小滿定律

營業中

休息中

📍 小滿定律🇭🇰 西貢福民路58號高富樓地下3號舖細細個已經好中意食乳酪雪糕但係個D自助式乳酪雪糕店已經買少見少呢間乳酪雪糕店同普通乳酪雪糕唔同佢係希臘乳酪雪糕 係健康啲 少啲卡路里🤣係西貢十分有人氣 已經第三次去 每一次都係咁多人!!最欣賞佢地嘅配料杯裝乳酪雪糕 $58配料:😋 綠茶糯米糍😋 芒果😋 海鹽焦糖脆脆醬汁:😋 熱情果醬個綠茶糯米糍好軟好煙韌面頭仲有超多綠茶粉係上面 好濃好正芒果係芒果蓉雪左成冰 味道好似芒果乾嘅甜海鹽焦糖脆脆好甜 不過我一向都好中意食 好脆 口感好好好食😋

✨希臘乳酪雪糕可以揀杯裝或筒裝 三款配料 加一款醬汁配料揀左海鹽焦糖脆脆 咖啡蒟蒻 芒果醬汁就揀左 熱情果汁 幾足料大杯乳酪雪糕 乳酪味偏淡 味道微酸唔太甜 雪糕口感軟滑 但少少偏易融海鹽焦糖脆脆 淡淡焦香微鹹唔太甜 鬆化但好黐牙咖啡蒟蒻 咖啡味濃 微甘冇甜味 口感爽彈芒果香甜 熱情果汁酸酸甜甜 整體都可以 但配料同乳酪雪糕唔算好搭總結：味道可以 感覺樣樣都爭少少可能有期望咁去 有少少失望同我預期幻想嘅有啲出入 呢間明顯係走健康路線 較低糖輕盈啲去開西貢都可以一試環境服務普通 價錢可以

希臘乳酪雪糕$38呢款希臘乳酪雪糕芒果味真係好好食啊！佢嘅質地好滑，味道又豐富，有希臘乳酪嘅酸味同埋芒果嘅甜味。唔止好食，仲好健康，多啲蛋白質同埋鈣質。如果你係甜品控，呢款雪糕一定要試下啦！

搭車經過見到店內滿滿嘅人，食完飯過嚟都係滿滿的🙈好在係等拎嘢食嘅人多個排隊買嘢嘅人，所以由落單到取餐大約等咗15分鐘就有得食！叫咗新出嘅桃味+彩虹脆脆（$58），加咗芒果同抹茶麻糬，焦糖脆脆同抹茶麻糬好正，必點！雪糕質地嘅希臘乳酪可以滿足口感之餘又無咁肥，食落唔會有罪惡感🤭有好多Topping選擇，唔知點揀就睇吓收銀機後面嘅排行榜🤭⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 7/10CP值： 6.5/10推介值：7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯Instagram: w__ayan日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

之前經過幾次都見到好多人，呢日終於的起心肝要去排左十五分鐘隊🤤不過店面太細又多人轉個身都難，買完拿拿聲出去條街度搵位食，但天氣開始熱溶得比較快🔥▪️ 希臘乳酪雪糕 💲58 (杯裝 - 3配料 + 1醬汁)口感幼滑，帶有微酸，再酸啲既話會更得我歡心😳常規配料選擇已經唔少，仲要有期間限定，真係眼花撩亂，選擇困難症既人如我，都係參考返十大最喜愛配料🤫▫️ 芒果：並非新鮮切粒嗰種，而係雪到偏硬身一點，比較重冰感既，勝在都幾甜🥭▫️ 海鹽焦糖脆脆：咬落脆卜卜，一開始有微微鹹味，中間會有陣焦燶氣味，相信未必個個都鍾意，最後會係甜甜地，同埋有少少黏牙，但我覺得很可以接受🫣▫️ 綠茶糯米糍：每次食乳酪都必定要加既，質感軟糯煙韌，灑滿綠茶粉甘甘地🍵▫️ 熱情果汁：食到啲熱情果籽，酸酸地幾醒胃，同乳酪好夾，如果再落多啲我仲開心🤭🔎 整體評分（8/10）

今次終於都食到佢喇🍦•希臘乳酪雪糕 可以自選3個配料加醬汁好多選擇 最後揀左藍莓 海鹽焦糖脆脆 朱古力脆珠 紅桑莓汁乳酪雪糕酸酸甜甜 好好味同會令人食完一啖想再食加埋配料一齊食 好滿足 入到黎西貢一定要食💓•乳酪奶昔一樣可以自選生果 仲可以轉埋脫脂奶正正🥛

