小酒窩餐廳

營業中

休息中

突然想食印度薄餅，朋友介紹左呢間餐廳，話有好多唔同國家嘅菜式而且味道幾正宗，於是就揀左呢間餐廳。餐廳唔算大但係幾有氣氛，坐得都舒服，咩類型嘅音樂都會播，d staff全部都係外國人，而且好親切～感覺幾好。而且坐低會送個小食俾你。我地點左3樣嘢食同2樣飲品，全部都真係幾好味～～芝士烤餅 Cheese Naan $38本身好鍾意芝士同印度烤餅，所以次次都會叫芝士烤餅。熱辣辣嘅時候食可以拉到長長嘅芝士，而且佢烤餅質地比較厚，中間夾住芝士，口感唔錯，好滿足～Beef Fajitas $188呢個菜式比較少見，係墨西哥菜，有鐵板牛扒加一碟烤餅皮，同埋三種醬。鐵板入面鋪滿雜菜，有燈籠椒、洋蔥等，上面嘅牛扒雖然係全熟但係好香牛肉味，好juicy！最鍾意佢冇落鬆肉粉，食到牛肉本身質感～ 烤餅比較厚身通常我就cut一半嚟包住食物同醬料食。三種醬料都好味，有酸忌廉（白色），牛油果醬（綠色）同蔬菜辣椒醬（紅色）。其實唔係真係叫呢個名，但製作主要材料係呢d😂😂四季pizza $148pizza 係薄批，但係好熱辣辣好脆好香，仲可以拉芝～～好好味！上面白色嘅醬都係芝士，再加小小帶辣嘅甜酸醬，同埋有雞肉等等，好好

早幾日有ball友係九龍公園打完ball，黎左呢間餐廳食午飯，讚呢度既kebab夠正宗，午餐都係六七十蚊，包餐湯、薄脆、餐飲同主菜，又吾洗加一，性比價高。Ball友仲好有心咁影左d相比我地，比埋個地址。見佢咁食過番尋味，今晚就同舊同事親身黎食。當我地睇menu度緊食咩時，侍應好細心咁送上餐前小食，係幾塊好脆既咸薄餅。咸咸脆脆，點少少醬，好滋味。Ball友介紹既kebab，我地揀左雞，因為有舊同事吾食牛羊。餐廳見我地4丁友，主動將舊kebab切成4舊，果然貼心。食完感覺真係吾錯，kebab 外皮厚度同口感岩岩好，一d都吾會感覺un到咬吾開，菜同雞肉加埋少少醬汁，食落好fresh好豐富。海鮮pizza大大份上枱，上面既topping同芝士份量適中，吾會整到個pizza太重口味，餅底個邊焗到徵脆，正。今次ball友真係無介紹錯，下次食午飯我一定會跟埋佢黎再食。

星期六約左朋友行街食lunch, 尖沙咀太多人，所以約左去佐敦食個lunch。。。再消化下行去尖沙咀上open rice 睇下佐敦有咩好食，睇睇下見到呢間小酒窩餐廳好多笑笑，同埋我好耐冇食既土以其kebab,所以就同朋友黎試下係佐敦地鐵c2出口直行。。。幾分鍾就搵到呢度呢度既lunch set 都幾抵食，都係幾十蚊一份 一坐低個外籍侍應就比個餐牌我地，好快就放底兩碗南瓜湯同埋一個薄薄既脆片比我地，個脆片鹹鹹地好好味，南瓜湯就有d d 薑味,凍凍地飲幾好我地叫左lunch set既一份奶油咖哩雞配薄餅，同一份羊肉kebab,仲加左2杯好多人話好好飲既mango lassi先講講我最期待既羊肉kebab, 小酒窩既kebab堅係我食過咁多kebab裡面最好食架喎。。羊肉吾乾吾so，裡面有多菜同好多洋蔥仲有個汁好好味~正呀另外既奶油咖哩雞配薄餅， 咖哩雞係唔辣嘅咖哩雞，有好重既香料味，仲要係冇骨既雞呀～好有heart, 薄餅熱辣辣，有4大塊，我地兩個人食兩份午餐覺得勁飽我地每人加左25蚊要左杯mango lassi,佢用既應該係巴基斯坦芒果， 芒果好清香，又打到好滑，真係好滿足嘅餐

