山窿謝記魚蛋 (已結業)

very traditional deco, also very traditional cleaness and tidy. you can imagine how "not so impressive" it is.fall ball doesn't taste as good as it should be. it could not represent aberdeen. what a shame.price is not reasonable. too expensive for a bowl of fish ball noodle.

8月31日再次同同事去謝記食晏，經過上次教訓，我無再叫好大碗嘅雜錦鍋，見餐牌上"魚皮雲吞"，又唔知係乜，好奇心驅使下點咗碗"魚皮雲吞墨丸米"，其他人都照舊點咗雜錦鍋。碗"魚皮雲吞墨丸米"黎咗，心裡面"且"咗一聲，原來魚皮雲吞即係魚皮餃。今日負責幫我地點菜嘅店員心情有D暴躁，搞到"方方"有DD唔高興，唔通店員姐姐無聽劉德華講野！

一共吃了超過二百次。每年超過二十次，吃了超過十年。近幾年，通常都吃魚旦炸旦淨，魚皮雲吞河，加支汽水。偶然會改吃新鮮出爐炸魚片，腐皮卷。魚皮雲吞是名符其實，皮是用魚肉做的，不是一般貨色的極油粉皮。吃落十分鮮美。魚旦通常(十之八九)是十分彈牙，不是潮州魚旦那種較軟較'林'，可以說是港式。魚味重，是我最喜歡的。比長州的張x ，安x ，王林x ，新蔡潤x ，學x ，夏銘x ，德x ，潮x 等好。湯底比其他好，雖然都有味精，但不太多。好過她的，我覺得只有張x 。炸魚旦是近年推出，好吃，但不是突出。用來打邊爐，加入用綿香沙爹醬做的沙爹湯底，很好的，有心人可試。炸魚片一定要吃新鮮出爐，才會皮脆多汁，放在湯粉麵上的，相距太遠。腐皮卷脆而不油，加上ʒ 汁，配合得宜。魚扎都很好吃，不過貴了一點，也不是常常供應。為什揦 ？你問問舊鋪的那位大新抱吧。看她會否串你兩嘴。其它食物如炸魚皮，牛丸，墨丸，牛腩不吃也不是損失。值得一提的是，用這裹的墨丸來BBQ,慢火燒後再加蜜糖，好吃。辣椒油都是一般，不提也罷。感情分佔上一/一大部份，請留意。

個個同事都叫雜錦麵，好，我跟！呢碗麵賣$32，包羅萬有，每款一件，潮州魚蛋、炸魚蛋、魚片、墨魚丸、魚皮餃、魚扎、牛丸、牛腩、牛根同豬肉丸。結果真係吃不完！

山長水遠來到香港仔，當然要去謝記見識見識。舊鋪側有新店，不過都是要經舊鋪出入。舊店是普通舊式茶餐廳的裝修，但入門處掛了一盞水晶燈，有趣！來時已是五時半，離關店只有半小時，食物開始售罄，腐皮卷沒有，魚皮沒有，河粉沒有，令遲來者有些掃興。點了細碗牛腩魚蛋雙拼粗麵($16，單雙同價)，有三顆魚蛋，有魚味，很彈牙，牛腩為炆腩，夠軟腍濃味，粗麵仍有相當重梘水味。不是本地人，不曉得這裡的規矩，因此對入鋪沒有人招呼感到無所適從。也許是暑期工，侍應有很多少男少女，但好像十問九不應，叫了幾次落單都沒人理，直到老人家出聲才過來，我好像做了透明人一樣。

