小菜王 (福榮街)

營業中

休息中

聽講呢度好出名, 所以昨日晚上就拉大隊一齊黎食~~8個人, 叫左8個菜~~1) 沙拉骨: 本身唔太鐘意豬肉, 不過個汁甜甜酸酸就幾好味2) 炒聖子: 有沙, 而且豉椒唔夠入味, 好多地方都炒得好d3) 椒鹽鮮魷: 卜卜脆, good4) 粟米魚肚羹: 味道啖左d5) 鰻魚炒飯: 用日本燒鰻魚炒飯, 飯就鹹既, 魚就甜既, 我自己就唔太鐘意6) 砵仔魚腸: 幾香, 面層焗得脆, 入面既魚腸又淋, 呢個藉得一試7) 腐乳通菜: ok8) 墨魚餅: 墨魚肉加上馬蹄之類炸成餅, 啖啖肉, 爽口, 好味~~朋友們叫左4支啤酒, 我地女仔又叫左果汁~~不過太多人食煙, 而且好噪, 所以每人講野都要好大聲...

唸住大排擋夠鍋氣,原來都唔係嫁.佢地有好多個舖,但我入那間要拉大閘,都唔知呢間分舖係咪未有牌.1.生炒排骨~唔掂,黑mon mon的.2.金銀蒜蒸絲瓜~OK3.金銀蝦$88~一碟有8隻,都算大隻,味道OK,不過唔夠蛋王味.4.鮑片扒生菜~味道同平時無異.5.鱔球煲$55~份量小,成煲油6.馬拉炒通菜~呢碟真係多了7.炸墨魚咀~好得意,SIZE似芝士波,都幾好食.8.八珍豆腐~豆腐好大舊,又多草菇.

最近同一班朋友去試小菜王,聽朋友講都話好抵食我地叫咗蒜蓉蒸蝦: 新鮮有糕,大碟味道一流........椒鹽x尿蝦: d蝦夠大隻,味道合好.....份量夠最緊要價錢平.....同埋有糕呀!!仲有大拼盤: 有幾種口味,有墨魚餅,大腸, 豬頸肉等.....大碟挾抵食.....同埋好脆可以一試豉椒炒蜆: d蜆都好大隻, 夠入味...係油咗d.但口感夠一流......霸王雞: 隻雞好大隻夠肥美.....d汁好入味...但就肥咗dd....但值得一試.....蜆芥鯪魚球: D醬好好味,夠正宗....西檸雞汁好味....送飯一流....夠入味菜心炒牛肉: d牛肉好滑...好味.....至於價錢我地都覺得合理....因為份量夠大碟.....好過去酒樓食,雖然要等位,但我地都覺得值得再去食.......尢其海鮮同埋小菜.

早前時常下雨，想起也有很久沒有來過，便決定買外賣回家食。我們買了椒鹽九肚魚、油泡雙魷、菠蘿生炒骨和蒜茸蒸勝瓜。椒鹽九肚魚- 粉漿過多又過硬，九肚魚味道一般，感覺比之前差了點。油泡雙魷- 好差，又硬又無味，完全唔得。菠蘿生炒骨- 今次最好的一味，酸酸甜甜，炒得又脆，肉質又唔會過韌。蒜茸蒸勝瓜- 最簡單的一味，又是最容易保持水準的一味，如要說，就是勝瓜蒸得幾腍。

基本上聽到樓下個位人兄ｏ既意見，我都覺得有部份ｏ岩！例如芝士牛油焗白飯魚我就真係覺得一般，太油得ｏ黎又唔係好夠芝士同牛油味…墨魚嘴我就一般，因為少食，無乜印象了…我成日都係依間大排檔食飯：以下菜色係我自己推介ｏ既…油浸筍殼魚：外脆內滑霸王雞：唔知點講，不過覺得好食…蜆芥鯪魚球：個蜆芥醬好好食，好正宗白灼東風螺：點甜醬同辣醬食，原來咁正！不過因為真係成日都好多人，等位係要耐ｄ…總括ｏ黎講ｄ小菜的確係好有鑊氣…仲有一點要提提大家，佢隔離有一間叫曾輝記，千其唔好幫襯，一來ｄ野食無小菜王咁好食而價錢一樣，二來如有機會佢地係偷人客自行帶來的海鮮的…

