小草十八怪

營業中

休息中

餐廳嘅裝潢真係好有特色同地道，有啲霓虹燈港式設計，好吸引人。入到去就有種香港回憶嘅感覺，好有氣氛！佢哋嘅菜式都好豐富多樣，我地食左幾個招牌菜，真係好正！紅柳羊肉串好嫩好多汁，個燒生蠔蒜蓉味道好香濃，夾埋籠仔荷葉飯真係好開胃！瑤柱蒜蓉海鮮荷葉飯都好好食，個瑤柱嘅鮮味同埋蒜蓉嘅香氣真係完美結合。我地仲食左自選米線，真係好正！加咗極品蟹皇湯，令個湯底更加濃郁鮮甜。我仲加咗雞肉同鯛魚片，雞肉嫩滑，鯛魚片鮮美。仲加咗封門牛肉同花膠，牛肉好嫩，花膠滑口。加咗娃娃菜，令個湯更加健康爽口！最後，我地飲咗一杯一桶水果香檸茶同埋草莓檸檬茶，味道好清新，好解渴。飲完之後，真係覺得好舒服同埋滿足。餐廳食飯感覺好好！餐廳嘅裝潢特色同地道，菜式豐富多樣，味道正，飲品清新解渴。

油麻地新開石鍋米線分店，超大間🤩而且裝修也用心.主打石鍋米線，很特別，很少會見到，另外還有荷葉飯，也是很特別.😂蒜蓉燒生蠔 $28/隻濃郁蠔肉的鮮美，帶有咸味，口感上柔軟，同樣帶有酸辣的味道.內部保持鮮嫩多汁.💠蒜蓉燒扇貝$18/隻蒜蓉有濃郁的香味，扇貝有鮮甜味道，味道鮮甜，質地柔嫩，加了蒜茸、辣椒、醋，有少少酸辣味道.💠石鍋生滾蟹皇海鮮米線 $78有海藻,海蝦,鯛魚片,棉花魚肚,北海道帆立貝, 蟹柳，海鮮鮮味香濃，海鮮也很新鮮.麵條有彈性，吸滿了海鮮湯汁，好味🤤💠自選米線 $90酸菜魚湯（中辣），肥牛、溫泉蛋、豆ト、炸醬、牛柏葉、牛丸.選了自煮米線，但因為不會煮，店員親自幫忙😂😂，其實煮法也是很簡單，將材料先倒入再加湯，然後再加入米線.焗一分鐘就食得.酸酸口味很開胃☺️☺️💠一桶水果香檸茶 跟餐+$18超級大桶，足夠2人飲，有西瓜、哈密瓜、火龍果等等，水果茶味豐富，解渴又清爽

Bookmark左依間米線好耐，見到油麻地開咗分店，一於嚟試吓～質素很不錯👍🏻 除咗招牌石鍋米線，仲有籠仔荷葉飯、石鍋飯、串燒等等，選擇豐富😆 今次叫咗兩份主菜、小食及串燒、兩杯飲品🥢自選石鍋米線（六餸起）✨ 極品蟹黃湯、迷你羊肚菌、蟲草花、溫泉蛋、鯛魚片、可樂雞中翼、娃娃菜推薦！米線配料選擇多 樣樣吸引💯 石鍋米線超正😍 店員會幫忙即場製作，以熱石鍋及濃湯煮熟配料，絕對值得一試！米線軟腍又滑溜，好掛湯，特別推薦鯛魚片 肉質鮮嫩👍🏻 臘腸冬菇蒸雞荷葉飯✨份量十足，啖啖肉😍 臘腸香味四溢，配上滑雞一流👍🏻 好飽肚𝑺𝒏𝒂𝒄𝒌涼拌帶子裙邊貢菜 ($42)✨推薦！帶子裙邊有咬口，酸酸辣辣，好開胃～羊肉串（兩串） ($26)✨甜粟米粒（十串）($18)✨中式串燒也值得試🍢𝑫𝒓𝒊𝒏𝒌一桶水果香檸茶 (+$18/杯)✨芒果凍頂烏龍茶 (+$18/杯)✨特別全部好大杯，果味好香甜，冰涼解膩😙