第2次幫襯呢間開正係西貢巴士站隔離的Yogurt 店，一次係獨木舟後，今次係行山後，體力活動後食返杯雪糕 like的甜品可以幫個人 refresh 下!其實價錢都偏貴，Yougurt味一般，入口似雪糕多。不過就好多料，成杯都滿晒，一定唔係「小滿」。Toppings 有好多款(網上聲稱有多達26款配料)，不過通常熱賣果d都好容易賣晒，總有款岩你 (basic可選3款)

位於西貢的小滿定律，將風靡一時的乳酪雪糕，再次帶到大眾目光面前。幼滑的乳酪雪糕，配上店舖人氣配料排行榜的海鹽焦糖脆脆、藍莓以及熱情果果醬，讓想享受甜食的心，多了一個低負擔的選擇。Remember the first time you got a cup of frozen yogurt? Law of Yogurt brings this back with a variety of toppings that you can choose from, such as sea salt honeycomb, blueberries, and passionfruit sauce.

一直好想嚟呢間位於西貢嘅人氣fro-yo店 行完山見佢仲未閂門就梗係要食返杯啦🍨好耐無食fro-yo 真係啲中學回憶返晒嚟🥺❣️Frozen Greek Yoghurt ($58)▫️In Cup 200g▫️3 toppings + 1 sauce配料我就揀咗海鹽焦糖脆脆、lotus焦糖餅同朱古力脆珠 醬就揀咗美祿粉🦖造型好啱打卡之外 雪糕都幾實淨 而且超級幼滑 酸酸甜甜咁食完又唔會太有罪惡感😚但作為美祿控略嫌美祿粉唔太夠🥺焦糖脆脆都幾大塊 而且都幾脆口 但有少少痴牙 同埋如果可以再切細少少就好 但可能就無咁好打卡🤣lotus餅都係得一塊所以幾失望🥺但店員真係落咗超多朱古力脆脆 增加唔少口感🥰整體味道中規中矩 唔算太特別 但就真係幾大杯 兩個人share啱啱好🥰大家如果入西貢嘅話 經過買返杯嚟解下暑都係一個唔錯嘅選擇(˶‾᷄ ⁻̫ ‾᷅˵)推薦指數：🌟🌟🌟

專程搭左成個鐘的士過嚟食好出名嘅Froyo，點知勁失望。賣$58冇$58嘅質素，不如食Smile好過。個froyo係完全冇乳酪嗰種酸味，得死甜，滑就幾滑嘅，但乜味都冇，滑又咩用？再講啲toppings，叫咗三款分別係Raspberry Sauce，綠茶糯米糍，honeycomb。三款都好難食，raspberry sauce 冇raspberry 味，只係一pat紅色嘅醬。 綠茶糯米糍好硬又冇綠茶味，只係一嚿好似隔咗夜老化嘅糯米糰。個honeycomb氣泡太細，食落太實同硬，仲落得太多baking soda，一陣梳打粉味喺個口度揮之不去。唔建議專登過嚟食……不如食smile…..

西貢碼頭附近嘅「小滿定律」週末總是人龍不斷，今日閒日下午趁無人排隊，試咗佢哋嘅招牌乳酪雪糕。店內主要售兩款產品：希臘乳酪雪糕、希臘乳酪。留意前者先係有雪糕嘅 froyo，兩款產品名好相似，小心唔好搞錯～❝ 希臘乳酪雪糕 | $58可以自選3款配料+1款醬料，如需要額外配料，每款 $6 起。店內有超過20款配料可以選擇，大部分配料都可以喺玻璃櫃度見到實物。如果有選擇困難，可以參考收銀後面嘅排行榜，睇吓其他人揀咩。先落單及付款，之後店員會開始製作乳酪雪糕，整好之後會拎你拎。我哋兩人 share 一杯乳酪雪糕，揀咗以下三款配料：海鹽焦糖脆脆、抹茶麻糬、檸檬芝士蛋糕。配料 (1)：海鹽焦糖脆脆🍯人氣NO.1配料🏅 咬落有焦糖香，海鹽鹹味就唔突出。口感比較硬脆，食到最尾有少許痴牙。不過脆脆口感同乳酪雪糕幾夾，增添了口感層次。如果鍾意食蜜糖脆脆，可以買一樽返屋企，$42 一樽，問過店員話可以放2-3星期左右。配料 (2)：抹茶麻糬🍵沾滿抹茶粉嘅麻糬，咬落口感Q彈，煙韌控會好鍾意～配料 (3)：檸檬芝士蛋糕🍋有淡淡芝士味，混合檸檬味道，整體甜甜地唔會太酸。———醬汁：熱情果醬至於乳酪雪糕質感，就比其

