小點角落 (新都會廣場)

營業中

休息中

晚餐嚟到葵芳新都會廣場嘅《小點角落Bite by Bite》。呢間店鋪環境裝潢以西式建築做靈感，主色調係木色，大門用咗圓拱頂線條設計，感覺好有特色。一向主打港式街頭小食同甜品嘅佢哋，今次試新搞作，🔥火熱推出「滋」「滋」聲鐵板餐，仲有Alex至愛嘅牛脷添！😍 我哋即刻過嚟試下。每人叫咗一個鐵板套餐，三款「滋」「滋」聲鐵板系列入面，我哋揀咗「人氣牛脷雜扒鐵板餐」同「滋選肉眼扒鐵板餐」。鐵板餐一上枱，香味即刻撲鼻而嚟，係回憶嘅味道呀！😌 牛脷配雜扒，非常豐富，滿足晒不同口感。而肉眼扒都唔錯，肉質鮮嫩，每一啖都充滿肉汁。另外，佢哋餐廳嘅羅宋湯都好足料，每一啖都飲到濃濃嘅牛肉同蔬菜嘅味道。我哋仲加咗8蚊升級做「奶茶紅豆冰」，甜甜嘅紅豆配上香滑奶茶，完美結合哦！😋。P.S 推廣期內鐵扒餐仲免收加一添！😉**小點角落**地址: 葵芳興芳路223號新都會廣場5樓574A號舖

📍小點角落 (葵芳)葵芳興芳路223號新都會廣場5樓574A號舖住附近，依家先發覺有間舖頭喺新都會係咁抵食!👉鐵板餐(人氣牛脷雜扒鐵板餐)
💰108.0😋😋😋😋.8/5呢個牛脷餐超級大份，仲包餐湯！有牛脷，西冷，豬扒，雞扒每樣都有一塊，仲有腸仔粟米多不特止仲要好好食佢個牛脷超超級出色真係要食咬出嚟係有汁㗎！真係出色，另外配薯菜飯或者意粉都岀色，仲有黑椒汁同蒜蓉汁，各有特色！跟餐仲有飲品！最岀色佢係有無糖豆漿😍😍回頭:YESYESYES!!!咁抵食又好食一定再食！

星期五晚喺新都會廣場食飯，真係度度都要排隊，要精選一下食啲咩比較好😮 見到呢間餐廳做緊推廣，推廣期內鐵板餐免收加一，望落都幾吸引，所以最後揀咗嚟呢間餐廳食飯。一份鐵板餐，除咗肉類、主食、熱飲之外，仲包羅宋湯。呢個羅宋湯上碟時熱辣辣，入面都幾多蔬菜🍲人氣牛脷雜扒鐵板餐呢個雜扒餐嘅食物都幾豐富，包括有牛脷、肉眼扒，雞扒、豬扒同埋腸仔。每件扒類都唔係細細嚿，都幾足料㗎。個人最鍾意佢嘅牛脷，雖然唔係厚切，但係食落口依然好軟腍👅 如果可以多幾塊就好啦🤣 我哋呢個雜扒餐揀咗蒜蓉汁，同雞扒及豬扒兩款都好夾👍🏻 另外主菜配咗意粉，係個幾豐富嘅西式晚餐🍝滋選肉眼扒鐵板餐因為朋友唔食豬肉，所以佢揀咗呢一個只係有肉眼扒嘅鐵板餐。佢有一大片嘅肉眼扒係鐵板上，切開仲係好粉嫩🐮 總係覺得牛肉配黑椒汁係更加好食，所以我哋呢一個肉眼扒揀咗黑椒汁，黑椒汁果然係非常惹味🥰 呢個我哋就揀咗配飯，黑椒汁係好好送飯🍚飲品♦️無糖豆漿呢個豆漿可以額外加糖，不過想健康啲嘅我就冇額外加啦。豆味都幾濃郁，不過如果飲開有糖嘅朋友可能覺得佢清清地淡咗啲😮♦️黑咖啡另外一杯我哋揀咗熱齋啡，餐廳用上不鏽鋼杯更加保溫☕️鐵板餐嚟講，份餐都幾抵食，啲扒

