山田本舖 (已結業)

真係冇辦法抗拒新鮮出爐嘅熱辣辣蛋糕🤩買完忍唔住即刻試好fluffy 好濃嘅蛋香👍🏻芝士都好足料 好邪惡🤤美中不足嘅係佢係每半個鐘先出一爐 每次只有10件 咁啱做正第11個就唔好彩啦 要再等下一輸 分分鐘要等成個鐘先買到🤢.i love this pillow like castella cake - extremely soft, fluffy & full of eggy flavour 😋 i had the cheese flavour when it was fresh & hot & I LOVE IT 😻 if you’re not a big fans of queuing, i recommend you to try it when the hype dies down 😅 as each batch is only sliced into 10 portions & you might have to wait for another 30 mins if you’re the 11th customer in the queue 🤭.what did i orde

之前去開港島區買古早蛋糕。今次去太子新開左無耐呢間買。基本上呢類蛋糕店 ，都係每個時段出嘅款式都唔同 我剛去到賣嘅係原味，其實最想試咖啡或者綠茶紅頭 不過有排等，同埋 每個時段只得十盒cake賣，有買真係襯手，因為每人只可以買一盒，其實你去到有時未必可以買到，要再等多30mins。其實好多人買完一盒，再排隊，但我唔等了，買原味算。望到好吸引，買出黎香味係咁湧出黎。佢有好香嘅咸蛋黃味。比起港島區派長龍個間，佢有咸蛋香，同埋我覺得佢soft過港島款，呢個個人口味問題 ，不過2間都值得試嘅。不過記得只可食3日，一家人食先得了。

台灣古早味蛋糕嘅熱潮席捲香港價錢就當然無法同台灣比較港幣$60一底 係台灣食就台幣呢個價記得淡水食過兩次類似嘅古早味蛋糕又香軟又大份 新鮮出爐令我對山田本舖都充滿期待今次同事係太子買返來公司一齊食買到嘅係原味 原來唔係你想嗌咩味就有咩味㗎撞啱剛出爐係出咩味就係咩味真係緣分哈同事話差唔多排左一個鐘都幾考耐性 個包裝好有土豪味哈哈外賣永遠有一個唔好處就係有水氣幸好熱度仍足夠一份蛋糕真係好大份!夠分8份有多食落去蛋味好濃好濃但鬆軟度可以再軟啲小編嫌佢硬身左少少總括嚟講 一試無妨如非對古早味有迷思同一價位甜品可以有更好選擇

一出太子站就聞到香味，行出去一望，嘩咁多人排隊嘅？每日限量出爐，而家暫時冇得預訂🙆🏼‍♀️要買就要排隊等！見到有唔少人收已經拎住兩盒，但都繼續排😂好似真係好吸引咁！—————————————————🔹抹茶紅豆古早味蛋糕 ($75)本來想要肉鬆，但係已經售罄😳不過錯有錯着！呢個蛋糕都幾特別，抹茶味嘅古早味蛋糕fusion台日，好創新！蛋糕真係好香蛋味😂一度拎住一度想開嚟食！蛋糕體好綿密細緻，真係好鬆軟，係香港無咩點揾到咁軟熟嘅蛋糕！入面仲有粒粒紅豆，份量好足夠，大大粒好軟糯有咬口，令蛋糕味道更有層次！淡淡嘅抹茶香無掩蓋濃厚嘅蛋味，主角仍然突出🤣上面嘅杏仁片好香口，焗至香脆夾埋一齊食，就更有口感！店員教路可以即日常溫食/叮熱10-20秒/焗熱食/凍食🤟🏻🤟🏻 我試咗焗熱食，蛋糕邊微脆，內部仲好濕潤鬆軟！當然唔好焗至乾哂喇🤣感覺呢款比原味更抵食，好食過平時個d抹茶蛋糕多多聲！真材實料無加防腐劑，食唔曬最多擺兩日架炸！@yamadabakeryhk

