小津居酒屋

營業中

休息中

Lunch time來訪呢間小津居酒屋，因為想食下lunch set 刺身丼！裝修都係特色嘅居酒屋設計✨✨#美少年 發現！ 👀👀👀👀👀👀👀👀先嚟個汁律，好鍾意沙律畀好多汁，不過呢個真係太多！多過啲菜添🫣🫣🫣因為見幾抵所以追加咗 油甘魚刺身 $20完全無想像過係咁厚切！！！仲要好新鮮～🫡讚！！重點嚟啦～～蔥花吞拿魚蓉飯，無個油甘魚刺身咁驚喜，但都抵食！😬set 仲有湯同蒸蛋呢啲基本嘢啦！.

［旺角/何文田］小津居酒屋高砂食剩指數:0/100呢度既魚係日本空運到港今次呢款高砂肉質軟嫩食落無魚腥味新鮮真係好重要加少少醬油wasabi已經好食.馬糞海膽和牛煲仔飯食剩指數:0/100日式居酒屋入面呢個煲仔飯真係好特別好推介和牛既油香同馬糞海膽既鮮甜融入哂落個飯度仲有少少飯焦既香脆感同帶少少甜既日式醬汁真係幾好食.三色漬物盛食剩指數:10/100漬物分別係牛蒡、蕎頭同蒜頭味道幾清爽幾開胃個人就最蒜頭爽脆帶一點辣既感覺.海苔鱿魚食剩指數:0/100鱿魚彈牙但唔會好難咬脆漿加左海苔無咁單調仲會多左一份香味點沙律醬食好夾.燒阿波尾雞翼食剩指數:5/100雞翼簡單鹽燒皮夠脆肉唔乾.燒秋葵食剩指數:0/100秋葵好滑加左燒汁好香

Chilled tofu with crab roe 蟹膏冷豆腐 🦀 $38冰凍嘅蟹膏豆腐口感非常香滑，食落去有少少似凍日式燉蛋，面頭有濃郁雞蛋黃般嘅蟹膏🍳😍，鮮甜又creamy，係個唔錯嘅前菜Olive vegetables and scallion tuna hand roll 橄欖菜香蔥吞拿魚手卷 🍣 $78 呢一款手卷嘅配搭好特別，健康嘅橄欖菜配落香蔥吞拿魚蓉🐟，但有淡淡嘅橄欖香同酸味，同清新嘅吞拿魚手卷好夾Japanese sea urchin cup 日本海膽杯 $98的骰嘅日本海膽杯望落去好靚，適合用嚟打卡影相📸，小食用咗一大片海膽，味道好rich，睇吓墊住少少酸嘅日本壽司米同珊瑚形狀餅底🪸，都幾正呀Grilled aoba chicken wings 燒阿波美雞翼 🍗 $70即叫即笑嘅阿波味雞翼熱辣辣🔥，雞翼嘅外皮燒到少少脆又唔會太焦窿，時間控制得宜，裏面嘅雞肉好滑嫩，值得推介👍🏻Grilled okra 燒秋葵 $28呢個燒秋葵小食性價比好高，一碟4條嘅秋葵烤到香噴噴，免頭有少少木魚絲，輕輕嘅木魚香連埋滑口嘅秋葵確實幾好食Grilled fresh eel 燒鮮鰻魚

同朋友👱🏻‍♀️一齊喺旺角東，佢話想食日本🇯🇵料理，咁我即刻喺人肉電腦💻裏邊搜尋一下🤣，搵到呢間，記得幾好味又抵食，於是就嗱嗱聲帶朋友👱🏻‍♀️過去開餐😆$68「鮟鱇魚肝」：上枱嘅時候真係幾香，好少「鮟鱇魚肝」會咁香，又滑又 creamy，好正😋$88「火炙醋鯖魚」：鯖魚肉質鮮美，好似用醋輕輕漬過，火炙🔥一下更加甘香😋$33「芝士雞肉丸」：有溶咗嘅芝士🧀，有鹹香🤩$56「燒雞皮」：香口好食😋$48「日本南瓜天婦羅」：日本🇯🇵南瓜🎃味鮮甜，天婦羅脆漿薄薄哋夠輕身，所以鬆脆唔覺膩🤣$68「清酒煮蜆」：蜆肉脹卜卜好飽滿，用清酒煮🍶增添鮮甜味道🤩$48「燒鮮鰻魚」：新鮮、厚肉、好食🤩$98「雞湯烏冬」：烏冬幾煙韌，用雞湯煮簡單好食🤩$48「黑糖水信玄餅」：信玄餅透明亮晶晶，滑脫脫，甜甜哋幾好味🤩仲叫咗「西瓜汽水」同埋「烏龍茶」，凍冰冰，清新解渴😋