今日去咗屋企附近嘅餐廳食午餐，我叫咗兩個 「滋」「滋」聲鐵板系列- 人氣牛脷雜扒鐵板餐， 滋選肉眼扒鐵板餐。兩個鐵板餐，都非常之豐富，而且好足料，又新鮮，我好滿意，食到好滿足，牛扒容易咬開，雞扒肉質鮮嫩，再配上一杯無糖豆漿，健康有益。我配咗一個薯角配菜，炸得好好味，外脆內軟，配埋茄汁醬，實在美美無窮，整體上性價比高，服務又好，交通又方便，環境衛生整潔乾淨，我非常之滿意，所以推薦俾大家。交通非常之方便，附近就已經喺有地鐵站同的士站小巴站巴士站等等

工作了一個星期，週五放工晚上想食好D，行過葵芳新都會5樓，原來依家係小點角落都有得食鐵板餐啦！$100到就食到幾好質素嘅鐵板扒餐，性價比都好高下👍🏻客人可以選擇黑椒汁或蒜蓉汁之外仲可以自選意粉、飯或者薯菜，我哋今晚就食咗以下兩款啦😋🔸人氣牛脷雜扒鐵板餐 $108｜薯菜 ｜配蒜蓉汁 ｜羅宋湯｜凍原味手打檸檬茶 +$8男友揀咗雜扒餐，上枱嘅時候仲聽到鐵板嘅滋滋聲，呢份熱辣辣雜扒餐食物好豐富，雞扒、豬扒、牛扒、牛脷、仲有香腸，小菜包括有西蘭花🥦，粟米🌽粒，仲有即炸脆薯角，食到飽飽，真係超級滿足呀！食飽晒之後飲返杯手打檸檬茶，酸酸甜甜，可以解除油膩 🔸滋選肉眼扒鐵板餐 $88｜ 薯菜 ｜配黑椒汁｜羅宋湯｜手打西柚橙香檸茉莉 +$8我就最鍾意食牛扒，所以今次揀咗呢款肉眼扒鐵板餐，好大塊肉眼扒，外層煎得金黃香脆，7️⃣成熟入面保持着肉汁，咬落偏淋，都幾Juicy！

在門外，一句人手唔夠就算，唔再安排 1.內裡只坐了一半客人 2.最少2個員工得行 同朗豪坊間比較差得遠，心態上員比我感覺唔多想做生意，速度慢，貴公司真係看下葵芳店乜情況，朗豪坊讚。

差爆 只係環境唔錯飲品方面 普通 希望凍檸茶水可以附上長柄棒餐點普通 但上餐時間30-40分鐘一個沙嗲拼盤加個煮過頭嘅撈麵 食完餸 先有麵 食出面茶餐廳仲好麻煩好好改善上餐速度 起碼半個鐘先上魚蛋燒賣再加一個撈麵真係太誇張

今日喺葵涌廣場同埋連接住嘅葵涌新都會廣場行街，聽講呢區嘅餐廳都好抵食，行吓見到一間裝修好清新、好舒適嘅餐廳，門口放咗一個好吸引嘅餐牌，呢度有好多街頭小食，例如雞蛋仔、燒賣、魚蛋、腸粉等等，仲有果汁、沙冰特飲等等。平時好少食街頭小食，因為唔想企喺個街度食，今次同朋友一齊行街，行到攰咗，坐低慢慢食，傾吓偈，又唔想食到太飽，嚟呢間餐廳就最適合，而且食物賣相非常靚，好適合打卡影相。餐廳必食推介，見到餐牌，即刻好有興趣呢味「鹹蛋黃炸雞翼]，雞翼外面塗上炸粉同埋鹹蛋黃，外皮炸到脆卜卜，雞翼裏面肉質Juicy而且鮮嫩香滑，熱辣辣，好好味。除此之外，仲有「炸芝士條」、「炸薯條」都非常香口、惹味。「小食拼盤」包含炸蝦球用竹炭雪糕筒裝住，賣相精緻，好特色，好適合影相打卡。另外仲有碗仔翅、蒸腸粉、燒賣、章魚小丸子等等傳統港式小食，應有盡有。甜品方面，有雪糕雞蛋仔，雞蛋仔即叫即整，熱辣辣，脆卜卜。仲有「椰皇燉蛋白」同埋「芒椰特飲」，蛋白非常香滑，芒果椰汁味道配合得相當好，芒果肉好新鮮、好香甜，全部甜品都非常值得推介。