呢間餐廳係同事既飯堂，因為佢地每個月都會黎幾次，最鐘意食kebab同烤餅。見午飯性比價咁高，於是呢日帶左半年無見既舊同事兼院友(同一間醫院出世 )食宵夜。尼泊爾餃子一碟10隻 排到成朵花咁，幾有心思。應該係蒸既，個皮吾會好淋好易爛，厚薄適中。饀料主要係豬肉，只有少量料味，食得出肉既鮮味，仲有少少肉汁。咖哩魚咖哩呈橙紅色，係印度咖哩，小辣，好惹味。魚好嫩骨，雖然應該係雪藏魚，但一d雪藏味都無，同埋薄餅食就更完美。呢個時候當然要飲番杯cocktail。飲到尾聲，侍應仲送左4杯仔野飲，話無酒精，桃味加少少偽酒精，好fresh好特別。呢度都幾多野食選擇，pizza都有好幾款。小食頭盤咩都有，仲要無加一。

好耐冇出街食飯啦🍻🍻 今晚食乜好呢🤔 又想食咖哩👳🏽‍♀️👳🏽‍♀️ 又想食pizza 🍕🍕🍕去邊食好？？ 🗣🗣朋友話lunch time 食過間多國菜 都唔錯 可以試下🗣🗣 又方便 係佐敦 近同軍總會付近 一入到去 見到一個好耐好耐冇見的朋友 我知道他在佐敦開左2間食店 呢間係其中一間 介紹返 佢之前係老蘭做保安的 他是一個非常好的人 長頭髮 靚仔一名🤩🤩👍🏻 講返食方面 真係好多菜式選 今晚其中有以下：前菜是一個平凡的welcome snack 前餐, 沒有影相首先黎個飲料 mojito 🍸味道同酒味一流 唔同出面餐廳 深係比幾滴💦💦 呢個 開心😃跟住chicken tikka kebab，佢獨特的醬 棘到剛剛好 雞肉不‘鞋 ’ 如果4個人 一條分4份 留肚食多幾樣 都超滿足再有pizza🍕🍕, 餃子蔥🥟🥟餅⋯等等最後再黎多杯開心酒 🍸Look for star 🌟 藍藍地 好靚 味道 青檸🍋🍋味高

昨晚相約很久沒見的舊同事敍餐，其中一位舊同事提議在佐敦附近食，大家行吓行吓，行到廟街街尾，發現一間細小餐館。睇黎似係食多國菜餐廳，大家決定試吓，進入餐廳，坐位不多，但環境整潔，枱與枱之間不算擠迫，坐得都很舒服。 侍應服務很欣勤，招呼我地坐下，我地就開始慢慢諗食咩，我叫了份海鮮Pizza及蔥餅來配食咖喱，再叫了杯飲品。首先講份海鮮Pizza,真的很有驚喜, Pizza皮底很鬆軟,海鮮鋪滿Pizza面,啖啖芝士，真的是藕斷絲連,咬極都咬不斷的芝士，真是芝味無窮，不知不覺地我竟然食了大半份Pizza，很回味。至於那份蔥餅，鬆軟面粉皮夾雜著燶燶的蔥味，絕不油膩，不用沾點咖喱汁也很好食。我叫了杯virgin colada，我很怕飲太甜的飲料，但這杯的甜道調較得剛剛好，不算太甜，很合我口味，用料充足， 椰奶很滑很香，很creamy,好好飲.。再細看餐牌, 原來有很多款菜色我地都來不及叫來食, 所以大家決定再相約來食過，下次再來必定會再叫另一款Pizza，因為個海鮮Pizza在太好食啦。

