尚蓮越泰餐廳

營業中

休息中

#走入東涌食越泰菜估佢唔到 #東薈城 都有 #尚蓮越泰料理 自從係廣州試過就一直諗住再食而家唔駛返大陸，香港都有得食喇！好野梗要帶埋爸爸👨🏻媽媽👩🏻一齊食。人少少叫咗#馬沙文咖哩牛腩牛筋煲 $98配埋 #蒜蓉包 $36 一流，食到要encore!#海南雞 半隻 $138 肉質好滑👍🏻#金不換香辣牛肉炒河 $86 牛肉多過河粉😅#炭燒牛舌 $88#香芒芋茸黑白糯米 $58 最好笑係陳媽媽非常滿意，未食完就已經拎定卡片話下次要再黎🤣🤣🤣📍 尚蓮越泰餐廳 (東涌) 東涌達東路20號東薈城二期名店倉4樓401號舖#hkig #hkrestaurant #hkfoodie #hkfoodblogger #foodporn #tungchung #lian #尚蓮越泰餐廳

今日中午去左東薈城, 順便可以睇下野, 買下衫發現原來東薈城已經唔同晒, 入面多左好多餐廳千挑萬選就揀左呢一間尚蓮又有泰菜又有越式忘記我影低meun 俾大家睇但都係大家平日食泰菜d 菜式: 炒金邊粉、披式肉片炒河個d越式就有湯河,撈檬等,午餐仲可以加配小食/ 特飲, 但今次我就無點到今次叫左一個生牛肉湯河賣相算係唔錯, 飲左一淡個湯先食呢D 湯粉最重要係湯!個湯唔係好濃, 如果你係食湯河會飲湯的人, 你就知道呢一個唔太越式肉方面就差少少喇, 因為我就覺得有D 韌可能係肉比較出面餐廳係厚所以都要用D 力先咬到另外叫左一碗火車頭湯河湯頭應該係一樣用料係足夠的又有肉丸又有牛柏業, 其實都唔錯不過牛肉都係同一個問題, 太韌入面裝飾得唔錯, 都坐得幾舒服職員有禮貌, 落單快上餐快食完走時候都係幾多人排隊應該係寫字樓職員放LUNCH, 如果大家想試可能早少少就唔洗排隊整體都係唔錯我俾7/10

想食清啲就黎左呢度，叫了一碗《海南雞絲扎肉金邊粉》，普普通通ookk咁啦，無乜特別。最特別係喺碗裡發現一隻小蚊滋，不過心口掛了勇字所以照食，都費事投訴……老公就叫左《馬拉盞豬頸肉炒米粉》，等左好耐都未到，催單後先話唔好意思請再等一等，估計係漏單，但當時已過了午飯高峰時間終於等到炒米粉，一睇賣相就大失所望，啲豬頸肉好乾（非平時食炭燒豬頸肉嗰種質素），其中有些仲韌到好似緊香口膠咁搵唔到會再來的理由！

🤬🤬🤬🤬🤬垃坡態度 嘢食唔係特別平，唔係特別好食，但係服務態度係我近呢10幾年試過最差嘅。1.今日去嗌外賣，企喺門口收錢嗰個人，唔理我，搞到我都唔知道邊度嗌外賣後來我問佢嘅時候，超串話：入去就唔係嗌外賣係糖食，嗌外賣係喺呢度嘅。講完之後，自己係咁喺度打單，後來就好串咁問我係咪嗌外賣。我都同佢講我係等緊你。2. 隔咗15分鐘之後 行返去問佢有外賣未，另一個後生時應（名牌係 Chxxx) 勁串咁話有嘅話就放咗出嚟，見到佢行過望一望個膠袋。點知後來原來嗰個膠袋係我盒外賣，即係佢明明見到嗰盒外賣係我嘅因為有號碼，但係都唔拎俾我。作為一個消費者，我唔係要你去拜我，但係我點解要受你氣呢？重點係我係唔知道你間餐廳點樣運作，點解要句句串人

又係同同事嘅返工前午餐，同事比我早到，去到已攞咗位，比咗個卡位，不過5人坐都是窄！裝修有東南亞風！餐牌選擇都幾多！落單後食物很快到炭燒厚切豬扒配扎肉撈檬（$78）賣相幾靚，連骨豬扒切件，豬扒對我來講太肥，瘦肉較少，味道是好的，醃得很惹味，檬粉彈牙，而且配嘅菜絲、青瓜絲較少，撈起酸汁好味的，但較細份量，講真我唔夠飽！（札肉我唔食嘅，比咗同事）熱檸茶（跟餐）茶唔算濃，夠熱飯後解膩ok同事食火車頭湯粉（$84）香茅黃咖哩牛腩牛筋配絲苗白飯（$84）泰式魷魚粒炸蝦餅（$82）配雞醬熱菜蜜（跟餐）凍檸茶（跟餐）熱檸水（跟餐）店員很忙，所以叫人都要等一下這個價錢份量都不夠飽，不會再食

