小甜谷 (已結業)

吃過川菜,我們堅持吃甜品的計劃,只不過地點由原來的糖痴豆改變至西環尾的小甜谷, 原因是我們想先步行一會兒幫助消化,然後才動用第二個甜胃. 慢步至小甜谷的路其實也不長,沿途汽車疏落,滿是舒服的. 來到泓都對面的小甜谷. 雖然是半開放式的設計,但因店內只有一半檯有客,加上店外以車位為主,所以環境舒服不吵耳.拿起黑白的點菜單細看稍慢,經理已立即遞上有圖片的大menu, 服務很好呢. 左看右看,想三心兩意吃迷你奶凍($36 for 3)的,但怕吃不完,最終還是要了上次在大坑本店吃過的紅豆北海道3.6牛乳燉蛋白($30). 也不一會就到了,第一眼印象是,這比上次的出水恐怖版本,順眼吸引得多了.對於甜品,我始終還是以貌取人的.飽滿的紅豆,也好像落得比較慷慨,滿滿的鋪滿了蛋白, 粒粒煮得鬆化; 蛋白出水的情況也沒上次恐怖, 鮮奶蛋白滑得彈指即破,入口有濃滑的3.6奶甜香, 真是好食到彭彭聲小小的一杯飯後甜品,真材實料,吃得令人飽足只要吃得開心滿意, 肥幾磅, 也是值得的(當然,我無論何時何地都會希望自己有一個食極到唔肥的身體)會再來的-這兒也離學校不遠嘛 計劃是要嘗試這兒出名的濃濃濃奶凍!

那天晚上去到小甜谷門口,見到門口有冬天介紹,進門order,員工好像不知道我要什座,要走出去看,她的同事話沒有,我話你地門口寫咗,他回覆壹完,我去到是9:00pm.真不知道要多早才可以食到.我最不高興是我要紅豆沙湯圓,他說巳經一個月無賣紅豆沙啦!好像我不知道是我有問題. 所以最後不吃走了.以後也不再去

heard this shop is opened by a hk artist! so came here to try it out!the shop is full of pictures on the walls!!! with many familiar faces too!! heheheh saw Daniel Wu's picture!~tried the mixed fruit grass jelly and Mango with Sago!!! Both are not too bad! very fresh fruits and friendly staffwill come back again to try their milk products~

22-11-2010大坑店開業不久時幫襯過一次, 覺得幾好食 (http://www.openrice.com/restaurant/commentdetail.htm?commentid=1969398), 是日 2 人喺西環尾呢間分店附近食完 dinner 後又嚟食碗糖水.想食「傳統」又暖身一點的, 叫了蛋白杏仁茶... 份量好多, 賣相則勁似煲到「爆米花」的白粥 杏仁味夠亦自然, 但質地杰杰的, 蛋白不少又呈「一塊塊」(cf.「蛋花」) 狀, 感覺上似食緊一碗杏仁味的「無米粥」, 同應屬「奶露」質地的「蛋白杏仁茶」有好一段距離喎. 不過朋友的「特濃酒香朱古力奶凍」情況更慘烈... 質地幾「膠」, 朱古力味絕對唔係「特濃」, 似乎本身品質亦麻麻?「酒香」就係零; 食落又好似有點橙/柚子的味道, 加埋面頭大量花生碎, 食落都唔知似乜,「精神分裂」了. 丟低廿幾蚊, 唔會再來, 而即使再來, 睇怕只可獨沽一味食荔枝奶凍了.

食完pizza之後，個口乾到痺，即走過隔離小甜谷度食野。本來係想試下北海道牛奶乜乜ｇｅ，但驚佢口渴就唯有食ｄ有水既甜品。我地叫左一個楊枝甘露同一個榴槤楊枝甘露，仲有一個乳酪。其實呢三個甜品都普通啦，特別係個楊枝甘露真係同出面冇乜分別，我唔食榴槤都試左一啖榴槤都ｏｋ既，唔算太大陣味，至於個乳酪就一般啦，普通乳酪味。都唔係好知呢間野點解咁出名，可能係因為谷祖琳啦。

成班fd去影相之後到堅尼地城食甜品呀,因為係名星開既甜品店,有好多名星去幫襯呀,好似有好多名星都開甜品店咁既~!成個場冇乜人,唔知係夜定係堅尼地城小人定係......?!mocha奶凍(我),$29,偏貴呀,有好重既mocha味,第1,2啖都唔錯,but之後食落下就feel好甜and好漏,上面果粒係白朱古力包麥提沙呀~!荔枝奶凍,$29,試左少少呀,荔枝個味幾好,清清地,又有荔枝肉呀~!北海道3.6牛乳燉蛋白,好似又係$29,我冇試到呀,應該好重奶味既,食得奶既人ok呀~!(個fd say la~)綜合來講只係名星效應,唔算太好味,同偏貴,唔知總店係味一樣咁既喱,聽講原本果間好味點呀~!

