影片
以上資料只供參考, 請與餐廳確認詳情
第一次嗌左個燒賣話左要辣油個阿姐聽唔到，畢完我見佢無加即刻又好客氣咁提多次話唔該要辣油，佢即刻黑曬面咁鬧我話唔早講，我話我講左啦係你聽唔到，佢態度勁差咁dum兜燒賣係臺。第二次好想食燒賣又去左買，佢一見到我就黑口黑面，又係dum兜燒賣係臺，態度勁差店主應該加強培訓員工，哩個情況唔係第一次發生，好趕客
繼續閱讀
我清楚2次講了魚蛋燒賣只要豉油即其他乜油也不用加，個阿姐仲話:靚女答下我洗5洗死呀你! 我話我已講只要豉油囉，答左你啦。阿姐仲串串貢話:我哋有辣有吾辣架麻。講嘢態度差到一個點。公司要加強培訓下D店員。問個客洗吾洗死，離哂大譜但另一姐姐態度好好，買左甘耐也冇問題。做到燥也不可以揾D客發脾氣架麻，檢討下啦
繼續閱讀
朝早經過買碗 碗仔翅做早餐 ， 個阿姐筆左堆魚肉放係碗… 拿拿林筆左d 翅上去….. 我心諗唔通d 魚肉岩岩煮起嘅 ？！ （平時魚肉會先過一過水， 先再加翅） 跟住隔離個阿姐細細聲講 ： 你未洗水呀 ！ 但果個阿姐一於好少理 ， 一野吸好個蓋… $19 蚊丫 …. 我果下又死蠢怕事唔出聲俾左錢就走 ！ 由地鐵站驚到番公司 …. 心諗 ， 冇事嘅 魚片粥都係咁啦 ！ 一打開 ….. 一舊冇散過 ！ 真係唔知食好定唔食好 ….. 最後淨食左d 翅就算…. 希望唔會肚痾啦 😮💨
繼續閱讀
今晚去咗睇地鐵站上面嘅snack express買魚肉燒賣， $10有八粒都算唔錯，加咗辣油，同燒賣最夾。燒賣質感唔算最頂尖，但熱辣辣有少少咬口都唔錯，最啱就係少少餓嘅時候買來食下。
繼續閱讀
十幾蚊既特色小食，我最鐘意幫襯snack express，容易買到！味道上佢係不過不失個款。魚肉生菜，我無加任何調味料，本身生菜都會出水同埋甜，湯底味精湯，但都ok la，因為生菜香味都令我無視左。魚肉雖然粉多，但有少少魚味同埋彈牙，而且都唔少魚肉。魚肉翅，唔加胡椒醋就食到各種食材既原味同埋清甜，但加胡椒粉同醋，就更開胃同層次豐富。佢當然唔係最好食，但咁既價錢，咁既味道，過下口癮又未嘗不可！
繼續閱讀
您可能會有興趣的...