瑤柱蒜蓉海鮮荷葉飯，75蚊籠💰荷葉飯散發著濃郁香氣，瑤柱鮮味同蒜蓉嘅香氣在口中融合，海鮮選材也非常新鮮，包括蝦、帶子、魚等，海鮮煮得恰到好處，荷葉飯口感綿密，米飯吸收了荷葉香及海鮮精華，籠仔荷葉飯真係要試吓，唔係度度都有得食😀😀乾撈米線，72蚊碗💰乾撈米線的米線本身口感綿密細軟，有著獨特的嚼勁，入口後迅速釋放出濃郁的米香味，細緻口感讓米線更容易，其他配料風味，配料包括炒蛋絲、雞腎、酸菜、青瓜等，酸酸甜甜嘅味道非常開胃☺️一桶水果香檸茶，36蚊桶水果茶第一個特點好大桶，有大量嘅生果粒，清新和爽口。香檸酸度同水果甜度相互平衡，😋

新開見門面廣告寫韓食、燒烤寫睇，就去試試，食個午餐，店舖很大，有大圓枱一張。一睇menu都唔平，飯類$54起唔包飲品，很多人都只睇餐牌無入。我見韓食附近無，餐牌相唔差，就試吓啦先上枱炸豬手大碗飯，佢都有石鍋飯，都係同一價同一類，但石鍋飯的睇落少啲配菜，同韓式石鍋飯好唔似，與餐牌不乎。 但大碗飯又似樣返啲，豬手都脆，不過不失的，都可一試。韓式石鍋牛肉飯，頂，完全唔係餐牌個樣，同吉野家只得肥我洋蔥加一片泡菜，成$72，味道還可以，但絕對不值呢個價，加上佢話韓式就根本唔係，去對面食吉野家仲好過佢。肉骨茶米線，上枱有淡淡肉骨茶味，但米線同餸就好淡味，係好大碗，但$6x，不值沙爹雜牛米線都幾香沙爹汁味，但就係似李錦現成的，無特別風味，呢個叫做較好味，都算不過不失，就係貴本來睇餐牌都覺得多嘢食，豐富，但原來相片同真實完全係2回事貪新鮮不防一試，但千萬不要叫韓式飯，同馬來西亞野，絕對會後悔。$70-80我會去對面沙爹王食囉加$8叫凍檸茶，茶底擺明係平時放枱嘅淡茶，無茶味，檸檬都算多，不過麥記好過佢

明爐烤海鱸 🔥🐟$224呢一款明爐烤海鱸係呢度嘅人氣之選🐠，佢有別於傳統嘅烤魚，而且可以選擇各款特色湯底，符合唔同人嘅口味，好似有特色嘅馬來西亞肉骨茶🫖、極品蟹黃湯底、正宗惹味酸菜魚湯、或者矜貴清淡嘅火腿瑤柱湯，啱晒唔同人口味，今次揀咗養生滋潤嘅馬來西亞肉骨茶🇲🇾，辣辣地又暖身，本身已經有豆卜、蔥花🌿、芽菜等喺湯入面，另外再追加唔同嘅蔬菜🥬、蘿蔔🥕、蘆筍、花膠等配料，真係好豐富呀脆炸無骨豬手石頭鍋飯 🍖$68豬手石頭鍋飯係餐廳嘅另一款特色熱門選擇，可以keep住食物嘅溫度，免頭有香濃嘅雞蛋絲🍳、少少韓國炸菜、清甜粟米🌽、足料嘅鹹鹹地脆皮豬手，性價比都幾高👍🏻

