小點角落 (新都會廣場)

營業中

休息中

今日小編同朋友嚟到呢間新開嘅餐廳，環境好闊落同光線充足，而且餐廳員工服務態度都好好，好熱情！整體用餐體驗非常唔錯👍🏻.小編最推介以下幾款食物，大家去到一定要試😍.#瑞士雞翼雖然唔係啲咩特色嘅小食，不過要整得好食，味道濃而不鹹，而且雞肉仲係嫩滑，都有一定嘅難度㗎！佢哋整得相當唔錯，大家鍾意食雞翼嘅都一定唔可以錯過🙌🏻.#蔥油糖心蛋飯至於呢一個飯就係嗌小食 +$18 就可以加配，大家一定要加！佢哋呢度嘅豉油配合埋蔥油，非常之香口，真係好好味！淨係食呢個飯都包你滿足🤤.#雪糕雞蛋仔102畫室玩得又食得，仲打卡able！今次小編揀咗朱古力粒粒嘅雞蛋仔，不過因為佢只有朱古力雪糕，所以我建議大家雞蛋仔可以揀原味或者麻糬，應該配合得更加好！同埋佢嘅朱古力雪糕係超香濃！大家仲可以揀兩支心儀嘅醬料做toppings！🍨.#椰皇系列甜品今次我哋試咗 #芋頭西米椰皇蛋白 & #芝麻糊豆腐湯圓椰皇蛋白 ！前者味道好香濃，芋頭號一定要試，仲要食熱嘅😋 後者充滿芝麻香味，而且唔係好甜，入面嘅豆腐花？仲非常之滑，配合埋一齊相當好食♥️.📌 溫馨提示：雖然啲嘢食樣樣都好似係小食，不過大家都要惜食，唔好眼闊肚窄啊！最好嘅

小點角落開到新都會廣場啦！店舖位於5樓，就係之前360果個位置，光線柔和，面積都幾大，好多卡位非常好坐。食物選擇相當多，新開張仲有許多優惠，晚市甜品小食半價，阿薩姆手朾香檸茶，會員可享8蚊外賣價，最新推出懷舊小吃系列，其中掃街小食全餐勁吸引。掃街小食全餐呢個不得了，6款掃街美食賣相好吸引，掃街小食坐定定打卡慢慢嘆，麥皮蝦芒果沙律脆筒、碗仔翅蒟蒻麵、特特大魚蛋、蝦頭油菜圃燒賣、山椒鹹蛋黃雞翼同新煎釀三寶。造型上高分，味道都唔錯，尤其喜歡大粒魚蛋，非常彈牙。碗仔翅蒟蒻麵夠港式，新煎釀三寶幾香口。加18蚊可以加飯/麵蔥油溏心蛋飯估唔到咁大碗，配有一隻半熟溏心蛋。蝦頭油撈麵賣相唔錯，用櫻花蝦撈麵，香口惹味，麵夠爽口。雪糕雞蛋仔102畫室打卡一流啦！畫板設計，顏料即是醬料，雞蛋仔脆波波要趁熱食，可以揀麻糬餡，很有咬口。瑞士雞翼入味好食，雞翼入味夠冧。發現呢度甜品真系幾正榴槤甘露果凍碗啖啖榴連果肉，加上杏仁布丁西米露，口感爽滑。（凍）芒芒小丸子椰皇蛋白 用椰皇殼裝住，芒果味特出，蛋白清甜有淡淡嘅椰香。

葵芳一向都係掃街盛地，但呢度係一間可以坐低食嘅掃街小店。掃街拼盤 HK$88有麥皮蝦芒果沙律脆筒、碗仔翅、特特大魚蛋、雞翼、蝦頭油菜圃燒賣、煎釀三寶樣樣有D，非常豐富，不過碗仔翅就稀左少少。加左蝦頭油撈麵 +HK$18個麵質都幾爽，加呢個價又幾抵食。麻辣牛筋腩 HK$52麻辣好味，唔算好辣，牛筋腩都煮得好林。再加蔥油溏心蛋飯 +HK$18又係好抵，份量一D都唔少。除左小食，佢地仲有甜品，好正呀!芋頭西米椰皇蛋白 HK$68叫左熱嘅，椰皇蛋白好香蛋味，再加上芋頭又有芋圓，非常有咬口。「汪AH姐」咖啡燉奶凍 HK$42咖啡極濃，要連埋個雪糕一齊食就good啦!即撞木桶豆腐花 HK$42超爆足份量，一上要等佢凝固先開得，真新鮮熱辣呀!一大桶可以有成3-4碗，而且好滑好香。草莓鮮奶 HK$36芒芒椰奶 HK$32唔廢嘅廢水，因為都係鮮奶底，都好好飲呀。小點角落葵芳興芳路223號新都會廣場5樓574A號舖

