小王牛肉麵

營業中

休息中

上星期去左食下午茶叫左一個半斤牛肉麵入面有牛筋同牛腩牛筋都OK，牛腩好硬個麵質都一般湯底好鹹完全唔好食🥢🥢🥢🥢🥢🥢🥢另外食左個豬大腸蚵仔麵線配料有好多薑同少少豬大腸 蠔仔但湯底味道偏淡麵線ok🥢🥢🥢🥢🥢🥢🥢下午茶配飲品我哋叫左2杯珍珠奶茶有茶味算合格🥢🥢🥢🥢🥢🥢🥢散叫左個手抓餅$18好難食完全係一pat野 又冇味⛔️⛔️⛔️⛔️⛔️⛔️埋單要加一大約$50一個下午茶唔會再黎食☹️

【 必試台灣牛肉麵 】今日去鑽石山荷里活廣場行街買電器，到Lunch Time就去揾餐廳食飯，見到呢間小王牛肉麵就俾佢門口的餐牌吸引到，大大碗的牛肉麵真係令到勁肚餓的我流晒口水。餐廳用餐環境幾乾淨，坐得好舒服。我地叫左半筋半肉麵，原汁牛肉麵，再加一份鹽酥蚵仔，三樣嘢加埋只要$168，都幾抵食。半筋半肉麵的牛筋真係好正，好煙銀，啱晒鍾意食牛筋的我。原汁牛肉麵有好多舊牛肉，好足料，湯底都特別濃郁。另外碟鹽酥蚵仔非常香脆可口，一口一個超正！

今日放假 走咗去沙田食嘢 沙田一係出咗名好多遊客 所以食嘢都通常排晒長龍😫行咗去連城廣場 見到呢一間餐廳係唔使排隊 即刻行咗入去醫肚先😋 .叫咗兩碗面同埋兩個小食😌 精裝牛三寶粗麵🍜半斤筋半牛幼麵🍜不得不提呢 2 碗麵都配有酸菜 令到成個面點綴不少👍🏻兩碗面嘅湯汁應該是一樣的 湯尚算濃郁 有少少藥材味 飲左幾啖都唔覺得太鹹 味精應該唔多👍🏻d 牛肉好林 冇喳 不過啲牛筋煮得太林 缺乏左口感🧐🧐🧐牛腩入味 每一碗都有 4 舊牛腩左右 足料咖😍😍鐘意食牛肉麵既朋友仔可以一試🤣🤣 ·....

我思鄉病又發作了好掛住台灣牛肉麵我去荷裏活商場見到有小王牛肉麵發覺今次唯一不好，是湯底比較淡我上一次在德福廣場那一間是濃，重香料味發覺湯底濃不濃都靠彩數上次好味到，我把所有湯也喝掉了每次會食有牛肉加有筋的，因牛筋炆得好淋好值得一試，反而今次牛肉細塊了我很喜歡吃粗面，因為好煙韌但今次嘅鹽酥雞嘅水準，真不錯，大大塊外脆內嫩，又唔會太過鹹忙著吃飯，忘記了拍四十多元冰凍水果茶這間非常好喝，就像一些台式飲料鋪一樣多水果，我仔仔把水果也全吃掉了

我幾鍾意嚟呢間台灣食店，地方夠大又乾淨，坐位舒適，食完飯又可以行吓商場。小王係來自高雄，曾經都係米芝蓮推介食肆😉。佢嘅食品及飲品選擇都好多，價錢又合理。午市套餐有麵/飯、小食及飲品，收費由$48-$68。鹽酥雞扒麵套餐，雞扒同麵分開上，好正路！大大牌鹽酥雞扒剛剛炸起，香脆厚肉，富有肉汁，鹹度適中。濶條麵爽滑有口感，軟硬適中。小食炸豆腐卜香脆可口。小食胡麻醬青瓜鮮脆爽口。珍珠奶茶🥤就略為平凡，茶味唔濃，好在唔太甜又唔多冰。

蚵仔豬大腸麵線蚵仔花枝丸麵線 蚵仔好大粒👀可惜有少少腥⋯麵線湯底比較似公仔麵湯底⋯好普通🙊.鹽酥拼盤(豆腐、貢丸、杏鮑菇) 好正！雞髀菇好juicy😍😍.香煎手抓餅 好香牛油香😋脆卜卜！好中意整體感覺麻麻 ⋯下次去荷里活應該會揀第二啲野食