聚會後意柔未盡，有見與同行友人家住西環，卻一直未曾嘗過有名的小甜谷，便出發前往坐車時已曾擔心想試的甜品已售完，因聽說甜品常限量發售到步後已十一、十二點多，客人疏落因已有心水，我很快就決定點了荔枝奶凍 $29很快地店員便送上以jelly杯盛著的荔枝奶凍，當然地印象是大打折扣再看看面層，荔枝呢？ 這真的是荔枝奶凍嗎？眼見客人這麼少，大概也不會是給錯我吃下去......奶味香濃，荔枝味欠奉，但有微微的甜味它用的奶的確是日本牛奶，奶凍也做得很柔軟可惜我差不多吃到底時才發現荔枝，滿心期待的把荔枝放進口中......大失所望怎麼是罐頭荔枝，而不是新鮮的？我明白因為我是過了荔枝季節才去吃，所以用罐頭荔枝也是沒辦法的事可是我還是覺得它應是季節限定，以新鮮荔枝去做這價錢，實在不算便宜。我不知是不是我那杯荔枝都沉底還是怎樣，若其他也是這樣的話，它應把它倒在碟中，像布丁那樣給人客。我跟朋友最後坐到1:30am，中途也沒員工趕客，不過他們也不會主動問你還有沒有什麼想再order

上次o係大坑小甜谷總店試過一次, 覺得佢地嘅服務同食品都唔錯, 今日有事去西環, 諗起佢地有間分點o係附近, 於是過黎試吓. 嘩! 真係好失望, 食品不知所謂, 服務員態度荒謬無知, 我真係唔敢相信呢兩間舖頭係同屬一個老闆嘅!!!!!我叫咗一個芒果奶涷, 一上枱就覺得怪怪地, 整杯奶涷都黃"禁"禁", 一D都睇唔到有芒果肉, 最初以為芒果肉藏o係裡面, 食吓食吓發覺唔對路, 一粒仔芒果肉都搵唔到, 於是叫個服務員過黎問吓, 係個男服務員, 睇佢個樣都有一定嘅人生經驗啦, 估佢職位都有番咁相吓, 點知佢比我嘅答案真係白痴兼荒謬, 佢答我 : 唔好意思, 我地漏咗落芒果肉, 下次你再黎補番雙倍比你啦, 下次再黎補番雙倍比我? 我叫嘅係芒果奶涷, 佢地比咗杯都唔知係乜野比我食已經係一個大錯, 佢仲唔換過另一杯合格嘅比我, 仲講埋呢D費話!!! 我自己都唔知我下次幾時再路過西環, 唔係叫我專程再黎食佢果杯所謂雙倍芒果肉嘅奶涷呀!!! 我真係好懷疑佢地對食品質量嘅管理及控制. 如果o係其他舖頭發生呢D錯誤, 一般都會馬上換過另一杯無問題嘅, 仲分分鐘免費請客人食添呀. 我唔係貪心想食免費野,

最近，行超級市場見到 "北海道3.6牛乳"! 令我記起早排，同班朋友去一個新婚朋友嘅新居。佢帶我哋喺 "西環碼頭" 食晚飯，然後，走嚟 <小甜谷> 食甜品！呢間就係谷祖琳開嘅，所以取名有個谷字！可能等人容易記得啦！ 北海道3.6牛乳系列 - 特濃牛乳燉蛋白(熱) $26 我哋一行 8 人，有 3 人叫咗呢個甜品，可想而知都幾受歡迎！一上枱，已經聞到奶香味，賣相唔錯，仲有隻木匙羮，唔係用慣嘅鐵匙羮，感覺特別；味道清甜，真係很濃牛奶味，質感香滑，夠結實！就算我食咗一半，另外一半亦唔會 sir 落嚟。呢個價錢都值得！熱食係健康之選！不過，呢度好唔就腳， 我都唔會專登喺上環搭車過嚟食！

真係把鬼...夜晚響格泥"食晒"食完飯打算過泥小泥谷食個甜品,,,當時好大雨,,一入到去無人理我地...叫員工落單,叫左個什果豆腐花&凍燉蛋...等左陣泥個什果豆腐花..我食完之後個凍燉蛋都未泥..叫個員工根一根...佢立即響我格泥個凍櫃拿出泥俾我...我見到都火火地,,頭先佢地同我落完單就掛住看街(看出面好大雨同行雷),點知佢地好像遊雲咁拿錯個凍燉蛋白泥..我話妳拿錯左個甜品俾我,根住佢黑我面換過俾我....講返D野食,什果豆腐花完全無特別..D生果又唔新鮮,,豆腐花又水nel nel...凍燉蛋食到最尾又係水nel nel完全無蛋味....我呢世都唔會再去呢間垃圾