每次旺角去油麻地都經過呢間餐廳，望落好光猛。知道係食米線鋪後，今次專登去油麻地食。入邊有多個霓虹燈燈牌元素，座位亦都很闊落及有卡位，空間感十足。♦️主食🍲餐廳招牌菜式係石鍋米線，叫咗個十八怪招牌金湯過橋米線，入邊用料亦唔簡單，包括蝦同魚，金湯有沙沙地口感，應該係加咗獨特嘅配料。金湯酸酸但唔辣非常香口。已經入秋啦，食暖笠笠嘅嘢就最啱。石鍋好處係長期可以令到米線保溫食到最後一啖都係暖🔥🔥除咗米線呢度嘅金瑤柱粉絲鯛魚片荷葉籠仔蒸飯亦非常好味。落咗超多蒜蓉喺面，而且係四方形嘅籠仔入邊有蝦有魚，真材實料。♦️小食蒜蓉金菇錫紙燒聖子仔：湯份量蓋過聖子，令到佢更加軟身，而且湯頭好甜聖子有海水味亦非常新鮮，聖子BB雖然細粒但口感十足🥣。冬菇串及羊肉串（肥油）：外皮香脆及落了孜然粉非常香飲品🥤叫了一桶水果香檸茶，一路食串燒一路飲檸檬茶，好似去咗內地嗰啲串燒店。🫶🏻經常都會路過嘅，你下次落車試吓「小草十八怪」啦！

星期六一個人去食吃飯，路過油麻地睇到間好大溉餐廳，主打石鍋米線，石鍋飯之類，好多品種，仲有串燒，覺得人多肯定唔錯，自己入去食，滿座等佐3分鐘左右，試石鍋飯，無骨豬手好脆，串燒同出邊差唔多，都算幾好味，最重要係個飯，石鍋飯有飯礁，值得一試

📍呢間主打米線餐廳超方便，喺油麻地地鐵站一出，行唔使1分鐘就到。嚟到呢度食咗佢哋招牌嘅石鍋米線，如果揀夠六個餸或者以上嘅話會用石鍋上，仲可以自己煮！同埋佢嘅湯都好特別，同出面嘅米線湯底唔同，有火腿瑤柱肉骨湯、沙嗲湯同蟹黃湯揀。餸菜都有成30幾款。揀咗蟹黃湯，倒入石鍋果下湯底會即刻沸騰，呢個時候就可以即刻落米線同埋要煮熟嘅配料，感覺好似自己DIY煮米線！最好味係五香辣豬軟骨，食落口辣辣地夠惹味。串燒推介燒茄子，面頭好多蒜蓉，同埋都燒得好軟稔多汁。加錢$18仲可以轉特飲，佢嘅飲品選擇都多，有近排大熱鴨屎香檸檬茶、苦瓜檸檬茶等等，夠晒大杯！

🍜自選米線（石鍋店員煮） $32起有六款湯底選擇，香辣金湯，酸菜魚湯，火腿瑤柱肉骨湯，沙嗲湯，馬來肉骨茶同極品蟹皇湯，自己揀咗香辣金湯（+$2)其實唔係好，啲湯係仲可以飲到🍢揀左六款餸腐皮$7, 鹹蛋黃炸魚皮$12, 五香辣豬軟骨$12, 雞肉$9, 鹹燒腩片$12, 炸醬$7, 最推界係個鹹蛋黃炸魚皮，個鹹蛋味超級濃好香，但係美中不足係冇叫到另上，所以浸到淋晒，不過啲鹹蛋味都落晒個湯底度😋，個雞肉好夠滑，豬軟骨亦都炆到好淋好入味🦪蒜蓉燒生蠔/ 蒜蓉燒扇貝 $28/隻雖然唔大隻，但係都好肥，肉質冇咩味勝在啲炸蒜蒜蓉好重手，蒜香味十足🍆原條燒茄子 $34茄子新鮮冇苦味，好juicy, 大量邪惡嘅蒜泥🧄🦐燒海蝦（六串） $32雖然每一隻蝦都好細隻，但係$32已經有六隻，呢款蝦可以連埋蝦殼食蝦殼好軟腍有鮮味🍹檸檬茶 $18

夜晚一點幾肚餓出街搵嘢食，結果睇到妮間嘢，手機掃QR落單，因為中意酸菜魚，但係上邊寫住中辣，問服務員可唔可以少辣，有個靚仔過黎話湯底set定佐，唔可以小辣，我話想食酸菜魚湯底米線。但接受唔到太辣，之後拒話幫我溝D清湯。就唔會咁辣，服務態度好，值得一試，四串串燒加自選米線加嘢飲先100蚊，唔貴值得一試