如果喜歡吃牛肉麵就不容錯過小王，她是我心中在香港最好吃的牛肉麵三甲之一。當晚點了優惠一人套餐加一碗牛肉麵和滷水鵝腎。一人套餐 - 五更長旺很惹味，微辣，豬腸不會太韌，有少許羶味 ，但不會影響美味度，最好食是豬紅，很滑溜一人套餐 - 花枝羹都不太差，花枝沒有太少一人套餐 - 麻辣蓮藕片冰凍爽脆，麻辣味適中，和平時口水雞的味道相若一人套餐 - 滷水鵝腎鵝腎滷得非常入味，唯不是爽腎，底下的炸豆腐就一般，炸得有點乾三寶牛肉麵三寶有：牛筋、牛腩和牛肚，三樣都滷得很入味。麵有粗幼選擇，喜歡有口感的一定要試粗麵，煙韌得來不會太硬，而且好吸湯，湯底是非常濃郁的藥材牛骨湯，當中有當歸的味道，很好味，值得一讚是她的酸菜，味道剛好，不會過酸過鹹，每次食都忍不住要求多酸菜一人套餐 - 草莓奶凍本以零期望去吃這個奶凍，殊不知非常好吃，奶凍滑溜，配上草莓果糖漿，會令人忍不住一口一口很快吃完總括而言，味道都很好，唯份量偏小，但價錢算便宜，一人套餐$83，三寶牛肉麵$70，所以收費合理

是日上網搵鑽石山好食好西於是被網上推介食這間 小王牛牛麵店我叫了一客 「半筋半牛麵」$69！本以米芝蓮推介而充滿極多期待嘅我快快手吃一口牛肉，味道尚可而有些許入味、再吃一口牛筋，筋位並沒入味而又無牛味、湯底濃郁但如此濃湯底之下 食物竟然未有入味！實在有懷疑是否淨用湯底煮麵 再將滾熟咗嘅料放入咁！而我就餐送嘢飲嘅，點咗個「珍珠奶茶」！真係好失望地 奶茶茶味唔算突出 ，而珍珠係無咩甜味嘅料處理過。再者極重點 服務人員態度語氣都極唔良好，由入座到點餐我地都有唔該前唔該後，但服務員語氣不帶客氣，十分影響心情！可能係因為米芝蓮嘅名頭問題 令我太大期望

今日同同事一行5人到鑽石山工作 黎到荷里活廣場 選擇左這間小王牛肉麵 等左20分鐘才可入座 一埋位侍應就落單 出餐都幾快 5分鐘就上齊5個lunch 半根腩牛肉麵 麵質有d硬 比較難咀嚼 湯底可以 唔太咸 有d藥材味同甜味 牛肉牛根細舊而且一咬即散 冇咩口感 味道一般 隨餐附送嗰隻花雕雞翼反而有驚喜 幾入味同埋幾好咬口我有試埋我同事一件鹽酥炸雞 炸粉太多導致雞件冇咩味 咬落一口粉既感覺總括嚟講一般般 埋單連埋加一大約70蚊 感覺唔太值 試一次就夠 有待改善

到附近行街買嘢，見肚餓就順便食個麵，通常邊間人多去邊間食就冇錯㗎啦！呢間都係第一次幫襯，估唔到幾好食。呢度啲小食都幾大碟，好似呢啲炸蠔仔咁，幾十蚊一大堆，而且炸到外脆內軟，咬落去仲會爆汁，好惹味！牛肉麵都唔錯，湯底夠濃，而且牛肉炆得好入味，又夠淋，yummy

第一次試食，衛生程度極差！！客人用餐後只收起枱上食物同餐具，服務員無抹枱直接比排隊客人入座衛生程度極差，服務員態度差，由到籌等帶位完全無服務員招呼、一直係門口等都算服務員衛生意識極低，連客人用餐後無抹枱，淨係收去用餐後餐具！！直接比到籌客人就坐絕對要同大家分享食物上枱無衛生意識，服務員手套沾到食物上枱吾洗至意有下次！簡直污糟過茶餐廳，疫情下咁既衛生程度，做到咁差就咪鬼開門做生意邊有食市會咁無黎衛生

