影片
以上資料只供參考, 請與餐廳確認詳情
平時去葵涌廣場食開一間章魚燒都OK不過今次再去見到有間新嘅《屯の大阪章魚燒》，見佢原來得葵涌廣場一間，又見到好多人排隊，諗都唔諗就即刻試吓先😁叫咗「超爆多蟹籽章魚燒」等咗15分鐘左右就有喇，真係爆多蟹籽😍😍一吉嚟食，勁大粒章魚喺裏面爆出嚟😂😂😂外面有少少脆！粉漿啱啱好又唔會過多！平時食兩粒已經好飽好滯，我諗呢間可以一個人食六粒😁 開始再過嚟一定試佢其他款😁一定要一個人食6粒先夠食👏🏻👏🏻👏🏻
繼續閱讀
呢間係位於葵廣頂層嘅小丸子！可能地理位置嘅問題，長期都好多人排隊，我見到好似唔錯，咁所以就買試吓，買咗依款超級多蟹籽嘅小丸子，真係多到爆炸，係可以用匙羹來食嘅程度😂😂但係唔好睇小佢嘅小丸子，味道都好好食好足料，而且將魚好彈牙，配上蛋黃醬啊蟹籽啊一齊食，成個口感超級豐富，會忍唔住一粒接住一粒食晒佢，唔怪得長期都咁多人排隊啦，見到佢仲有好多其他特色嘅味道，下次有機會嚟一定要試晒佢！正正正正正！！！
繼續閱讀
試咗原味章魚小丸子，整體感覺不功不過。小丸子外皮整得金黃色，睇落幾吸引，但口感上稍嫌偏軟，少咗啲外脆內軟嘅層次感，個人鍾意脆口啲。內餡方面，章魚粒份量算多，咬落去有粒粒大大粒章魚，少少嚼勁，但同麵糊嘅比例未算太均衡，會覺得麵糊稍為搶味，欠缺啲章魚嘅鮮味。 配料方面都算係基本水準，不過，醬汁方面偏少，食到後尾會有啲唔夠6粒分，可能係因為淋得太少。價錢方面算係正常水平，分量對得住價錢，但味道冇特別突出。
繼續閱讀
屯の大阪章魚燒 (葵芳)地址：葵芳葵富路7-11號葵涌廣場3樓摩登世界1號舖～～～～～～～以前未轉鋪前，我都食過幾次，之前仲算可以……今次真係好難食，成世人難食到要打食評驚世。呢間轉完位，愈做愈難食，睇見佢無咩人排，都心知不妙……入面完全無料，無粉槳都算，仲要全白唔熟，不推薦亦不會再買店員態度唔好，叫佢換第二盒都唔肯，靜係扮傻話係咁，當人未食過章魚燒咩葵廣咁多間章魚燒，做衰咗咪換個盒，成本咁低都要慳，當客係水魚咁，章魚丸成個糊仔咁都話無事，真係撐唔落……
繼續閱讀
葵涌廣場真的爆多小食店！屯の大阪章魚燒是一家位於葵涌廣場的排隊小食店，專注於提供正宗的大阪章魚燒。該店位於葵富路7-11號的葵涌廣場3樓摩登世界1號舖，扶手電梯到3樓便能看到了，交通方便，靠近港鐵葵芳站D出口。店內提供多種口味的章魚燒，除了元祖大阪外，還包括啖啖明太子和濃香黑松露口味，還有火炙熔岩芝士脆脆等創新選擇。每份章魚燒通常有6粒或8粒，價格在HK$30起跳。除了章魚燒外還有其他小食可以選擇，包括炸壽司、蜜椒漢堡扒、腸仔骨、餃子等，價格親民。今次就點了一盒大阪章魚燒（6粒）和一份黃金炸壽司：🐙 大阪章魚燒（6粒）第一次試就穩陣啲試原味元祖大阪，章魚燒剛剛整起熱辣辣外皮微脆，內餡細膩軟嫩，充滿濃郁的沙律醬的風味，配上大量既柴魚片與海苔碎，增添了豐富的層次感。章魚塊大小適中，彈牙有咬感，唔怕因為太大粒唔熟。果然係排隊店，這間不能說是最好，但性價比夠高，加上人多流轉得快，啱啱整起既章魚燒好難輸。🍣 黃金炸壽司這款炸壽司是意外的驚喜！外層炸得金黃酥脆，入口香脆但不油膩，餐肉蛋的內餡簡單而粗暴的配搭，與炸壽司的整體風味相輔相成，讓人忍不住一口接一口，HK$20一份絕對值得一試！要說到有甚麼問題的話主要是等一會（大概10分鐘吧），急的話可以先去其他舖買點東西再回來。營業時間：每天營業時間為中午12:00至晚上10:30。
繼續閱讀