#旺角美食 #小蓮星呑食旺角🔻 小津居酒屋旺角梭椏道6B號榮英大廈地下/🧃關東煮 $76關東煮湯底偏向濃味，好正！叫左年糕福袋、炸豆腐、椰菜豚肉卷、蒟蒻，請三姐都超級傻湯汁，特別係椰菜豚肉卷，完全爆汁，年糕福袋嘅年糕好煙韌/🧃火炙醋靖魚 $88酸酸地，幾有風味，因為用火燒過，所以魚油好香，而且啖啖肉，無骨/🧃刺身 $103叫左三文鱼、油甘魚，厚切，好新鮮，食到食材嘅原味道🧃山椒燒BB鴿 $78第一次喺居酒屋食燒乳鴿，加咗山椒粉去到少，非常惹味，肉質仲係紅紅地，非常柔嫩/🧃海苔鱿魚 $68外面酥脆，有海苔香，入邊嘅魷魚煙煙韌韌，好適合送酒/🧃櫻花蝦燒飯團 $48超級推介，熱辣辣，用櫻花蝦同埋豉油燒過，好香，食落口仲外脆內軟/🧃生蠔 $78來自兵庫縣嘅生蠔，叫咗兩隻， 日本蠔出名唔腥，呢隻都冇令我失望/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

隱藏於何文田的誠意小店，每天都有不同飛機貨推介貝割魚刺身第一次聽的魚類，而且是飛機貨超級新鮮吃下去有點像池魚一樣，屬於比較瘦的魚類，口感非常彈牙，回甘有點魚油的香味他他的作法 - 加入了蔥後令魚的香味更加突出，口感也更豐富更有咬勁牛肋骨串燒牛肉塗上燒汁後非常惹味，牛肉肥瘦適中，肉質嫩滑牛肉味重，而且大大粒很抵食烤多春魚多春魚也是令人意外，魚身很多春，非常肥美飽滿。而且食材吃得出來很新鮮，完全沒有魚腥味，而且軟骨很幼細，完全吃不出來所以吃得很方便牛腸鍋第一次吃日式牛腸鍋我馬上陷入它的魅力了牛腸處理得很乾淨，而且吃下去中間微粉又彈牙的口感，加上牛肉的香味很好吃，而且不會吃下去一口油一定要配上韭菜，可以癖除一些腥味，而且甜甜的跟牛肉味很搭另外還有蘑菇、金菇、豆腐和野菜，也是非常清甜，跟牛腸很搭另外附有辣醬，大家可以因應自己的口味加入，非常貼心還有一個蛋黃大家可以攪拌後沾牛腸吃，肉質吃起來更順滑另外叫了烏冬，煮一煮至透明後就可以吃囉，麵粉香重又彈牙，不會過熟過黏很煙韌

