尖東好彩海鮮酒家海景宴會廳

營業中

休息中

今天天氣已經唔好, 但一家三代同堂約了飲茶, 所以就由大埔Uber去到尖東😊怎知已經訂12位下午一時, 我12點50分到達後, 發覺竟留一張8人枱叫我們12個人一齊坐🤨我跟那個瘦瘦的知客講我們12個都是大人, 8人枱實在是坐不下的, 她就跟我講人人都係咁坐, 點會坐唔落😤我就跟佢講我們是訂了12人枱的, 她就指著8人枱跟我說, 擺12個位咪得囉！無語😶我跟住還返博他指著兩張12人枱, 這才是十二人枱呢！她說已有客訂了位；無奈....我不是客嗎！我不也是訂了位嗎！😠自問我的態度十分禮貌....為什麼她的服務態度可以超差到一個點！😡佢就係睇死在星期天下午一點, 每個地方都滿座....就是不就範, 我拂袖而去 🫥立即上一層到.... 地方大好多, 冷氣又足, 招呼又好, 為什麼要留在好彩受氣呢？ 由得佢「好彩」吧！請咁樣嘅「知客」就分明係「趕客」！老闆真多得佢唔少！ 一次超差的體驗 🥹

某前星期天朗氣清，風和日麗，想找可外望地方享受lunch，尖東club one未來過，試試，怎料海景位，窗口位俾人包咗，只安排無景細房，失望，點心選擇少，多炒粉麵選擇，適合婚宴姊妹兄弟團來，看看此處新裝修比我上次來，比以前印象好好多，接着第二個星期就來，剛好2:00下午茶，大大窗望海景，地方寬敞，整潔，無人等位，即入。豉油雞米$36，有雞味，豉油香，正。香煎老少平安$18， 豆腐魚肉雞蛋攪埋煎香，焦香，腍腍軟軟，幾新穎。雞包$22，有蛋王，薑，香茜味，掂！柚子蛋散，柚子醬香，蛋散鬆散，得！接着第二星期又來， 豉油王煎豆腐$18，4件排九大少，加少少葱，香軟，淡豉油味。菜苗班片粥$32，多莧菜，好似不是班片，現在時興鲷魚，兩樣新鮮，粥底白嫩，不稠。义燒包$24，餡多飽滿，包皮跟雞包一樣，鬆軟，不笠口。飲茶之餘，好似 遇見 見到偶像林淑容（不肯定），不敢上前打擾。

平日嘅下午茶時段嚟飲茶，點心質素可以，但服務質素一般，尤其係有一位短頭髮，戴眼鏡嘅女侍應，態度囂張，我去到酒樓，因為屋企人講低枱號給我，我就問佢張枱嘅方向，佢面向住我，用手指公向後指，好似好有型咁，但完全冇禮貌…當我地水壺需要加水時，我向佢揮手示意，佢望住我，然後行去另一位女侍應身旁，拍一拍佢，再指一指我張枱，然後行開，當然最後就有該位女侍應協助啦，我最初以為佢唔係負責我地呢一個區域，但後來發現佢會幫我隔籬枱收拾，即係話佢選擇性做嘢啦…一間餐廳，除咗食物質素，價錢係客人考慮嘅因素，服務態度都係其中之一，客人嘅體驗都好重要，我唔係要求酒店級嘅服務，只係想有番正常嘅服務水準，酒樓請你返嚟做侍應，係幫助客人，唔係喺客人面前扮有型

尖沙咀好彩酒樓的服務令人失望，上菜上桌速度緩慢。waitress 嚴重不足，自己拎椅拎餐具，對顧客的需求反應遲鈍，缺乏禮貌。到Cashiers 埋單,服務員態度非常差，極之無禮貌，未來恐怕不會再光顧，希望能夠改善服務質素，提升顧客滿意度。

