小肥牛火鍋活魚專門店 (已結業) 查看

其實我真係一個好鍾意打邊爐嘅人 所以呢我好鍾意去唔同嘅火鍋店度打邊爐今日呢我上網見到有間屯門好平嘅火鍋店入面除咗有放題嘅打邊爐仲有海鮮蒸籠食一層一層咁食都幾過癮雖然我都唔係第一次食但每次食嘅感覺都好新鮮 可能我本身就係一個火鍋腔上面張菜單就係任食嘅選擇仲有海鮮蒸籠而下面張菜單就係選擇逐碟逐碟叫入面嘅環境都幾似酒樓交通方面都唔算話好方便由屯門市中心行過去都有段距離不過勝在冇咁多人唔使等太耐每一層嘅海鮮都非常之新鮮用二百幾蚊嘅價錢食到咁高質素嘅海鮮都係非常非常之正食完一層一層嘅海鮮蒸籠就可以任食其他配菜任食嘅配菜選擇都非常之多所以呢都食得好滿足

跟姐吃94狂，2條友叫左4人份量，確實抒壓！對上一次光顧小肥牛應該是5、6年前的事了！這次點了他們推薦的火焰醉蟹鍋作湯底，駕勢十足。蟹是挺新鮮，雖然瘦了一點點，但是吃下去還是鮮甜的。湯底裡的蜆份量不算多，不過鮮味十足，叫人滿意！陣陣的酒香把整鍋海鮮的味道帶出來了！讚吃火鍋最重要是食材新鮮，所謂一分錢 一分貨，我覺得這裡的火鍋配料絕對有質量保證。小肥牛獨家自創的手打墨魚鵝肝丸、爆芝士牛丸簡直一流！不過要提醒大家，吃的時候小心燙口。

今日同太太兩個人嚟依度食晚餐, 揀咗個龍蝦海鮮三重蒸餐。講食物之前先講醬油, 除咗配備咗傳統打邊爐嘅中式豉油配料外, 仲畀咗一碟日式醬油我哋 。 用日式醬油去配搭 中式蒸嘅食物, 風味唔錯, 我覺得比起用加咗好多蒜頭 辣椒 同埋其他配料嘅醬油好。咁多款食物裏面最想讚嘅係蒸蜆。 今晚食嘅蜆 全部都係冇沙既, 有時自己喺屋企整, 就算養咗啲蜆好耐 都可能會有少少沙留低 但係今晚食咁多隻蜆都係冇沙嘅 唔係度度都做到咁嘅效果。 係非常值得欣賞嘅地方。其他海鮮食物都唔錯。 而做得比較唔好嘅就係嗰一碟牛肉, 嗰啲牛肉原本係將幾款嘅唔同牛肉放埋一齊 諗住畀客人食咗啲唔同嘅口味, 其中一款真係好好食, 但係由於佢哋放埋一齊 咁就突顯咗其他嘅質素冇咁高。 所以食嘅時候 如果可以分到 質素冇咁高嘅 嘅嗰一款食先 ,咁就好好啦, 因為會有越食越好味嘅感覺。 可惜 我一揀就揀咗最好食嗰一款式先呢度嘅食物質素算係唔錯, 但係職員就一般。 因為我係第一次喺嗰度食蒸嘅火鍋, 所以就問下職員究竟係點食嘅, 但係咁啱問著兩個新嚟嘅年輕人, 佢哋都答唔到我個食飯係點。 後來就搵到一個識嘅太太, 佢終於能夠介紹啲食物既食法