【旺角隱世日本料理🍱小津居酒屋】-今日同大家介紹呢間旺角隱世日本料理【🏮小津居酒屋🏮】佢係旺角東站行10分鐘左右就到🚶🏻‍♀️餐廳嘅裝修幾別緻，有幅牆貼上了日本街景🇯🇵加埋仿日本古建築嘅設計，好似去咗日本嘅居酒居咁！食物選擇豐富，有機會要試吓～-😋柚子啫喱蕃茄沙律🥗 $48 +1呢個蕃茄沙律有驚喜😳蕃茄去咗衣切片😌食落清爽😝唔會有陣草青味同埋唔酸😙加埋柚子啫喱識落超香甜～好味指數：🌕🌕🌕🌕🌗-😋燒鱈魚干🐟$58+1鱈魚干食落鬆脆魚味濃郁😝可以點沙律醬食😛好食！好味指數：🌕🌕🌕🌕🌘-😋南蠻炸雞🍗 $78+1炸雞外皮酥脆，調味獨特😍小編好喜歡佢嘅蛋黃醬，有啲蛋白碎同埋芥末嘅辣味幾特別😉好味指數：🌕🌕🌕🌕🌘-😋西京燒銀鱈魚鮫 $138+1銀鱈魚鮫外皮烤得金黃焦香，食落鮮嫩多汁油香四溢😌甜甜地嘅燒汁發揮咗中和油膩感嘅作用🤩幾好味～好味指數：🌕🌕🌕🌕🌘-😋水母刺身 $98+1水母刺身晶瑩透亮，好彈牙爽脆，本身有少少醋，酸酸地好開胃😝好味指數：🌕🌕🌕🌕🌘-😋牛小排壽喜鍋🍲$138+1呢個受喜鍋整體都唔錯，洋蔥、金菇同埋娃娃菜吸收曬壽喜燒汁🧅好甜好好味😋牛肉肉質都軟嫩😖不過份量比較少同埋差咗壽喜燒嘅靈

小津居酒屋 好耐無去食居酒屋啦，試下呢間先，室內外裝潢都極具日本居酒屋情懷，飲酒食下串燒都幾正😉😉🔹鮟鱇魚肝 $68，又名海中肥鵝肝，鮟鱇魚肝口感滑嫩細滑、入口即化♥️♥️🔹燒味噌豬腸 $30，好入味兼易咬開，味噌味好出👍🏻👍🏻🔹汁燒安格斯牛肉串 $98，好香噴噴既燒牛味，聞到已經好正，燒得剛好火喉😍😍🔹海老天婦羅 $68，正常發揮，炸皮很脆😄😄🔹唐揚bb帆立貝 $68，這款不錯、加埋七味粉更加有風味👍🏻👍🏻🔹馬糞海胆和牛煲仔飯 $188，第一次食日式煲仔飯，又幾好味！馬糞海胆撈到飯和飯焦時很正，如果可以再多少少海胆會更佳☺️☺️🔹味醂魚乾 $68，飲酒不可或缺的小食，沾上沙拉醬加位日本酒、最佳配搭😋😋小津居酒屋 (旺角)地址：旺角梭椏道6B號榮英大廈地下

嚟到何文田附近唔知食乜，朋友介紹小津居酒屋也不錯，今日就入去一試如何。環境都啱同朋友傾下偈，chill 一chill😚，而且性價比算高。笠子魚刺身 $320新鮮的笠子魚搭配上醬油和芥末，味道鮮美。魚肉質地十分軟嫩，入口即化，👍三色漬物 $68有牛蒡、酸蕎頭和蒜頭三種不同口味，每一種都有獨特的味道，搭配上清爽的醋味，都幾開胃。燒雞肝 $33燒雞肝口感鮮嫩，好甘香。燒阿波尾雞翼 $35燒阿波尾雞翼則是外酥內嫩，搭配上醬汁更是美味。鍋燒牛油粟米 $88鍋燒牛油粟米的味道豐富，粟米好爽甜，佢嘅甜味和牛油的香氣融合在一起，讓人垂涎欲滴。和櫻花蝦燒飯團櫻花蝦燒飯團則是以燒飯混合櫻花蝦一齊燒，一口咬下去，米飯外脆內軟，搭配上櫻花蝦的鮮味，唔錯。點都要叫杯啤酒cheer下😆

