小麵站

營業中

休息中

喺大潭行完山 有啲肚餓決定搭巴士落西灣河泰安樓搵吓食🤪口痕痕 心癢癢想食下辣野比我搵到小麵站😍姨姨好好人啊 見我哋買成三碗野同我哋講可以搬張枱係側邊食! 🖤麻辣雲吞不過不失 都可以一試嘅🖤雞絲涼皮咁嘅價錢($30) 咁嘅份量 好抵食!好多雞絲 大大嚿!調味都好正 如果再麻辣啲會更好至於涼皮嘅口感我唔太鍾意.. 係自己問題 我一心諗住係粉皮😕🖤酸辣粉 另加豆腐串湯底超好食 夠酸辣 夠濃味!!豆腐串吸哂啲湯汁 好正!!

👩🏻‍🤝‍👨🏼西灣河覓食住開港島嘅朋友都知道西灣河太安樓係好出名嘅「香港小夜市」，有好多小店基本上行個圈唔買返一兩個美食都唔會捨得出返嚟🤣最近男友同同事食宵夜嘅時候去食過覺得個肥腸酸辣粉好好味今次一於就到我試吓😙🥢肥腸酸辣粉落咗單之後見到店員真係即時會開個和爆炒啲肥腸同埋洋蔥已經離遠都聞到好香，在即刻加味了變成肥腸酸辣粉今次揀咗小辣，食到停唔到口🥢涼拌土豆絲土豆絲好爽脆佢仲會攞咗少少紅蘿蔔絲食落好開胃，每次去叫外賣都會叫一份🤓撈嘅汁唔會太酸啱啱好因為每樣嘢食佢都係即叫即整，所以外賣嘅時候都要等一陣不過我覺得係值得嘅😎寫到呢度望住啲相我又好想再食多次啦🤣

天氣稍涼，成日都想食啲熱野暖下肚😆難得出開去北角做嘢，就順道撘左叮叮去太安樓搵吓小食。今次食咗「小麵站」既雲吞，重慶麻辣小雲吞$20有12隻😋小妹唔係好食辣既關係就叫咗小辣，小辣既辣度麻度都岩岩好！湯頭原本嘅鮮味無比麻辣味蓋過，都仲飲得到😋😋小小麻辣味都可以好頂癮！而小雲吞可以一啖一粒，皮夠薄菜肉餡又多！🤩一啖湯一啖小雲吞😍食完唔會太飽，但又會feel到肚仔暖暖的。好舒服既呢😌😌😌

住係西灣河成日落太安樓買野食，突然間屋企人同我都想食下好耐冇食既酸辣粉，就黎幫襯左呢間係太安樓少數有賣辣野既舖頭～——————呢間野都幾多粉麵類同辣既小食選擇，我地就買左2碗酸辣粉同1個麻辣手撕雞～🐥麻辣手撕雞 $22🐥 (7/10)呢個小食冇辣度揀，辣度對去地黎講係小辣，分量都唔少，連埋d青瓜絲幾正幾送麵👍🏻🍜肥腸酸辣粉 $38🍜 (7/10)屋企人唔係太食得辣，好彩間野有得揀辣度，屋企人揀左最低既bb辣，岩曬👍🏻配料加左肥腸，肥腸唔會過肥、味道好濃，如果係食開內臟既人應該會好中意🙆🏻‍♂️🍜肥牛酸辣粉 $38🍜 (7/10)另外我自己就叫左小辣既酸辣粉+肥牛，酸辣粉我覺得就夠辣，不過冇咩酸味，冇話特別好食。肥牛分量就勁多！幾抵～遲d想食辣野應該都會幫襯番呢間～———————😋味道：7/10🤵🏻服務：6.5/10💰抵食：7/10⏳等侯外賣時間：10分鐘

今日去咗太安樓小麵站 成日去到麵見到好多人排隊 之前我都試過呢間嘅其他食品 今次就買咗紅油抄手同雞絲涼麵呢間嘅紅油抄手好出色 佢有12粒同20粒揀 皮夠薄 每粒都可以一口一粒 又唔會太辣 好惹味至於雞絲涼麵 麵有分大同細 啲雞絲好滑 份量又夠多 仲有啲青瓜絲 同辣菜甫撈涼麵 成碗麵辣辣地 好好食😋

呢間舖頭係太安樓入面，逢食飯時間就會有好多人排隊，因為又平又好食。留意翻舖頭只有外賣服務。最推薦就係麻辣小雲吞，叫bb辣已經好夠辣，可以食到麻辣味之餘又飲到本身湯既鮮味。幾十蚊就有一大碗雲吞，真係好抵。舖頭仲有其他麵，涼拌小食，味道都唔錯。

有時候總會想食下辣野，但又唔想食太大碗，小麵站既「雞絲涼麵」就係其中一個好選擇，佢可以揀大或細碗，細碗只係$22，而且可以選擇辣度，適合每個人唔同口味，我自己中意食辣既就會揀大辣，辣度剛剛好，不過就感覺比較咸，如果調味可以落小d鹽就Perfect!

