影片
近日元朗又有一食店彈出，是一間位於金輝徑，以外帶為主的甜品店 - 層層疊，實情是那條街已不乏甜品店，在20步距離經已是無人不知的B仔涼粉，彈出的原因為何？除了是元朗人愛試新店外，就是擁著名氣的長洲糯米糍正進駐該店，令不少對長洲/糯米糍/長洲糯米糍有情意結的朋友也慕名排隊購買。見很多人也熱烈討論，又不時於網上上載排隊或是糯米磁實相，身為糯米磁粉絲的我也想趁趁虛，於是昨晚放工回到元朗先到店碰碰運氣，可惜已見玻璃櫃門貼上『售罄』的字條，更寫上今晚8:00到，由於店舖離家不遠，最後決定回家吃過飯後再外出購買。8時到達的我已見有些顧客向職員查問，店員稱糯米糍快將送抵店鋪顧客可先落單及付款，好讓他們及後將糯米糍入盒給客人，等了約25分鐘最後見職員將一盤盤的糯米糍送到，職員也隨即開始分發糯米糍。店舖分別有芒果糯米糍（$10)及榴槤糯米糍（$12)發售，也有粒粒雪糕、乳酪雪糕、層層疊及芭菲系列。談及糯米糍，最令我念念不忘的是數年前購自大澳街邊檔的『亞伯糯米糍』，到現在還對他的經典對白『唔食就走寶喇』記憶猶新，當時已掃街得抱著肚走，但在他極力推介下仍然買了回家吃，怎料回家嘗試過才感到自己買得太少！實在太美味，皮薄特別，餡料也好吃。而我則多年未有遊長洲，印象就是糕點跟日本太太做的手卷及紅豆餅好吃，也不知長洲的糯米糍出名。談回購自層層疊的糯米糍，由於我不是榴槤愛好者，我只選購4個芒果糯米糍，糯米糍份量也十足，體積不少，切開也見皮薄，內含一整片的芒果肉，那個皮真的做得不錯，可是那片芒果不算香甜還帶點酸，有點可惜。始終芒果也不是「包甜」的生果，若是換成花生椰絲餡可能會更好更有保證。今早也帶了餘下的2件回公司跟同事分享，同究也讚好吃，也說芒果香甜，但我嘗試另外一顆芒果也是酸的，看來我跟甜芒果沒緣份了，但也總算嘗試過近期熱哄哄的糯米糍。層層疊元朗金輝徑28號好盛洋樓地下14A號鋪
繼續閱讀
呢間層層疊,出名早開,最適合lunch完去享受下甜品 ,剛巧,巧合約左順德人去間離餐廳食飯,食完味順便來睇下,呢到餐牌一目了然,有咩就寫左起到.來到就叫多幾款,店員就芭菲是主打,就必試,選了個香芒乳酪牛乳芭菲,少甜,多果肉,牛乳都很夠味,唔錯,個雪糕都好好味再叫個玉桂蘋果金寶伴雪糕,係熱.蘋果溶好香甜,餅少脆,,混合埋雪糕食,感覺唔錯意大利芝士tiramisu,呢個麻麻地,食落無tiramisu果種味,整體來說,地方較小,但甜品有特色,希望日後會多點驚喜
繼續閱讀
餵食鬼呢排成日投訴無甜品食…皆因午餐時份…甜品屋多數都未開門做生意…唯獨今次比餵食鬼發現左呢間新開店舖罕有地早開…於是乎有計劃地約左我黎呢頭lunch…再黎過不經意發現…而順便試食…………o.O……紅色既外觀又真係幾搶眼…好難扮睇佢唔到呢…>.<…店舖雖小…都有5、6個位…仲可以係門口偷雞擺多兩張二人小圓枱添…野食得呢個手寫水牌…唔知會會隨時轉款呢？？！！侍應話芭菲係本店推介之選…結果餵食鬼一口氣點左3個甜品…侍應都有點嚇親…以為佢自己聽錯…因為我地得兩個人之麻…@@！…意大利芝士Trimisu~唔係一般既Trimisu餅黎…除左無手指餅外…基本用料都差唔多…換句話講…係齋食cream...無coffee味…味道偏甜…香芒乳酪牛乳芭菲～芒果味十足…中層仲有芒果肉粒…牛乳特別處理過成奶香布丁狀…兩者互相交替…一d都唔覺得heavy...^^…玉桂蘋果金寶伴雪糕～呢個甜品係焗出黎既熱食…面層鬆脆…有好香既玉桂味…內層蘋果肉亦不少…焗過既蘋果份外甜美…伴隨著雲呢拿雪糕…一冷一熱…感覺很清新…基本上三款甜品都各有特色…賣相也頗不錯…價錢算合理…如外帶既話…仲會平d添...係午飯後甜品既一個好選擇…
繼續閱讀