🐠梭子刺身 $280小津居酒屋每日都會有唔同嘅飛機貨✈️新鮮即日到港，所以每日個板上面嘅menu都會唔同，叫咗條春夏季最岩食嘅梭子魚刺身，上台擺盤已經好有心機🤩第一次食梭子魚嘅刺生，之前一般都食開火炙🔥 梭子魚肉雪白，油脂唔會太豐厚，魚肉油分極少，刺身都係會連皮食，肉質比較清爽，幼嫩鮮甜👍🏻🥟煎芫茜餃 $48一碟有5隻都幾大隻，成碟都好綠😆咬開皮薄餡料豐富，仲煎到外皮脆脆地但仲保留到入面嘅肉汁💦芫茜味好濃郁，點埋個餃子跟埋嘅芫茜酸汁，芫茜控一定要試😋🐟西京燒銀鳕魚鮫 $128平時都係食開三文魚/油甘魚鮫，原來銀鳕魚鮫仲甘香🤤油脂極重，肉質超嫩滑又唔會散，連埋燒到脆脆地嘅魚皮煙煙韌韌，油香非常豐富👍🏻🍙櫻花蝦燒飯團 $48拎上手係熱辣辣辣手，好香櫻花蝦香味🦐外面燒到各面都好有飯焦香脆脆地又有咬口，米香加埋啖啖櫻花蝦仲有少少脆蘿蔔粒同飯素，多層次口感，包埋紫菜食夠晒香👍🏻🦈南蠻魔鬼魚塊 $78用魔鬼魚柳炸嘅魚肉特別滑😳 魚香亦比較重，外皮夠薄脆，咬開juicy, 配個南蠻沙律醬好夾🍺Highball $66Whisky x Tonic x 🍋檸檬汁，酸酸地有汽好解渴

數月不來旺角梭亞道，今天經過，發覺這家新開的日式居酒屋，喜歡試新餐廳的我當然不會錯過！店內裝潢簡單而優雅，木質家具和懸掛的燈籠營造出一種濃濃的日本風情。牆上的日本風景畫讓人感受到一股和風氛圍。首先上桌的是新鮮刺身：三文魚腩和油甘魚，都是厚切，份量不錯。油甘魚鮮甜爽脆，口感結實；三文魚腩肥美滑嫩，油香滿溢。搭配醬油和芥末，味道更為提升，讓人回味無窮。南蠻炸雞火候得宜。雞肉經過醃製，外皮炸得金黃酥脆，內裡肉質鮮嫩多汁。配日式蛋黃醬，更顯美味可口。阿波美雞翼也十分出色。醃製過的雞翼以炭火燒烤，散發出誘人的香氣。皮脆肉嫩，滿口喜悅。鮮鰻魚柳川鍋。鮮嫩的鰻魚肉搭配金菇、豆腐、青菜、洋蔥等豐富的蔬菜，配合在鍋內由生變熟的鮮雞蛋和甜甜的湯底。鮮香暖胃。赤海老汁海鮮沾麵的湯頭濃郁鮮美，有青口鮮蝦等多款海鮮。搭配炸脆的麵條，感覺特別。煎芫茜餃的餡料有肉碎、芫茜。外皮酥脆，內裡餡料亦甚鮮味。最後是山椒燒BB鴿；皮香肉嫩，口感極佳。山椒調味帶點輕微的麻辣感，開邊上亦能保留肉汁，令鮮味不減。因為要開車，只能以果汁佐菜；日本進口罐裝果汁，略解鄉愁。

❤️柚子啫喱蕃茄沙律日本嘅新鮮蕃茄size大 好鮮甜 加上柚子啫喱 酸酸甜甜 好開胃同清新❤️蜜柑鯛刺身新鮮空運到港 既鯛魚 蜜柑鯛的飼料中用上了蜜柑果皮 魚肉帶有橘香 食用時會散發出淡淡的蜜柑味而且沒有魚腥味 鯛魚本身味重 肉質紮實爽口 建議先食一嚿係唔點Wasabi嘅 原汁原味試吓佢嘅橘香味 真係同普通嘅鯛魚好唔同❤️串燒 牛舌 豬腸 牛舌用咗黑椒同鹽去調味，再去串燒 食落爽口 野味 配啤酒一流豬腸燒嘅時間啱啱好 皮脆鬆化 而豬腸嘅脂肪都唔算多 食落香口 ❤️阿波味雞翼呢個雞翼真係必點 雞全翼燒嘅時間啱啱好個皮好脆，而且雞肉嫩滑多汁，加上用咗少少鹽去調味，令肉質同埋個鮮味更上一層樓❤️南瓜天婦羅南瓜鬆脆 天婦羅嘅炸漿調校得啱啱好 唔會好厚亦唔會好薄 真係食過最好味嘅南瓜天婦羅❤️牛小排壽喜鍋 追加烏冬牛小排食得出係好新鮮，而且牛既雪花嘅比例都好一流 而壽喜燒鍋，包括有唔同嘅蔬菜有冬菇 金菇 王牙白 而且湯頭係正宗嘅壽喜燒汁，淥完牛肉個湯頭已經有牛肉既鮮同甜味 再追加一個烏冬落去一齊食 好嘢未 食多碗都仲得📍小津居酒屋 (旺角)旺角梭椏道6B號榮英大廈地下

