小王牛肉麵 (已結業)

這日，因家中有事而放了一個半天假。回到沙田市中心時已經是中午時份。心想，吃點東西才回公司會更好啊。於是，我選擇了連城廣場內的《小王牛肉麵》簡單食個台灣牛肉麵後才上班。我點的，就是招牌的紅燒牛筋牛肉麵，是正宗台灣口味的紅燒牛筋牛肉麵。味道，不能說好，也不能說差。總之，食完成個麵，我完全沒有驚喜，兼且我完全沒有覺得好食的感覺。既然吃完沒有感覺，即是唔係太好食啦。本來是抱著可以食到地道台灣牛肉麵的心情去食的，點知，換來失望。

今日又出動在沙田區覓食，假日沙田區商場人多，餐廳也人多要等位。 但平日沙田區商場及餐廳也不算太忙，也可慢慢享受美食。 今日經過見到有台灣麵餐廳，在門口掛著下午茶系列掛牌。 看見下午茶套餐選擇也算多，而且餐廳入面比其他旁邊餐廳較多客人，人多應該冇咁易中伏，試一試冇妨吧！半筋半肉麵(牛筋也炆得幾軟滑，不過D麵煮得太耐，沒有了韌度較易斷。 用筷子夾起麵，即時有一半麵斷掉。）蜂蜜冰茶(味道唔甜幾香幾好味，可惜冰粒略多了）

突然懷念起數月前喺台灣食嘅牛肉麵，見到呢間牛肉麵店，就即刻過黎試下星期六九點幾，竟然無人排隊，眼見內面仲有好多位，隔離鋪仲有好多人等位，猶豫咗陣，個肚催我快啲入去呢度除咗牛肉麵仲有肉燥飯，小菜，飲品方面選擇都好多。牛肉都有好多選擇，花多眼亂，最後揀咗原汁牛肉麵粗麵。牛肉同牛筋分佈平均，梅花間竹，咬落去外鬆內軟，牛筋夠腍，牛肉無痴牙，牛肉吸收咗湯嘅味道，仍保持牛肉嘅肉味，我鐘意食煙煙韌韌嘅麵，呢個麵不負我所望，夠晒煙韌有咬口，個湯好似我係台灣食嘅，有藥材味，湯底較清淡，不油膩，啱晒鐘意清淡嘅我可惜唔記得揀埋酸菜飲品方面揀咗桂花蘋果茶，呢個只有熱飲揀，底部見到桂花同蘋果粒，未飲已經聞到淡淡桂花香氣撲鼻，仲帶有絲絲蘋果嘅甜味心情都變得大好，呢個就花茶嘅優勝之處不太甜，反而食蘋果粒嘅時候先發現蘋果粒好甜，好飲食糖咁，還好飲起來唔太甜呢個蘋果茶我好鐘意

難得今天不用上班，相約了好友吃下午茶，然後再一起到大學上課。我倆都住得不近大學，也非火車線之友，所以搭車最近也只能到達沙田，然後再轉往大學。上課前便得要大吃一頓，好使一會不用在課堂中挨餓。沙田火車站上蓋的連城，是個十分就腳的地方，而且鮮有自由行入侵，確保了食客質量。而在芸芸餐廳中，我們的選店標準有二。一是供應下午茶餐，眾所周知下午茶餐一般比較便宜，難得是下午茶時間來吃，當然得選下午茶餐。二是得要十分果腹，因為一會上的課堂時間十分尷尬，橫跨整個晚飯時段，所以一定得要先填飽肚子。符合這樣要求的餐廳不多，而當中又配合我倆口味的更是艱難。因此，小王可以算是我們千挑萬選出來的。我點的是半筋半肉麵，配一杯冰茶，盛惠$53。牛肉麵上桌時，碗中的湯匙盛著酸菜，而非直接掉進湯中，方便客人配合自己的口味進行調教。牛筋走無牙路線，十分軟滑。牛肉也是綿軟口感，稍帶肉香。兩者的味道都中規中矩，算是不錯。接下來，談談可以進步的地方。一，麵條煮不好，有少部分麵條疊在一起，根本沒有煮開。二，蔬菜超少的，我明白很多時候，蔬菜也是只會放兩條，不過只放半條，實在是太孤寒了。三，跟餐的冰茶點了少冰還是超多冰的，冰塊與杯底的距

