小王牛肉麵 (已結業)

其實旺角是但一間台灣野麵好食過呢間野價錢又貴 又唔係特別好食其實覺得好食果班應該係呃緊自己比左咁貴 自然覺得高檔d好食d肉燥拌麵 你比埋個牛肉湯我拌做乜？想食乾麵，你加d湯落去變濕麵😑仲有，碗牛肉麵難食到湯又奇怪味真你是但搵間粉麵店d牛腩河都完勝你腩汁湯都已經好飲過你地賣成$12嘅牛肉湯以後唔會再食 又難食又貴

做嘢做到攰，就想去旅行，未有假放，唯有lunch Time鬆一鬆！今日同事提議去小王，當去咗轉台灣喎，夠晒阿Q！一睇餐牌，又加左少少價。我哋兩個都想食半筋半肉麵🤔停一停，諗一諗，兩個人，一個叫牛肉麵，一個叫牛筋面，合體就係半筋半肉。有個朋友會後join😜對唔住！冇得遲嚟先上岸！佢自己一個要左碗半筋半肉麵，正正可以等我哋分辨下合體同佢個碗嘅分別。結果係：冇乜大分別！分別係=佢嗰碗貴＄6！哈哈哈！牛筋的確夠晒腍，但唔算入味。浪費左個湯底。牛肉中間夾住少少筋，味道唔錯！我哋全部要粗麵，有嚼口，但唔夠滑！（呢一刻掛住刀削麵！）至於飲品，當然叫咗珍珠奶茶。茶底冇某啲外賣連鎖店咁香濃，不過都算係香甜適中啦。食完晏，個旅行夢就完咗！又要繼續捱騾仔！

於家裡忙了半天, 正要趕出去觀塘買東西, 由於要經鑽石山去, 本想去荷里活廣場內的唐記包點買個便宜的蒸飯快速解決, 正好平常人多的小王牛肉麵今天不用排隊. 愛吃麵食的我, 來這裡還是習慣的點牛肉麵, 半筋半肉正適合饞嘴的我.正過了午餐時間, 店裡的入座率大約是8成左右. 不用多久, 點的麵便上桌, 半筋半肉的份量不算少, 伴著些許醒胃的酸菜. 熟悉的香料撲鼻而來, 但喝起來湯頭沒有想像中的濃厚. 牛筋頗大件, 但不及廣東式的炆牛筋軟腍入味. 相對牛筋, 較喜歡這塊帶點筋的牛肉, 吃起來既有牛肉的質感又有膠質的感覺. 麵條用的是粗身的偏闊麵, 與湯頭頗配合. 翻食指數: 50分.  價格著實不算便宜, 而且午飯時間經過往往需要等位, 更減吸引力. (此指數平衡店舖交通, 味道, 環境, 價格... 等等, 個人作出的評價.)

台灣出名既有大雞扒, 牛肉麵。小王好多地方都有分店。今日中午黎到, 見門口都有人等緊位, 好彩我1個人, 所以唔洗等就有位。塊雞扒真係好大塊, 應該大過我塊面, 雞皮炸至脆卜卜, 雞肉鮮嫩, 鹽酥好惹味。我選左粗麵, 好有口感, 湯底好清, 味道很不錯, 加小小醋, 味道更佳。

一個人食晚飯，緊係揀方便又舒服～唔快唔緊要，就算自己食都要舒服好食～今晚食小王，叫左一個精裝牛三寶麵同飲左杯特濃薄荷朱古力。湯 － 感覺都幾濃烈，不過由於我頗喜愛藥材湯的，所以呢個湯底令人聯想到十全排骨湯同肉骨茶。麵 － 幼麵黎講個粗幼度適中，掛湯但唔係彈牙o既感覺。餸 － 牛筋夠軟，有微微的漿口感，算入味      － 牛肉好入味，都好軟，幾鐘意個口感      － 金錢肚略為un左少少，唔算差但可以唔洗特登叫其實整體都ok的，但係酸菜同肉湯個人認為唔算太夾，但以呢個價錢黎講都好合理的～至於杯野飲，有驚喜丫，飲出黎有陣陣酒味，唔知究竟有冇ge呢！！hahaaa～少少似cocktail但係濃郁可口的～

今日同朋友出左奧海城行街，行到過奧海城一期 都見到好多食店，大家樂，one ant，個肚都餓餓地喇，就見到間係食台灣野，見啲食物好似吾錯，就入左去試 入到去坐底 環境幾寬敞 店員都同我講左依加食係下午茶時間2:30-5:30 落order個陣仲會覆單 幾細心 同有禮貌同朋友都叫左 肉燥豬排飯 蚵仔煎外脆內軟:好好味，台式貢丸 紅油炒手 兩杯飲品 價錢吾貴 下次可以再光顧

朋友話香港最好食嘅牛肉麵,應該係呢間,我好奇,所以要去下,先叫個沙律伴麻醬,味道OK,麻醬沙律好難唔好食…再叫招牌牛肉麵,麵爽彈牙,牛肉也很入味,食落無渣好滑,確實不錯,但不至於是全港最好吧可能去食既時候抱嘅期望太高了,但整體都OK

台式牛肉麵卑既都係牛展，其實香港人比較鐘愛牛腩，但係台灣粗麵既咬感又令人難忘。呢間野既牛肉麵用台灣麵，加上燜到好冧既牛腩，中藥湯底，成碗麵真係一滴湯都唔好浪費。

好耐冇食過台灣牛肉麵心癢癢便來了一坐下未有俾水 要問先有叫左一個五香牛肉拌麵有辣有不辣有幾塊牛展係面只係撈都唔會好dry每次黎都必點的半筋半肉麵牛筋和牛腩的比例各半牛腩唔會太肥或太瘦夠厚身 入口即溶麵可以選粗麵和幼麵麵就比較硬身湯底比較清 冇其他牛肉麵咁咸黑糖只有面頭少少反而唔會蓋過左牛奶的味2個味道好夾另加$2珍珠(有其他選擇哦)

