岱民(彩雲)潮州打冷

營業中

休息中

已經很久沒有吃過冬菇亭了，進去之前先到洗手間，位置就在冬菇亭的一部分，一個要鎖匙一個不用，衛生是能夠接受的。進店以後看菜單，原來車仔麵不在晚上供應，能夠選的大多數都是晚餐，大約60元都包括飲品，在卡位坐得舒舒服服，光線又足夠情況下，這也是性價比的。在場有一些叔叔飯後喝酒，說話比較大聲估計是常客，所以就選擇坐遠點他們。這是復活節假期的一天，晚上九時在場顧客不多，鄰坐有一些行山的姨姨，整體環境滿意。食物方面叫了羅漢齋炒河及炒貴刁，食得份量非常多，體力勞動人士一定會滿意。下單時說明如果有味精就走味精，小二也沒有回應什麼。食物上菜的味道並不鹹，所以有條件相信並沒有下味精，所以對整體食物也屬滿意，若有機會順路也會考慮再來。

彩虹邨原來有個熟食中心，呢種舊式冬菇亭唔係好多地方有，中午去咗岱民潮州打冷度食午餐。呢間餐廳除咗有打冷食之外，平時仲有兩餸飯，而且仲係一間茶餐廳，款式相當之多。沙茶牛肉與煎蛋搭配公仔面，加杯熱奶茶，呢個組合真係好正！沙茶醬味道獨特香濃，帶出左牛肉嘅鮮美。每一啖牛肉嫩滑且不失嚼勁，公仔面的烹煮恰到好處，唔會軟爛，而雙面煎蛋嘅火候掌握得宜，流心蛋黃好juicy ，增添咗多層次嘅口感享受。至於廈門炒米粉搭配冰檸檬茶，又係另一番風味。廈門炒米粉相對香港嘅鑊氣炒粉，會比較濕潤，營造出獨特嘅綿滑口感。味道酸甜適中，加咗海鮮、雞蛋等多種食材，相當豐富，而且好開胃，令人食慾大增！

香港美食通常座落於公共屋村附近嘅美食冬菇亭都係出名平靚正，週末下晝去到竟然見到都好多人買緊兩餸飯，我就入去坐低嘆冷氣慢慢食呢度嘅潮州打冷好吸引，12點就開始供應，不過我得一支公都係食返個簡單午餐。是日午餐有好多選擇，主菜送例湯同飲品叫咗個泡飯，即叫即煮熱辣辣，湯底勁薑蔥都幾足料，例湯同凍奶茶都係茶餐廳正常發揮，送熱湯過嚟嘅時候店員都會話小心啲同慢慢放低，都幾好服務但茶餐廳來講，佢啲小菜又吸引啲喎，有鮑魚雞煲，又有烤魚，款式多到日日嚟都食唔晒呀

今日去彩雲揾完朋友，自己一個諗住附近快食個晚餐，經過見到以前嘅冬菇亭翻新咗，有一間叫「岱民潮州打冷 」嘅餐廳入面光猛企理就入咗去食。呢間茶餐廳除咗小菜之外，原來仲有打冷、打邊爐同呢期好興嘅雙餸飯。今日得一個人食唔到好多餸，我淨係嗌咗個乾炒牛河同凍奶茶，乾炒牛河炒得幾夠火候，啲色上得幾靚，香得嚟又唔會太油膩，牛肉亦都唔會炒到好老，食落仲有少少肉汁；凍奶茶嘅奶同茶個比例適中，唔會太重奶味，茶都唔會好澀。以屋邨餐廳嚟講，食物質素唔差，住附近平時又唔想煮飯嘅話，呢到不失為一個唔錯嘅選擇。📍黃大仙清水灣道45號彩雲(一)邨商業大樓二座1-4號熟食檔位位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

屋企附近既岱民已經食過好多次今餐覺得有驚喜，員工服務其實幾好，食物選擇又唔算少今次去食左個下午茶，我地叫左炒貴刁及廈門炒米粉，兩個炒既粉麵都唔差，味道夠而且份量都唔少，食到好飽炒貴刁好入味，我地都覺得好食，味道好似係外地食咁，價錢好便宜，$38已經食到咁豐富既一餐，好抵食，講價錢就真係超值，真係好平又好食既一餐厦門炒米粉都好夠火喉，配菜同汁料都好食，米粉軟硬度適中，茶餐廳水準黎講呢一碟炒米粉都好高分，係我自己鐘意食既味道同口感飲品熱柚子蜜熱柑桔蜜凍檸水$40有找既一餐好抵，呢個價錢好少有，好抵食，想平平地食一餐就選擇呢度

ʚ 岱民（彩雲）ɞ平時都經常係岱民買兩餸飯，而呢間分店係屋邨入面，開係好有特色嘅冬菇亭，除左2餸飯仲有潮州打冷同茶餐廳。ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 沙茶牛肉煎蛋公仔麵 配熱奶茶沙茶牛肉沙爹味香濃，牛肉滑而不過老，有牛味，公仔麵麵條不過軟，煎雙蛋火候岩岩好，中間流心蛋黃，加埋麵一齊食口感更豐富。❀ 廈門炒米粉 配凍檸茶廈門炒米不同於港式嘅鍋氣炒粉,係濕炒口感,將酸甜醬汁加埋海鮮、雞蛋、火腿、洋蔥等一齊炒,味道酸酸甜甜好開胃！