見食評講到咁好味，恨食好耐，琴晚終於約到四個朋友仔陪我，不過真係幾失望囉...有個朋友仔之前食過，一坐低就已經話黃金蝦&沙拉骨唔好食，咁就叫︰炸墨魚咀- 本身好鍾意食墨魚咀，所以對哩度好大期望，點知除脆之外就冇乜特別，失望...芝士牛油焗白飯魚- 冇芝士味，完全食唔出有白飯魚咁，只係食到炸漿，食淨一半嘛...炒蜆- 好多，好肥，不過好油，而且個汁真係麻麻...缽仔焗魚腸- 本身唔鍾意食內臟，見到都有驚，不過朋友話好淡，冇味，麻麻地粉絲什菜煲- 因為之前碟碟都好油，所以叫番個菜，普通，冇乜特別上菜好慢，等幾個字先有碟墨魚咀，其他都上得好慢。可能本身太大期望，所以哩餐都幾失望，唔會再lu，朋友仔請客，埋單$237

尋日我生日, 老公同我去小菜王食晚飯. 我地叫左一碟炒蜆, 一碟椒鹽墨魚咀, 一碟通菜! 嘩, 碟蜆好正, 又夠多, 都係四十幾蚊!! d墨魚咀又好好食, 老公就最鍾意啦! 碟菜只係$25, 真係好抵, 不過老公覺得佢唔係好夠腐乳味!! 服務一般啦, 因為太多人去食, 所以唔係成日有人理我地. 2個人食3樣野其實都好飽, 我諗多d人去會試倒多d菜同埋仲抵d啦!

晚上同傻鬼係佢家附近既小菜王食晚飯. 2個人叫左細既粟米魚肚湯- 我地2個人就覺得麻麻, 又少粟米又少魚肚, 有少少似飲味精水咁, 淡而無味. 可能此終食小菜比較好d蒜容蒸勝瓜- 都好大碟, 味道都唔錯, 又唔會蒸得過淋豉汁炒聖子- 又係大大碟, d聖子唔會有沙唔錯.原本想叫個椒鹽九肚魚, 可惜只有2個人無咁大胃口叫多食一碟食送. 不過我地2個人覺得增輝服務好似正d.

睇完Openrice就發現了這間備受好評的大排檔，我梗係即刻帶埋女友一齊黎試菜啦一去到竟然要等位wor好熱鬧呀! 咁先係大排檔ga ma!兩個人叫了:豉椒炒硯($48) <---我覺得好食呀! 又勁大碟! 但女友覺得一般炸墨魚咀($48) <---- 好脆、好入味, 我食了大半碟(Non-stop)地夾府乳通菜(唔知幾錢) <---- 好味, 俾我當麵咁食栗米魚肚羹(唔知幾錢) <--- 一般啦但都飲晒兩個人好飽好滿足伙計又好禮貌! 好! 非常好

真係爽，因為又有得去大排檔。每次來到附近都會入去增輝，今次決心約幾位朋友去小菜王。本來想食期待已久既羊腩煲，卻因為其中有兩個人唔食羊而打消了我的念頭，真可惜。取而代之我們叫了細既併盤、炸墨魚咀、炒聖子、蒜溶聖瓜及椒鹽白飯魚。啤酒汽水當然亦唔少得。認真快手，不足三分鐘炸墨魚咀已經送到，好脆、好入味。接著是個併盤，裡面有墨魚餅、豬頸肉、大腸等，除了豬頸肉我覺得較韌之外，其餘各款都是一流水準。聖子就好新鮮，亦好爽口，至岩送啤酒。蒜溶聖瓜也比想像中更好，聖瓜清爽配合蒜溶在上面，配搭天衣無縫。最後的一個白飯魚味道好好，但唔夠脆口，同埋佢似乎落了很多牛油，因為黏住晒，仲有好"漏"，是眾多餸裡較差的一個。佢同增輝兩間大排檔都是相當有料既食肆，可謂各有千秋。隨便去一間都會有豐富既收獲。