數年前已經拉著朋友的衣尾嚐過小酒窩，一試難忘！對於它的rib尤其深刻可惜啤先生不愛豬肉，今次只好另選新歡～超出預期！！！啤小姐一向對包類不抱口感，只因不愛乾巴巴的感覺，但這個羊肉烤餅叫我哇一聲出來！別看外表平平無其，跟一般烤餅的無異。如果你毫無介備，一口咬下去，一定會被濺出的肉汁攻擊！烤餅熱熱的，羊肉汁混合多款醬汁一起流出，口中頓時充滿多重滋味，先有羊肉的騷味，再配上沙律混醬，香中帶酸，油膩感立消失！墨西哥脆片也不容錯過～脆脆的墨西哥片，帶有濃郁的燒烤風味，沾上特製芝士、番茄、青色的醬（牛油果？）…雖然重口味，但仍然吸引到啤小姐一口接一口不過一如以往，小酒窩食物的份量比較大，還是建議一大班朋友一同享用這個菜式mango Lassi仍舊是啤小姐必點的飲品，味道不錯。魷魚圈不過不失，大家可以留肚試食其他菜式

星期四10:55am由上環搭港鐵返九龍,心唸緊去邊處醫肚呢?時間唔拖唔水嘛試吓上Openrice check吓心儀嘅餐廳喇,睇到佢原來開11:00am11:20am去到入內一睇,嘩 嘩 原來係第一個客例牌點咗兩份午餐。女侍應先上餐湯(南瓜湯)yummy 可惜自己一向食味偏淡,所以略嫌薄餅有點咸主餐嘅羊肉karba非常juicy & yummy因為怕咖喱比較燥所以改叫薄餅。上檯溫度剛啱入口,餅底香脆。最後嘅餐茶(hot coffee ☕ & hot lemon tea 🍵) 保持一貫水準,仍然可以感受到另上嘅淡奶係暖暖嘅優優悠悠嘅食完一個午餐,兩個人先發覺仍然未有其他客人。咁咪好似(包咗個場一樣)一定會有下次

今日午餐又係去佐敦，食印度午餐。我叫左個lunch set，有湯，main dish，同飲品。我叫的set係butter chicken配naan，個lunch set可以配飯或者naan，我就揀左naan。因為平時食咖哩都係配飯，難得有naan就要揀naan首先會送個湯，之後都會送兩塊脆的naan，係黑椒味，好香。main dish份量好大，naan有4塊，仲要係厚厚的。而且橙色果碗野入面有最少10件雞，雞肉好嫰唔會好韌入面的環境有少少暗仲有background music好舒服

今次向大家介紹的是多國菜.這間的環境很不錯,喜歡它的燈光較暗,也滿有情調情侶晚餐的好地方呢,當然也有很多閨蜜來這裡晚餐約會啦.我吃過這間四次,第一次會吃也是因為它的名字呢.小酒窩這名聽起來已經很Sweet了,加上全店大部分都是粉紅色,真的吸引了我進去跟大家介紹一下我吃了些什麼啦1)BBQ Babyback Ribs (Half) $148這個就是半份的特嫩豬肋骨,當然也有一份吃啦.不過兩人去吃的話我建議只叫半份就好啦,因為份量也多.加上還要吃其他菜式吧!味道還不錯,不過豬肋骨的肉比較硬,要熱的時候吃最好.2)Dimpal House Special Pizza $142招牌薄餅當然是這裡多人吃及出名的,當然是真的好味道呢!包括的配料:洋蔥,青椒,意式辣味香腸,蕃茄,辣肉雞,香腸,車裹蕃茄,黑橄欖.值得試一下這個3)Curry Chicken $106一看就知道是咖喱雞,但又名薄辣汁煮無骨雞.那個汁真是只有薄辣,我吃得辣的就完全不覺得是有辣...另外那個雞的煮法也跟別的不同,所以沒那麼軟滑,個人來說是一般而言.飲品:Hoegaarden x2 $116Milton Park Cha do

有些久沒來佐敦吃東西，熟悉的沾仔記搬去對面的店面。這家店男友吃過，說出名是USA baby back Ribs 猪肋骨。2人單了半份猪肋骨$148。肉質比較鬆軟，醬汁還行，不是太多，配上點薯條和沙律。再來單份Four Seasons Pizza 四季薄餅$148。餅底比較濕和實心。材料配搭就比較重口味。所以多喝水吧。沒加一的服務費。 我比較怕冷，服務員還怕我熱，想幫我換一下位置。個人還是喜歡比較清淡的。服務還是比較暖心。細細間鋪，今晚客不是太多，所以Pizza比較想象中的出也是快一些。男友說這店星期5，6要book位。星期日就一時時睇情況。會送你一小碟鹹的小餅乾配薄荷醬。