喺葵芳新都會最近新開咗一間餐廳 見個裝修幾靚就入去試下😗🍀掃街小食全餐麥皮蝦芒果沙律脆筒 造型幾特別 麥皮蝦都幾有咬口🦐 特特大魚蛋 魚蛋好大粒好彈牙 沙嗲醬汁亦都好濃郁☺️ 山椒鹹蛋黃雞翼 雞翼香脆可口 醬料個味道幾特別😉 蝦頭油菜圃燒賣好大粒 不過麵粉相對較多🤣 新煎釀三寶 正正常常 碗仔翅蒟蒻麵都吾差😜🍀瑞士雞翼味道恰到好處 唔會太鹹 雞翼有嚼勁 吾會太韌😙🍀麻婆芝士通心粉呢個好好食 有麻辣嘅味道 但係又唔會太過麻 味道亦都好濃郁 如果份量多啲會更加開心🤪🍀籠仔腸粉口感相對較厚實 個人比較鍾意傳統小店嘅口感多啲😗🍀即撞木桶豆腐花豆腐花幾滑 黃糖同薑汁自己加 提供嘅份量亦都好多 鍾意食甜啲嘅人都啱晒😝🍀芋頭西米椰皇蛋白依個必叫 好香嘅芋頭香味 加埋西米 芋圓嘅咬口 好好食😋🍀楊枝甘露果凍碗楊枝甘露有少少乳酪嘅味道 幾特別 材料都幾多有咬口🤓🍀草莓鮮奶底部有好多士多啤梨粒同漿 唔算太甜 啱我口味😎

見到餐牌所有嘢都係單點，完全冇set冇餐 佢話因為新開 咁我覺得新開應該更加要做多啲優惠 完全零優惠 都唔緊要 但食物質素完全係街邊小食 冇正餐 嘢飲單點真心貴 食物質素唔好食 價錢完全唔符合佢嗰種食物嘅質素 一定冇下次亦都唔會推介俾朋友

旺角幾出名嘅cafe小點角落係葵芳開左新分店😳之前一直未有時間去旺角店，今日終於黎打番個卡▪️掃街拼盤$88拼盤有6款港式掃街小食，麥皮蝦芒果沙律脆筒、碗仔翅蒟蒻麵、特特大魚蛋、蝦頭油菜圃燒賣、山椒鹹蛋黃雞翼同新煎釀三寶。麥皮蝦鹹鹹甜甜，菜圃燒賣夠大粒惹味，一個拼盤可以食晒咁多款掃街小食🤓正▪️蔥油溏心蛋飯+$18$18主食都幾抵加，飯底偏軟，加一隻半熟溏心蛋▪️蝦頭油撈麵+$18撈麵幾香口，就咁食已經好夠味，麵爽▪️瑞士雞翼$52經典瑞士汁夠入味！入口幾嫩▪️雪糕雞蛋仔102畫室$60雞蛋仔可以加麻糬或者朱古力粒粒餡，配雪糕一球同埋兩支畫筆嘅醬料，可以自己diy設計下雞蛋仔嘅外型，幾有gimmick ▪️楊枝甘露果凍碗$48造型有啲似泰國椰子雪糕，入面仲有軟滑芒果布甸，果香感重▪️芝麻糊豆腐湯圓椰皇蛋白$68芝麻糊底加椰皇蛋白，食落好滑溜，滋潤▪️西柚香檸茉莉$36西柚青檸呢啲組合都好fresh，唔太甜，最啱食完小食飲，冇咁膩▪️芒芒甘露沙冰$36飲品版港式糖水楊枝甘露，芒果肉加上柚子、西米等，好夏天！味道香甜咁多款港式小食同糖水，可以一次過喺呢度搵到，的確係幾特別嘅主題，配合返葵芳呢個掃街天堂🤭