同老公入左WM Hotel sraycation ，check in完放低野就出去搵好西食，見到有幾個女仔拎住杯乳酪食，望到個樣好似好正即刻去搵啦，終於入到去，間舖有3個女仔staff ，望完餐牌就落單，個staff黑口黑面😨，態度好差，但為左唔好影響心情，所以忍🥲講返個口感，味道我覺得一般，但好足料，我覺得入到西貢可以試一次，一次就夠。因為口味好個人，我自己會中意smile多d

講到西貢，相信好多人都聽過「小滿定律」，應該都知係食乳酪架啦😗佢哋嘅乳酪嚟講，軟滑、唔會過酸/ 甜，標準地好食。店內溫度偏低，乳酪冇咁易溶，不過都唔好打咁耐卡😜而一杯乳酪好冇食，配料都好緊要！🤔通常入到店都會有選擇困難，因為標準乳酪杯可以揀3款配料同1款醬，講下我嘅心水：醬：熱情果醬不錯，酸酸甜甜，幾開胃配料：🤌🏻藍莓：我建議選一款水果，因為乳酪配合天然水果係絕配。藍莓外皮薄脆、口感不錯、又甜！🫡🤌🏻芒果：個fd話芒果好甜、好好食，下次會試試🫣🤌🏻檸檬蛋白脆：最近試咗，口感勁鬆化，而又唔會好痴牙；味道又唔會過酸、打卡又靚🤭🤌🏻綠茶糯米糍：勁好食！好煙韌、綠茶粉又香🫠🤚🏻海鹽焦糖脆脆：係佢哋人氣榜no.1、打卡係靚嘅，但個人覺得，又硬、又厚、又痴牙😹總括，喺西貢食到高質乳酪，又可以打吓卡，的確好極🥂🍻

幾飽都食得落甜品😎西貢遊最後一站必食人氣乳酪雪糕🤘🏻天氣熱熱地 揀咗杯裝食得方便啲除咗醬無得選擇外 其他配料有20+任君選擇選擇困難症每樣都想食🤣🍦 杯裝 $58 (1款醬+ 3款配料)蘋果玉桂醬酸中帶甜 味道同ApplePie差唔多 可以中和其他甜甜配料配料1 : 海鹽焦糖脆脆人氣配料之一✨的確唔錯都幾大粒下 好香脆可口但越食越甜 甜到食唔到鹽味配料2 : GreenTea Mochi同樣人氣配料之一✨煙靭糯米糍濃濃綠茶味中和焦糖脆脆甜味糯米糍唔會太硬身 剛剛好🥰配料3 : Brownies又係甜甜嘅配料 香濃朱古力味口感唔太軟偏硬身少少 都唔錯👌🏻整體黎講💁🏻‍♀️ Yogurt綿滑又酸酸好開胃雖然配料多數偏甜 但配上醬汁加Yogurt整體酸酸甜甜 係好食嘅👍🏻當日唔太多人 所以等候時間唔長有機會要食埋其他配料🤤

行完東霸，返西貢市補充體力。我同朋友一致選擇呢間最有人氣小店——小滿定律。地方好易搵，喺巴士站附近。店面好靚，亦好貼心放咗張長凳仔，俾人坐低食。呢日係週末的下午5、6點左右，已經有對情侶坐喺門口長凳上享用緊雪糕。店仔細細，店內都有3組人，於是我地喺門口睇menu等咗陣。都好快已經有人買完騰出空間俾我地入去，但我地仲未揀好最終朋友揀乳酪雪糕，我就揀無雪糕嘅希臘乳酪。雖然店方提供咗位置，不過前面就係行人路同馬路，人來人往。我地想喺再開揚啲嘅位置享用，於是行返碼頭嗰邊，但碼頭都好旺，有uncle 們捉棋，有人釣魚，仲有好多人帶貓貓狗狗散步any肥，坐落舒服。朋友嗰杯有焦糖脆脆，咖啡凍同oreo。雪糕好正好滑，又唔會溶得好快，焦糖脆偏甜，用帶微瀝嘅咖啡凍中和返。好滿足！我就揀曲奇同芒果同熱情果醬成杯乳酪好豐富，第一啖希臘乳酪偏酸～撈返啲熱情果醬～酸酸甜甜的～唔會膩，覺得自己揀得好健康，而且本身有奇亞籽同燕麥，加埋其他配料，成杯嘢既開胃又飽肚！我地就喺呢個黃昏俾乳酪填飽咗個肚。