Dinner諗住試新野，行過見呢間都幾多人食，選擇多就入去試試啦。 入到去座位好逼，插針式座位，有位就入人，近牆個枱走就要成枱人讓位，坐得好唔舒服。食物好多選擇，印尼，尼泊爾，意大利都有。最後咩都叫左d😂呢個尼泊爾餃子肉餡同小籠包差唔多，但冇落到凍湯去蒸，唔夠juicy，個皮偏厚但有咬口，正正常常啦。 咖哩魚好滑但得幾舊，106黎講真係好貴，仲要冇飯或者薄餅，個咖哩小小酸，蒜香薄餅另外加既，唔夠蒜味。如果多d魚都唔錯既。 Pizza d 雞好粗，一d都唔滑，又多芫茜，我呢d接受到芫茜既都覺得太多，冇哂其他食材既味雖然選擇多，但咩都係半桶水做唔精。唔推介！

成日經過小酒窩，噚日終於同屋企人去試吓，我一直以為呢間餐廳只係食印度咖哩，原來係有西餐，見到好多review 都話pizza 好味，下次試吓先。餐廳燈光比較暗，我地4位，安排坐6人嘅枱，仲諗住星期六會比較多人，會有人撘枱，點知唔係好多客，可能因為附近太多選擇。一坐低就送上一款小食，印度脆片papadum 仲有一個yogurt dip (但我唔記得影相）🤣8點前係happy hour ，我地叫左sweet lassi 同啤酒，lassi 好有濃濃嘅yogurt 味道。餐前小吃點左vegetable samosa 個皮好鬆脆，內饀係薯仔同青豆，去吃印度野我一定會叫samosa ，呢個samosa 真係唔錯，好好味，同個yogurt dip一起吃，真係perfect match ! 叫多一個Nachos , 我覚得有點貴成$120不過上面有好多cheese , sour cream 同埋avocado dip 仲有小小 jalapeño ，好味，呢碟野會令人好飽肚😂主菜點左3個，Tandoori chicken（half) 又係食印度餐必點，因為想連骨嘅所以冇叫chicken tikka，以

今日同女朋友去咗佐敦重遊舊地就係黎呢間小酒窩啦但今時不同往日啦而家呢間嘢冇以前咁旺啦可能因為旁邊開咗好多間同佢一模一樣 又係食呢啲菜色嘅關係所以唔駛book 去到直接入去食得餐牌易睇易明用手指篤篤就點到嘢食如果英文唔好嘅話會送個胡椒餅你先嘅Virgin Colada點咗杯mocktail黎飲都幾好飲呀整得 算唔錯嘅Spaghetti Alfredo 濃汁芝士意粉個意粉芝士味比較重幾好味 意粉口感都好好 彈身嘅整體好好味Garlic Naan 蒜蓉烤餅四塊嘅蒜蓉烤餅 味道唔錯 算好食油油地 有蒜蓉味 食落唔錯Mixed Kebab一咬落去 佢陣炭燒味幾濃烈 好似燒嘢食濃咗咁嘅味比較重 比較濃烈嘅燒烤味但材料豐富 羊肉 雞肉咁 口感豐富 唔錯味道ok 幾好今晚呢餐都算唔錯 價錢318兩位其實可以再叫少個烤餅 佢啲份量都幾足呀唔錯嘅

我想講自己好怕食辣野 但係黎個雞好嫰 好入味 有薄餅做伴碟 個ribs都唔算差 印度野黎講 已經算有水準 飲品係soomties 中和左菜式辣味 好飲 ！環境好浪漫 坐得算舒服 又可以靜靜地食餐飯 唔洗迫 服務算唔話得 可以返轉頭食 覺得食飯係一件輕鬆事 唔會趕住交台 而崔你 外國人做待應唔一樣 👍 食飯真係要揀間唔好咁多人地方 😂😂😂 同埋佢好窩心 會認到我朋友上次都去食飯 值得讚呀 朋友仔話午市都好平好抵食 下次會超想試 第一次去已經覺得真心唔錯 仲有 佢見到你張紙巾用到污穢曬又立即遞張新紙巾 也太好了