晚飯時間，來到沙田，突然想食麵，行過去連城廣場，上去研究一下，逛了一遍，最後選擇了小王…這間台灣牛肉麵算是頗具人氣的，每次經過也人頭湧湧，幸好這次只需要等候五分鐘便可入座。餐廳行簡約風格，就連餐牌也是一頁之紙（底面兩頁），點了招牌菜半筋半肉麵丶鹽酥杏鮑菇，食物好快送上，湯是一碗麵的靈魂，先喝一口湯，此靈魂十分飽滿，既濃郁且帶有陣陣的藥材味，感覺滋補；咬一口牛肉，硬身易咬開，味道偏向突顯牛肉原味；咬一口牛筋，也是比較硬身，未夠軟糯，味道不錯，略嫌份量不多（只有兩牛肉及一牛筋)，幼麵爽口彈牙。另外，鹽酥杏鮑菇，就是滿滿熟識的台灣鹽酥香味，杏鮑菇被炸得香脆且保留水份，大小適中，一粒一口，味道可口。台灣風味晚餐，令人回味。半筋半肉麵，可揀選粗麵或幼麵（配酸菜)。半筋半肉麵＄56。荔枝冰茶＄8。鹽酥杏鮑菇＄28。每晚四款是日特色飲品可加配。

一到晚飯時間，沙田新城市廣場好多餐廳都要等位，所以我們便去連城廣場覓食一樣是人山人海啊，小王牛肉麵不用排很久，所以就這間吧！我們二人一共點了 半筋半肉麵、台式肉燥飯、鹽酥骰子豆腐、一口鹽酥雞和兩杯奶茶。首先來到的是這碗半筋半肉麵。先説説湯底吧，點餐時可選擇豬骨湯或牛肉湯。我們選了牛肉湯，湯底尚算濃味，有股藥材味，有點像肉骨茶，不過偏甜。而麵條也可選擇粗麵或幼麵，我們要了粗麵。麵條份量不算太多，但口感彈牙，有點像刀削麵，很好吃。而牛筋十分軟腍，充滿骨膠原，吃完後兩片嘴唇有點粘住，哈哈🤣而牛肉的份量比牛筋少得多，只有兩塊，但肉質都ok的，不會很韌很難咬，一旁還有兩條小棠菜。之後肉燥飯和珍珠奶茶也到了。肉燥飯很大碗，一開始見白飯很多，但肉燥好像只有很少，但後來也能撈到整碗飯米飯都好吃不會太乾或太濕，飯粒有咬口。肉燥沒有用太多肥肉，而我覺得飯中的兩塊青瓜是精髓，青瓜是經過醃製的，酸酸的十分醒胃，吃兩口肉燥飯，覺得有點油膩的話，便可咬一口爽脆又酸酸的青瓜，感覺上較清新，減少些許油膩感。不過吃完整碗飯，碗底超多油呢，如果可以少油一點就更好了而珍珠奶茶就普普通通，超級甜，茶味也不算突出，有很多珍珠。

-🍜半筋半肉麵（$56）（🤤：6.5/10）🔽先講下個湯底先，未至於話去到好濃郁，但都算鮮甜既，食完唔會口喝 唔會過咸。牛肉方面，啲牛筋煮得咁耐，夠軟夠稔滑 幾出色，腩方面就差啲，量少而且幾韌口下。個麵幾有咬口幾彈牙，掛湯能力唔錯。🔽個人認為好食過佢既仲有其他選擇，但佢既價錢都合理既，要求唔係好高既可以試下。📍小王牛肉麵📍沙田沙田車站圍1號Citylink 1樓102-103號鋪

入到黎，更係要試佢地既牛肉麵啦！！！小编今次叫左個半根半肉粗麵，湯底好濃又香，一D都唔油膩！！D肉同根又夠諗，非常好味小編今次當然唔放過既係鹽酥雞！！！！嘩......係大過塊臉既雞扒，小編對鹽酥雞既要求很高，係香港食過無數甘多間既鹽酥雞！！呢間一定要比呢塊雞扒炸得又鬆酥又脆，又保持到肉汁。雞肉又唔乾！！！非常...非常...非常好食！！！

放工去左食小王牛肉麵，平時門口會排哂長龍，但竟然今日門口無人排隊，咁仲等咩，一於今晚就去食牛肉麵啦～叫左一碗牛...筋麵，原本想食牛肉麵，可恨係自己手殘...不過牛筋麵都幾唔錯，燜得夠淋，唔會好難咬開。個麵好重牛肉味。鹵水蛋肉燥飯，原以為肉燥好少，但估唔到可以撈得匀成個飯，而肉燥本身就好好食，所以肉燥飯好好食XD一口鹽酥雞，好香口，好脆皮，而且真係一口size，非常方便去食。不過，如果可以加個dressing就好啦～甘梅地瓜，原以為甘梅粉只係加落芭樂會好好食，但估唔到同地瓜都咁夾！手拍青瓜，好爽口，又夠多汁清甜！最後埋單每人100，非常抵食！

