小甜谷 (已結業)

六月二十一日 (星期六)倆口子曾與友人到訪藝人谷祖琳在大坑開設的甜品店小甜谷，品嚐了好幾款甜品，水準不俗之後，也到過她媽媽開設的谷媽媽小廚，吃過餃子，又不錯喎明星開餐廳只有綽頭而沒有實力的觀念，就此打破!最近小甜谷於尖沙咀金巴利道開設了新店，地點有點偏僻，大概就是李家炸雞附近聽說這裡主打榴槤甜品，這天就跟友人前來品嚐一下看餐牌，款式十分多，原來還供應谷媽媽餃子(不過暫只得一款供應)，以後不用去大坑耶?對於九龍人來說，實在方便多了朋友堆中有幾位也是榴槤超級粉絲，其中當然包括比利喇難得有同道中人，又怎能放過呢?榴槤甘露用新鮮的榴槤肉打成漿，入口綿密細緻陣陣榴槤香直撲鼻! 加上用料豐富，實在令人吃得興奮!另一款是榴槤酥卷來枱時也同樣聞到陣陣榴槤香焗製後，帶着酥卷的咸香，但榴槤香仍十分突出小丸子不是榴槤控，而是雪糕怪，就試了這款宇治抹茶軟雪糕新地新地可選配紅豆或芝麻湯圓，當日芝麻湯圓售罄，點抹茶之老拍檔也挺好吧抹茶雪糕，質地確實幼滑，用上宇治抹茶粉製作，帶陣陣抹茶香，卻有一點點苦澀雪糕份量多得很! 連小丸子也吃不完如果加入芝麻湯圓的話，會覺得有點格格不入，如果是白玉丸子的話可能會更匹配榴槤甜品

早幾日係街收到新開張甜品店既折扣咭，原來係小甜谷😄新開張有九折*^O^*第一間店位於大抗，好早以前已經有去試過佢既特濃牛乳燉蛋白，非常唔錯！今次開係公司附近，就腳好多!我地三條八婆都係榴槤愛好者，店員推介了幾款榴槤甜品，我地分別叫了榴槤甘露，宇治綠茶雪糕新地及蛋白杏仁茶😋😋👍榴槤甘露👍係我食過咁多間最出色既榴槤甜品！真係不得不讚！食落啖啖新鮮榴槤肉之餘，又唔會太希同太''杰''既口感，好重榴槤味！店主絕不孤寒好足份量！未食已經聞到好香！加上旁邊既配搭類似啫喱同珍珠粒！真係非常好食蛋白杏仁茶由於有位八婆仲有兩個月就為人母，所以叫了蛋白杏仁茶俾佢，都幾好味既！三款都好味！特別係榴槤甘露呀！最後係綠茶雪糕，都幾重綠茶味！不過配搭既紅豆粒就甜左啲，可能因為今日冇丸子所以店員話放多了紅豆就變得扁甜了由於新開張所以有折！😆😆😆

星期日與囝囝及老公响佐敦附近晚飯慶祝爸爸節。食完亂逛睇睇有咩飯後甜品食，竟然行到去金巴利道！原來呢到新開咗間"小甜谷"，聽就聽過呢間店好耐但唔就腳仲未試過 ~ 還好晚上7點仲未到甜品peak hour，可以人少少比囝囝舒舒服服咁嘆吓！(聽講晚飯後夜d勁多人 )我點咗 "千層酥皮芒果卷配雪糕" 同囝囝 share，老公就點咗 "楊枝金露涼晶晶" 不得了！囝囝勁愛千層酥皮芒果卷！酥皮好脆一層層好薄熱辣辣！芒果合時新鮮好甜！老公個楊枝金露都好掂呀，白色嘅涼晶晶係荔枝味！食完唔夠喉，老板推介 "北海道牛乳燉蛋白"！ ~ 呢個真係驚喜！又滑又香！最"正"係甜得嚟唔會太過甜！最岩我呢d又要食甜但又唔想太過甜嘅麻煩友！另外環境乾淨整潔，老板同員工都好親切！下次行過一定會再幫襯試埋其它甜品！~ 加油！！！

尖沙咀有好多甜品鋪，但今次試完，小甜谷真係贏哂 ^^首先叫左鹽酥雞。食落去炸粉又吾會太多，咸度岩岩好，食過隔離李x雞100倍XD 嗰隻椒鹽味真係會令人食上癮!! 食完咸野梗係食甜野啦～老闆親自推介芒果/榴槤酥皮卷，聽落都覺得好食，可惜我吾食榴槤，所以就揀左芒果～等左一陣就到啦！好靚丫！芒果有幾粒酸左少少，但有雪糕同酥皮中和翻，好好食😋😋😋！Overall，環境舒服，上菜又快，野又好食，又就腳，埋單見仲到新開張有9折架！下次一定再黎過！

下午同女女去完九龍公園搵下邊道有得hightea,去到呢間新開即糖水舖俾佢吸引住,叫咗兩款甜品試下. 女女食到停唔倒,食相好誇張.不過個芒果千層酥同黑芝麻軟雪糕又真係幾好食.

食完韓國野，見到對面有間新甜品店，所以就去試下，我地嗌左幾樣野，鹽酥雞，楊枝甘露，綠茶雪糕同埋榴槤酥卷.1. 鹽酥雞好脆口, 好味2. 楊枝甘露好重點芒果味, 好香3. 北海道綠茶雪糕好綠茶, 好軟滑. 原來仲有黑芝麻軟雪糕, 但係呢次太飽, 所以我地食唔到, 下次再黎試下先4. 榴槤酥卷皮好鬆脆, 榴槤好濃郁, 呢個真係好好食

星期日下午同囝囝和家人去新開張位於有之稱的尖沙咀金巴利道之小甜谷食甜品,不單環境清幽,甜品及小食更有意外驚喜:- 谷媽媽水餃有水準,皮薄餡靚,令人一食再食唔停得口;- 宇治綠茶雪糕新地綠茶味濃郁,雪糕不太甜,非常香滑,囝囝話好好食;- 千層酥皮榴槤卷/芒果配雪糕,即叫即製,酥皮入口鬆化,捲著香甜的榴槤肉,超級順滑,真材實料,喜愛食榴槤者不可錯過;芒果酥皮香甜好味值得推薦;回味無窮,下次一定會再來食甜品!