屯門咖喱屋

營業中

休息中

個人感想：記得十年前在附近返學，最常來這裡吃午飯！那時候只要 $2x 就吃到好好好吃的咖哩飯！十年後$40，仍然好好食！檸檬茶仍然係檸檬茶加檸檬（唔知係咪雀巢）留意返：個飯好大個，女仔未必食得晒，食量唔大既朋友仔記得叫少飯啊，或者好似我咁，麻煩佢轉晒做烤餅，有八塊，咁就岩岩好食得完，點晒d汁，正啊！素食者：食素既朋友可以揀咖喱蛋，有兩隻蛋，全素既朋友可以揀咖喱蔬菜，讚！ 咖哩雞和咖哩魚～

好耐冇食咖哩搵間食,見佢平平地試試,餐牌種類都算多,我選擇左咖哩羊肉,個餐湯係胡椒粉煲水,蔬菜係雜菜粒又凍又爛水汪汪,薯條應該隔左好多晚夜,烤餅係全碟最熱不過好乾好乾,乾得唻又唔脆又唔香好勁,咖哩羊肉好硬又大粒得好小香料味汁又稀稀的肉又唔份味,學生餐價錢學生餐質素只可以講食得落既話一定填飽肚

從前，有一說，在香港要食正宗咖喱，一定要到大西北，石崗錦田一帶，原因就是從前的石崗軍營，有好多印籍軍人駐守。於是，香港人說的石崗咖喱，曾幾何時，成為了食印度咖喱的名詞。不過，是日我不是拜訪同樣是位於大西北，真正掛名石崗的咖喱屋位於元朗，未必有時間去，但我們時常都進出屯門，在屯門置樂附近，我們也找到印度咖喱屋，是一家真正由印度人主理的《屯門咖喱屋》。由於是屯門區唯一一間印度咖喱，所以這一個印度力量非常之強大，我們在午餐時間到達，是要在門口等一等才能夠安排到座位。名內，全印度同鄉服務，來者大都是街坊，感覺上，這一間咖喱屋是深受屯門局民歡迎的。來這兒的目的，是太太想吃 Samosa，印度的咖喱角，也就是正宗的咖喱角。通常，我們都會點素食的版本，餡料只是薯仔同青豆，內有乾咖喱，味道香口，辛口，是我們最愛的印度小食。未食午餐的我，要了一個套餐，首先有印度雞湯，就算我太太沒有點套餐，都有一雞湯一碗。這，可以說是一個忌廉粟米雞湯，但喝入口又同西式的忌廉粟米雞湯有分別，這湯濃而不杰，雞味香口，也有很多的雞肉絲，整個湯，是很香口的。咖喱羊套餐，店方煮出了 Curry，就是最普通，最大眾化，也是最啱香港人

好耐之前有網球堂時候，曾經同一大班同學貪就腳，就試左呢間。奇在只有我覺得呢間好食，只因佢個薄餅。已經畢業左幾年，想食番個個味道，就特登起屋企行過去。咁岩去到有位，就即坐叫野。個WAITER就唔識講中文，好彩靠手語都落到單。咁就叫左個SET LUNCH，有羅宋湯湯、凍飲，個人鐘意食蛋就點左個蛋咖哩，$40有找。我就唔會叫飯，全部轉哂薄餅。我最鐘意佢個表面就有D燶燶地，但係入面就軟軟地，好有咬口。再加上沾咖哩，份量岩岩好，唔會出現無哂咖哩，就只有薄餅咁樣。至於銀盤上面既薯條，幾香幾脆，不過至於D雜豆就麻麻地，有D起渣既感覺。大體上，個薄餅真係重中之重，我見其他人用刀叉用到狼狽之際，我消毒左雙手就直接手食，咁先夠風味嫁嘛

重口味既我好鍾意食中東菜，今次就食呢個印度菜，印度菜最出名係咖哩，緊係要試下啦。首先叫左個前菜，就係呢個烤雞，呢個好嫩口，食落去又好香，佢加個調味料唔多，所以加d檸檬汁就好出味，好清新。之後叫左個咖哩羊，同平時既咖哩唔同，佢係好深色，開頭好怕好辣，點知佢係好香，微辣，但好重咖哩味，加上羊肉本身有d膻味，味道好燶，佢仲要跟一個白飯，送飯一流，食落去又開胃。印度菜又點少得薄餅，佢唔同一般既印度薄餅，佢係好鬆軟，食落去好炊韌，加上個咖哩羊既咖哩汁，真係絕配。