是日我要去沙田連成廣場睇醫生，睇完醫生剛好7點左右；一落到去就係一堆餐廳，所以就打算係連成廣場食晚餐。一來方便，二來價錢要比新城市廣場既餐廳便宜好多。基本上所有餐廳都曾經試過曬，除了小王牛肉麵；之前因為要排隊所以放棄了，今次唔駛排隊所以秒速決定食小王入到去位置都頗多，但係有點兒逼（如果二人台的話）；我嗌了全牛筋牛肉麵，而男友嗌了經典：肉燥飯除此之外，我地仲嗌了鹹酥雞、甘梅地瓜條以及涼拌青瓜全筋牛肉麵（幼麵）：佢啲牛筋非常軟！喜歡牛筋既朋友唔會想錯過；而且佢既湯底係鮮甜好飲既，麵既粗度剛剛好，非常讚！肉燥飯：份量比台灣既要大碗，而且有一整顆滷水蛋；肉燥好滿，送飯非常惹味，而且飯香也是足既，多一個讚！鹹酥雞：份量有啲細，但係價錢係食過咁多間台菜最合理既一間；而且有隔過油，上菜時唔會太油膩，唔錯！甘梅地瓜：最抵讚既小食。話說台灣夜市超便就有一大袋；當然香港就無，份量雖少但係真係好似得小王有甘梅地瓜！台灣田地瓜炸過後配上甘梅粉，帶有輕微酸味，好好味，我摯愛涼拌青瓜：唔係四川style，只係淋啲芝麻醬，所以普通，下次唔會叫除此之外，整體體驗非常好！之前有試過玖五牛肉麵；雖然兩個各有千秋，但論分店

從未食過如此難食嘅肉躁飯味道完全唔得 第一啖就好失望得個蛋好d 香芋珍珠奶茶又甜又難飲係粉沖出來嘅不過珍珠都ok牛筋麵麵底聞起以為好香食落就完全唔香 淡而無味麵條就幾好食不過整體真係好難食

有時行開沙田都會同朋友一齊食「小王」。每次去都要排隊，呢間店係沙田都算少數食台式麵食仲咁多人排隊既店。亦可以證明佢真係好食啦。雖然佢出名嘅係牛肉麵，不過食完覺得麻麻，主要因為湯底有「八角」，牛肉就還好，唔算太特別。本人反而幾推介「鹽酥雞排肉燥飯」。正確黎講係當中嘅鹽酥雞排。鹽酥雞排真係整得好有水準！粉漿唔會太多，而係薄薄一層。而且炸到金黃色。食落juicy多汁又香脆。仲要更勁一塊，對於鐘意食鹽酥雞嘅我而言，呢間真係世界級。至於肉燥就一般啦，飯亦有點乾。完全係衝住件鹽酥雞排而黎。終於食鹽酥雞嘅朋友唔好錯過啦！

今晚OT，晚上8點多，突然又想食麵，就去咗小王牛肉麵，自己一個人食，就點咗個粗麵加酸菜既原汁牛肉麵，第一口飲湯先啦，湯係有些似星加坡肉骨茶，但佢再甜多啲，嚴格來講小王湯真係吾算係好野，麵都可以，有些咬口，牛肉都算入味，軟硬、大小適中，至於份量女士食一碗剛好，但男士就應不夠了。總括是早中規中矩啦。我記得之前食過炸豬排麵，豬排係大件夾抵食，而且味道和質感也不錯，還有他們的鹽酥雞也是不錯，但既然用得牛肉麵做招牌，怎麼不好好做好湯底呢！

1Jun 晚飯時間 等左一陣就入坐 叫左個半筋半肉味 湯味濃 筋好味 唯獨無肉 變左全筋面牛腩面都好腍好入味 唔錯掛住台灣又叫多個一口鹽酥雞 好濃味 如果減淡一點點仲好味 下次仍會再叫😋飲品就叫左珍珠奶茶 唔錯 同薄荷朱古力 無論薄荷同朱古力都好重味 重口味會鍾意 普通的建議少甜就好

小王牛肉麵來自高雄，憑著牛肉麵拎過獎，在香港都有幾間分店， 格局都比較親民。之前食過小王牛肉麵，味道不錯，襯著下午茶時間，點左2份下午茶餐。好開心下午茶餐竟然有金錢肚！！主角對我黎講係金錢肚：好大塊又好入味，一點雪味都無，我仲好喜歡小王麵既質感，加上個湯極之濃郁，唔會太咸，食完十分滿意加滿足。另外老公點左肉躁蛋飯，味道都不錯，同跟餐仲會有一杯蜂蜜綠茶呢。我覺得抵食加正宗過樓下大集團偽台灣菜啊。另外我地都加左份豬耳，蒜味超香口，因為今日唔想食煎炸野，如果唔係我都實會叫炸雞排。我會用實而不華黎形容小王，無舖張宣傳，但食物保持質素，員工都是香港風格，小王屬於貼地既台灣牛肉麵店。