【旺角•小津居酒屋 】————————————————————————何文田附近有唔少餐廳可以試吓，呢次食日本菜，有好幾款飛機魚選擇，餐廳性價比高。🍯｜皮剝｜HKD 320喜歡吃白身魚刺身🥰味道淡淡的，配上柚子汁食用，突出鮮味，肉質扎實。食用後，可以把魚頭炸或滾湯食用。🍯｜牛小排壽喜鍋｜HKD 138追加烏冬HKD35 最愛壽喜燒，甜甜的味道，配上基本嘅配料，娃娃菜和金菇。牛小排肉質嫩滑，有肉味。🍯｜炸枝豆春卷｜HKD 38特別菜式，配上蛋黃醬，香脆入味。🍯｜燒日本青椒仔｜HKD 33🍯｜燒秋葵｜HKD 28

#和風特色煲仔飯陪朋友帶毛孩去梭椏道做寵物美容 發現呢間新開嘅街坊居酒屋 午市賣定食 夜晚幫襯 可以優哉游哉 享受高CP值日式料理-🥠唐揚牛蒡條 $45🥠炸枝豆春卷 $38🥠雜錦天婦羅 $75先嚟一round炸物🤭 幼身枝豆春卷最有特色 天婦羅亦有水準 酥化可口 油膩油益味拜拜👋-🥘馬糞海膽和牛煲仔飯 $188改良蓋飯 變為風味日式煲仔飯 相當有驚喜‼️ 價錢實惠 因為有足料海膽同和牛片做材料 將海膽撈勻 再加啲甜鼓油 珍珠米變得味濃有咬口 底部飯焦大大塊 燶燶哋脆脆哋 食到舔舔脷😋-🥟煎芫荽餃 $48餃子大而皮薄 芫荽餡清鮮 滿口香草氣味-🐧山椒燒BB鴿 $55鴿肉幼嫩皮香脆 不過食唔到山椒味🤔-🍮黑糖水信玄餅 $38-🥃Highball $66🍺Suntory 生啤 $59-📍小津居酒屋旺角梭椏道6B號榮英大廈地下

今晚同朋友嚟咗何文田嘅小津居酒屋，餐廳裝潢簡約舒適，平日夜晚都座無虛席。食過就知點解，性價比都幾高👍🏼蜜柑鯛刺身🍣($98) - 一客三片，蜜柑鯛嘅味好特別，因為佢係用蜜柑去餵，所以魚肉會有少少果香味，比普通鯛魚更鮮甜😋魷魚bb串燒🦑($48) - 啲魷魚唔會太硬，bb仔一口一隻😁 加上醬汁，味道豐富。燒牛肋條🥩($98) - 牛肉燒得啱啱好，係medium rare程度，肉質香軟。燒雞皮餃子🥟($38) - 呢個我好鍾意，用雞皮包住菜肉做餃子，燒完外脆內軟。唐揚池魚仔🐟($58) - 炸得好鬆脆，送酒一流。青花椒炸三文魚頭🐠($98) - 炸三文魚頭成日見，不過呢味有fusion感覺，用左青花椒一齊炸，味道香辣開胃，有啲似川菜，幾特別。鮮鰻魚柳川鍋🍲($128) - 第一次食唔係蒲燒嘅鰻魚，鰻魚腍身有彈性，用甜豉油煮又幾清甜😋