屋子咖啡

營業中

休息中

上OpenRice見到大圍呢屋子咖啡評價好似唔錯，決定鬼死咁遠由大圍站行過去搵呢間野黎食。一入到佢係0服務。企左一陣先有人問你幾多位，然後問完就算，完全無打算安排座位既行動。最後我同朋友見到有個好窄既位就自己坐左入去，不過成枱面都係拿埋一注既紙巾，不斷叫人黎執都係0反應，坐左5、6分鐘後終於有人回應，不過都係「等陣喇」，然後又再等。等到佢肯執後，好彩佢都識噴野抹一抹先放低menu。嗌左個飯素拌飯+十勝燒豚。聽到間鋪頭個水吧瘋狂有微波爐既叮叮聲都知唔對路，點知真係睇住佢將我個「十勝燒豚」係微波爐叮完出黎就上碟。心諗我當你係心機料理，一早煮完要翻熱都算。黎到碟野，第一，我唔知佢個「燒」係燒係咩位置，完全只係汁煮第二，呢間野連叮都叮唔好，碟野黎到係室溫偏凍，仲要啲汁係一舊舊未溶哂，好離譜第三，其他食評係話賣日本料埋，但最基本連個飯都煲唔好，用珍珠米都可以又水又爛。原本仲諗本等個飯黎到再嗌啲小食同飲品，落雨濕濕就留係室內休息多陣，見到個餸同個飯咁既質素，真係永無下次。真係唔知呢到有咁多好評係點黎，完全比人呃左。

This cafe has been on my list to try out for the longest time! This Japanese style café serves a range of Japanese dishes, desserts and drinks in a cozy, warm setting! 🪵☕️ Pic 1️⃣: 𝐃𝐚𝐢𝐟𝐮𝐤𝐮 𝐰𝐢𝐭𝐡 𝐌𝐚𝐭𝐜𝐡𝐚 𝐌𝐨𝐜𝐡𝐢 & 𝐇𝐨𝐣𝐢𝐜𝐡𝐚 𝐂𝐫𝐞𝐚𝐦 𝐃𝐨𝐮𝐛𝐥𝐞 𝐖𝐚𝐟𝐟𝐥𝐞𝐬 / 二軒茶屋大福白玉窩夫 - $63 hkd 🧇🍵— Such a cute waffle! The waffles were super fluffy with a chewy centre. The hojicha cream smooth, with an aromatic hojicha taste to it. The mochi layer on top was SO chewy and went so well with the crunchy exterior of the waffles. Sandwich

新屎坑，去大圍新商場睇戲，睇完戲食飯，點知間間都超多人等位兼基本上都係連鎖店，講真，既然係連鎖店，都無謂浪費時間等位，仲要唔知點幾耐，所以決定離開商場去大圍另一邊睇下有邊間想食，就發現呢間主打日式定食既cafe便當組合 : 飯/麵 + 料理 + 配菜飯素拌飯 + 咖哩豚扒 + 大阪章魚燒- 咖哩豚扒 : 咖哩是日式咖哩，所以味道係偏甜，豬扒外脆內軟，唯一係如果想用咖哩汁撈飯,咖喱湖應不太夠大阪章魚燒 : 共有4粒，size 不算大，無乜特別另外叫杯焙茶牛乳(凍) - 落單時，同侍應話少冰，點知侍應話係無凍的，太好啦，不會越飲越凍😂醬油蛋伴飯 + 南蠻雞唐揚 + 木魚花玉子燒醬油蛋伴飯 : 味道唔錯😋南蠻雞唐揚 : 炸雞配上蛋黃沙律醬，味道唔錯，而炸雞又無炸到乾淨淨，算係幾 Juicy 木魚花玉子燒 : 玉子燒大大舊，配上木魚絲，有點大阪燒風味另外叫咗杯桂花烏龍茶(凍)，都是無冰，搞到味道淡左

一直都有食大圍屋子，食物好好味😋梳乎厘香軟，等20分鐘值得!👍唯獨有個女侍應生，冇戴眼鏡既。態度極差，黑口黑面又晦氣，入去食野要受佢氣咁。已經唔係第一次!係呢間食店既污點!要讚另一位戴眼鏡長髮女侍應生，有禮貌反應快👍😊

