影片
以上資料只供參考, 請與餐廳確認詳情
放工番到佐敦，想食麵。見尼間清湯腩幾多人，入去試試。清湯蘿蔔牛腩幼麵，湯底清甜無味精，飲得出係用牛骨同蘿蔔熬足時間，飲完唔會口渴。牛腩份量足，半肥瘦，炆得夠淋又入味，蘿蔔索晒湯汁，清甜無渣。幼麵爽口彈牙，整體好食！墨魚丸魚蛋幼麵，墨魚丸真材實料，咬落彈牙有墨魚香，魚蛋都爽口，不過味道普通咗啲。湯底鮮味夠，但略嫌淡口，加啲胡椒粉更惹味。幼麵同樣爽身，如果墨魚丸再大粒啲就完美！鮮蝦雲吞，雲吞皮薄透光，蝦肉爽脆鮮甜，豬肉比例剛好，有些小搶味。湯底清淡，突出雲吞鮮味，每隻都飽滿，正！炸雞中翼，即叫即炸，外皮金黃脆口，咬落肉汁爆出，醃得入味，唔會太鹹，熱辣辣食真係無得輸！腩汁菜心，菜心翠綠爽嫩，腩汁鹹香，撈勻食好夠味。菜心無渣，份量適中，作為小菜夠晒地道。
繼續閱讀
踏入「山水清湯腩」，撲鼻而來的是濃郁卻不膩口的牛骨香氣，店內裝潢簡潔明亮。今天的主角是「清湯牛筋飯」，一碗看似簡單卻蘊含功夫的料理。晶瑩剔透的米飯上，鋪滿了燉煮至軟爛的牛筋，色澤金黃誘人。夾起一塊牛筋，入口即化，膠質滿滿卻不黏膩，濃郁的牛香在口中綻放，令人回味無窮。清湯是這道料理的靈魂，以牛骨、牛腩和多種中藥材熬製數小時，湯色清澈見底，卻蘊含著豐富的層次感。輕啜一口，鮮甜的湯汁在舌尖跳躍，伴隨著淡淡的藥材香氣，溫暖了整個身心。除了主角牛筋，碗中還有幾塊燉煮入味的白蘿蔔，吸飽了湯汁的精華，清甜可口，為這碗飯增添了一抹清爽。「山水清湯腩」的清湯牛筋飯，沒有華麗的擺盤，也沒有花哨的調味，有的只是真材實料和用心熬製的湯頭。每一口都能感受到廚師對食材的尊重和對美味的追求。這碗清湯牛筋飯，不僅滿足了味蕾，更撫慰了心靈。在這個快節奏的都市裡，能夠慢下來，細細品味一碗用心烹製的料理，何嘗不是一種幸福？
繼續閱讀
咁啱經過， OpenRice全like，咁勁？入去試吓。平時喺灣仔食開坑腩，呢間店員介紹崩沙腩，好，信佢👌🏼👍🏻 .叫咗崩沙腩河（要加錢），冇問題，好食就得啦，但，事與願違，好麻麻，首先湯底好鹹，清湯腩嘅湯底咁鹹真係第一次，牛腩仲鹹，全部嘢偏重味。（真心唔係我杯茶），主角：牛腩腩崩沙腩好嚡+黐牙，雖然$58，但真心好一般。價錢合理👍🏻湯底夠，唔會乾爭爭噌👍🏻服務OK，服務員姐姐好親切👍🏻.只是食物質素（牛腩味道有待改善），魚蛋粉30幾蚊算好平，下次經過會試吓。
繼續閱讀
湯底是用新鮮牛腩＋牛骨+自家秘方熬煮 原汁原味 絕對不是味精湯🐂清湯牛三寶河（牛腩+牛肚+牛筋）牛腩：肥瘦適中 肉質鮮美嫩口 牛肚：有嚼勁而不韌 牛筋：口感軟嫩 是骨膠原😍最怕河粉浸耐咗會太淋 結果完全沒有 粉條細嫩而又有口感 河粉吸收了清湯的味道 令人不禁多喝了幾啖·🐂清湯崩沙腩米粉崩沙腩是牛腩中最矜貴的存在 是牛的橫膈膜 表面有一層橫膈膜連著腩肉 筋膜連著少少肉 軟腍味香 肥瘦剛好 這家的崩沙腩真的非常完美 每一片都恰到好處 米粉口感爽軟·🐔雞中翼（4件）炸到金黃色的椒鹽雞翼 非常香脆 外面香脆 裡面的雞中翼又可以保持到滑嫩多汁 一口就有多重口感·🥬腐乳通菜份量都唔少 腐乳醬都是非常濃郁·跟餐+$8 就可以喝到冷/熱飲
繼續閱讀
我會叫做打工仔快飯之選，第一次留意到佢因為夜啲係彌敦道，發現佢好似新開好光猛同感覺企理就試下，入到去係都幾乾淨，比一般粉麵檔茶餐廳好，對清湯腩有要求嘅我仲幾有驚喜😲🐮清湯牛腩河 （$49）49蚊係油尖旺區真係同食碗雲吞麵都未必得，驚喜嘅係牛腩係勁淋身唔柴又保留到肉質，肉份量都算多同無咩雪味，湯底標榜用牛腩＋牛骨煮成👍🏻，好清近乎無油，不過比起出名啲清湯腩店就相對無咁燉左好耐果種甜味，不過價錢嚟講收晒貨啦，河粉份量較細，男士們可能要加底或叫多樣嘢👻
繼續閱讀