上星期日原本諗住同老公去新開嘅翠華香港仔分店試下，點知一入到去，發覺D裝修勁唔掂，玩cyber又唔係，玩in又唔係，不倫不類，九唔搭八咁。我地坐左一陣，真係頂唔順，事關0個度唔知點解可以咁嘈，D聲音好似困住哂喺裡面咁，結果老公頂唔住，話不如去隔離謝記食好過，我當然冇異議啦。謝記係老公至愛飯堂之一，佢特別好此店嘅炸魚片，我地今次叫左以下食物：(1)牛腩墨丸河(老公話叫左先醒起，唔知點解要黎呢度食牛腩)-結果黎錯左，河粉變幼麵，墨丸冇乜墨魚味，D麵又勁多鹼水味，連帶個湯都係鹼水，牛腩普通，我就覺得唔掂，老公就覺得OK喎；(2)炸魚片-老公至愛，佢覺得好正，我就覺得D肉實左D，皮又太硬，一般；(3)淨魚蛋-老公又係覺得正，佢連D湯都飲哂；我就認為麻麻，好無特別；其實，本人家住南區咁耐，都係10年前先第一次幫襯此店，第二次就係今次喇，感覺都係一樣，普通貨色。P.S. 我地埋單時見到，細碗$16、大碗$32、加大碗$64；我同老公異口同聲話比得$64蚊，不如用$64叫4碗細嘅好過，試多幾款，唔知有冇人真係會咁叫呢...嘻！

上次成班人行完山,過左黎呢度食魚旦粉...第一個感覺係"嘩,咁多人o既?一定好正la..."點知食落去又唔覺得真係咁正...係o既,比起出面食到o既的確係較彈牙,但就真係未至於吸引到我特登去食law...

由沙田來香港仔,就是為了一碗魚蛋粉。以為多人排隊就是好野,以為舊的店舖就是好野,誰不知當我吃過第一口魚片後,我即時極度失望。首先魚蛋魚片都無魚味,炸魚蛋/魚片都炸得過火了, 弄得魚皮又老又\"鞋\",真係差到唔識形容。never come back again

我好鍾意食謝記架~!!hehe~ 呢期公司留下就係佢喇!以前好鍾意食佢d炸魚片，片頭正到痺!好好咬口!牛腩就麻麻地~有次又去買炸魚片，佢話未出爐，個老板叫我食炸魚旦!嘩~原來係會停唔到口!煙煙韌韌彈彈牙熱辣辣!岩我口味!抵佢開11收6都賺到笑!!

一入鋪頭比人感覺到真係好鬼山窿!人客唔太多隔離鋪都無開!(食物黎錯哂)地方好亂令人食得好急好趕! 炸魚片要自己買(唔知點解要另外比錢先)好奇怪?一碗淨魚皮餃四碗魚蛋粉(今時今日係香港好多地方嘅魚蛋粉好食過佢)炸腐皮卷/OK喇!二支裝汽水二支豆漿埋單時.老闆娘說的多謝很好聽!其他員工服務真係麻麻地.總評在水準之下!

從裝修傢俬都帶有特式，食方面當然要收魚旦河，重有油菜，係芥蘭加腩汁，見到隔離枱要了一碟炸魚片，跟住又叫，但原來要去淥麵個處要幾多佢幫你切幾多再計錢，要了十五蚊有成七八片厚厚嘅魚片。先講魚旦，有淥同炸，魚旦本身唔係大大粒白雪雪嘅，只係細細粒而又帶點啡色，食落幾彈牙有魚味，炸嘅魚旦也唔錯，粉ｏｋ，個湯都幾正。ｄ辣椒油唔太辣又夠香，用嚟點魚旦魚片都good；炸魚片的確好嘢，剛剛炸起夠香口，魚味濃郁，如果唔係要去開會就會買外賣；估唔到菜都有驚喜，芥蘭夠粗有菜味，但係個腩汁都好精彩，配上菜味道好夾。順帶一提，老闆娘招呼非常好，令人印象深刻．