最近葵芳新都會新開了一間餐廳，有齊各式各樣的港式小食、甜品糖水及飲品。- 掃街拼盤 $88 -拼盤有大魚蛋、山椒鹹蛋黃雞翼、蝦頭油菜圃燒賣、新煎釀三寶、麥皮蝦芒果沙律脆筒及碗仔翅蒟蒻麵，配搭地道得來又fusion✨ 麥皮蝦芒果沙律脆筒內的芒果沙律夠清新。山椒鹹蛋黃雞翼及蝦頭油菜圃燒賣，配搭特製醬汁很惹味。魚蛋雖然不是XXXL size，但也不影響它的好味道。- 瑞士雞翼 $52 -雞翼滷得非常入味😋- 麻婆芝士通心粉 ｜蝦頭油撈麵 （追加+$18）-通心粉好香芝士味，食落辣辣地👍🏻 撈麵加入蝦頭油，香氣四溢。- 芒芒椰奶 $32｜草莓鮮奶 $36 -芒芒椰奶椰味香濃，啖啖芒果肉及水晶珠；草莓鮮奶內有雪燕，混合士多啤梨果蓉，酸酸甜甜，有點喝乳酪的滋味。- 雪糕雞蛋仔102畫室 $60 -以畫板🎨做靈感，雞蛋仔口味可以選擇原味、朱古力粒粒及麻糬，還附上兩支顏料（醬汁），盡顯心思，打卡一流❣️ 。雞蛋仔加入麻糬後、咬落軟糯 Q 彈，配搭朱古力及海鹽焦糖醬，加上雲尼拿雪糕，正呀✨- （凍）芒芒小丸子椰皇蛋白 $72 -蛋白清甜帶椰香，拌勻芒果，清涼消暑。- （熱）芝麻糊豆腐湯圆椰皇蛋白 $68

中意呢度可以坐低慢慢嘆地道街頭小吃同經典特色甜品！👉🏻掃街拼盤 $88有麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣同新煎釀三寳！麥皮蝦芒果沙律脆筒真係超正，酥脆微甜外層，配彈牙蝦肉！脆筒內仲有芒果沙律，層次感豐富！大大粒魚蛋完全無粉感！碗仔翅用左蒟蒻麵代替素翅，好足料又好味！👉🏻雪糕雞蛋仔102畫室 $60雞蛋仔柔軟，散發蛋香，而且係非常有心思嘅設計，一個畫板同兩支顏料，即係Dessert Toppings，揀左粒粒朱古力口味雞蛋仔配煉奶同海鹽焦糖醬，再加雲呢拿雪糕！有得食又有得玩！👉🏻豆腐凍芝麻糊 $48超特別，先打碎表面嘅竹炭糖片，再倒芝麻糊入豆腐凍，芝麻糊好細滑，加上脆身竹炭糖片脆身口感，好夾！👉🏻楊枝甘露果凍碗 $48芒果、西米同奶凍，奶香，芒果甜，仲有Q彈果凍，爽！👉🏻蔥油溏心蛋飯 (+$18)溏心蛋無得輸，蔥油香氣吸引！👉🏻麻辣牛筋腩 $70唔算好辣，夠惹味，牛筋腩份量多！👉🏻籠仔腸粉 (+$18)腸粉熱上，配甜醬同麻醬，點撈都好食！👉🏻苦瓜香檸茉莉 $36好少地方有得飲，真係有好多苦瓜，不過因為有香檸同茉莉花，所以有芳香同清新感，微甘有驚

