峰壽司 (已結業)

喺一個心情有點複雜的星期天(29/5/05)晚上去峰壽司，等位都等得頗耐，我諗起碼有半個鐘。食物方面，三文魚都幾新鮮，其他幾樣壽司都幾好。唯一係喺迴轉帶拿了個炸生蠔，凍冰冰，唔好食。我哋食了兩舊後，頂唔順，叫侍應嚟，佢都好樂意咁幫我哋換了碟新炸、熱辣辣的俾我哋，服務算係唔錯。遺憾的是無食帶子壽司，見咁多人讚，下次一定要試試先。

熱情歡迎你，熱情歡送你，但始終最緊要係食物質數。壽司太散，魚生同飯好易分開，好明顯就係班年青師傅未夠料，唔應該擔大旗。同埋我唔明點解D壽司要加蔥又加薑碎，創新??? 搶哂刺身嘅味道。不過刺身都生鮮，比起平價日本料理。最欣賞係帶子壽司，肥美鮮甜。

因為同事對峰壽司讚不絶口,所以就試下有幾好~~去左新個間,完全唔駛等位~~- 特長鰻魚都ok冇乜本鰻魚身既肥膏- 帶子sushi 好正!!!佢即燒~~好新鮮好正!!!- 北寄貝sushi都好食過元祿- 蟹柳sushi超好食!!!好有味!!!!食完都想再食!!!!

試過old one　幾次, 次次都keep到水準! 所以就特別到new one 一試! total 等左成3個hours至有位! 因為中途miss 左6 個number...要重新等過!! 個waitress 一d人情都唔會同你講! ok..then i wait it again! 一心唸住new one 應該同old one 一樣咁好食, 點知食完就好disappointed 囉... d食物既quality 差很多！d 飯好易散~ d service 亦沒有old one 咁好~! 下下要人request 至有人add tea!! 環境亦無old one 咁舒服...感覺好迫(我坐bar table) 重有呀, 竟然比我見到個sushi 師傅流鼻水, 佢居然當住眾多客人前面將d鼻水"hi" 落佢既手腕上就算!!! soooo 唔衛生!!! 以後我都唔會再黎呢間勒! 都係去返old one 好好多!!

係sogo 旁都開多左間峰壽司, 一入去已經覺得個日本師傅d手法冇咁pro. 我食左45蚊既金腩, 同之前去舊店差好遠, 完全唔係個回事! 有時d野係咁, 新不如舊, 一出左名就差好多.

今日同舅父一家來新鋪試試, 因我地五個人, 所以無坐迴轉位, 坐order檯的好處係有街景望. 因大家都唔係好肚餓, 只係叫左約廿幾碟壽司. 刺身都算新鮮, 但感覺上總覺得無總店咁好……較明顯係帶子夠厚但無味. 幸好峰蝦亦保持水準, 另魚背都唔錯. 其實去親”峰”, 我都好鍾意食佢地的酸薑, 可能望落去無咁紅, 感覺上染色得咁勁(唔知關唔關事), 次次都俾我掃走一半…再望望, 發覺迴轉檯入面的師傅全都係本地的後生仔, 唔通就係咁令我覺得比總店差一點點…….?

呢間野真係多人，攞過幾次飛都無食到，以為好巴閉，今次同老公行完街5點3就去攞飛，等十五分鐘就入得，點知一睇，只得一款軟殻蟹壽司，真失望。最初食都無乜野，味道普通，原來好戲在後頭，我突然發現壽司師父旁的一盆壽司飯內有一條頭髮直插入飯內，立即跟侍應講，那侍應告訴壽司師父，那師父竟然乍傻扮矇，扮無事，擾攘之間，另一個師父突然不動聲色將舊壽司飯取走，毀滅証據，兩個師父都沒有道歉。壽司舖頭的整潔度是如此差，最差是態度欠佳，一句講晒:Banned!補充：忘記影相，會向麵包兄學習，捉賊拿贓。

聽人講話呢間等位時間係板前o既一倍，仲要齊人先入得，我見佢咁串，諗住好好食啦! 點知......食壽司我最注重三文魚，如果連最基本o既三文魚壽司都唔好食，咁其他都唔方好食得去邊。果然，佢o既三文魚仲差過元氣，冇光澤，又唔夠厚。食落就當然唔夠鮮啦!(我仲唔明點解佢要鋪咁多葱係面，我個fd話可能唔想俾人睇到佢唔夠新鮮喎!)其他都冇乜咁特別。味道真係好一般!下次都係去返板前啦! 起碼人o地o的三文魚真係好鮮好肥美! 又唔使等咁耐! 峰壽司名過其實，真係唔值得花時間去等!

