尚鮮海鮮料理 (已結業)

同朋友打邊爐@CWB 試新野. 有六人卡座仲有電視睇添. 不過打邊爐就圓枱會方便 d. 客唔多服務員都好夠~ 服務貼心又會主動換碟~ 食物全部好新鮮又多款選擇👍🏻選左蕃茄湯底好多料但淡而無味.個桶蠔超正~ 又大隻又鮮甜.海鮮併盤唔錯~ 龍蝦好多肉😋 呢個墨魚滑釀冬菇幾特別好味. 牛肉都好正👍🏻整體不錯 CWB 打邊爐好選擇.但大廈設計問題~ 晚飯時段排隊等成三個幾字搭 lift 上樓都幾麻煩😵

近期天氣涼左好多，唔知係唔係秋天的來臨呢🤔，親天氣咁好又有秋意感覺，帶個女朋友出去行街同埋打下邊爐，早排熱到死，連街都唔想出。夜晚行下銅鑼灣見到尚鮮火鍋店，於是排隊拎飛入去試，食完先知都係開左唔係好耐，發覺又幾好味，食物好新鮮。我地叫左咩海鮮招牌鍋、仲有以下呢d睇相啦😉一黎到比個龍蝦吸引到，一黎到即刻夾上黎食，好鮮好好味，當然仲有其他海鮮，包有蝦、貝殼類等真係好味，如果有埋蟹，可能仲正見佢特別叫黎試食，好香脆，釀果野幾彈牙，唔差。

毒丁一個諗唔到食咩好，於是約個朋友在銅鑼灣食個dinner，出到黎諗左好耐，之後決定打邊爐，咁岩天氣涼左，有d秋意感覺，上網搵下有咩火鍋店，就搵到尚鮮。見到好似開左唔係好耐，試下睇下有冇伏。最怕食到中伏野。我地叫左好多不過冇影到仲叫左蠔啦、雞腸。蠔食落唔腥，幾肥美。雞腸好正爽脆，滾十幾秒食得

黎食尚鮮之前，我緊係上網搜集資料，睇下d人叫咩食叫乜湯底，發現好多人都係叫招牌湯底。我緊係唔執輸叫番個招牌湯底睇下有咩咁吸引，黎到一滾，唔好講野試下個湯底睇下咩料，個湯好鮮甜。個湯有好多款海鮮，有龍蝦、蝦、蜆、扇貝、聖子......龍蝦食完肉，繼續留番個殻落去滾，我仲有叫左響鈴、有個三層高牛肉，午餐肉同埋叫左個烏冬，不過就冇影相。首先講下牛肉，脂肪比例平均，好重牛肉味。響鈴夠脆冇油益味👍。午餐肉，其實比佢賣相吸引到所以叫黎食，都冇咩特別，幾好食。叫烏冬目的吸收海鮮湯既精華，好正。個湯底好清

天氣開始轉涼，有d風吹埋黎好舒服，咁舒服天氣又咁岩假期唔想煮飯，出去食火鍋，上網做過資料搜集，呢間好似新開無耐，就走黎試下呢間尚鮮質素如何，估唔到食物有驚喜。入去之前預左食完火鍋一定成身味，食完又無，抽氣做得唔錯，坐得好舒適。下次一定會黎，價錢唔算太貴。

見天氣涼番想打下邊爐，我就上網搵下邊到有好味火鍋店，於是黎左呢到。坐底睇下餐牌有咩湯底揀，太多選擇，唔知揀邊個，就問店員有咩推薦，就叫左佢地招牌湯底，入面有好多海鮮，有貝殼類，龍蝦，蝦，湯底極濃郁，超鮮甜然後叫左燒芝心獅子狗，外脆，爆芝士汁出黎叫左百花釀油炸鬼，冇乜地方有咁既野食，見特別就叫你試下，原來幾match，幾脆口，唔油叫左個蜆，幾新鮮，有d識郁，冇沙叫左個五花肉，上碟時候覺得廚師砌好靚，食落其實唔差，肉唔會霉。有口感每次打邊爐一定叫台灣腸，因為我好鐘意食，特別係黑胡椒，夠重口味😂岩哂我

呢個係我第一篇食評，其實小弟成日去唔同餐廳食好野，好想分享，終於有動力去寫，今日我就黎到尚鮮打邊爐，呢到有好多款湯底，例如：龍皇招牌鍋，醉雞鍋、椰子雞鍋、等等。我就叫左蟲草花花膠燉雞腳，呢個湯底唔係到到都有，夠特別所以就叫呢個湯底，花膠好正，好軟林，蟲草花好多，湯底配料都好足，抵鑽，下次一定要黎

打邊爐最緊要係個湯底，即使湯底差，有新鮮材料來打都冇用，今日同朋友補祝生日，於是請佢黎打邊爐，叫左好多町食，相就唔係影好多。入去經過座位都好多人叫招牌湯底，我地一坐底叫左個招牌湯底，入面有好多海鮮，又龍蝦又蜆又蝦等。湯底即滾試個湯好鮮好甜。成餐飯朋友好彩滿意，因為佢食野好嘴（掉）。下次會再試多次

香港人打邊爐無分季節，即時天氣酷熱都會開住冷氣打邊爐。講開打邊爐一定要黎呢間尚鮮，因為我太鍾意佢地龍皇海鮮招牌湯底，我都算係比佢地湯底吸引入去幫襯，湯底入面有龍蝦、蝦、扇貝、蜆、聖旨等....，湯底一上臺滾起就即刻試下味道如何，個湯底好濃海鮮味，好甜，好正。下次一定要再黎