夏天唔想食熱野，食個雞絲涼麵就啱晒，酸酸辣辣夠開胃，仲有得揀辣度。$26細碗，唔好睇佢細細碗咁，雞絲份量好足料，麵都唔少架！ 配菜仲有青瓜絲、榨菜、炸黃豆。入到太安樓乜都想食，所以次次都買細碗，再加多串燒賣，已經好飽😂

繼續去西灣河搵食，今站係太安樓，喺太安樓入面，你可以搵到各式各樣唔同類型嘅嘢食，而今日我就揀左食小雲吞呢間鋪嘅小雲吞，有麻辣湯，紫菜湯，清湯⋯⋯最重要係價錢平，12隻$20，20隻都只係$29，實在太抵食。紫菜湯小雲吞點左個紫菜湯小雲吞，以為d雲吞會好細粒，驚唔夠飽，於是叫咗20隻，點知原來食吓食吓，都幾飽肚，一口一粒，食得好方便，雲吞皮薄，而且好滑溜，但個湯入面d紫菜，略嫌少左d。不過以呢個價錢，性價比已經算高，絕對係糧尾時嘅恩物

自從開左之後，我叫得最多除左飲品，要數一定係呢間，可能因為快，方便，唔洗諗而且份量岩岩好，以前無得加餸，現在有啦！但大多數我都係叫熱撈薯粉就夠啦！熱撈薯粉中辣就岩岩好，我都試過叫大辣，但無中辣咁好食，小辣又唔夠，中就岩岩balance到~ 仲有個菜蒲都好好味，夾埋真係perfect!今次有人陪我食同叫左其他野，所以我地加多左個皮蛋，但個皮蛋就唔算好好食啦之前都有叫過個小雲吞，都唔錯架，細細粒，都有肉味加埋個紫菜湯底都好夾好好味!最緊要係加埋唔貴，所以係我一條友，唔想煮既首選~

🌶重慶麻辣小雲吞$20@12隻/$29@20隻👧🏻喜愛這間店舖小雲吞主要原因係皮薄薄肉小小的可以一啖一隻小雲吞🥬叫左小辣🌶已經好香好好食，最重要不會太麻一碗入面有好多芫茜因為宵夜的關係所以👧🏻👦🏻Share左食12隻已經好滿足😋😋😋😋🐔鹽焗手撕雞$20份👎🏽👎🏽👎🏽就不推薦俾大家拉雞肉好嚡😩😩😩定係甘岩👧🏻個份較嚡？👧🏻都係推薦大家食返小雲吞系列😆😆

經常都會食佢個麻辣小雲吞，岩岩好一啖一粒，，一碗入邊有好多芫茜，非常滋味😍唔係好食得辣嘅建議叫bb 辣！不過如果我拎走食嘅就多數鐘意叫少辣，雖然辣到出汗洗曬鼻水，但佢個辣真係好香好好食！

繁忙時間日子，請注意收銀員工是否能勝任其工作崗位。太安樓在週末週日 人流多 請勿在繁忙時間晚餐時段 去訓練新手員工 連打單都未識 冇記性 怯場 淨識收錢 錢就收足 但唔比貨 枉支持的粉絲專誠過海

因為佢嘅小雲吞特登嚟呢一度食原本個人好鍾意食小雲吞，但發覺香港冇乜鋪頭專係食小雲吞所以基本上都係返大陸食小雲吞主要係食佢個皮薄，肉少少就可以最緊要啲肉夠鮮今次叫咗20粒麻辣湯同埋20粒紫菜湯就雲吞來講皮都好滑,肉嘅味道都不錯麻辣湯個碗真係超香一打開已經聞到成大浸辣味一食入口覺得成個口麻，粒雲吞要去到喉嚨位先會覺得辣，成件事好過癮，不過相信都有落不少味精，因為食完後感覺相對較為口乾另外嗰個紫菜湯中規中矩，紫菜份量都OK

經過這兒又有啲餓周圍附近又唔見有燒賣食見到呢一間小店好似都幾多嘢食 走上海菜風味就叫咗個雞絲涼麵 $25等左唔夠2分鐘就攞到份量好多 醬汁其實係有少少辣嘅 似係麻醬加豉油再加少少辣醬 仲有啲雞絲同埋一粒粒爆粟米粒 $25性價比都OK不過侍應姐姐態度比較差 叫佢俾多少少麻醬都唔肯