之前去過一次，等咗3個鐘。見新開喺Sogo隔離嗰間分店少啲人，今晚10點幾同朋友去食個late dinner，貪唔駛等位嘛。滿心歡喜，點知啲壽司一上枱，就知唔妥!啲帶子大隻到似發水麵包，係平價貨，毫無鮮味! 吞那魚腩成0.5cm厚，超靱! 壽司飯唔好味、易散! 三文魚唔夠肥，上面放太多葱，食到成口葱味，建議大家必須走青! 鹽味壽司勝在新奇，其實一啲都唔好味! 上次去白沙道，都見幾個日籍壽司師傅，呢間一個都見唔到。最慘就係食完之後撘車返屋企時已經肚痛>_< 返到屋企立即肚疴...+_+ 因為我朋友冇肚痛，我諗係啲魚生唔夠新鮮，而我嘅腸胃比較敏感.....Anyway,我個人意見:都係板前好味啲！銅鑼湾就開分店啦，好嘢~! \^o^/

鋪仔細細+好多人等位, 平日去食DINNER都要等40MINS先有BAR枱位. D壽司係手握的, 正宗日本珍珠米加上好多TOPPINGS, 真係好好味! (拍得住係日本食o個d)Especially個海胆壽司, $25兩件, d海胆鋪得滿滿的, 成個口都好甘香!!! d三文魚手卷好多餡, 都係$12一件. 食完呢間一定唔會再去x綠或元x食!

出左糧, 一個人就無謂食粉麵, 食下壽司先. 見"峰"新店只有10個人等位, 1位更加是直行直入, 太好了.新menu有多款toro, 正在想揀邊一款時, 記起在日本食過Kin-toro最正, 於是叫了一件"蔥吞拿魚金腩(Kin-toro)", $45一件是物超所值, 上面更有金泊一片, 未食已經令人好開心. 味道與在日本食130yen的更好, 但當然就不可以用在日本食而貴價的相比啦.另推介海鮮沙律, $25 竟然有梅子白飯魚, 帶子, 三文魚子, 魷魚, 甘蝦, 魚翅...加蕃茄及菜絲, 彷彿一個好抵食的魚生拼盤.重有一款新卷叫"Yuki-roll", 我問是不是白沙道店日本師傅Yuki所創, waiter笑說佢都唔知道. Yuki卷是將一條腸(竟然是媽媽腸添!!!)造成反卷, 上加煙肉及芝士, 芝士用火燒熔少少. 味道幾"得意", 不妨試試.最後以鹽帶子壽司及蛤子湯壓軸, 全部共$130再加一, 抵食!

七點去到，見到d人排到落樓梯，果到已經好窄，仲咁多人企係咁…其實都幾危險下。好彩個fd一早去左拿飛，我去到等多幾個字就入得去lu。唔知點解峰壽司好似冇原先咁正咁，初初食時覺得好好味，但而家食落又無咩特別，不過最鍾意食佢d蟹柳壽，真係好yummy架，另外海膽sushi都唔錯，入口即溶的感覺好好，其他的一般啦…另外佢地d炸物都幾好味架…不過超油lor。環境ok啦始終新鋪麻，不過其實唔係好大，同埋bar枱果度有隻蒼蠅飛來飛去…哈哈…兩個人食左成16碟野呀…好飽！

之前o係白沙道o個間食過三次, 第一次食, 就覺得好正, 之後食, 已經覺得差左, 可能新意消失啦。同好朋友, 四個黎食晚飯, 睇下環境會唔會舒服d。差唔多啦...但食物真係差左喇。講下新既兩款壽司: 韓式帶子群邊壽司, 好多汁勁辣。yuki 卷: 反卷裡包住媽媽腸, 外面一片煙肉(無煎既), 上面蓋一片火灸過既芝士。好騎呢, 唔好食。退步左既係火灸帶子壽司。火灸都唔熱, 片帶子仲好薄添! 以前我覺得呢樣最好食麻! 而家....? 未必會再黎!