我造訪了位於市中心的小點餐廳。這家餐廳以其簡單且乾淨的環境吸引了我的注意。雖然餐廳的裝潢並不奢華，但整體感覺乾淨舒適，給人一種放鬆的感覺。當天，我選擇了幾道看似經典的菜餚：滷水雞腿、撈麵、公仔麵和煎蛋。服務生態度友善且有禮貌，飲料也很快就上桌。然而，食物的上菜速度卻讓我有些失望，等了足足30到45分鐘才看到菜品。關於食物的質素，感覺更像是快餐連鎖店的水準，味道平平無奇，像大家樂快餐的味道。特別是蛋白還沒有煎熟，雞腿不熱，有點老，撈麵也是冷的，並且有點油膩。菜餚的擺盤也沒有特別之處，感覺像是快餐連鎖店的隨意擺放。總體來說，小點餐廳在環境和服務上表現還不錯，但在菜品的口味和上菜速度上還有很大的提升空間。如果你只是想找個地方快速填飽肚子，這裡或許是個不錯的選擇，但如果你期待的是一場美味盛宴，那恐怕會有點失望。

話說今屆港姐👙泳衣問答環節，其中一條問題係問佳麗覺得最能代表香港嘅兩餸飯嘅餸喺邊款，之後個佳麗答🥭楊枝甘露😂全場連司儀都O曬嘴😮，於是司儀再三同佳麗確認答案，點知佳麗堅持係楊枝甘露，於是第二日就成為網上熱話，更加有惡搞版楊枝甘露兩餸飯飯盒meme圖。點知呢間餐廳真係有楊枝甘露兩餸飯😱呢間餐廳叫小點角落，將香港街頭小食帶入舖。其實楊枝甘露兩餸飯真身係雞蛋仔套餐，$48一底原味雞蛋仔🐣配一款自選甜品，當中就可以選🥭楊枝甘露。我覺得呢個餐好抵食，依家出街食一帶雞蛋仔都二十幾蚊，一碗楊枝甘露至少30至40蚊，呢度有梳化位坐坐得舒舒服服都係48蚊加一，如果鍾意食榴槤嘅，仲可以揀榴槤甘露，感覺就更加抵。不過雞蛋仔唔算好脆，楊枝甘露入面有好多潮式清心丸，所以都算飽肚。相對於$68嘅午市瑞士雞翼撈麵餐，真心覺得「楊枝甘露兩餸飯」更加抵食。一點午市時段，四款lunch set已經有其中兩款賣哂，真係有啲無心戀戰feel。

原本睇Openrice到見到有蝦頭油撈麵所以先諗住嚟試下啦喺OpenRice訂咗位去到都要等一陣一睇個餐牌竟然冇咗蝦頭油撈麵我即刻唔知食咩好 咁就唯有叫咗佢一個set lunch係鹹蛋黃豬扒 佢可以揀配滷水蛋飯或者撈麵見到隔籬枱個滷水蛋飯真係白飯加一粒蛋所以都係揀返撈麵算啦點知個撈麵都係令我失望佢只係一個普通嘅撈麵加少少榨菜另外都仲叫咗個滷水雞髀佢冇咩特別 講真我覺得大x樂仲好食不過最後佢送咗一個迷你月餅細細個唔會太多 呢方面都幾有心機

