小飛象葡國燒烤餐廳 (已結業)

個晚又去呢度食啦, 因為我同男友都好欣賞佢呢度個羊脾, 真係每次都必叫, 但有一樣令人憤怒的係, 佢每一次都唔會比個set dinner個menu比你, 除非你叫佢比你, 我覺得佢呢個做法好有問題囉, 你係下面個水牌大大隻字個set dinner, 上到黎又要人叫貴野, 好cheap啊, 算啦, 講番食物, 羊脾依舊好食, 個汁用火熱住, 加上黑椒同芥辣, 真係好惹味, 羊脾又唔會太過老同埋un, 真係好好味今晚叧叫了一客set dinner, 係檸汁燒鴨胸, 鴨胸雖然有d燒過火, 但都未算係硬, 都食得下, 個檸汁就認真唔錯啦, 因為食左真係令你好開胃, 四十零蚊一個set真係抵.

黎呢度食dinner,除左咖喱其他都唔似葡國菜,都係普通炸乳鴿,田螺薯茸,芝士焗海鮮飯,豬肋骨,係多國菜先o岩.西餐菜煮得好d,牛尾唔夠'林',乳鴿就差d~ 不過價錢真係偏平,服務亦努力搭救,加水加得頻頻仲要好多水都照加,太勤力~5條友都係食左300幾,間野拍烏蠅,坐幾耐都得~

今日同朋友o黎呢度食lunch, 一坐低未order任何野, d waitress就放低兩塊蒜蓉包, 好神秘, 不過個包好難食, 唔熱, 冇味...咁我同朋友都order左個A餐, 就係西檸汁雞扒, 我就配左薯菜既...d薯條有d都重好似未煮熟咁既, 個西檸汁會有一舊舊既"汁" 出現, 不過味道都不過不失既...咁... lunch$26價錢唔好期望咁大, 都叫做一餐飯啦...

昨晚和朋友二人到這裡食晚飯,我們叫了二個晚餐,包括1) 忌廉餐湯- 還可以,其實麻麻.(跟湯的蒜茸多士好脆,唔錯,但蒜茸味唔夠.)2) 石班焗帶子飯- 味道唔得,還焗了,一陣味;帶子算是最好的了,我們只食了3分1便不吃了. 另一主菜芒果汁鴨胸意粉,鴨胸煮得太熟,好,好難食;意粉重差,軟,一d口感也無,差!又只食了小小.3) 檸茶- 一般啦!(正常也不會太差)二個人加起來也吃不到一個晚餐的份量,實在很少見.這樣差的食物,下次一定不會再來.

上個星期二我同個friend 去食lunch, 只係$28 蚊既羊胺飯, 估吾到平野都吾錯! 而且個姐姐既態度都吾錯添!

星期六下午出到旺角, 諗住食下平lunch...叫左兩個set lunch1) 餐湯味道可以;(2) 跟湯的蒜茸多士好脆, 牛油味香, 但蒜茸味仲差少少;(3) 主菜:一個係焗豬扒飯, 大路野, 豬扒好"腍", 味道可以; 另一個係咖喱牛腩飯, 好大煲牛腩, 幾辣, 牛腩好香;(4) 餐飲可免費轉凍飲埋單兩個餐, 一個$28一個$26, 唔駛加一, $54, 抵過食大家x &大快x啦!

其實係第二次食,$58一磅,每次最少order磅半,磅半其實係二個人份量,一定食得到佢的羊脾肉好滑,唔會un,上檯時有一個小火鍋滾著一煲汁比你點羊脾,有芥末同一支黑胡椒比你自己加上去,好好味!!我通常二個人會order磅半加一個set dinner,因為個汁咁正要撈飯!!但係唔知點解個set dinner($40-50)次次都好似一樣,唔會轉menu,但係4號的椰汁焗雞飯好正,料一鍋上,飯另上,汁多雞滑,有芝士焗面, 都係食到汁都撈埋個隻!!呢度收費又唔貴,係旺角來說,算係一個食完飯都可以坐下唔會比人趕走的餐廳啦!!

個日我地兩個人去食,好快就己經有位..我地叫左個海鮮煲,味道一般啦...但就等好耐,我地差唔多食晒d野,佢先至黎,仲要唔吹待應,佢都唔黎...羊扒就ok啦...但牛仔骨就好鬼"硬"好難先咬得開...仲有叫左個芝士青口...味道一般,唔叫都無所謂...另外叫左個周打湯..都係一般,同罐頭湯冇分別..去一次己經夠,唔會再去..去好運葡國餐廳好好多..

今日去LUNCH, ORDER 左一個SET 羊髀飯, 另加一個咖哩蟹. 羊髀飯幾好, 羊髀好淋有小小穌味, 而D汁都幾好. 咖哩蟹就真係一般, 雖然好多糕下, 不過d肉勁痴殼, 基本上好難食得到d肉.服務幾好, 不過就有d大懵, 唔記得俾湯同夾蟹鉗.

葡國雞飯唔掂--淡而無味香草蜆肉意粉--普通料,快餐店好食過特式炒棷菜--只係蒜容炒棷菜海龍皇湯--罐頭湯+麵包做湯碗埋單$228

我諗lunch 同dinner 唔同廚師~ 以依個price, 早知去試o下龜井~

出乎意料之外，我同bf 7:30 左右到達時，竟然唔駛等位！我地坐正o係有廚師燒烤o既隔離，一入到去已經聞到好香o既燒烤味~~不過我地o個晚冇乜興趣食燒烤，只係叫o左焗西蘭花、牛仔腿、焗田螺同海鮮飯。嘩~~ 樣樣份量都頗大呀！！食到好飽好飽…味道就ok 啦，個牛仔腿略嫌鹹o左些少，焗海鮮飯就好多料、好正！埋單二百幾，幾抵食！睇到menu 裡面，其實仲有好多o野想試。下次再去，一定要試o下佢地o既燒烤至得！不過最好叫多幾個friends 去，咁就可以試多幾樣食物喇~~

等o左15 mins~ 有位啦~我地order o左個menu無o既(or唔知佢地點稱呼依個dish)血鴨~ 仲有燒牛仔骨同燒田雞腿~ 因為9pm後入坐, 所以送每人一隻燒痷春~ 牛仔骨多筋o左D, 燒痷春無乜味~ 不過整體又幾正喎!! 二百幾埋單, 唔錯~