同朋友行山，上完千級樓梯走完昂坪棧道，2點幾終於有野食👍👍👍東薈城現在真係非常旺場，人流多到爆一點都感受唔到疫情對經濟既影響👍👍👍👍佩服同時亦感受唔到所謂限聚令 有何用對唔同行業 待遇有多大差別呢間泰越餐廳 座位好寬敞，服務員都好helpful我就叫左lasha,同一碟通菜share個Lasha湯頭係唔錯～～足料製成唔會太spicy用料係好既，青口鮮味，蝦肉彈口雖然同我印象中頂級鮮味係有所距離，但那應算可遇不可求😂😂😂去開個頭可以幫襯

行山後經東涌離開，先食個late lunch先走。朋友說幫襯過依間覺得唔錯，一於咁話！見午市套餐價錢唔太貴，仲由11:30做到17:00，啱晒彈性時間開餐嘅人。我哋叫咗：「泰式鮮蝦炒金邊粉」味道唔太泰式「菠蘿豬頸肉、蝦粒炒飯」Ummmmm同餐牌相片有好大出入，我哋食咗一陣，發現冇豬頸肉，正想問侍應，先見到豬頸肉切到好細粒，食咗都唔覺！🙄差啲要用放大鏡先睇到嘅豬頸肉⋯⋯粒！我哋仲Order咗兩杯特飲：泰式奶茶(右)同玫瑰奶茶(左)依餐合共$218，其實係抵食嘅，但啲餸多番啲會好啲囉！👉🏼👈🏼

在附近購物，我好想食高級豐富嘅泰式晚餐。環境坐得非常寬敞，椅子較大。我們叫了一個冬陰功湯，濃郁鮮甜嘅湯底，而且好重蝦味和香料，酸酸甜甜的，真係好值得一試。第二個必食的一定係燒魷魚，好喜歡佢個泰式酸甜辣汁，好大塊嘅魷魚，吾鞋肉腍，好有口感。佢個青咖喱才是最出色，吃個青架哩後就開始嫌棄茶餐廳的黃咖喱了，非常香甜，重香葉味，帶少少辣。我們開始後悔叫了太少包，應該要叫多個薄餅去送。雞肉炒河粉和菠蘿炒飯也不錯，味道到啱啱好，唔會過鹹，配料十足。

✏️生牛肉湯檬粉 ($68)開始凍嘅天氣 最啱食一碗熱辣辣嘅湯粉🍜生牛肉嘅份量意外地好多 肉質幾嫩口 不過脂肪係較多 但幾抵食😜湯頭幾鮮甜 算係偏濃味 但我覺得油膩咗少少 食曬之後有些少滯嘅感覺🥲不個整體味道都唔錯 性價比頗高🤤

老公突然想食泰式咖哩蟹，黎左食東涌呢間泰越菜，已經係第二次食，因為好多菜式質素都唔錯，值得回頭👍🏻唔記得左係咩特飲🙈有西瓜汁做底，幾好飲炒蓮藕苗幾特別，第一次食，以為叫苗係會嫩d,但係落係爽口嘅，好意外豬肉生菜包豬肉肥胖瘦比例均勻，食到豬油香，唔錯👍🏻大蝦炒粉絲大大碟，蝦得一隻，但勁大隻，大隻到好似龍蝦咁👍🏻呢個餸一大班人叫都岩食，因為粉絲量好多泰式咖哩黃金蛋炒蟹好多蛋，撈飯或者叫個薄餅點黎食都好正可惜我地叫得太多野食，太飽😂蟹係用泰國蟹，硬殼，大大隻，抵食👍🏻

有人話東涌係美食沙漠，其實自從東薈城的新一期開幕後，我覺得都幾多選擇，只係價錢比較貴D。今次要推介呢間泰國菜，食物質素整體80分以上，而且環境舒適。今日有小朋友想坐得舒服就揀左呢間餐廳，嗌左幾個泰菜，都幾好食。冬陰公有兩隻大蝦，足料夠四個人一人一碗，味道濃郁！必試菠蘿炒飯，勁大碟，有件大菠蘿仲細心切粒，飯炒得夠乾身幾好食牛油雞翼見係推介就嗌來試下，真係幾好食，好多蒜粒，不過太貴了，得四隻。木瓜魷魚沙律好出色，味道正宗，但十分之辣，職員仲話呢個菜唔辣？真奇怪環境雖然幾好，但我覺得暗了一點。