身為「九龍人」的我，再加上沒太多朋友居住在香港仔，除了去海洋公園外，真的想不到理由山長水遠由九龍跑到香港仔飲飲食食。剛好上星期六住在香港仔的「Parker兄」，誠邀我們到他家看球賽，可以藉此一嚐「香港仔魚蛋」的滋味。記得曾經問過住在香港仔的朋友，問他香港仔那間店子吃魚蛋最好，他二話不說便介紹「謝記」。由Parker帶路之下，我們一行四人很快便到達此店。當時還未到中午十二時半，我們由「新鋪」進入，但發現已沒有坐位，便由「新鋪」穿過去「舊鋪」，剛好有一張四人桌子。「舊鋪」好有一種舊式店舖的味道，牆身還保留舊式食店的裝飾，十分有風味。坐下來便點了以下食物︰1) 炸魚片2) 炸腐皮卷3) 淨墨丸4) 淨魚皮餃5) 淨魚蛋(相片中沒有展示)6) 油菜7) 齋粉四碗8) 支裝汽水四支「炸魚片」要客人自己跑到櫃台購買，就好像到茶樓拿著點心咭叫點心一樣。一碟六件的炸魚片，由於是在廚房即場製作，所以還是暖的。半條炸魚片切成六件，每件魚片的厚度也有2-3cm，單是這一點已令人覺得與平常吃慣的炸魚片不同。炸魚片的外皮十分有咬口，肉質亦很彈牙，的確是不錯，難怪由我們坐下來後直至埋單，仍然有人龍排隊購買。「炸腐

今日去香港仔找男朋友吃飯，他提議到此食魚蛋河，去到叫了一碗魚蛋+魚片河,一碗牛丸+魚皮餃河,但食落魚蛋表面及魚片邊都好硬，牛丸+魚皮餃都是一般，試完一次便不會來去食的。

首先..呢度真係唔易搵,如果唔係有朋友叫,可能無機會嚟!謝記山窿..哈!個名超得意,聽朋友講佢以前真係喺個山窿度開!都唔知朋友仔係唔係吹水..唔好講咁多,試吓碗魚旦河先..點解..咁好食..太過份!加碟炸魚皮,無懈可擊!炸魚皮小妹話好食,因為唔係脆唔脆嘅問題,而係,唔知點解,有新鮮嘅感覺..好似真係啱啱剝左條魚嘅皮即炸咁..飲左枝可樂,枝裝特別有風味..山窿!恭喜,一百零八秒先叮你,一萬八千元屬於你!

在寫食評前，先作出鳴謝：謝謝kkk兄的完美交通安排，與會者之後想起談起，也無不津洋樂道；另外亦有花花花遠道帶回來的手信，很美味，非常好！專車送到，一時已來到門口，店內人客不少，不過還未滿，至少我們一行四人都可霸到一張小圓檯。一人先來一碗雙併粉，魚片或魚蛋是必然的「膽」。不同的只是餘下是配什麼，有魚皮餃有牛腩，花花花和我就最簡單，一於魚蛋魚片米就算。好日唔會來，來得當然想吃多幾味，仗著人多，亦叫了淨魚片，半條厚切加炸魚蛋、炸魚皮、魚札，加芥蘭一碟。魚片及魚蛋都有魚味，不過看魚蛋那平滑的表面，應該是機製而不是手唧的了。魚蛋四粒原味一粒炸的，都打得夠實淨又彈牙，不錯。炸魚蛋包了一層炸皮，反而硬硬的，有得選擇的話，要原味更佳。一向不喜歡片頭，這裡的就更不喜歡，因為那個炸的外皮更「硬淨」，浸極都不腍。湯底清清的，似用大量的魚骨煲的，應該不用花費去下味精吧！LQ雖然只得區區幾件牛腩，也慷慨的跟大家分甘同味，柱候牛腩，雖然不太腍，但夠味道。kkk兄的魚餃只得一粒，相當之珍貴。碗粉的魚片一般，但另切的又不錯，如果是新鮮炸起，當然更好，凍了吃多兩片，也有一點油膩的感覺；炸魚蛋不太喜歡，沒有再添吃；炸魚皮