老實講如果唔係佢啲嘢好食我係唔會排咁耐隊去等部你知唔知其實我已經喺樓下等咗20分鐘訂枱時間為7點30分我7點20分到樓下竟然再要遲多十分鐘一入到去就已經好想死咁同哥哥講其實我唔想遲到㗎我好鍾意啲醬汁除咗湯底之外醬汁應該係打邊爐嘅靈魂之一今次醉雞湯底 真係好大陣酒味其實我唔係好鍾意因為冇得飲湯雞子夠曬肥美可惜唔夠佐敦嗰間好食亦都唔會'滾爆'而老哂仲有好多酒味亦都係唯一一間酒浸雞子佢真係浸過夜雞子滾好耐仍有殘留酒味嘅一間佢亦都有好耐未見過嘅牛骨髓夠曬彈牙牛肉拼盤有牛味因為我唔食牛肉試咗一塊之後覺得牛尾勁濃牛魔王致啱菜類夠曬新鮮餃類除咗皮薄餡靚之外真係唔知可以講啲乜嘢

Delicious HK hot pot cuisine in a nice decor.Chinese menu was translated by waiter. We will come back to try more dishes.

生意好，當然顯示餐廳食物最少是不錯，但如果管理不善令服務下降，咁還算是服務行業？訂左位有時要等都明白，但等候時間竟然要超過半個鐘，而又無人理你，無人解釋，一味叫你等⋯⋯咁到底我要等幾耐？最終等了將近一小時後放棄😤😤

昨晚和家人及朋友一行六人品嚐火鍋。最後選擇了餐牌上＄2280 (未加一) 的六人餐。荒謬的事情，就是六人餐中，其中雲吞及不知什麼餃，每款只有四粒。我們詢問，六人餐，每樣只有四粒，會否很奇怪。他說本來這一個八粒的餃子，一客就是這個份量。我們反映，就是因為這是一個六人套餐，我們才會選擇，認為包含的食物，應該是起碼一人一粒。最後，侍應『補償』每樣兩粒給我們，說「呢個今次加俾你地啦」。此舉動是否值得讚賞？在於一個「六人套餐」來說，本來就應該是每人每款起碼有一件的安排吧！之後來了四款手打肉丸，每款兩粒合共八粒，我們都免得跟他計較。後來來了套餐中的雜錦海鮮。當中再次奇奇怪怪的，只有三隻聖子和三隻扇貝，再一次要「打崩頭」。後來我再跟侍應反映「打崩頭」的安排奇怪。朋友為了不難為一個不能作主的侍應，於是叫他請經理或老闆過來。侍應說他們都不在，我們也算了。本來就只想提出寶貴見意而不是打算要他『今次畀多幾隻你』。約一小時後，一位沒有穿着制服的人招呼客人。之後我問剛才的侍應，那位穿着便服的是否老闆，他答是。既然他知道我們有意見，亦都知道我們曾經想接觸老闆，他卻沒有跟老闆說我們的狀況，這種服務態度，令我們更認定

公司秘書出名人緣好、抵得諗，所以大班人一早book左呢度間16人大房同佢食生日火鍋，大圓檯方便大家吹水之餘，仲有四個爐，可以開盡喪食mode。等食物黎之前，梗係"混醬”啦，有9款醬料自由mix & match，good!之前打探過秘書口味，所以一早訂左章紅魚同象拔蚌刺身，師父好細心咁薄切成兩個大拼盤方便我地食，當然要相機食先放閃啦！味道唔洗多講，一個字，"鮮”~仲有一個字，"甜”~人多自然想飲酒，問問老闆意見，話啱啱引入左 "七賢"清酒，配刺身一流，即管試下啦！唔，味道好fresh，飲完再食刺身，感覺鮮味更加突出。有幾個女同事唔太飲清酒，於是再叫左支北海道蘋果酒，甜甜酸酸易入口又消滯開胃，好啱女仔飲。火鍋配料方面，有兩大驚喜位：第一個係 蟹皇餃，以為入面應該係蟹肉，點知原來係蟹粉加魚肚粒，都幾估佢唔到，仲係好鮮味果隻，味道好濃，難得個皮咁薄而d饀又咁豐富，推介！另一個又係估佢唔到既午餐肉，排晒隊一件件勁靚仔，之前係出面食過d好鬆散既，呢度出奇夠實淨，味道仲幾香下，難得難得。秘書好滿意呢個安排，我地都祝佢快D嫁人啦！

今次已經係第二次同屋企人黎喇，上次黎飲過佢地既燉湯，阿爸阿媽都好滿意係咁話超正，所以一家人搵地方食飯，又諗起黎呢度喇。今次就試左啱啱新出既椰皇土雞鍋，一滾起左大家都聞到好香，大家都忍唔住試啖湯先……嘩，又幾鬼清甜喎，仲有好濃既椰清香，唔似之前食過一D地方，聞就香，飲就淡到喊~阿爸今晚心情好所以勁豪氣，又波士頓龍蝦、又象拔蚌，等我影低佢地死前一刻比大家睇啦，哈哈！龍蝦大大隻又啖啖肉，食得出極新鮮，龍蝦肉結實彈牙，象拔蚌伙老媽子最愛既，話好鐘意果種又滑又脆既口感喎！好快就比成班餓鬼掃清光，真係秒殺果隻，好得人驚！阿哥同細佬都係無牛不歡，所以叫左牛三拼同牛頸脊，牛三拼就可以一次過試晒、牛邊位同安格斯牛柳粒，手切牛每一塊都有厚度，好滑，入口即溶，肉味濃郁；牛柳粒就夠哂口感，牛邊位亦好有嚼勁。而牛頸脊就比較爽滑，總之就係part part都有特色，part part都好好味。阿爸已經開到口話要係呢度慶祝父親節，真坦白！