屋子由我中一個陣已經開業，仲記得細個個陣成日放學去食甜品😋今日經過見到咁啱有位，就決定入去食個lunch, 重拾中學嘅回憶☺️-我地兩個人叫左兩set,兩杯飲品，同埋一個甜品😋☕️烤焦糖奶蓋咖啡（上面）- $50☕️拿鐵咖啡（下面）- $45兩杯咖啡本身個味好似，但烤焦糖奶蓋咖啡為成杯咖啡增添左多種焦香嘅甜味😋👍🏻我個人中意呢杯多啲～🍱醬油蛋拌飯&南蠻雞唐揚&芝士年糕 - $115個炸雞好驚艷‼️個炸皮好薄，啲肉好juicy好滑，一共有5件雞，加埋上面個醬食非常適合配飯食😋個芝士年糕新鮮出爐熱辣辣♨️有時出邊啲芝士年糕會有一陣blue cheese味😨但呢個唔會！仲超級爆漿‼️🍱飯素拌飯&醬油蛋漢堡&木魚花玉子燒 - $108個玉子燒好滑😋個漢堡排好足料好實淨👍🏻食完非常有飽足感🤰🏻🧁鐵觀音奶油脆脆雙層窩夫 - $60呢個窩夫唔係平時見嗰啲格仔餅樣，係好似冬甩咁嘅樣，但個質地都係窩夫咁嘅～充滿茶香嘅鐵觀音cream配上啲焦糖脆脆，多重嘅口感令呢個甜品嘅層次好豐富👍🏻最緊要係唔會太甜！-結論：可以經營到10年嘅cafe，果然係有佢嘅原因😋👍🏻係一個好啱同朋友嚟食下甜品嘆下咖啡嘅地方💛

和風日系裝修cafe食日式料理木系傢俬好有質感入面仲有榻榻米座位添！午市定食可以自選主菜+飯/麵同配菜今次揀咗關西牛肉煮 + 鮭魚醬油湯茶泡飯配菜有柚子醋冷蕃茄茶泡飯開胃好好食😋甜醬油汁煮牛肉送飯一流冷蕃茄好啱夏天嘅冷盤前菜黑芝麻抹茶冰淇淋咖啡好多黑芝麻醬喺晒個底度多到其實溶唔晒落個咖啡🤣

印象中之前大圍有間屋子空間唔好食, 但呢間屋子唔錯 日式家庭午餐🍱 = 米飯/麵+料理+冷熱配菜好鍾意呢啲自選組合, 配搭自由+豐富✨🍚：山藥泥拌飯+8比較少地方有淮山蓉食, 所以見到有啲驚喜, 不過淮山蓉偏少, 同埋飯偏淋同濕, 影響口感 ✨明太子拌飯+$8明太子微辣, 飯同樣偏淋料理✨一棵洋蔥豚肉煮$88 豚肉較肥🫣洋蔥🧅整法聰明, 令個汁甜甜地易送飯食 ✨醬油蛋漢堡$88 有咬口, 呢個好味啲😋配菜✨手羽餃子：即係餃子雞翼👍🏼好味同埋少地方有✨紫蘇拌豆腐：估唔到呢個配搭幾夾,豆腐溫度岩岩好, 唔會太凍飲品正常美式咖啡+$8桂花烏龍茶+$8總括食物唔錯, 勝在選擇新鮮+獨特😗不過飯嘅乾濕度有待改善加埋一 lunch人均$100-120 視乎你點叫, 性價比ok由裝潢到食物到碗碟都有日式家庭料理感覺, 唯獨是服務欠奉.. 如果服務可以主動點, 殷勤點會好好多！！btw logo幾特別幾有意思～

星期日brunch，去咗大圍搵食，又想食鹹嘢，又想食甜嘢，仲想嘆杯咖啡，最尾選擇重遊屋子。店舖唔大，可能天氣有啲悶熱，前面兩張檯都走咗，等咗大約5-10分鐘就有得入。叫咗一份食 #貓飯 + #醬油蛋漢堡 + #大阪章魚燒 ，味道不過不失，沒什麼驚喜。甜點叫咗 #鐵觀音奶油脆脆雙層窩夫 ，呢個茶味好香，個奶油勁滑，加埋焦糖脆脆好夾，呢個幾好食！嘢飲叫咗 #烤焦糖奶蓋咖啡 ，燒咗嘅焦糖奶蓋好香，我喜歡。 #蜂蜜檸檬綠茶 ，味道清新，呢個都幾新鮮好味～其實之前都食過，印象價錢唔平，今次一個主食，一個甜品，兩個嘢飲，兩個人食咗差唔多$300。食物質素OK，但少貴，短時間應該唔會再嚟🫢

