小胖台灣麵

營業中

休息中

屯門抵食大份台灣菜皮蛋醬滷肉香蔥乾拌麵 配雞排$58超級大件嘅香脆雞扒，鮮味惹嫩多汁夠晒厚肉地，成個香蔥乾拌麵都好足料，有勁多嘅青瓜絲撈埋爽滑彈牙嘅拌麵，口感層次一流，再加埋好味嘅皮蛋同滷肉撈麵，真心冇得彈！濃•番茄大骨湯麵 $38呢個對於選擇困難症嚟講係好正，先揀湯底再可以自己慢慢揀食乜餸，今次就揀咗手切封門柳 $12 墨汁花枝丸 $8 古早味炒酸菜$6，香濃嘅蕃茄骨湯底夠晒濃味好滋味，佢仲特別喺配料度加咗炸蒜令到成個湯底更濃郁，封門柳肉汁鮮香，配上蕃茄湯底更加出呢個牛肉味！甘梅地瓜 $28小菜我哋叫咗炸地瓜，金黃香脆嘅外皮包住鮮甜入味嘅地瓜，外面仲有少少甜甜地鹹鹹地嘅感覺食落都幾滿足！半價升級手搖茶 固定甜度同冰度冰爆咕咕力 $26白桃珍珠烏龍茶 $26小胖台灣麵 (屯門)屯門屯門鄉事會路2A號愛定商場(H.A.N.D.S) A區1樓A122號舖

我哋今次嚟到屯門住宅區搵嘢食😋，嚟到輕鐵安定站🚉，一出已經有天橋入商場。商場翻新過，裝修都幾好🌟，我哋就揀咗一間高質台灣菜餐廳🇹🇼。.🐮濃純香牛骨湯麵($40)牛骨湯味道超香濃🦴，仲有蔥油調味，而且加埋和牛油嘅油脂感、香草味，超級惹味😋。手切封門柳(+$12)🐮份量合理，而且牛味好夠。滷牛筋🐄(+$12)大大嚿夠晒口感，食落滿滿軟腍嘅膠質。海鮮蝦油條(+$10)🌊外層炸香咗，又有油炸鬼嘅香味，裏面包住彈牙、有粒粒海鮮嘅蝦滑🦐。.🍑白桃珍珠烏龍茶(+$13)本身白糖烏龍茶味道清香，有果香、烏龍茶香，而且唔會太甜🎐。配埋彈牙嘅珍珠，同埋煮珍珠嘅黑糖水，配埋一齊甜度啱啱好🧋。.🍅濃番茄牛骨湯麵($38)蕃茄酸甜開胃嘅味道幾好味，同樣配埋黃牛油更加香🤩！而且兩款面嘅麵質都煙韌彈牙，又夠腍身，我哋好鍾意🍜。手切封門柳(+$12)同樣係好夠牛味🐮。台南蚵仔肉卷(+$10)🦪口感厚實又彈牙，裏面嘅餡好有蠔餅嘅蠔仔韭菜味！麻辣台灣鴨血(+$8)🦆味道夠香，而且口感好滑。.🍋鴨屎香手打檸檬茶(+$15)比起特登喺飲品舖買夠平，而且夠大杯💰。飲落去，檸檬果肉啖啖都飲到一絲絲💥，香水味嘅比例啱啱好。.🐷香蔥

🚇交通：近安定輕鐵站，在Bagal Cafe旁邊那一行商店。🏠環境：設室外和室內，室外佈置如一個小花園，但只可以以外賣形式享用，所以我們就轉入室內，面積大，設有二至四人卡座，簡單裝潢，舒適乾淨。🤵🏻服務：QR Code，不收取加一。🍽️午市：提供湯麵、拌麵和車仔麵套餐，選擇多！🐮半筋半肉紅燒牛肉麵🍜 $78🤩第一見到配料是舖滿整碗麵😮，有三至四塊的牛肉，跟手掌那麼長身厚肉🥳，口感很軟腍😋，亦有幾塊牛筋，膠質如啫喱般軟綿😍，亦黏口。搭配了蘿蔔塊和唐生菜🥬，麵如上海麵般有口感，😆完全吃不了那麼多！🥚皮蛋醬🐷滷肉香蔥乾拌麵🍝配🐥雞排 $58份量挺多，😍鹽酥雞排炸得外酥肉嫩，滷肉多肥膏，醬料重醬油香和帶點微辣😚，搭配青瓜🥒絲和皮蛋片，十分惹味開胃🤤。🥣芋圓仙草 $28份量正常，芋圓口感軟韌、軟綿的紅豆加上煉奶，不錯👍！🥤鴨屎香手打檸檬🍋茶（凍） $15最近香港也很流行的特飲，帶點檸檬🍋的澀香。🥤古早味手搖酸梅汁（凍）$12跟平常的酸梅汁有點不一樣，難以形容！