👧🏻😋👅🍽✨冬菇亭午餐-🍄 彩雲邨冬菇亭有好大個鋪位都係屬於岱民, 傳統冬菇亭係冇冷氣熟食檔, 但岱民似餐廳多D, 同埋當然係有冷氣🍄 夜晚有小菜, 下晝就有兩餸飯外賣同是日午餐, 鋪位好大都坐得好舒服, 可以服務返山上住附近既居民-🍲 冬瓜海鮮湯飯 $46💯個湯底好薑, 夏天成日出入冷氣地方驅驅寒唔錯; 有蝦仁, 蜆肉, 魷魚等等; 冬瓜都煲到腍晒好入味-☕️ 套餐配送✨例湯: 青紅蘿蔔湯清清地唔油同唔會太鹹✨熱飲 (凍飲加$3): 有4-5塊檸檬好夠酸!

服務：早幾日去買左兩個晚餐外賣，睇menu係寫有例湯"及"熱飲，落單時收銀冇出聲，淨係問飲咩，之後出張單唔見有例湯。諗住可能單冇寫姐，食開d茶餐廳多數都有，點知最後都係冇湯，問返個職員(似係高級d/話事人feel)，佢話外賣要加錢先有例湯......可能係我搞錯啦，算數🤷🏻‍♂️唔知例湯係咪好重料呢，竟然堂食先送，有飲過嘅大家比下意見🤣-----價錢：一個餐58蚊，包熱飲，冇例湯，外賣盒(發泡膠)加1蚊......貴唔貴就見仁見智，我就覺得唔值，原因如下👇🏼-----食物質素：我諗睇圖都感覺到🤣顏色上已經冇吸引力；飯同河粉都唔夠味，淡茂茂。~西炒飯，飯炒到一舊舊痴埋，失敗材料又少，得d飯多。~乾炒牛河，d牛肉淋到一個點，食得出落左好多梳打粉，苦苦地，材料都係一樣地少。-----飲品：茶走，唔夠甜，茶底唔靚，唔滑，諧霎霎。檸茶都係茶底出事。-----結論：唔會再幫襯，服務唔太友善；之前試過兩餸飯，太油，平都冇用，完。

行過經過唔好錯過，岱民出名已經係夠平㗎啦，仲要係平民屋村嘅冬菇亭內有關岱民，今日一行三人分別叫咗，水煮牛肉大辣，岱民小炒王中辣，同埋金銀菜蛋白菜仔，由於我哋早上10:45坐低諗住叫，但係廚房要11:00先煮到，於是我哋坐咗15分鐘正正11點就有得食啦。首先介紹吓水煮牛肉，牛肉比我想像中厚，味道非常之好味，牛肉完全咬唔到有啲失望， 岱民小炒王抄得非常之有鑊氣非常之好食，值得推薦。金銀蛋，白菜仔份量亦啱啱好，整體上食物對得住個價錢。值得推介

岱民彩雲店～呢間店係喺彩雲邨冬菇亭嘅位置，呢度除咗供應主打嘅兩餸飯之外，仲係屬於一間茶餐廳兼且有潮州打冷食品供應，認真多元化。岱民彩雲店嘅環境相當企理衛生，茶餐廳入面嘅環境都相當寬闊，空間感十足，唔會令人覺得焗促。兩餸飯+潮州打冷+茶餐廳，滿足任何顧客需要，任君選擇，想食水吧食品又有，兩餸飯又有，潮州打冷食品又有，而且又開喺屋邨入面，專做街坊生意，街坊一落街就可以買到平價飯食，認真難得，而且味道又好。

最近經過這處見有新開餐廳，都沒有特別留意或打算幫襯，但今晚又經過呢度見到好多人排隊，就去看看，原來是排隊買2餸飯盒，好奇下就買盒來試，很有驚喜，豬扒及肉餅都很好味，重點是飯很軟熟，好味

彩雲冬菇亭新開張，試一試，好味定義因人而異，咁就要睇下咩心態😅（本人抱住放工好累唔想煮心態）未試過堂食，先試外賣雙餸飯當日放工時間，大約7點，去到見到有十幾人排隊，雙餸連飯25蚊，淨餸35蚊，依個價錢唔係唔試下ma😆咁親民...買左2個雙餸飯（運送回家過程打開個盒有啲亂）叫左1. 蕃茄炒蛋搵椒鹽豬扒2. 翠玉瓜炒肉片拼咖哩雞回家放左陣有點凍，轉左碟可以睇到個份量好多，叮番熱食，飯有2碗份量4款都好正常味道（翠玉瓜夠淋，肉片醃得味道適中，蕃茄蛋有洋蔥係入面又幾好😅，咖哩雞唔辣但香既，如果再辣啲就好），唔洗多講解😅簡直抵食見到好多都係家常菜，會再試埋其他餸😂😂煮都唔止依個價錢🙈 環境都可以，有1，2位姨姨先同客人選餸，行前小小另一位職員收錢，好多人排隊但職員友善的希望保持到