呢間餐廳係一間日系cafe，定食係可以自選，所以選擇都好多☀️⭐️關西牛肉煮+ 醬油茶泡飯 + 薯條牛肉片正常，唔會太肥，正常嘅日式鰹魚汁，係可以要黎送飯嘅菜式。醬油茶泡飯唔會太鹹，同牛肉一齊食有少少重口味。至於薯條就一般，好似唔係太新鮮🍟⭐️ 十勝燒豚 + 明太子拌飯 + 木魚花玉子燒燒豚偏向濃稠，肉質不錯，大約2分肥7分瘦👍🏻明太子嘅份量足夠可以撈晒成碗飯，少少辣好惹味！反而玉子燒就覺得麻麻地，凍冰冰🥲⭐️蜂蜜檸檬抹茶我覺得呢個係必叫，飲落去好fresh，抹茶又甘香，正😎

去過大圍踩單車嘅朋友應該都有去過屋子咖啡。以前比較簡約既咖啡甜點menu，到依家已經越嚟越多嘢食。咖啡主食唔講了，淨係想講下呢個《清酒香梨 荔枝華夫$55》堂食擺盤好啱打卡用。是次外賣，味道冇變，屬於小清新類型。清酒味道唔算好出，忌廉有特製過，底下 waffle偏鬆糕類型，比較鬆軟，口感似mini dutch pancakes嘅成人版。配合面頭嗰幾粒青提子乾，令到味道更加有層次。我係個鐘意捐窿捐罅揾特色甜品同嘢食嘅吃貨， 雖然呢個甜品味道唔算最出眾，但個combination足以令我回頭。

午餐套餐係✨米飯/麵+料理+冷熱配菜✨每款都有多種菜式選擇，配搭自由度好高。介紹吓我哋揀咗咩先：LUNCH SET 1飯：飯素拌飯料理：醬油蛋漢堡 $88湯：滑子茹白味噌湯 +$18冷/溫配菜：手羽餃子飲品：熱摩卡咖啡 +$28🥣套餐本身無湯，可加$18配湯。味噌湯配料豐富，有不少菇、豆腐、蔬菜，清新解膩。🍔漢堡肉質綿軟多汁，入口溶化，肉香味係口中散發，好好食🤤鐘意佢個調味，提升鮮味之餘，又唔會蓋過食材本身嘅滋味🤤原來第一次食雞翼餃子🥟雞翼外層煎得香口，入面釀咗肉及菜餡料，味道豐富，滿滿嘅鹹香滋味✨☕️同朋友一致認同杯摩卡好高質👍🏻出面經常飲到嘅摩卡，咖啡同摩卡好分層，但依杯兩者味道融合得好好。咖啡帶微苦，咖啡豆烘焙嘅香味濃厚，同摩卡醬好夾😋～～～～～～～～～～～～～～～～～～～～～LUNCH SET 2飯：醬汁蛋拌飯 +$5料理：鯖魚味噌煮 $88湯：滑子茹白味噌湯 +$18冷/溫配菜：紫蘇起司章魚串飲品：玫瑰荔枝氣泡水 +$28🍚太鐘意醬汁蛋拌飯，單食已經無得輸🤣🐟鯖魚魚肉口感紮實，調味剛好，味噌醬汁煮得濃厚，唔太鹹，帶微甜，配飯好好味😋🍢章魚串彈牙，有咬口，食到章魚香味，面層舖上芝

2018年第一次嚟食覺得驚為天人當時飲桂花latte ，桂花勁香，但又唔會俾咖啡味遮到，今時今日啲咖啡係7-11嘅質素，超難飲，又酸又澀，啲奶打到勁薄，但賣緊40蚊一杯，俾少少誠意好喎，唔係裝修靚就大曬。野食更加唔洗講，想扮「習作」個隻日式小碟模式，但啲野食難食到飛起，首先佢個明太子拌飯又濕又冧又爛，連最基本嘅米都做唔好，學咩人做飲食，重點係收得咁貴，炸雞厚粉，唔juicy ，敗筆。估計係轉左手，希望大家不要以身試似伏。