這家店子在旺角開業的時候，頗有人氣，bookmark了很久卻一直未去試。發現他們在葵芳新都會開業，我興奮得連晚飯也沒吃便拉著男朋友衝進去。一直以為這裡是吃精緻甜點，原來鹹食的選擇也不少。餓鬼的我們叫了掃街小食全餐、瑞士雞翼，還追加了歌款輕型小食：蔥油溏心蛋飯和麻婆芝士通心粉。小食全餐有大魚蛋、燒賣、雞翼、炸蝦、煎釀三寶、碗仔翅，份量非常好，每樣一至兩粒，淺嚐卻又不會太飽，一次過滿足超多個願望。燒賣大大粒，味道亦甚有驚喜，加了蝦油和菜甫，很香很惹味，令平凡的燒賣變得不平凡；大魚蛋彈牙夠入味，雞翼咸香夠酥脆，整個小食全餐都很不錯。追加的麻婆芝士通心粉亦頗特別：像帶點辣的芝士白汁，感覺不會太heavy，有別於西式芝士焗通心粉很容易吃到膩。中間紅色的粒粒竟然由西式的煙肉或火腿粒換成臘腸粒，味道卻又出奇地夾，很不錯👍🏼瑞士雞翼亦十分入味，雞肉不會太硬太鞋，無論大人和小朋友都喜愛吃吃完鹹點再吃甜品。首先當然要試試這裡的signature 雪糕雞蛋仔102畫室。以畫板盛著雞多仔，配上兩款「顏料」形的糖漿，好攪鬼。雞蛋仔味道不錯，即使放涼了亦好吃。椰皇甜品總令人無法抗拒，我們不禁每人點了一款：芒芒小丸

- 坐定定涼浸掃街✔️🙆🏻‍♀️葵芳新都會 - 小點角落 Bite by Bite由旺角開到黎葵芳😼佢地主打係港式街頭小食為主題既食品。如果係葵芳又想坐定定有冷氣食小食黎呢到係一個好選擇💕👍🏻首先比較印象深刻既係掃街拼盤入面既- 牛油芒果沙律脆筒🍨🍦除左面頭既蝦 食到下面係芒果沙律! 非常清新🥭而成個拼盤外型都比較簡單有雞翼,魚蛋,燒賣,煎釀三寶~一次食晒掃街食物😆當中燒賣既醬汁幾夠味 🙆🏻‍♀️其次想推薦係甜品既- 豆腐凍芝麻糊 🖤🤍除左打卡able之外佢既芝麻味係非常香濃!- 雞蛋仔101畫室叫102既仲會有雪糕咖🍦醬汁係可以自選味道咖 🖍️大人可以打卡小朋友有得食有得玩💯因為當日未食Lunch🤰🏻就另外叫左2個小食麻辣牛根腩 -牛腩夠淋✔️蝦頭油撈麵- 正常撈麵阿薩姆手打香檸茶🍹西柚橙香檸茉莉🍸

好耐冇去過葵廣掃街，今日放工就約埋朋友一齊嚟。點知朋友話今日返工好攰，好想搵個地方坐低食嘢，好彩俾我搵到呢間係新都會新開嘅餐廳。佢係食掃街嘅小食，但係有一個好好嘅位可以坐低唞吓，咁就一於嚟試吓啦。一睇佢個Menu，就想叫佢個掃街拼盤，因為乜嘢都有。而朋友就話好想食雞蛋仔，咁就一於叫多幾樣試吓啦。我覺得呢度最好食嘅就係瑞士雞翼，好似仲比出面啲餐廳更加好食。因為佢嘅雞翼好入味，而且整得好嫩，而且雞翼都好大隻。食飽之後仲好想食甜品，估唔到呢度竟然都椰黃燉蛋白，而且價錢仲平過平時啲甜品舖，所以都叫咗兩個嚟試吓。見到佢都整得好出色，凍同熱都一樣咁好食。呢間餐廳又唔貴，而且環境又好錯，以後去葵芳掃街唔想行就會揀嚟呢度啦。

最近發現新都會有間新餐廳，主打新派港式料理，從主食、小食、甜品到飲料應有盡有。款款賣相可愛迷人，適合打卡，整體價錢合理，座位闊落，地點方便，推介大家同朋友仔嚟聚餐。選擇困難症會推掃街小食全餐，有齊麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣同新煎釀三寶。個人最鍾意燒賣魚蛋，醬汁惹味，口感彈牙～ 小食有瑞士雞翼，六大隻，夠入味，外皮唔厚，肉質算嫩、另外可加配主食，好鍾意呢度嘅麻婆芝士通心粉，沾滿醬汁，通心粉軟硬度適中、腸粉都幾滑，用籠仔裝起更加有feel！甜點選擇眾多，雪糕雞蛋仔102畫室全DIY，有原味、朱古力同麻糬，醬汁四選二，有朱古力、草莓、煉奶同海鹽焦糖，最後揀埋雪糕，有雲呢拿同海鹽焦糖，味道就正常發揮啦，不過勝在玩得又食得～ 中式糖水反而有驚喜，芒芒小丸子椰皇蛋白滿滿餡料，芒果香甜可口，小丸子增添咬口，配上嫩滑嘅椰皇蛋白都幾架。芝麻糊豆腐湯圓椰皇蛋白都唔錯，唔夠喉仲可以撩埋個椰子出嚟食添🤘最後以芒芒甘露沙冰同草莓鮮奶作結，滿足！