午飯時間嚟到這個商場，好多間餐廳都要等位。呢間也要等位，不過就只要等一張枱，所以等了一會就可以入座✌🏻蚵仔肉碎泡飯 (HK$55)一見到餐牌有蚵仔泡飯，我即點，因為是湯類，清清地，可以讓我補充水份，有飯可以飽肚。沒有想到，一上枱，碗泡飯會有咁多料，又有多粒大粒脹卜卜的蚵仔🦪，正呀～*2小碟前菜(跟餐HK$0)粟米粒和黑醋拌雲耳，一般般啦～金橘鮮檸檬綠茶 (跟餐HK$0)這杯飲品極之夠冰凍、味道方面，有清香金橘檸檬味道配上清淡的綠茶，冰爽又止渴，正👍🏻

荷里活廣場有一間小王牛肉麵，我哋發現今日原來午餐嚟可以食到下晝六點。今日六點之前入去食叫咗三份午餐當晚餐食真係非常之抵！每份午餐都有前菜2份、主食同埋一杯飲品，都係50幾蚊不等⋯⋯半筋半肉牛肉麵不嬲都OK嘅，跟珍珠奶茶就係最好不過啦！夏天最好就係食冷麵今日帶咗一個牛展是牛肚絲冷麵，起初都驚啲牛肚絲唔諗但係結果係好諗！可以喎！蚵仔花枝麵線都OK，都唔少大大粒嘅蚵仔㗎！至於兩份前菜，木耳都好食，但係粟米就真係完全唔得。但係以50幾蚊60幾蚊一個餐來講就真係好抵食啦！

呢段時間冇得去旅行，唯有係香港食住先當去旅行。小王牛肉麵係香港已經開左幾間分店。位於鑽石山呢間，地理位置幾好，幾方便，係荷里活廣場3樓，係鑽石山地鐵站C出口就到廣場。平日去，佢地午市有套餐，包1個主食，2個前菜同1杯飲品。今日叫左3 個餐。1. 台式滷肉滷蛋飯$58🙆🏻‍♀️屋企人話滷肉入味，有八角嘅香味，滷肉肥瘦適中；青瓜爽脆；滷蛋正常🙅🏻‍♀️飯較淋2. 半筋半肉麵（養生牛骨湯）$63（可免費轉幼麵）👍🏼 牛筋淋身，入味🙆🏻‍♀️屋企人話麵質煙韌，唔會太淋太硬；牛肉普通；湯底係有藥材味，屋企人就麻麻3. 鹽酥雞扒麵$62 （可免費轉幼麵）👍🏼 前菜淮鹽花生好食，咸度適中，花生脆口，花生衣同花生岩岩可以做到分離嘅狀態；湯底係清甜而夠味🙆🏻‍♀️ 前菜雲耳，味道一般，只有陳醋酸味；麵質正常；雞扒脆，炸粉簿，份量足夠🙅🏻‍♀️但雞扒本身係完全冇味，只係靠脆粉上面嘅調味而帶出少少嘅咸味，肉質唔似平時食開嘅雪藏雞扒，冇肉汁，同埋似醃左好耐而令到啲肉變得好實啲感覺；湯麵上枱時發現無故有一dat 醬汁，建議傳菜員下次可以留意一下4. 甘梅地瓜 $25 另加小食🙆🏻‍♀️份量適中，地瓜正常🙅🏻‍♀️同係其他地方

每次經過鑽石山荷里活商場都會有選擇困難症， 因為商場餐廳有好多。 今日經過， 行咗一陣， 見到小王牛肉麵唔使等位， 就極速入去坐底叫野食。 Lunch Menu 都有好多選擇， 價錢由四十幾蚊（未連加一）起。 叫咗一個台式滷肉滷蛋飯+ 牛肚（另加12蚊）+珍珠奶茶， 總消費77蚊。🥢菜 - 跟套餐送嘅， 碟菜似平時食炸第墊底嘅菜。 冇評價🥢雞翼 - 不過不失， 味道唔會難食🥢牛肚 - 另加12蚊得兩塊， 好珍貴， 牛肚滷得唔夠入味， 鐘意食牛嘅牛都食到陣牛「蘇」味🥢飯 - 滷肉偏甜， 飯嘅份量好多， 而汁亦都好多。極體感覺 average, 冇選擇嘅情況下先會再幫襯！