同老婆仔係奧海城行完街, 見佢個MENU 平平地又唔使等位就入左去。甘一場黎到, 緊係試下佢個招牌原汁牛肉麵啦。湯底好正, 有濃郁既牛味同少少藥材味, 麵亦都軟硬適中, 但一試個牛就出事。唔知佢係岩岩賣曬定點, D牛一D都唔入味, 亦縑老左少少, 無論味道定口感都唔合格, 作為招牌菜有D失望。好在其他野食幫佢拎番D分數。我地另外叫左個三杯雞同滷肉飯。三杯雞名乾身, 香菜,大蒜同個醬汁好香。雞入味得黎亦保持到嫰滑度。滷肉飯鹵得入味，唔會太咸, D油香拌飯一流, 雖然食完好有罪惡感><最後我地見到隔離檯個蚵仔煎幾靚, 仲追加左一份。佢唔係傳統台灣夜市既蚵仔煎, 比較乾身, 亦都冇個"PAT"滑孱孱既芡, 比較似潮州打冷既蠔餅。但佢煎得好香口, 粉亦唔會太厚, 配上辣椒醬更加好味。食到捧住個肚, 加埋兩杯野兩杯台式飲品, 埋單兩個人先兩百五, 非常抵食。下次行過會再幫襯。

早前去過荃灣廣場的小王牛肉麵食tea，該分店的服務認真麻麻，連想要杯水都要俾說說客人聽的，說下午茶時段不供應茶水，雖然最後也送來清水，但是感覺就不太好受.這天來到奧海城，知道這裡也有小王牛肉麵，決定試試這分店的食物質素如何. 甫坐下，詢問職員可給予開水，轉眼已送到面前.原汁牛肉麵 ($39)與上次一樣，來到小王就必點原汁牛肉麵，由於上次於荃灣店吃過超腍的麵條，亳無咬口，這次特意詢問可否弄硬身麵條，最後送來的，也就是以往愛吃的煙韌有嚼勁的麵條呢! 而且牛肉共有4件，比起荃灣店多一件，心想以前於沙田店吃也只有3件，難道奧海城店份量是多一點的?蜂蜜冰茶餐飲是蜂蜜冰茶，味道正常.個人覺得，奧海城店水準較荃灣店好得多，至少店員的禮貌態度，會令客人想再來光顧!!大角咀海輝道11號奧海城一期UG層23&25號舖2749 2111

係附近返工，有時都會去奧海城食“小王牛肉麵”呢度好多卡位，坐得舒服來呢度我必點的是細個成日飲既青蘋果綠茶，而家好多地方都冇得飲，喜歡佢酸酸甜甜既果香味，好 frensh 下午茶有肉躁豬排飯，喜歡佢塊豬排炸得香脆又juicy, ，唯一唔好就係食完都有d口渴，畢竟知道味精應該不少，間唔中食下都ok既，飯是珍珠米造的，口感好煙韌

I've been really addicted to their 半筋半肉面 with thick noodles recently. The broth is heavenly and the noodles are perfectly chewy! Love it!!

牛肉麵在香港有很多家, 有不同地方來, 今之聽朋友講小王牛肉麵, 也來試下。早去到, 還未到飯市, 所以有卡位坐, 非常舒適。環境十分光猛落單是直接用筆寫上走, 落完單, 想去個 toilet, 但剛轉身, 已來食物, 可見非常有效率,肉燥滷豬手飯滷汁很淡, 唔入味, 肉很似超市包好的碎肉, 好瘦, 食落係鞋的, 肉燥過於乾身, 唔得豬手既皮, 處理得還可以, 沒有毛, 但冇咩味, 同冇咩肉。更談不上有滷香份量還可接受紅油抄手雲吞皮成張毯咁, 肉好實, 而且細粒, 紅油似街買到的感覺很馬虎炸醬麵寬闊又扁又厚身既麵, 幾硬, 夾上來, 感覺乾乾硬硬, 好似已煮定, 放左好耐, 炸醬 不多, 炸醬沒有有肉汁, 食起上來, 唔得。食物一般, 唔值, 但環境, 服service唔錯, 座位舒服, 可以加番d分,

和朋友及我的他忙完當日的工作後，我地由西環本來打算返元朗後，再晚餐，但由香港站搭東涌線去南昌站時，係未諗到食乜野，即興係奧運站落車，本來打算去奧海城2期的大食代，但後來即興話去奧海城1期小王牛肉麵食吧，就係咁，我地3個就碌左去小王了 朋友叫左半筋半肉麵，但話湯底的藥材味不及荃灣分店咁濃，但都很好味；每人叫左一杯drink...我叫了杯綠茶多多，不算太濃味，但很解渴；朋友叫了薄荷朱古力，朋友話如果薄荷味再濃ｄ就更好了；我的他叫了山渣洛神花茶，酸酸甜甜的，很好味；我叫左碗排骨湯麵，塊豬扒很大塊，肉好juice；我的他叫左呢3樣野食；我地叫左d小食share食所有食物同其他分店都一樣，不差，但味道就偏淡一點，可能不同地區的客人口味都有所不同，但仍然覺得好食的，呢餐個肚仔食得好滿足，每人約百來蚊