之前都有留意呢間甜品店嘅食評,上星期同朋友一行4人,食完晚飯,我就提議試下食佢地嘅3.6牛乳甜品,係咪好食.時間星期五晚上10:30左右,都有位坐,唔洗等.我地叫咗芒果奶凍,朱古力奶凍同特濃牛乳奶凍.我地見到個樓面放低張單後,轉身喺我地坐嘅bar枱旁雪柜,攞咗兩杯芒果奶凍,直接放喺我面前,有冇搞錯?底碟都冇,$29杯芒果奶凍,完全冇任何裝飾,個賣相同餐牌張相簡直兩回事,同出面包餅店$8杯芒果奶凍冇分別之餘,味道得個甜字,冇芒果味!點解唔係由廚房廚師出品裝飾???太求其,好掠水!!!其他朋友嘅評語一致認為普通,啲果凍唔值$29杯,若果冇明星老闆,賣十幾蚊ok.唯一可讚係室內裝修得幾舒服,唔迫.若果單靠明星效應做生意,食物質素下降,係咪要注意改善廚師,樓面工作質素呢?

1月29日, 接近零時時間, 返屋企途中突然好想食甜野, 就諗起可以黎小甜谷~ 之前食過2次, 第一次喺大坑分店, 感覺十分唔錯, 所以佢喺西環尾開多間分店我地都即刻試咗一次, 可能新開又多人關係, 好多甜品都供應短缺服務又麻麻地~ 今晚黎到竟然只得一枱客, 咁樣可以俾我地認真再試一次~::: 凍綠豆沙 ::: $18一粒粒綠豆仲係顯而易見. 煲得唔係好夠沙~ 仲有佢似喳咋多d, 裏面混雜咗好多種豆… 甜方面都好唔自然, 似落咗唔少糖… 整體呢碗綠豆沙唔值咁嘅價錢…::: 湘蓮紅豆冰沙::: $24由夏天想試到冬天, 好大期望! 份量好似比平時見d相矮… 顏色都幾紅架, 但飲落都幾淡口… d冰沙溶得好快… 喂仲係冬天已經咁, 再熱d點算? 頂頭粒連子好硬, 底下嘅紅豆好難撈勻, 就咁食味道又太甜… 同埋起初都期望d紅豆係日本大大粒起沙o個隻, 但呢杯d紅豆都係細細粒兼較硬身… 唔係幾得…好可惜今次真係超級失望… 首先星期五半夜都冇客, 可可店都多過佢啦… 仲有已經冇客, 凍綠豆沙都可以落錯咗熱綠豆沙, 跟住d侍應坐埋一堆傾計食杯麵… 食物質素好差好差, 求求其其咁, 係咪想執? 只係環

前排去過大坑果間小甜谷食，都好滿意，今次試下西環呢間，點知竟然一肚氣！首先落order，我叫左杏仁露，男朋友叫左楊枝金露豆腐花，落完order，個侍應又再問多次:"一個杏仁露仲有一個..？楊枝豆腐花？"好快就黎左個杏仁露，好淡，好稀．．．因為我肚餓，又叫多個蜜餞雞翼，等到雞翼黎，我同男朋友都" o "哂咀，價值24蚊3隻既雞翼竟然細隻到好似發育不良咁，又乾又瘦，幾好食都係假！果一刻真係好想投訴，不過我男朋友話算啦算啦．．之後等左勁耐，見到遲過我地黎既人都食完，碗豆花都未黎，我地追單，話豆腐花未黎，佢好似未訓醒咁問我地叫左ｄ咩，之後佢竟然話："豆腐花賣哂"！搞錯！落order果陣又唔講，賣哂又唔講，追單先黎講，之後我同男朋友都冇哂癮，拿拿聲食完走人，埋單40幾蚊換黎一肚氣！之後轉番去可可食，叫左煎腸粉，魚形餅同埋凍檸茶都係40歲埋單，仲食得好開心，以後都係番去可可算喇！

堅尼地城好少出名糖水店, 小甜谷係我家附近, 呢間外型都幾討好,但係價錢都幾貴燉奶, 普通, 但 "好細杯",合桃糊好"鞋"...唔好食,之後同鄰居傾開, 佢彈得更多.....

大坑店就食過好幾次, 首次嚟西環店我地大約15人, 十一點, 要等張 bar 檯清晒先得, 不過成張 bar 檯 occupy 晒個感覺都幾好 今次我要咗荔枝奶凍, 比我想像中好! milk pudding 好滑, 又keep到荔枝味, 中間仲有幾粒荔枝肉, pudding 滑得嚟又有d野咬吓, 正! 價錢我就覺佢偏貴喇 (同一般多人食嘅甜品店), 好在今次呢個pudding味道都唔差