前兩日難得返屯門，一心諗住帶我男友去食好野，點知又中伏 大概7點左右去到，已經有8成full,一望入去裝修唔同晒，光猛左好多，入到去感覺完全唔同晒，我同男友就求其坐低左，好快就落order。本人都幾中意食印度咖哩，成日都會去試下唔同餐廳，心目中都會幾款至愛，其中一款就係必食嘅： chicken tikka masala 哩款菜色係我心目中係基本野，若要試間餐廳嘅廚師手勢得唔得，就一定試佢！個waitress 一擺上枱，我都唔知佢係chicken tikka masala, 因為佢個顏色唔同左，我再試個味，都有唔同,跟住我咪問個waitress, 哩碟係咩，佢就答我：chicken tikka masala, 突然間我覺得受騙了，根本都唔係果回事。之後啲野食陸續咁擺上枱，但我已經心灰意冷，哩間已經冇晒heart,而家淨係識得整套餐。你話哩碟beef curry 同碟chicken tikka masala 有咩分別丫，如果我知佢係咁，我就唔駛散叫，叫套餐就得啦，套餐仲平啲！超級失望！柸 mango lassi, 其實味道係唔錯嘅不過嗰個size同以前就真係大大唔同，細柸左好多囉咖喱角黎講

身為個區的學生，一定去過！！佢lunch set真係好抵食，包你一定托住個肚出去！個set包括有飯，烤餅，雞湯，餐飲，咖喱，蔬菜，薯條*細食的，記得要叫少飯**唔想要蔬菜，可以轉要多份薯條**可加錢烤餅轉煎餅*佢可以加錢有“one meter tea“，姐係傳統印度拉茶,真覺唔錯！！（有淡淡薑味及奶泡）佢有時都會失手，但唔常見。。總之抵食！！

相信一講食咖哩 , 住係屯門既人都會識屯門咖哩屋 ,開左幾耐 , 真係唔清楚 , 但記憶所及都有 10 年以上 .有 set , 散叫 , 仲有啤酒添 ,我地就 order 左個 2 人套餐 .未點菜就送上一碟免費小食 ,附上 2 款醬汁 , 紅色酸甜 , 青色香辣 ,每人2 粒岩岩好可以試晒 2 款味 .例湯 ~ 食埋 d 炸野 , 岩岩好飲返個例湯去下油先 ,仲以為係 d 西式湯 , 原來係中式湯 , 又幾好味丫 .雞件 ~ 紅卜卜既鐵板雞 , 配埋蔬菜 ,唔駛咁油膩 , 好彩唔係勁辣既 , 幾驚一開始就咁辣 ,咁一陣點食埋其他 , 雞件有小小辣 , 入口好香跪 ,再加埋檸檬汁 , 酸酸地又幾開胃 .咖哩雞 (右) , 咖哩羊 (左)咖喱係紅色既 , 唔太辣 , 雞肉同羊肉都好入味 ,咖喱味很濃郁 , 唔重椰汁味 , 食落都好林 , 配有薯仔蕃茄 .蒜茸椰菜椰好爽口 , 但醬汁就偏咸左 d .印度煎餅 (右) , 白飯 (左)初時以為是但揀 1 樣 , 原來套餐包埋 ,煎餅非常香脆及煙韌 , 味道比較淡 , 但點上咖喱汁一齊食 , 好正丫 ,大食人仕加埋咖喱汁撈飯就一定夠飽啦 .熱

一班同事午餐！有個住屯門嘅同事介紹呢間咖哩屋！揸車去泊低！因為有成10個人，要分兩張枱！埸內一半都係學生！（一定好抵食）枱櫈都幾迫，而且好嘈，我們坐近水吧位置！室內燈光昏暗！裝修好有印度感覺！店員都係印度人，不過識講少許廣東話！落單無問題！午餐餐牌簡單，都係揀肉嘅種類同飲品！先來個湯，夠熱，應該係薯仔粟米湯，有少許粟米粒，幾滑！唔錯！「咖哩羊腩」（$42）食物好大不銹鋼碟，分咗一格格裝晒所有食物，份量好大，有飯又有烤餅，咖哩汁好多，羊腩都好多件，咖哩香而微辣（我唔鍾意唔辣嘅日本咖哩，唔辣唔似咖哩！）4件烤餅放飯面，烤餅本來夠脆，但貼住飯嘅一件就淋了，沾咖哩汁食好味，米飯唔係印度米（我唔鍾意印度米好散又乾身）中國米鬆軟，撈汁好味！羊腩有兩件嚡少許之外，其他都半肥瘦！淋身好味，另外兩細格，應該一格薯條，一格雜豆，但我嗰碟兩格都係薯條，幼薯條好乾，應該炸好放咗一排！一般！芒果乳酪：加$15upgrade,中間有塊一大塊嘅冰，芒果味香，乳酪滑，配咖哩可以清一清味覺！夠清新！中午時段好多人，店員超忙，收銀都要幫手落單，服務態度幾好，比錢可以逐個去比都得！唔使夾錢找贖麻煩！好helpful!平靚正