今日下午去咗油麻地嘅小草食米線。店鋪都幾大，有好多座位，仲有12人大枱，座位都坐得幾舒服。店舖有普通米線同石鍋米線，石鍋米線要點至少6個餸($62起)，最後我點咗普通米線($32)，湯底揀咗極品蟹黃湯(+$2)，自選配料點咗鹹燒腩肉(+$12)。飲品可點免費齋啡，其他熱飲加$5，凍飲加$8。米線一黎到，極品蟹黃湯底聞落怪怪地，唔似新鮮蟹煮嘅湯底，湯底飲落無蟹味。米線煮得唔夠腍，有少少硬。鹹燒腩肉只有4塊，味道正常。整體黎講，整碗米線好失望，湯底唔好食，米線有d硬，腩肉少，性格比低。

嗌咗啲串燒同埋米線，味道完全難食至極，尤其個雞肉串燒，58蚊食埋啲垃圾，醬汁喊到想喊然後米線嘅牛肉完全冇肉味，乾到好似紙皮，個湯啲味精勁多，味道勁假，除咗裝修比較好之外，其他真係完全唔掂。然後仲有叫個韭菜，一樣非常之難食，而且勁䶢，又唔新鮮，加上廁所環境極度惡劣，成地都係啡色既水，勁臭。不過都客觀講句，奶茶唔錯，但係以呢個價錢嚟講，絕對有更加多好嘅選擇。我哋兩個人，分別帶咗幾串串燒，同埋一碗米線一個飯，差唔多$300，喺旺角有其他大把嘢食，只論串燒質素，我可以大膽講句，求其街邊一間小食檔、或者小販檔，都好過佢好多。完全唔推薦各位試。

我好鍾意食早餐，油麻地區嘅港式早餐基本上都試過了。😋😛見屋企附近有新開嘅餐廳，即刻去試吓佢嘅早餐。我都唔算揀飲擇食，但竟然俾我發現連公仔麵都可以煮得難食到嬲嘅餐廳。🥶舖頭環境無咩特別，可能我唔太喜歡偏藍嘅燈光，所以覺得唔算坐得好舒服。樓面人手不足，唯一一個姐姐都不停走嚟走去🏃‍♀️處理外賣、埋單同顧客投訴（無錯，喺我等叫嘢食嘅時候，陸續都有客人投訴個麵唔熱等等）。早餐選擇款式較少。我揀咗雪菜肉絲公仔麵，跟餐送火腿、太陽蛋同丹麥多士。所有嘢食都果然係凍嘅，火腿、蛋、多士都俾一層凍冰冰嘅油包住。多士雖凍，外層依然酥脆，但中間一咬落去就有凍咗嘅油湧出嚟，加上有陣雪味嘅牛油，我食咗一啖之後真係繼續唔到。個麵係重點難食，可以話係全區最難食嘅早餐。雪菜肉絲有雪菜有肉絲，但食落就唔係好似食開嘅味道，因為好甜。佢一餅嘢嘅程度令我知道佢係凍嘅，放入口果然不出所料。個麵口感食得出係浸出嚟，而唔係煮出嚟。🥲最令人驚訝係佢竟然就咁用啲有陣麵味嘅煮麵水浸住個麵😭😭😭我以為可以將雪菜肉絲同湯撈勻，就會好食返啲，我太天真了。有味係有味，但個麵更凍了，而且好甜。🥹最後我食咗兩啖，我不行了我盡力了，唔想浪費食物，但真係唔

真係唔知道可以講咩+15嘅牛肉仲少過譚仔嗰兩隻可樂雞翼其中一隻仲要係生肉 個金湯係我呢一世人飲過最難飲嘅湯☹️個湯仲係唔熱㗎，以前食過旺角嗰間都幾好食裝修係幾靚 但係以後再嚟食就不了