今日去咗葵芳新都會廣場覓食，在5樓近空中花園旁發現一間新派嘅港式甜品小食店🤭🤭叫「小點角落」..….. 有很多街邊的小食如魚蛋、燒賣、碗仔翅、雞蛋仔等…….亦也有些主食⋯⋯生脆炸雞髀配麻婆芝士通心粉…生炸雞髀，外層金黃香脆，大大隻……啖啖肉……巧巧味🤤個麻婆芝士通心粉味道也不錯🤭山椒鹹蛋黃雞翼配蝦油頭抽撈麵 …山椒鹹蛋黃雞翼…有6大隻……蛋黃味香濃，外脆內嫩👍蝦油頭抽撈麵有少少辣味幾惹味不錯！

同朋友黎到位於葵芳新都會廣場呢間集新派港式小食及甜品於一身既「🌸小點角落 Bite by Bite」。餐廳都係最近新開張，於是同朋友黎試一試😋入到去空間感非常好，樓底高，卡位亦非常舒適，侍應亦殷勤接待。Menu 設計亦好美觀，分好哂不同食物類型及款式，而且圖文並茂介紹呢！難得黎到，當然要試一試咁多款items😋💮新舊小吃：掃街小食全餐$88呢個係必食推介，裡面有6款小食，包括：麥皮蝦芒果沙律脆筒、碗仔翅蒟蒻麵、秘製咖喱魚蛋、山椒鹹蛋黃雞翼、蝦頭油菜圃燒賣及新煎釀三寶。每款2至3件，可以試哂咁多款，廚師將掃街小食改良，有好多創意款式令人眼前一亮，就好似煎釀三寶配柑橘腐乳醬，食落真係幾特別惹味👍💮重量級小食山椒鹹蛋黃雞翼$58雞翼有6隻，仲要大大隻，份量都吾少。一咬落去外皮香脆，而且有佈滿鹹蛋黃汁包住外皮，裡面肉汁豐富又夠嫩滑，非常滋味。💮輕型主食（各款追加+$18）蔥油溏心蛋飯蔥油香好惹味，加埋啲特色菜圃，真係就咁撈飯都正，溏心蛋配埋個飯真係錦上添花😋😋蝦頭油撈麵個撈麵超香，麵質爽口彈牙，鹹度又剛剛好👍💮隨性DIY雪糕雞蛋仔102畫室$60雞蛋仔口味有原味、朱古力粒粒、麻糬揀，我地揀左麻

呢間有香港小食嘅餐廳，每一款都有獨特嘅香港風味。首先就要介紹嘅係佢嘅掃街拼盤，包括魚蛋、燒賣、煎釀三寶、雞翼、碗仔翅同炸蝦甜筒。呢個拼盤可以讓你一次過嚐到香港嘅經典小食。另一道係蝦頭油撈麵。彈牙嘅麵條有蝦頭油香。瑞士雞翼配埋特製嘅醬汁，夠入味。籠仔陽粉係香港傳統嘅點心之一，腸粉熱辣辣，有甜醬麻醬等等。碗仔翅又大大碗。甜品即撞木桶豆腐花同楊枝甘露果凍碗。即撞木桶豆腐花有滑嫩豆腐花配埋甜蜜嘅糖水，而楊枝甘露果凍碗清涼。61%朱古力心太軟仲有埋雪糕🍦，朱古力味濃郁！西柚橙香檸茉莉同阿薩姆手打香檸茶。西柚橙香檸茉莉有清新嘅柚子同檸檬味道，而阿薩姆手打香檸茶則有濃郁嘅香檸味，都好適合作為解渴嘅選擇。