今日食咗好幾道菜，我特別欣賞嘅係蒸長腳蟹，同埋三刀魚，三刀魚好新鮮，即叫即湯，而且煮得有水準，最好食嘅我覺得係蒜頭豆豉炒蟶子，聖子夠新鮮，而且蒜頭豆豉亦都好入味，但乳豬我就覺得比較肥，其他都係一般。酒樓晚上9:30就開始要執枱，預備關門啦，你唔會有心機再喺度食飯，另外，d 餐桌用具又洗得不乾淨，個碗竟然有粒飯喺度🤦🏻‍♀️酒樓嘅中式裝修，交通比較方便附近有尖東站，同埋的士站，服務態度有禮貌，有耐心。酒樓嘅環境，望到維多利亞海景。

昨天晚上和內地朋友去吃飯，菜已經上齊吃到一半，撈起賽螃蟹中見到數粒昆蟲屍體 我們已經吃了這個被污染的菜 極度嘔心根本沒有食慾再吃其他菜導致浪費了其他食物 之後經理立即收走，只說幫我們退這個菜 免茶位態度非常惡劣說:你不滿意可以打給食環就算他們來到只是說兩句就走 還說你們要中毒入醫院公司才會賠償 這裏不是內地香港就這樣的這樣的服務態度震驚了我的內地朋友完全是趕客我們也沒有要求免單 只希望有誠意道歉，安撫客人情緒適當的賠償，全部也沒有 更煽動客人情緒這個情況也堅持收$1243 我們3人有這樣的餐廳、這樣的經理簡直影衰香港 嚴重影響旅遊業 怪不得香港人也不願意留在香港消費

早幾日已經訂枱，講明訂一隻燒鵝6:45pm 已經到7pm 叫晒餸起7:10pm 經理話先過嚟話要40mins先整好7:50pm 完全冇影 其他餸都差唔多食完8:00pm 個經理，佢話要再晏啲8:10pm 已經上埋糯米飯8:30pm 等左一個半小時 終於上咗 「一隻燒鵝」分開兩碟 半隻仲要一半 似係 燒鴨 ！真係火都嚟🙄等咗一個半小時第一次燒鵝”準備”當甜品食我哋話唔要！個經理話唔得 仲要鬧翻我哋轉頭都黐Q線！離晒大譜⋯⋯自己有問題 仲要鬧返客轉頭我哋一枱 三架車 為咗等呢碟燒鵝 泊多咗 3*1小時 尖沙咀 停車錢

禮拜日9:30去walk In 7個大人飲茶，入去成個場只有5-6台，窗口位只有兩台且每台2-3人，還有6-7張台空。問經理我地八個可否坐窗口位，話唔比已有人訂佐。去部長位見訂位薄只有五行，問窗口位訂位情況，答全部訂了。再問客人Book幾點，我地最多一個鐘食完，沒有回應，只說如果不滿意位置可以不吃，不一定要做你們生意。我們兩家人，即場成肚火。唔好成日賴香港生意差經濟差，認真你地酒樓，仲要係集團式經營，咁嘅服務態度，抵你得五台客。最後祝你地繼續生意興隆，客似雲來啦下

小朋友肚餓，四圍都無位，見呢度有位就嗱嗱臨入黎食。黎左5樣野，無一樣好味。叉燒飯，叉燒係勁唔新鮮既味道。蛋散，我一生人從未食過甘難食既蛋散。賽傍蟹餃，食唔出任何味道。蒸鮮魷，叫做好味少少，但盡對唔係尖沙咀酒樓呢個收費應有既質素。馬拉糕，質量仲衰過外面既連鎖包點店。原本仲有一碟叉燒腸，好彩佢漏左單而我又取消到，真係唔想幫多一碟劣食埋單！簡單來講，係尖沙咀酒樓既收費，但比你食既野仲衰過屋村酒樓既質素。

路過尖東，入了帝國中心選了這間（好彩）。地方寬敞，光線豐足，兼且對著無敵大海景，爽！看看餐牌，點心款式多，我們點了好幾款點心呢，當中有莧菜餃，布拉腸粉，虎皮椒，蟹肉伊麵，還有我至愛的麻蓉包噢。近這十年八年，沒太多酒家肯做（麻蓉包）呢，很可能材料難找罷。一籠三隻，幾好味。不得不提自己【烏龍】事：話說用電子點餐，我點了餐，然後（確定了），但居然忘記送單出去；後來朋友提醒才知曉。若不吃辣的人士，請不要點虎皮椒：綠色的虎皮椒很辣，內裡的魚條可吃。我們也忍不住吐了外層只吃魚條呢。總括來講，下次也會來試其他美點。