今日係我嘅生日, 雖然LUNCH去牛摩食得超飽, DINNER點都要邊一邊.  打邊邊係我嘅最愛嘛! 上網見到小肥牛訂位有9折, 即時就BOOK位.  但去到竟然無我RECORD喎. 職員就問係咪上網BOOK, 佢哋未睇喎. 總之就會做返9折比我, 佢哋好老實咁話.我哋一家三口叫咗唔算多嘢 (LUNCH食得太飽, 都仲未落格)蕃茄薯仔牛腩鍋--牛腩又韌,  無蕃茄味,  淡味到呢...(平時我打邊邊啲食材唔會點豉油, 但今次唔點唔得囉. )呢個湯底唔得,  早知叫清湯好過, 仲平啲添.響鈴半份--淥3秒拎上嚟, 仲脆口架. 手打蝦丸半份--半份有6粒, 爽口彈牙夠鮮味, 正!手打四寶丸--有鯪魚丸, 牛丸, 豬肉丸, 墨魚丸各3粒, 全部都夠彈牙, 好味!鮮蝦雲吞--一份有8粒, 蝦與肉比例剛好, 好味道, 百厭仔食咗大半碟冰鎮鮮牛肉--初初以為係滑牛, 原來只係一碟冰上面舖上牛肉薄片, (LUNCH食嘅牛摩好食過佢)花生酸菜 $12.00 茶/醬油 $16.00 X 3連加一扣去食材9折優惠埋單 $333.00

以前食過一次，好貴！今次見openrice訂座有半價，剛好朋友生日，便經openrice訂座！店員好有禮貌，服務吾錯！朋友們見有半價便叫了活鱆魚刺身食（原來二食架-椒鹽魚頭魚骨），又點了兩盤牛頸脊及一盤本地手切肥牛、還有半份雲吞、半份水餃、兩份生菜、半份貢丸、一份清酒豚肉、一份豬頸肉、一份蝦滑（有原粒蝦肉係入便架）、一份帶子制身、一份桶蠔，一勺竹蔗茅根、三罐仙地及五杯蘋果酒！大家都捧住果肚走，大滿足！埋單半價（除茶芥及特價嘅仙地）$1500咋！朋友們都話正！

提早和家人吃父親節晚飯。上網見到網上預訂可有7折，便訂了。叫了 象拔蚌刺身，不貴。$298 兩條，味道還好。桶蠔完全不好吃，每隻都有沙！不推薦。安格斯肥牛，清酒豚肉都幾好其他火鍋配料，如：芝士腸 等等正常。5人吃。最後7折後埋單$980 。$980 這個質素，食物都好！有7折一定會再黎！

網上訂位有七折（父親節都用到），超抵！Order 咗以下食物大安格斯牛肉鱆紅魚刺身八爪魚刺身肉眼根羊肉片水餃、雲吞、黑松露餃響鈴（唔建議，好薄冇咬口）炸魚皮、雜丸烏冬菜類基本上除咗響鈴之外，其他料都係新鮮同埋大份的，4個人都飽住走... 唯一要彈的就係樓面唔夠人，等咗20分鐘都未上湯底，同埋比較難搵人落單連埋酒水4個人都只係$650埋單（扣埋7折優惠），所以真係抵過稻X好多～ 呢度絕對係屯門區打邊爐的新選擇。

這裡的員工都很nice. 態度很友善，又會主動加湯。手切肥牛，安格斯牛都新鮮肉味濃又爽又香。各種丸都新鮮爽脆彈牙。蔬菜也新鮮乾淨。湯底選了蕃茄薯仔牛腩湯，湯味清甜，牛腩煮完又香又淋。

小肥牛本人大大話話食過20幾次，每個地點都去過，唯獨是今次第一次用openrice 預位座位，因看到有折。屯門店第一次來，地方很大，地點也很方便，渣車的泊在屯門市三期馬會那邊的停車場，一過對面馬路就已經到。坐西鐵的，屯門站下車行5-10分鐘必到。一去到，告知年長少許的經理我在網上訂了20:30，並我已收到電郵確認，但他說沒有，不過也安排我先入座，之後他找了個年輕的男店長來查查電腦，店長之後告訴我，不好意思，他們的電腦沒更新，現在找到了你們的訂位紀錄。隨後我們便開始點嘢食，怎知說今晚手切肥牛沒有，話什麼牛不靚，退貨了，只得安格斯牛，在無可奈何情況下也點了大的安格斯牛、半分豬紅(7-8舊)、半份水餃(4只)、半分粟米(4小舊)、半分響鈴(5舊)、一個蝦滑、一個菜、一碟脆肉朊魚、一個椒鹽鮮魷、兩罐飲品。在食的過程，經理和侍應們閑聊間像是說什麼食五折的實有不同等等，我心想我們來的時候也有心理準備，食物會細碟d等等，但係一間連鎖式的小肥牛品牌，如果係咁欺騙顧客的話，真係會好快執笠。不過，食物嚟晒後發現質量也沒什麼大改變，可以一贊，但希望經理和侍應注意一下言談，五折與否是取決於你們小肥牛manag