今日係我嘅生日, 我哋一家三口簡簡單單食餐飯慶祝. 上OPENRICE見到呢間咖喱屋一個喊評都無, 所以決定幫襯. 我哋18:05去到, 唔使等位 (18:35已全場滿座 )一坐低就FREE咗一籃炸嘅粉團 (六粒), 食完都唔知係咩嚟.叫咗個三人套餐 $220.00首先上嘅係雞湯--好濃好好味. 跟住係燒雞--非常惹味,但略嫌"鞋"口, 辣度OK. 百厭仔咬咗一啖就喊辣唔肯再食 (等佢平時食咩都話落胡椒粉).我即刻叫未整嘅咖喱要less spicy. 所以之後嘅咖喱 百厭仔食得津津有味.三款咖喱分別order了-- 雞 / 牛脷 / 牛 (+$4.00) 全部肉都夠林又入味. 呢度嘅咖喱幾特別. 入口先有蕃茄甜味, 慢慢先會滲出咖喱嘅辣味. 咖喱汁用嚟撈飯/點薄餅非常一流.蒜蓉炒椰菜--頗油膩, 初初夾第一塊入口真係好咸, 之後撈勻就OK, 仲越食越覺好味.飲品點了汽水/ice lemon tea  檸茶實在太甜 要溝水先飲到.埋單$224.00

去這間鋪食咖哩,,,當然是很熟悉屯門地帶XDD入內看到服務員是印度人,,就想到食物一定很有特色><看著餐牌,,點了2人套餐,,,可挑選了2款咖哩@.@由於未食過這間,,因此點選少辣,,,先上的燒雞塊,,很惹味,,,肉汁一流!!燒餅很脆,,配上咖哩汁一同食用,,,這裡的咖哩口味適合任何人w(友人不太吃辣的,,都覺得不錯!!)額外點選了拉茶,,,味道香滑,,奶味較重@@每款食物都充滿特式,,,絕對值得去試一試這裡的咖哩

今日嚟到屯門咖哩屋 已經係第二次食。今次經過開依頭又嚟食過！記得上次嚟食咗個午餐，一嚟飯配咖哩雞／牛／羊／豬，仲有薄餅，幾正。今次冇咁餓，淨係叫咗兩個餸。印度烤雞，仲有咖哩角。印度烤雞，我覺得燒得因為過耐，所以雞有燶味，不過都好有風味。咖哩角，好食、又抵！比起好多餐廳平，$25就有三隻咖喱角，必食！！屯門咖哩屋真係要俾個好評佢，無論舖面、食物、價錢、用人都係當地人。去到果頭，真係不仿一試依間！

我淨係試過LUNCH去食~佢個LUNCH個價錢抵到真係喊出黎佢有湯, 有野飲, 然後就黎.....依個掂阿, 我個人鍾意食蛋,不過重點係個ROTI~ 唔轉左ROTI既話, 佢會比果個烤既你, 都唔錯既!個飯都可以轉哂做ROTI,個份量大到HIHI, 細食既係1定要叫少飯,如果唔係就好浪費....佢牛同唔記得邊個, 啲咖哩隻色係唔同架~不過佢會落場, LUNCH到3點架炸~因為佢個LUNCH同DINNER 個SET係唔同;所以真係要去親早佢出名到有FB PAGE架HAHA..

因為daddy mami 去旅行.....所以細佬就提議出去食 (佢請wo, 咁ga 係yes la  )8點左右去到....Half full la~因為平日始終唔會似出面九龍咁爆ge~我地2丁友就叫左個2人餐($140)前菜 : (no grading..因為free ge)一坐底無耐佢就俾左4舊炸粉團我地lol....點左佢俾ge 紅/綠sauces (我鍾意綠色)普通啦... 雞件 (7/10)佢紅bokbok 咁....無咩辣味.......襯熱落D檸汁......好香呀!食落唔太乾.......不過D配菜就好似無調過味....(真係"配"角黎ga ja )烤餅 (9/10)熱辣辣..好有口感!唔好睇得個幾塊........每塊料子十足!點埋D curry sauces..........哇........不得了.........一路打食評一路流口水中  咖哩羊(light spicy) (8/10)點解light 都咁辣ge @@"不過好惹味!!!!!羊肉唔係太un!但有咬口~咖哩牛脷 (light spicy) (10/10)登登登登!Full

是日   我和女皇到黃金泳灘  曬曬太陽   游游海水  人生樂事  離開海灘時  晚上七時了   肚子餓極了  不停向我發出怒吼  我就馬上驅車  住屯門方向  看到第一個市集  置樂是吧  找個錶位  還好  一來便有  走了幾間店  最後決定我的最愛  清真食店  來  看我瘋狂表演  餓鬼出籠2013先來杯芒果lassi熱辣辣的印度餅   配上咖哩羊肉  完美的組合鐵板羊肉腸  是一圈圈的香腿類  最初吃很香  多吃幾件有點咸了印度鬆餅  這個比較油多點  但好脆好香  必吃免費的炸雞粒  免費來說  不錯了  不會冷冰冰  不會滿口油忘了名字的咖哩  今晚吃到撑  太撑了總結：  會再來的  出品不俗  地方比較細  但我一向都是食物為首  兩人吃了約$360  飽吃一頓