乍暖還寒,氣溫依舊在十二三度的日子,除左打邊爐外,吃羊腩煲一樣溫暖,恰巧有舊同事想約食飯,增輝同小菜王二選一,眾人一面到選小菜王.七個人,單叫個大羊腩煲,已經可叫少兩三味.羊腩煲好足料,炆得稔熟入味,但係唔夠騷香.幾件下肚,頓時慶恰恰.沙拉骨來說,越華會同坑口食得妙做得非常好,小菜王一樣不失禮.酸甜味適中,很醒胃.炒聖子也不俗,最緊要新鮮.白菜豆腐魚頭湯,唔腥,很清甜.椒鹽魷魚咀,口感特別,非常香口.呢個時候,係時候啤酒下肚.缽仔魚腸,難得在此大排檔吃到此老菜,實屬難得,椒鹽豆腐,不過不失.想食豬大腸,窩貼小棠菜,同豬頸肉的話,可以叫個拼盤.豬大腸外表香脆,入面尚有豬大腸應有的味道.窩貼小棠菜,比起田下灣三姐,略為遜色.擺明食七咁食,都係所費無幾,七個人唔使七百埋單,真係食到七個一皮,歡天喜地.

今晚（26/1)一行五人來，叫了食物如下：１．小羊腩煲２．炸鯪魚球３．豉椒炒蟶子４．沙拉骨伴以靚仔五碗整體真的不錯，羊腩煲，真的入味，不太酥，但好有羊肉的口感及味道，汁伴以飯，一流。蜆蚧鯪魚球，百吃不厭，蜆蚧醬，不錯，伴以啤酒更佳。辣椒炒蟶子，喜歡海鮮的我，豈能錯過？若辣椒膏炒的更佳。沙拉骨出名的多人叫，但我不太喜歡，只屬飽肚及一般，可能我不太喜歡一件件肉塞入口。經濟實惠，可以值得大家再來的一間菜館，坐露天的更佳，因為室內的油煙味很重。

這個冬天去了兩次,每次都叫羊腩煲,另外亦試過豉椒炒鵝腸和菠蘿咕嚕肉。羊腩煲都好大煲,羊肉炆得好腍好入味,不用點腐乳己很香。煲内有大量支竹、冬菇、馬蹄,奉送一客生菜。鵝腸己去膏,炒得幾有獲氣,爽口。咕嚕肉炸得熱辣辣,幾香脆,汁酸甜適中。肉較多肥的部份,比瘦的更香口。還有很多小菜未試過,會繼續捧場的。

星期日晚, 同朋友一齊黎食~~ 時間六點多......人唔多~~ 剛剛開店~~ 兩個人先坐低~~ 本以為大排檔實好dirty~ 但哩度又唔係, 仲有舖位tim!! 菜單~豉椒炒硯($48) - 拿出黎個時唔夠熱, 可能人愈來愈多, 搞到拿出黎個時唔太熱, 暖暖地~~ 但味道算ok 啦~ 都無咩沙~~ 因為我地走辣, so 搞到好似無咁好味~ 如果下次去, 可以試少辣~ 椒鹽尤魚嘴($48) - 好熱wo 會出黎個時, 超新鮮~~ 可能係第一碟上菜既關係~~ 但非常正~~ 脆脆地~ 不過可能尤魚有水出~ so 搞到個皮唔夠脆~ 但味道依然係正呀!! 配啤酒就最夾~~ 蒜容粉絲蒸扇貝四只($14) - 蒸得唔夠火口, 唔熟~~ 差少少~ 唉~! 而且又無豉油~ oh!! 不過size 比一般酒樓大~ 雖然價錢都比人貴, 但味道係唔錯~ 都值得叫既~~蒜容豆苗- 唔知幾錢~ 價錢唔知~ 但非常大碟~ 有人地酒樓既一碟半, 都食唔曬~上菜都算ok 啦~ 味道真係好~ 價錢又唔貴~ 人都幾多, 如果夜少少就要等位~ so 想食就快啦~ 叫左個白飯,2個七喜埋單$198~~ 差唔多啦~食左四碟野~

羊腩煲必食~ 椒鹽系列~ gd~白飯魚冇晒~ 下次要早d叫9個人8個菜+ 半打藍女(支)$ 603 ~ 又平又正~