嘩有冇搞錯呀啲嘢咁少仲係樣樣嘢都有問題 沙律淨係得菜蕃茄都冇比一粒得半粒 飯個賣點就有topping嗰啲山藥呀明太子撈飯嘅但係又要加錢又個份量係一匙羹都冇 仲要爛飯！！唔該用少啲水啦18蚊面豉湯沖粉既老魅......炸三文 又少又老你冇料就唔好又要薄又要炸啦 你哋睇下嗰個豉油碟對比下個三文魚餐要幾多肉仲有骨㗎喎 在對比下嗰舊明太子有幾多連個洋蔥全個燉呢都唔係燉到林曬亦都唔係好豬肉味下次嚟呢都係專心食甜品一係就唔好嚟好過

暑假將到 老師們終於可以輕鬆一下有個做老師既家姐 難得依加可以早收工 遷就佢 揀係佢屋企附近𝔱𝔢𝔞1𝔱𝔢𝔞 ლ(´ڡ`ლ)我地約左𝟚點半左右 由大圍地鐵站行過去都需要𝟝-𝟞分鐘左右可能未夠時間 仲係🄻🅄🄽🄲🄷 🄼🄴🄽🅄唔緊要啦 照𝕆𝕣𝕕𝕖𝕣午餐組合係可以有唔同配搭我地揀左⥅  關西牛肉+紫蘇起司章魚串+飯素伴飯 $𝟠𝟠 +西柚冰茶$𝟠 ⥆紫蘇起司章魚串有驚喜 好大舊好好食｡◕‿◕｡ 飯素令到我好開胃 係錦多款主食入面只有牛肉飯可以打動到我 以前都會食吉野家牛肉飯 依加戒左 佢比吉野家既牛肉汁淡 但係feel到健康啲少啲味精 ᴍᴜsᴛ ᴏʀᴅᴇʀ西柚冰茶 有西柚粒粒 唔太甜 可以解渴 又凍冰冰 (｡•ᴗ-)_好舒服⥅鯖魚味噌煮+紫蘇伴豆腐+米飯 $𝟠𝟠 +桂花烏龍茶$𝟠 ⥆係我家姐𝕆𝕣𝕕𝕖𝕣 我唔食魚 (ーー゛)只可以食下佢啲豆腐 但佢好鍾意個味噌煮 仲攞啲汁撈飯 個桂花烏龍茶係茶包 可以飲完再加熱水𝓇𝑒𝒻𝒾𝓁𝓁⥅紫色地瓜舒芙蕾$𝟞𝟘 ⥆太太太太太太太太好味啦( ૢ⁼̴̤̆ ꇴ ⁼̴̤̆ ૢ)~ෆ  紫色既舒芙蕾本身就吸晴 再加上新鮮出爐 氣味吸引 地瓜既味道濃烈 仲有雲尼拿雪糕 無得頂呀！ 好想再叫

今日去咗好多人推介嘅大圍屋子餐廳。一去到俾佢日系文青感覺吸引住。聽聞平時一位難求，往往都要排長龍先有機會試到，所以今日早少少到，果然唔洗排隊就可直入。餐廳面積唔大，所以位置有少少迫，但尚可接受。當晚點咗兩個set，主菜分別係牛肉煮和洋蔥豚肉。牛肉煮正常發揮，味道ok，但冇特別驚喜。洋蔥豚肉反而有驚喜，豬肉口感鮮嫩多汁。洋蔥好腍好甜，甜味溶入咗豬肉裡面，真係令我食唔停口。除咗主菜，跟餐仲有前菜，選擇都幾多。我哋揀咗凍蕃茄同青瓜。青瓜正常，冇乜特別。蕃茄好食，鮮甜多汁，配合埋酸酸哋嘅汁，好醒胃。順帶一提，飯都有唔同種類揀，例如明太子，飯素等等。我哋一個揀咗加梅子，一個揀咗茶泡飯。梅子飯好fresh，可以中和返肉嘅膩。茶泡飯易入口，但感覺加咗味素，如果少d，感覺會再清新d。兩個人兩個set最後埋單$200有找，食物質素絕對對得住價錢。下次去大圍會再去試吓其他食物。