要坐outdoorhaha好彩果日我地去有室內位

想吃烤魚很久了 發現離家不遠就有一家評分又高價格又實惠的店舖 立即跟朋友來吃 味道果然不錯 越煮越入味 今日點了中辣 下一次要來試一下大辣 蔬菜份量也蠻大 很新鮮 老闆很熱情 下次還想試一下雞煲喔～

去開嗰頭，諗住打下邊爐，因為整親，咩都唔食得，見到呢間有椰子雞煲就入左去，整體價錢唔算話好平，湯底質素above average，傾下計搵個落腳點都okay! 1. 椰子雞湯（半隻雞）湯底好多材料，不過湯底偏甜。而雞嘅份量兩個人食半隻岩岩好，由於佢唔係淆左好耐嘅雞湯，所以啲雞都算滑，健康人士可以一試🤪2. 金衫牌手打墨魚滑份量都幾多，墨魚滑新鮮，冇雪藏味，而且有唔小墨魚粒係入面😛口感幾好3. 黑毛豬腩肉片食得出冇咩冰鮮味，肉質新鮮，豬味都幾濃，不過略嫌脂肪多咗少少😛😛4. 烏冬值得一讚嘅係餐廳將烏冬剪開4分，好易夾起，好啱我哋呢啲笨手笨腳嘅女仔食

位於龍享嘅小店，大圍人應該都唔會陌生。試過晚上去食烤魚，都唔錯，星期六下午諗住快食個lunch , 經過見到，原來有米線食，就試下啦~叫咗碗撈米線，都好多料，我叫左小辣，佢嘅辣無平時出面食開嘅小辣甘辣，平時食開小辣嘅，中辣應該都食到，朋友叫咗個口水雞米線,都唔錯，係分湯，勁大碟咁比你，個麻味好香。整體黎講都值得推介，唔怕晒嘅朋友可以揀坐玻璃門坐，有少少日光，幾舒服。

誠意推介呢間係大圍隆亨嘅烤魚大王外賣，我地平時係堂食的，今日第一次買外賣，有折扣$238 一條鱸魚 + $100 連個盤（按金可退回）+ 4 兜湯底，加埋自己嘅邊爐餸，一家人可以係屋企食烤魚+打邊爐! 可先日透打電話去訂魚，車可以停到門口取魚（有15分鐘免費)

去開大圍搵朋友之後話一齊食晚餐佢話屋企附近有一間食烤魚超好味嘅店舖疫情關係而家仲有得外賣Tim ！於是我哋就買上屋企食啦！呢間餐廳嘅烤魚有四款口味包括重慶麻辣，泡椒味，酸菜味同剁椒味，魚類都有幾款選擇有龍躉，鯇魚，鱸魚同魽魚。因為朋友唔食得辣所以我哋今次就叫咗酸菜味鱸魚，另外我哋仲叫咗個涼拌海蜇同埋幼薯粉。因為條魚太大條所以佢就分開咗兩個盒俾我哋一打開個外賣盒就已經聞到好香嘅烤魚味，另外原來個湯底原來仲會配埋一d芽菜，蘿蔔同豆腐Tim！鱸魚冇乜細骨所以比較容易啲食，而且食落肉質非常香滑，一啖魚肉一啖湯底酸酸甜甜，食到停唔到口！另外個涼拌海蜇我哋就叫咗小辣，不過我就覺得偏酸咗少少，呢個我自己就覺得麻麻哋。

屋企附近有間烤魚好好食，我成日都會去幫襯。家下六點後冇得堂食，估唔到烤魚連外賣都可以做到😋😋正丫川味雞烤魚大王嘅烤魚有4款湯底選擇，分別係重慶麻辣烤魚、泡椒烤魚、剁椒烤魚同酸菜魚，而魚都有多款選擇。我今次就買返我同老公都鍾意食嘅重慶麻辣烤鱸魚！麻辣湯底夠晒香，爐魚勝在得中間一條大骨，無碎骨，食落啖啖肉，魚肉仲好滑舖頭既烤魚都係即叫即烤，所以製作需時，大概都要等15-20分鐘左右。外賣拎到返屋企一打開盒就已經勁香，倒落煲度份量好多！本身條烤爐魚就好大條，佢配既配菜都有好多，好似有薯仔片、蘿蔔片、菜、芽菜等等。兩個人食嘅話其實都夠飽，不過因為我哋三個人食所以我仲加咗薯粉同響鈴😋呢兩樣索晒啲麻辣湯汁真係冇得頂店舖仲好細心一共俾咗四碗湯底，兩碗係食烤魚用嘅，而另外兩碗就係後備湯，方便食完烤魚之後用嚟打邊爐，咁就唔洗怕會唔夠湯，或者越食越淡啦

好耐都冇黎大圍今日呢同左男朋友返嚟呢一間川味雞烤魚大王到食烤魚❤️冇跌watt 仲係好好味👍首先前菜我哋要咗口水雞 , 辣味適中雞肉嫩滑💕而且雞件處理得幾好 份量有多我哋再要咗個麻辣豬耳😘食落去口感好足夠 而且有少少咬口 個汁仲好惹味🥰我哋叫咗一個熟嘅雞湯薯粉 去撈汁呢個配搭100分❤️之後我哋要左一條烤魚烤魚嘅部份佢哋先烹調 再調味 我哋都尚算食得辣😛所以好香花椒同埋辣椒 加埋煎香嘅魚👍👍而且間麻辣燙煮嘅烤魚 魚肉都好白滑 入口好惹味😂而且而家冬天去食 好正仲加埋佢哋特製嘅好厚嘅薯粉🤪呢個必嗌價錢親民貼地所以好街坊黎幫襯男朋友仲要左枝日本啤酒 啤啤佢🥰

同朋友講開好想食烤魚，推介左呢間烤魚大王俾我！今日試完，果然冇介紹錯！掙扎咗好耐究竟食烤魚定係雞煲！但係見到十個有九個個個都食烤魚，所以都係叫魚啦！我地兩個都食得辣，所以叫左泡椒烤魚湯底（中辣）另外，再叫咗雪花肥牛、黑毛豬肉片、蒿筍、生菜、闊薯粉同兩枝啤酒！配料醬汁自己擺～條魚色香味俱全，煎香左個面，再浸住泡椒湯底，層次好豐富！值得一提既係闊薯粉，好多時都係得紅薯粉，但闊薯粉真係差好遠，唔單止闊一倍，而且咬落好煙韌，好爽口！埋單一人都係200多，抵食！