冇餐牌，要入到去掃code 先知有咩食叫左牛骨湯麵$40、排骨酥$12、再加兩隻蛋餃$6、冬瓜茶（免費）牛骨湯好似紅燒牛湯一樣（個顏色），但冇乜牛味，雖然唔知咩味，但食得落口。排骨酥先差，炸野放入湯，一d都唔脆，不過放一陣已經唔脆，應該都唔係即炸。排骨得5粒，真係舊舊有骨，仲要係肥肉，我一舊都唔想食。唔好叫排骨，叫肥骨好啦。蛋餃有兩隻，又係細細隻，冇乜味。麵就好很多，食哂一定飽。飲品方面，得無糖烏龍茶同冬瓜茶係免費。其他奶茶咖啡都要加$11-$15。冬瓜茶甜到hihi, 冇得擇甜度，糖尿病之選。冇下次。

今日lunch同6個同學黎食小胖台灣麵，我哋全部都係食自選麵，因為價錢平d，40-50蚊包野飲其中我同另外一個同學揀剝皮辣椒湯，另外4個食蕃茄湯。我覺得剝皮辣椒嘅味道好特別，將嗰啲剝皮辣椒條連埋個麵一齊食，個口感好豐富，可能因為我本身鍾意食辣嘢，連埋一齊食覺得好好食其實我來食咗幾次，真心覺得啲湯底做得唔錯有水準保持到，同埋快靚正作為一個中學生，性價比梗係第一，味道係第二。我哋通常食，一係就叫齋麵，一係就叫一個餸$6蚊。始終有啲餸貴少少，唔係好捨得食。如果呢間舖可以為我哋學生提供一啲優惠，我相信會更加多同學來食，例如有啲餐廳出示學生證或者着校服會平d，或者學生加個餸會有優惠咁其實我間學校都好多人特登過嚟呢度食嘢，睇吓呢度有冇位，咁啱今日有大枱，六個人坐喺度食幾舒服

今日放假同朋友周圍行，見到小胖台灣麵下午茶唔洗排隊，同個朋友膽粗粗入去食少少野，同埋想坐陣傾下計咁。入面都幾大，幾好坐，岩哂我哋。不過因為我地午餐食咗野，入去只叫咗1個麵加2個小食叫咗一份香辣炸雞扒，－個芋圓仙草想講嘅係d炸雞扒幾好食夠脆夠香，加咗啲調味粉好好味食落中間仲有肉汁另外芋圓仙草啲芋圓幾彈牙，仙草入面有紅豆有埋花奶夠晒香，食完個麵同雞扒再食佢啱啱好不過嘢飲方便就好似貴咗少少，好彩入面有水提供今次嘅體驗總括嚟講都算好

今日叫左蕃茄湯麵，加夜市排骨酥同唔知咩卷。本身仲以為夜市排骨酥即係係炸豬扒，唔係都算，可能係我理解錯，但竟然個排骨酥係有骨嘅，仲要係大粒嘅骨。加12蚊，得3粒有骨嘅豬肉粒粒。蕃茄湯麵雖然個味道okay, 麵條份量都多，但餸真係太少了。最離譜嘅係，炸嘅野食竟然放入湯麵度？！成舊炸野變到淋patpat, 難食到不得了係咪洗多隻碟嘅成本都要慳？唔會再試！希望餐廳可以重新檢討下呢個唔合理嘅做法！錢唔係咁慳嘅！