約埋三五知己趁落雨涼涼地，去打下邊爐潮色咸菜豬肚手鍋，啱晒鍾意食豬肚嘅我極品安格斯牛頸脊得有嚼口蟹子墨魚滑鬆軟如果再多D蟹子就好自製炸魚皮厚身鬆脆，太脆所以唔捨得浸湯食枝竹吸咗湯底味，滲透出胡椒咸菜嘅味道韮菜餃金鈴響鈴浸一浸，放入口，嘩朋友至愛，但我都係鍾意枝竹多DBB象拔蚌~刺身又得，過湯又得自選調味醬最啱我，因我愛食辣同蒜，金銀蒜加蔥加辣椒，再加幾匙羹湯用來㖭豚肉、墨魚滑一流。如果放豉油就會過咸，放湯剛剛好。美國極黑豚腩片又薄又嫩留意！喺點菜紙係冇嘅，要同侍應落單因舖位唔近市中心，一般一至五都有位，同朋友一路食一路傾都忘記咗已經好夜。

天氣開始涼，突然想邊一邊，於是同朋友來這間小肥牛火鍋下。一坐低，歺牌一上😃九點特價，望望錶剛剛好九點，於是狂點自己喜愛的，而且還有半份選擇，太好了。首選火鍋當然是麻辣,朋友怕辣要沙爹，結果雙併，正！個鍋一到，麻辣又香非常足料，有魷魚，黃㬋，朱紅同朱皮，個湯一滾已吃得，而且已很入味。哈哈，一枱都係，每樣都很新鮮，鵝肝丸、芝士牛丸、手打蝦丸非常好吃😋本地手切已賣哂，估唔到美國安格斯牛頸脊都好香👌。啤酒20蚊三支大白威特價，抵哂！埋單還有14日內下次任何一間光臨半價單，值得一食再食，好飽，好滿足喔！

最近幾乎每星期都來一次，除了食材新鮮，環境舒適，呢度既經理同侍應態度都好親切！雖然價錢略為貴，但試過你會覺得物有所值，每道食材都是用心製作，而且這裡有我最愛的生啤1664，價錢也只是$36一杯！來過這裡一次以後你對什麼任食火鍋⋯你會再提不起興趣，慎重考慮！

今日係BOXING DAY, 行完街即慶嚟邊一邊. 18:45到, 完全唔多人, 唔使等位.先嚟個田園牛尾鍋, 有蕃茄, 洋蔥, 青椒等雜菜, 牛尾都有4-5大舊. (臨尾撈返啲牛尾上嚟食, 又林又滑, 好味)手切牛(大)--嫩滑有牛味, 正!手打墨丸/蝦丸/鯪魚球--爽口彈牙夠鮮味, 鯪魚球略嫌有少許幼骨.脆鯇魚片--新鮮爽脆, 正!手打牛丸/豬肉丸--同樣彈牙好味雲吞--蝦與肉比例剛好, 略嫌雲吞皮嘅鹼水味重了些少.粟米--好甜, 百厭仔清晒四舊響鈴--普通臨尾叫多個烏冬麵俾百厭仔另加3罐仙地埋單$667.00

星期四晚同朋友慶生，第一次光顧此分店。沒有訂位，但由於食客不多，都可即時入座。嗌左個豬肚湯底，清清地又幾好味。油麥菜，娃娃菜等蔬菜都新鮮。最欣賞係墨魚丸，口感味道都很好。男友話小肥牛既響鈴唔放落火煱，即食都好味，亦唔會食到油益味。我即管試下咁食響鈴，唔差，但唔覺佢講得咁好食。食到9點半，全店都冇十枱客，就係因為咁，店員可以好週到咁服侍我地。同枱幾位朋友都很滿意這分店的食物。最後唔知食左幾錢，因為男友請。