星期六尖沙咀收工，想找一間餐廳坐低慢慢食個晚餐，撞正五一假期，周圍都係遊客，喺尖東搵到間酒樓有海景，又唔使等位，就試吓彩福海鮮酒家，地方好大，好光猛，餐具清潔程度正常，洗手間清潔程度一般地面濕滑，如果坐到窗邊，仲有尖東海旁海景。風雲片皮鴨（一隻）$298，一鴨兩食，侍應喺廚房用車仔推片皮鴨到客人枱前即場用刀片皮，眼見片皮鴨熱辣辣仲有煙出，包皮用蒸籠上保持到熱度，每塊皮中間都有牛油紙阻隔避免黐住一齊，片皮鴨皮脆唔多肥膏，醬料除咗一般正常外，還有XO醬、沙茶醬及沙律醬配合XO醬竟然幾好味，剩餘嘅鴨肉選擇咗芽王炒絲，鴨絲炒出嚟會唔會太乾亦唔會太韌味道幾好，配合芽菜好有口感。雙仙採靈芝（雲耳，鮮淮山，西蘭花，椰菜花）$ 98，蔬菜炒得有鑊氣所有菜都好爽口。滋味三杯雞煲 $118，雞件嘅份量都好多，配料亦都好足，炸蒜頭、乾蔥蔥，薑片，所以令到整個雞煲個味道好好。係尖東食中菜晚飯，七蚊嘅價錢，真係算係咁，坐得舒舒服服飲番杯茶，普洱茶葉就正常普通，窗邊仲有海景，絕對合理。

臨別秋波，祝福妳！片鴨二食：片鴨偏瘦但我 ok! 友人喜歡肥啲啲…鴨肉二食：幾夠味、鴨肉切幼d更正。小炒皇😌：之前去另一分店就係腰果雞丁、呢間分店就腰果肉丁，標準地不同平時食開的，真的吾好彩。蒜蓉炒菜心：正常。送的蕃薯糖水：薑味夠，正！

買個外賣都一肚氣，全部員工都冇服務，早一點過來買乳豬飯，他們說咁早冇人燒豬，2:00去說咁遲邊有乳豬，真係不知所謂😡又一次同事沒帶手機，問他們有否點心紙可落單，收銀員說沒手機掃QR code就𣎴能買還說點心大同小異，不需要睇😡佢哋係咪冇糧出，所以趕客？我在同一個商場返工，以後都唔會幫襯😡尤其個收銀員黑口黑面，買嘢好似欠左佢好多錢，經理又係咁，投訴都無用，之前都冇試過喺度講過任何一間食肆，佢哋真係令我地全部同事都一肚氣😡

點心係邊樹拎貨？個粉果一食落口果種似曾相識咪就係趕返工去便利店衝去買粉果？其他點心就真係一般般最大鑊係薄撐個粉咩事，我係咪食緊熱香餅？我家人食到要玩“叫者自負“邊個叫，邊個食返……真難忘嗱嗱臨拎車走

今早往尖東一間大酒樓喫茶，坐下先來一壺茶，再來享受點心：～晶瑩蝦餃皇， 美味爽口～北菇燒賣王， 味道清爽，味道濃郁，有嚼感。～鮮班頭腩丶鮮班片生滾粥，魚味鲜甜，如果端出來的時候能熱些更好。～鹵水豬手，較為普通，味道偏淡。～ 爽滑鮮蝦腸 ，把蝦切成粒狀，味道還可以。～ 瑤柱菜苗餃， 菜味濃郁，有口感。～香煎菜肉包，味道香而不肥膩。享受了幾款不同點心後，當然多喝幾杯茶嘆下先，然後輕輕鬆鬆離開這裡逛逛。