236
7
4
港鐵寶琳站 C 出口, 步行約7分鐘
繼續閱讀
開飯介紹
主打川菜有烤魚、麻辣香鍋，亦有客飯套餐等選擇。肉身厚實的烤魚口味款式多而且配料豐富，做到烤魚的麻辣鮮香。
繼續閱讀
附加資料
星期一至四 廚房截單時間 21:45 (最後入客時間為21:30) ; 星期五，六，日 廚房截單時間 22：15 (最後入客時間為22:00)
營業時間
*截單時間: 主餐牌 21:45 宵夜精選 23:30
星期一至日
11:30 - 23:00
以上資料只供參考, 請與餐廳確認詳情
相關文章
今日入開將軍澳搵朋友食午飯，朋友話想吃烤魚，然後我就上網搵到呢間位於寶琳富麗花園的小魚兒，從寶琳地鐵站行去餐廳十分鐘不用，地理位置十分便利。入到餐廳門口見到貼住了大眾點評的必吃榜(2023年)海報，更加期待!!!實在難得，餐廳的電視播放住英超足球比賽，相信夜晚一班球迷來這裡吃飯一定好熱鬧。另一個特色就是設有例湯自助區，例湯任裝。今天的湯是足料的豬骨老火湯。我們二人首先點了薑蔥爽魚皮($68)。自從我去了廣州遊玩點了涼拌魚皮後就愛上了這道小食，不論在深圳、香港餐廳見到呢道菜式，就會忍唔住叫來吃。而今次小魚兒餐牌有唔辣同辣的魚皮選擇。我當然選了唔辣的魚皮來試，因為在廣州吃的大多都不是辣的。小魚兒的呢道薑蔥爽魚皮真係有令我吃番廣州XX記的魚皮的那種感覺。魚皮爽脆彈牙，與蘸汁匹配，食完真係十分醒胃。第二道前菜係川式口水雞($68)，BB辣。辣度都已經足夠，唔太吃得辣的朋友，都認為BB辣足夠了。雞肉鮮嫩，加上麻辣清涼的辣汁，口感十分過癮。至於主食方面一定唔少得烤魚!烤魚係四款魚類可以選擇，分別凌波魚、鱸魚、江團魚同筍殼魚。我們點了黃金蒜香豆花海鱸魚($308) 再加上四隻扇貝($68)。條海鱸魚真的很大條，其實真係足夠2-4人吃。魚肉相當滑嫩新鮮，扇貝肉吸收了蒜香湯汁後味道更加濃郁。加上配菜洋蔥、金蒜和寬粉等配搭，真的非常滋味，我們二人花了差不多兩小時才把整條鱸魚吃完。
繼續閱讀
🥣烤江團魚🥣：💰$308店員推介江團魚，因為肉質比較肥美、油份重、含膠原蛋白，真心啖啖肉！有多款湯底選擇，有辣亦有不辣，今次叫左黃金蒜香豆花，魚面勁多蒜蓉，少量配菜，青瓜、雲耳、薯粉、滑嫩豆花，上枱後煮多陣更入味，仲有其他配料可以加配，2個人食都好夠飽。🥣炸魚腐🥣：💰$48一碟有6塊，都係好厚肉，唔係淨係空氣，放入湯煮，吸晒蒜香味，可以淺嚐埋湯底。🥣椒鹽鴨血🥣：💰$68外皮炸到好脆，似炸椒鹽豆腐，鴨血冇腥味，內夠嫩，少少彈牙。🥣炸雙皮奶🥣：💰$48色澤金黃，外皮炸得好酥脆，而且不會過油，內層雙皮奶軟嫩滑口，帶有濃郁牛奶香味，最岩做飯後甜品。
繼續閱讀
天氣涼涼地， 好想食下酸辣野同烤魚，黎#將軍澳#富麗花園 地下的#小魚兒 就啱晒囉。餐廳用QR code 落單，方便又快捷，自點選食物同酸辣度，我哋要左條鴨咀魚配酸菜，小麻同小辣的🐟^_^。老壇酸菜魚, 待湯滾起便先盛了半碗飲，酸味加上微辣很開胃。第一次食鴨嘴魚，餐牌介紹說肉質鮮嫩，沒有魚刺只有軟骨，見厚身的魚已佔滿左個爐，魚的骨真的是軟身的，第一次品嘗咁特別口感，魚真係好美味，而配料亦十分之豐富，有大量的酸菜、紫洋蔥🧅、青瓜🥒、雲耳、芽菜、豆腐同埋煙銀嘅寬粉。飲品的凍檸茶大杯又解油膩。
繼續閱讀
。O小姐。蟲草花膠雞煲。日常。平日兩個人諗唔到食乜，今日難得有三個人，又見開始有啲凍，咁呢個時候最好就係去食雞煲！附近究竟有啲咩食呢？搵吓搵吓咦見到呢間又有烤魚又有雞煲，又好似評價唔錯，咁就去幫襯吓啦。！如果要嚟呢間舖頭，喺寶琳站出，跟住向右邊過馬路，跟住一路再向左邊行，見到路口再轉返入去就會搵到呢間舖，都唔係好遠嘅，其實大概6-7分鐘就會行到。由於前日先食完魚，我哋最後決定食個雞煲，但普通雞煲又好似成日食，見到佢有蟲草花膠雞😳好似好補咁，咁就會一會佢啦！我哋叫咗一隻雞，另外再嗌咗個半半嘅生蠔，一半係四川麻辣，一半係蒜蓉，另外唔少得嘅梗係要燒茄子！先講返個雞煲，佢蟲草花都多嘅，花膠都確實有食到，當然多幾塊會更加開心☺️先要讚一讚個味道，唔會話好鹹好需要成日飲水，之前食過唔少雞煲，普遍都偏鹹，但呢一個味道啱啱好，雞係非常之足夠，我哋三條友都食極極都食仲有😅食到好飽生蠔方面，無論係四川或者係蒜蓉，對於我嚟講都好辣🥺不過佢蒜蓉真係好夠，唔使錢咁，我鍾意，而且生蠔都飽滿嘅👍🏻另外就係最鍾意食嘅燒茄子，茄子上面全部都係蒜蓉！ My favour !!! 不過如果佢烤得再燶返多少少會好啲。食雞煲，點少得啤一啤佢，本身叫咗支藍妹，太細緻，冇睇到原來佢係細支裝，最後叫咗支青島🤣埋單七百幾蚊，價錢同味道質素都成正比，唔錯，食完埋單出到去仲見到佢做緊特價一蚊一個餸！！下次要再嚟食過！！
繼續閱讀
麻辣涼拌魚皮魚皮都幾多人，又大件，Q彈爽口，配上麻辣汁，好惹味，仲有小量蔥絲，花生。佢好貼心，有辣度可揀，岩曬吾同辣度既人。鮮九葉花椒BB 豆花(BB辣&BB麻)同樣地可以揀辣度同麻度，感覺好貼心，會食到咁啱自己嘅口味。叫左海鱸魚，入面有小量配菜，有豆腐、芫荽、洋蔥、寬薯等。條魚都好大條下，應該有煎或炸過，表面金黃色，口感肉實又多肉，d骨都好大既，唔多識成語嘅我都無難度。叫左bb辣同麻，麻辣又帶有香葉味同花椒香，由於佢都幾大份，所以我哋淨係叫咗個風琴豆腐去吸晒佢啲湯嘅精華🤤🤤香檳葡萄乳酸爆珠梳打又有得揀甜度，岩曬喜歡小甜既我，乳酸味重帶有汽，加埋爆珠有口感，又幾好飲😁
繼續閱讀