小點角落地址: 葵芳興芳路223號新都會廣場5樓574A號舖掃街都可以有冷氣舒服坐定定了，這家小點角落有好多人氣小食，女仔想斯文舒服咁食，沒問題掃街小食全餐必點，賣相靚又可以一口氣試6樣東，包括魚蛋，xo 醬煎腸粉，素碗仔翅，燒賣、煎釀三寶、三文魚脆筒三文魚脆加埋個黑色cone 好型，而魚蛋大大粒，彈彈彈。燒賣都幾軟彈crossover ，我覺得是必點。蔥油溏心蛋飯及蔥油撈麵，撈麵有包麻油！更香雞蛋仔加雪糕，另有兩支朱古力筆，用來畫公仔楊枝甘露特飲/原味手打香檸茶呢餐比較多甜食同carbonhydrate,但食得開心，食完再考慮減肥#好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

<葵芳人氣掃街小食甜品店>🤩位於葵芳新都會這間食店, 環境舒服, 座位寬敞~ 好適合黎放鬆食飯抖一抖😎而且集掃街小食及甜品於一身, 好適合喜歡食港式掃街小食但又想坐得好舒服既你😬<掃街拼盤>😋~ 賣相擺盤精緻有特色, 有齊晒魚蛋燒賣, 腸粉, 碗仔翅,煎釀三寶, 仲有三文魚脆筒, 口水雞... 可以一次過食晒香港特色小食, yummy. 😋另外亦可以追加葱油撈麵及葱油糖心蛋飯👍 除左小食外, 梗係要order 呢度既甜品啦. <甜品畫板>😋~ 包括左有雞蛋仔, 心太軟 & 牛奶布丁. 甜品好出色有驚喜, 特別係個心太軟, 好味.呢度仲有多款特色飲品~ 我自己就order左暴龍美綠沙冰, 好解渴又好飲, 正👍 🍨餐廳: 小點角落🍧地址: 葵芳新都會廣場5樓574A號舖

見到餐廳有唔少like, 今日下午茶去試下。點咗朱古力金沙西多茶餐，掃街拼盤，都係劣食...拼盤小吃温度唔熱，燒賣同open rice食評嘅圖完全不符事關係炸嘅，三文魚甜筒個甜筒腍晒，煎釀三寶似劣質天婦羅而唔係平時街頭嘅傳統港式煎釀三寶，西多並冇茶餐廳外脆內軟嘅口感，係凍同腍! 較正常只係手打檸茶。真係深水埗小檔都好食100倍!你收咁嘅價錢交呢啲quality 好唔好意思呢？咁嘅質素唔怪得港人北上消費...性價比太太太差!

✔️掃街拼盤 $88呢個拼盤啱晒啲乜嘢都想試吓嘅朋友 有麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣、新煎釀三寶～講唔停覺得最好食係個鹹蛋黃雞翼🤤 係超重味又有起沙 仲要係超脆!!! 而另外佢嘅燒賣都比出面特別煙靭😚✔️麻辣牛根腩 $52呢個份量都幾多 尤其是牛筋都好大件 而且全部都炆得好入味🤩 不過味道會偏辣嘅🌶️✔️籠仔腸粉 $18講唔停就覺得同街邊嘅冇乜分別 不過呢隻係會硬身少少🙈✔️蝦頭油撈麵 $18呢個撈麵都幾唔錯 面質唔會煮到過腍 掛汁但不會過鹹👍🏻 面頭仲有櫻花蝦乾令到成個面更加香🦐✔️榴槤甘露果凍碗 $52聽講佢係用咗D24榴槤肉😍 呢個都係超多料 有椰子布丁、椰青果凍、手工小圓子、水晶珠~ 全部都好食(除咗椰青果凍感覺上冇乜味🤣)✔️芒芒小丸子椰皇蛋白 $72蛋白燉到好滑🤤椰奶唔會太甜🥥仲有埋芒果小丸子同埋芋圓 好豐富好有咬口😚✔️雪糕雞蛋仔102畫室 $60呢個雞蛋仔係講唔停同朋友最推薦嘅‼️ 我哋揀咗朱古力粒粒雞蛋仔 配朱古力醬同埋煉奶 中間仲會有個好好好好好濃同滑嘅牛乳雪糕🍼🍦 而雞蛋仔微脆唔會係好硬會刮親口嗰隻 朱古力味都出🍫 好推薦👍🏻👍🏻