我喺附近做嘢，3次lunch time 來食小胖台灣麵都好多人，好多學生。不過佢哋出餐幾有效率，三次都係10分鐘倒，就出到碗麵我食👍我三次都係食蕃茄湯，只係配唔同餸，佢哋個湯底保持水準幾好食👍，今次揀咗魚腐、蝦油條，價錢叫做中中間間。自選湯麵三次都好夠熱👍味道酸酸甜甜鹹度適中，打工仔都但求快捷方便，話晒都係得一個鐘頭食嘢。希望佢哋keep到水準之餘，又繼續有咁嘅效率😆希望下次到訪再試吓其他面底同埋湯底👍繼續加油

今日去咗屯門安定探朋友，佢話樓下新開咗間台灣野，咁就同佢去試試。見到佢招牌大大個寫住招牌牛三寶麵，咁就當然試吓佢啦一上到枱，已經聞到濃濃嘅牛肉味佢入邊有牛肉（好似牛腩咁）牛筋、牛肚、蘿蔔等等，但係估唔到嘅係佢牛腩真係原條上，炆得幾淋，亦都幾入味雖然唔係話好平，我記得大概都要$82，但係呢個份量同質素都符合呢個價錢嘅喺屋村要賣到呢個價錢嘅麵唔係咁容易，如果$82能夠配送一個小食，我相信會更多人能夠接受

今日嚟小胖台灣麵，食咗個乾撈麵，之前一直都想試，但係見成日都好似好多人。今日見佢入邊唔使等位，終於可以入去試吓我叫咗一個豬扒滕椒滷肉撈麵，食落有啲川辣嘅味道，又估佢唔到撈落個台灣麵度又幾好食值得一讚，佢個撈麵有滷肉令到個撈麵又唔會太乾，味道適中可口，另外食咗佢塊豬扒係薄豬扒嚟，但係食落又覺得幾好食。個味道幾好。夠香口。加上佢配咗青瓜絲唔會覺得太肥膩整體嚟講質素中上，有機會會再試吓其他撈麵，另外佢地方夠闊落，都坐得幾舒服

今日落雨，來食咗個lunch,自選蕃茄湯加咗魚腐，竹笙，蛋餃。蕃茄湯夠惹味，加埋炸蒜好好食，加上竹笙吸晒d湯好正直得推介，價錢算合理，魚腐都好食，總之有下次，舖內環境舒適！整體感受唔錯

見新開張 諗住試吓 好貴 份量又少 就呢兩點好難係屋邨生存但味道係正常 最嬲係杯咖啡 套餐包飲品 咖啡+13蚊 諗住正常茶記咖啡都收貨 點知杯野係粉沖二合一（雀巢咖啡隻味） 嬲到震！

安定開左好多食肆，對我地住個邊黎講真係好事，仲好多都chill咁有outdoor,但好多都無室外牌，坐出邊就要外賣，li間都係，我地叫左兩碗自選送既麵，一碗蕃茄咁湯加排骨）一碗辣雞湯（雞肉同豬腸），過一百蚊，因為見佢個牛肉麵成$8x,好似貴左少少囉。好啦打開外賣坐係出邊食，見到個排骨我真係著著地，係既 竹對台灣既排骨有誤解，以為係有骨既豬扒，見佢真係「排骨」係驚喜左一陣，但得三粒？？？$16/3粒仔排骨粒？我諗無機會再食，老實講，湯底同麵質唔錯，但d送少到咁，收我$16？ 我唔想再做多次水魚囉

真係無法忍受🤢，餐牌裡面小食張圖同實物相差甚遠，加配價18蚊只得3粒，你話‘’圖片只供參考‘’都可以加個註明份量吖，18蚊外面散買都唔只3粒吧？除非好食到曉飛，否則如果我係店家我都唔敢咁做，一定做唔長。

第一次寫食評，估唔到係因為嬲到要寫食評。見到女朋友屋企樓下新開試業。見傳到有幾好食。今晚膽粗粗試下，買外賣返上樓食。藤椒豬排拌麵，味係可以接受既，但豬排個份量少得過份，不如唔好比🤬🤬