隨薈東薈城二期開張，為原本選擇不多的東涌增添了不少不錯的選擇，介紹一間可以好好聚舊傾偈的越泰餐廳。餐廳燈光以摩登黑為主調，營造一個時尚私人的空間，疫情期間由於兩人限聚，枱與枱之間分隔尚算令食客坐得舒服，服務員服務也殷勤。當日和朋友叫了三道菜，分別是蕃茄刁草海鱸魚湯，碳燒厚切香茅豬扒，和比較少有的蒜蓉炒蓮藕苗。先上蕃茄刁草海鱸魚湯，上的時候湯未全滾熱，用上小小的熱石爐加熱著湯，令食客可以飲到溫熱的湯，也減少了鱸魚湯凍了會變腥的情況，這一點可見餐廳的細心。蕃茄刁草海鱸魚湯用上草菇、蕃茄、鱸魚、南薑、洋蔥、香葉，令魚湯有新鮮豐富的味道，也飲到鱸魚的清甜。和一般魚湯將魚煎過撞上滾水，令湯變白的做法不同，這款湯主要是將材料炒出香味，再放入鱸魚快滾而成，好處是能保留鱸魚的鮮嫩，快煮有快煮的清新感，另一方面湯就不會像一般奶白色魚湯般有濃厚的魚味，這也是越南泰國菜的不同。再來一道香噴噴的蒜蓉炒蓮藕苗，這個小菜香港很少見，原來蓮藕苗是奶白色的一條幼苗，中間是空心的，配以銀芽、小量韮菜及甘筍快炒，再灑上炸蒜，非常香口，口感爽脆。如果少些銀芽多些蓮藕苗，又或者變化成泰式小炒皇，上菜時配以炸好的碎花生，不知會

環境係唔錯嘅,叫左個椰香白咖哩雞配絲苗白飯$78,得四塊雞肉質素完全低過波仔叮飯,簡直係垃圾仲要唔飽肚、未試過飯食完會黑面今次真係要食返個下午茶以上係午餐嘅體驗😤

呢一間泰國越南餐廳係我同屋企人係東涌其中一間幾鍾意食嘅餐廳，佢啲泰越野食都做得好出色，今日就去左食晚餐。餐廳環境唔錯，不過枱與枱之間距離都算近，疫情期的都係用板隔開，如果闊落啲會好啲。住東涌附近啲私人屋苑出示住戶證會有折扣，可惜我呢啲住村屋就無份嚕😢兩個人叫左三樣嘢，分別係馬拉盞炒翡翠苗、牛油果芒果軟殼蟹米紙卷同埋鳳梨軟殼蟹海鮮炒飯，餐廳上菜速度都幾快，坐左一陣就有野食，馬拉盞炒翡翠苗炒得幾香，正常發揮；牛油果芒果軟殼蟹米紙卷都算係我心頭好，不過我覺得牛油果味可以再出啲，同埋我麻麻地佢入面加左紫薑片，個味太出，通常我都會夾佢出黎食就perfect！最後鳳梨軟殼蟹海鮮炒飯味道出色，海鮮同軟殼蟹都足料，配埋肉鬆落個炒飯到就令成碟炒飯昇華，炒飯旁配有新鮮菠蘿，唔算太甜但都ok，整體黎講，呢間餐廳味道有質素，價錢唔算太高，東涌想食泰國野又坐得舒服會揀呢到👍🏻

難得買倒OpenRice 既得$20快閃優惠，就決定入黎東涌行吓Outlet，順便試試依間滿有越泰風情既餐廳啦唔似傳統既泰國菜館，佢既裝修帶俾人滿滿既越泰風情之餘，仲多一份寧靜既感覺。枱興枱之間唔算好近，感覺唔會好嘈雜，所以無論一大班朋友黎想暢所欲言，定還是小倆口想靜靜地食個晚飯，都無問題碳燒魷魚木瓜青芒果沙律🥗我地首先叫咗個碳燒魷魚木瓜青芒果沙律做前菜魷魚燒到岩岩好有啲燶邊，食落彈牙得黎又有碳燒既感覺 沙律就酸酸甜甜，但醬汁唔算多，唔想食太多肉既話，揀佢做頭盤都唔錯既飛天通菜🥬正常既泰國菜館發揮，食落唔算好油，如果可以再辣多少少就更加有風味🌶馬沙文咖喱牛舌牛筋🐮🥘咖喱唔算辣、味道少少甜之餘有唔錯既香料味，本身諗住叫薄餅黎送咖哩，可惜賣晒😭 所以叫咗兩碗白飯，用嚟送飯都係一個好選擇牛舌份量都幾多，食極都仲有，而且口感好好，彈牙得黎又唔會好韌反而牛筋就得兩三舊，唔係太突出最特別既係加左椰青肉入去煮，椰子味同咖喱配合得啱啱好，又可以中和返油膩嘅感覺上枱嘅時候 係連埋個火一齊熱住，所以咖喱味越食越濃郁，不過要注意去到咁上下，要叫佢地熄火，如果唔係會有少少濃底🤭清邁香檸明爐珍珠斑🐟珍珠斑比起食