每次經過太子都見到排長龍的山田本舖，今天終於一試。家人說排了45分鐘再排到，而且只能被安排指定口味，如果想買其他口味或者買多一份就要再排過隊。成個過程做到好駕勢堂。家人被安排到肉鬆味芝士蛋糕，唔可以話好好食，亦唔算難食，只是普普通通，無咩驚喜，芝士蛋糕乾乾地。

身為無甜不歡既我，除左係一名包控之外，蛋糕亦係我另一心頭好！！！呢間售賣台灣古早味既大蛋糕，早係兩個月前俾我book markedddd 呢日出開太子，當然要去會一會佢啦啦啦啦❤️❤️❤️去到附近遠處已見到條人龍啦！！！原來依家無得預售，要食要買既就要乖乖地排隊等拎籌~~有不同款式口味會輪住出爐，每次出爐只有十件，真係手快有手慢無架！！！！！除左原味係60蚊，其他口味都係75蚊 ：）當日好好彩，輸到我個時咁岩係我最想，試既肉鬆口味😍😍😍見到個巨巨巨型大蛋糕出場個刻真係好興奮架，唔少街坊到好似我咁，即刻拎部手機出黎影低呢幕xpp之後店員就會以純熟既手勢將蛋糕快速脫模，然後細心咁將蛋糕分切~~跟住就將呢十件香噴噴兼熱辣辣既蛋糕放入盒内，俾客人帶走😚😚😚一返到屋企已經急不級待要切返兩件黎食！！！當時既蛋糕尚有餘温，面層同中間都有咸香微甜既肉鬆，食落去嘅蛋糕既富蛋香又夠濕潤軟綿，再加上面肉鬆脆脆既口感，層次同味道都係一絕❤️❤️❤️如果當日食唔曬就要放入雪櫃，可以存放三日，我第二日拎返出黎食都完全無問題，蛋糕依舊綿密香軟~~呢個巨巨巨型既大蛋糕真係好出色，相信其他口味都唔會差，下次經開一定會回購回購再回購

前排好多人話好好味的蛋糕，今日有時間去排吓隊，每次只可買一盒，每次出爐一底切到十盒一種口味，今次排到係朱古力味，蛋糕鬆軟，有彈性，而且有蛋味朱古力味好平衡，中間夾有朱古力醬，不太甜，雖然食飽飯，但都忍唔住食咗2嚿~好邪惡吖~

 有網友報料呢間鋪真係唔知好唔好彩附近就係太子警局幾步之距人流係多,但間中有影響當天見到排隊人潮,仲OT加時賣多一盤先收工 玻璃上會標明出爐時間,款式,價錢限買一件,基本上好快就會賣清 呢度既出品賣相就一般,唔太講究份量就比起一般既古早味蛋糕多味道就沒有太突出,新鮮蛋糕味道而已蛋味唔夠濃,甜就夠甜 12點至9點開鋪分段出爐 七款口味,原味$60一件其他口味$75一件芝士,肉鬆,朱古力,抹茶紅豆,班蘭,合桃咖啡網友推介咖啡味,但當天買唔到

話說報章介紹完必食的芝士味，有d想試下就過左來，點知見倒大排長龍等出爐，雖然芝士味剛出爐，但原來要早半小時來排隊拎籌，排到出爐，每人可以買一盒。眼見有人買完又再排下一round, 好似好值得試，所以我就排左下一輪出爐的抹茶紅豆。拎左後緊係襯熱食，個皮摸落好脆，但食落個皮又不是好特別，蛋糕都夠軟熟，抹茶味重，紅豆不是好多，唔算甜幾好，整體來講我比70分。不過我覺得其實有d似麵包店的紙包蛋糕，值唔值得排咁耐就見仁見智。如果有細件賣就更好

日日落車行過都見到大排長龍🤔，而且見到網上片都好吸引，今日見到得六七個人排隊，因此就嘗試排隊購買，原來一等就要半個鐘，因為佢半個鐘先出一爐，而且每次只界得十件。今天購買時已經感覺完全造假，事原佢做得好慢，只是個個喺度等攞蛋糕而引致好多人排隊來吸引人，以為好好食大排長龍。買回家後一試之後，感覺完全中伏，蛋味好一般，芝士完全不會有拉絲及吃不到有芝士味，而且蛋糕一啲都唔鬆軟，食得一半就抌咗落垃圾桶了，感覺被騙，一般雞蛋糕好食過佢

