川味居 (已結業)

今日收工諗住近近地搵啲野食，見到呢間新開小店，有成10 款串燒都做緊$10！！雞皮同雞軟骨仲要係$10有2串（第一眼真係以為自己睇錯） 即刻入去試吓雖然款式選擇少啲，得普通豬，牛，雞，羊，菜，但味道都唔錯，份量都係正常串燒份量，性價比真心高除咗串燒之外，仲有涼拌小食，食吓凍食吓熱，無咁膩都幾得意，我本身唔食得辣，叫咗個小辣豬耳，辣度對我嚟講啱啱好臨走見到個全日餐，有麵有串燒有野飲都係$45, 下次就食呢個

D串燒 又乾 又燶 又無調味料 金菇肥牛卷 燒到成條炭咁 麻辣燙 料又比得少 豆卜好似擺左十年咁 個湯底好似人地打完麻辣火鍋食淨果d油咁 真心建議老細出去食下人地d麻辣燙 夜麻麻肚餓買到呢間野番屋但真係唔知嬲好定笑好

今日送完亞女去學鋼琴，見到隔離街開咗間新嘅四川小食店😻最鍾意食辣嘅我梗係即刻入去試啦！店舖細細座位唔多，但係原來都有幾多選擇。四川涼麵，涼拌小食，麻辣燙，樣樣都想試，心大心細。涼皮叫咗小辣，本來有青瓜，芫茜，豌豆，我再加左土豆絲$5，啲配菜都好好食😋之後再encore叫咗個萵筍絲，萵筍絲好爽口，辣度剛剛好！呢度啲涼拌小食雖然全部價錢都幾平，但係完全冇偷工減料，唔知係咪因為啱啱開無耐呢？下次帶埋老公過嚟試埋佢個麻辣燙臨走先知原來夜晚仲有串燒食添