去到原本係排第十個所以先會排隊等，等下午5:05果一輪的原味蛋糕，點知派籌時派到前面果個就話派完已經派晒，當我去問職員原因時，佢話其中一個拎完籌行開左，但事實無可能，因為我係確定數過先排隊的😡呢間店成日要人排隊，出一底蛋糕要人等勁耐，但每次只係得十個都無既籌，仲要抽起d籌，痴線，一定唔會再幫襯！🤬🤬

近期受facebook影響, 見到呢間生田本舖成日登出嚟, 話古早味蛋糕味道同台灣好似, 所以同朋友即刻買嚟一試, 原來佢嘅蛋糕係有分時段出爐, 咁我哋都預咗要排隊, 我哋大約五點去到, 要排隊攞籌拎蛋糕, 等咗大概20分鐘, 蛋糕終於出爐, 佢價錢雖然比其他嘅貴少少, 都比其他古早味蛋糕大件啲, 咁我哋就會攞返屋企先試， 喺外表同台灣嘅差唔多, 不過香味就差少少, 食落嘅口感係綿密嘅, 咁但係蛋香就冇台灣食嘅咁好, 同埋始終都係做唔到台灣嗰種味道, 我覺得似出面麵包舖雞蛋糕鬆軟小小， 但係都好食嘅， 不過相信熱潮一過應該唔使點排隊

之前係網上見到係太子附近開左一間賣台灣古祖味蛋糕，而我亦愛好古祖味蛋糕，於是就引誘同事放工陪我一齊去買😈😈😈由於排隊人數眾多，店舖規定：每人限買一個蛋糕。幸好我們算早到，大約等左30分鐘左右就可以買到。如果排得後，分分鐘就要等成個鐘。在排隊等候時，蛋糕香味不斷溢出，令人垂涎三尺，實在太可惡啦！😈😈同事買了原味蛋糕我買了芝士味蛋糕。蛋糕大大塊，而且好鬆軟，蛋糕唔會太過甜，有蛋香味，濃厚的芝士，非常邪惡。

第一次寫食評！因為實在忍唔住！之前在淡水食過古早蛋糕之後念念不忘！終於比我在香港找到了，不用再飛去台灣先有得食！古早意思係傳統制法的意思。傳統更加無防腐劑、無人造色素甚至發粉。唔會有而家啲連鎖西餅咁有陣旱味！重要即制現烤，焗起成舊枕頭咁高，又濕潤、又Q彈！之前食過原味同芝士，蛋香超濃！今次食肉鬆，估唔到肉鬆的香酥同蛋糕出奇地夾！排隊就真係幾辛苦，但老細話每底都即制同要焗個幾鐘，想食好野唯有排隊啦！撐小店！

開業至今我幾乎每天都幫襯，他們態度親切，蛋糕確實好食，記得有次與兒子購買蛋糕時，兒子急不及待需要食，他們遞上紙巾手套及膠袋，令兒子不太狼狽，本人覺得他們10分貼心呢，而此店製造過程全沒有任何添加劑，令我懷孕當中與兒子亦食得非常放心，雖然取消了預訂服務，亦希望他生意蒸蒸日上，為公平起見，我本人認為排隊購買亦無妨，最喜歡吃他們的芝士蛋糕，放雪櫃第二天做早餐時，加熱芝士變回軟心很好吃，小兒最喜歡他的朱古力蛋糕，確實鬆軟無比，兒子較喜歡凍食，此蛋糕驚喜在雪過夜亦非常軟滑，連我懷孕都不怕吃，可想而知他的糖分真的較少，因為蛋糕並不太甜，此點令我對它加分不少，故此放心讓兒子吃他的朱古力味蛋糕，正！